:: أحزان قلبي :: للكاتبة موج الغرام ::

[ام عفاف الكويت]

هلا باعضاء احلى منتدى ... حبيت انقل لكم قصه للكاتبه القطريه الواعده ... (( موج الغرام )) ... واتمنى انها تعجبكم ...


نبدا الحين بأول جزء واذا عجبتكم القصه نكمل ..


©o.o©؛°¨¨" احزان قلبي "¨¨°؛©o.o©
للكاتبه القطريه :..
©o.o© موج الغرام ©o.o©







.. why u did that for me??.ايماااااا..
ساره قاعده بروحها في الغرفه اخوها وابوها هدوها في الفندق وتسمع دقات الباب
االا تسمع حد يطق الباب بالقوووووو..
ساره: لا ذي ناوي يكسر الباب علينا

راحت خذت الشيله وحطتها على راسها..تمشي لي الباب بخطى بطيييئه وخايفه وشوي وتفتح الباب وتشوف واحد سكران على طووول صكت الباب ومسكت قلبها ..منو ذي.شيبي ..
والريال يطق الباب ويقول:ايماااااا..حبيبتي..فجي الباب..
مسكينه ساره قلبها يرتجف من الخوف ماتدري شتسوي..لكن معليه يانيوف مخليني بروحي

نايف كان جاي وشايل اكياس في يده وشاف واحد عند باب حجرة اخته استغرب اكيد مضيع
نايف :can i help u??
الريال ما سمع ولا كلمه ...هذا شكله رايح فيها وكلمه:تبي شي..؟
ابي حبيبـــــــتي قولها تفج لي الباب .
ناااايف فتح عيونه مب مصدق لا يكون بس ساره.... بدون تفكير نايف قط الاكياس من يده و مسك الريال من كلر قميصه وقاله:شقلت ...؟
الريال وهو يترنح يمين ويسار: هدني لو سمحت..
نايف: لا انت شكلك ناوي على هوشه
صراخ نايف كل ماله ويعلى ليما وصل حق ساره والناس نصهم اطلعوا يشوفون شسالفه
ساره خلاص بتموت من الخوف..هذا نيوف اكيد شافه وعاد نيوف مايلاعب الله يعيني
راحت عند شنطتها قعدت ادور واتحوس ليما طلعت القرآن وقعدت تقرا وتدعي
قريب من ساره ليما الحين الهوشه ماخلصت ونايف مب راضي يهد الريال بعد ماسمع منه كلمة ((حبيبتي))
السيكيورتي وصلوا لهم لان الروم سيرفس بلغوهم ..جاو فرقوهم عن بعض واستسمحوا من نايف وخذوا الريال ودوه غرفته
....
نايف شل الاغراض ودش الغرفه..ساره في قلبها..الله يستر...الله يستر..وهي تضرب وجها بيدها..ستررررك ياااارررب
نايف بعصبيه:ولد اللذينه سكران الحمار ويقولي حبيبتي ..
وهو يحط الاكياس ع الطاوله كمل كلامه:...روح شوفها في الشارع يمكن تلقاها
ساره تكلمت:خير نايف شصاير..؟!!
نايف بعصبيه ونرفزه:ابد سلامتج مضيع حبيبته ويدور عليها زين اني ماذبحته ..
ساره : انزين ليش معصب
نايف: شلون ماتبيني اعصب
ساره نزلت راسها ..وفي قلبها..اي اكيد كل ماتعصب تقط حرتك علي
نايف.. شفيني انا بدال لا اونسها انكد عليها:..سويره حبيبتي لا يكون زعلتي..
ساره ترفع عيونها والحزن باين: لا عادي متعودين
نايف قعد احذاها وحط يده على جتفها: اسف حبيبتي
ابتسمت له برضى
نايف رد لها الابتسامه: فديتج يااغلى اخت بهالدنيا
------------------------------------------
اعرفكم على ساره ...انسانه حبووووبه وتحب الفرفشه بس ساعات تنقلب تصير هااااديه ومافي منها..وهي مشاعرها رقيقه وحساسه وكتومه في نفس الوقت ..لها 17 سنه..بتروح ثالث ثانوي ..جميله بس جمالها طبيعي وهادي عيونها بنيه و من كثافة رموشها يبينون مكحلين ..بيضه..شعرها اسود مموج طويل .. احلى شي فيها غمازتها ..
نايف : جاد شوي ويعصب بسرعه واللي يشوفه يقول مغرور بس مايدري ان داخله انسان متواضع وطيب وحنون ولو انه مغرور حبتين....اكبر من ساره بثلاث سنين ..ويشتغل في البترول ..طويل واسمراني وعيونه لونها كحلي على اسود
..
هم الحين في لندن ..لان ابهم فيه القلب ولازم يتعالج وهم تقريبا كل سنه يروحون لندن للفحوصات..ومنها سياحه..وامهم الله يرحمها توفت لما ساره كان لها 9 سنين ونايف 11 سنه..بسبب الخبيث..بعيد عنكم وعنا

..
راح الليل وطلع النهار..شقت سماء لندن خيوط ذهبيه..تنبئ سكانها بيوم جديد يملؤه السعادة والامل
..
نايف فتح الستاره على ساره وهي نايمه..وساره اتقلب تحس بضوووووء قوي..بس مافتحت عيونها لان جفونها مغمضين ولا راضيين يفتحون من التعب
نايف :سااااااااره..قووومي يالله...ساره ماردت عليه..
نايف وهو يصارخ:سارووووووووه قومي يالدبه بسج رقاد...ولا ردت
نايف شل عنها الفراش..عاد الحين ساره قامت ونقزت من السرير وخذت المخده..وضربت نيوووف ذاك الضرب ..
ساره وهي تضربه بالمخده :ايااااا النحيس..تخرب علي رقاااااادي ليش ها.؟؟.يعني اذا تبي ترقد(وهي تضربه)روووح ارقد من قابضك..
نايف وهو يتالم:آآآآي يالدفشه ذبحتيني
ساره : عشان اتعلم يالحمار ..
نايف وهو يبعدها عنه:ام كشه..وخررري عني..
بو نايف دش الغرفه:انتوووا شفيكم ..من صباح الله اتهاوشون..
ساره:يبا شوفه هو اللي بدى
نايف: لي متى ناويه ترقدين الشيخه من الساعه 12 لي 11 راااااقده
ساره:وانت شحاااارك
بو نايف:يبا عيب تكلمين اخوج جذي
ساره وهي تشوف نايف والشرار يتطاير من عيونها من الغضب :خله قبل يكلمني بادب واحترااام..
نايف ..ويه مادري من توه طايح فيني بالمخده..ويرد عليها:اسم الله عليج يالمحترمه
بو نايف :بسسسس عاد..مصختوهاااااااااا وانا جدامكم اتهاوشون صج ماتستحون ..
ساره باست راس ابوها .. وهي تحظن ابوها الغالي..تبي تراضيه:كل شي ولا زعل ابووووي فديت قلبه والله..
بو نايف:الله لا يحرمني منج حبيبتي..
نايف وهو حاط يده على خصره:وانا وين رحت.؟؟؟
بو نايف : وانت بعد مكانك في القلب
ساره: بس مب مثلي انا..انا الدلع لي..والحب لي
قاطعها نايف:جب جب زين..بدت دلوعة ابوها الحين..ساره طلعت لسانها له
بو نايف :شهالحركات تراكم خوان مالكم الا بعض..
نايف : هذي الدفشه اختي..؟؟..(وهو ياشر بيده وملامح ويهه تقول شايف قذاره)
ساره بغرور : يحصل لك ..
بو نايف بصوت واطي: مافي فايده..(يوجه كلامه حق ساره) .. روحي بغرفتي تريقي.
ساره قامت:انشاءالله
بو نايف يكلم عياله :ها يبا وين تبون تروحون اليوم..؟؟
نايف:اممم.. شرايكم نروح هايد بارك ..
بو نايف: انا موافق اهم شي راي حبيبت قلبي
ساره وهي بطريقها:على هواكم..

وهم طالعين من اللفت..شافوا واحد ياي صوبهم ساره وابوها ماعرفوا الريال..بو نايف قال هذا اكيد رفيج نايف بس ساره لاااااا..شافت هالويه من قبل وين..وين..؟؟..ونايف عرفه واول ماشافه ويهه تغلبت عليه ملامح الغضب ..هذا شيبي..امس ماذينا الله يعين اليوم شيبي منا..
نايف:ساره روحي مع ابوي قعدوا في اللوبي شربوا كوفي اي شي بس خذي ابوي..
ساره:ليش انشاءالله؟؟
نايف:انتي خذيه وانا اقولج بعدين..؟
ساره :زين
وعقب ثواني ....
الريال وهو يفكر في البنت اللي كانت عند نايف مب غريبه شايفها في مكان:السلام عليكم..
نايف:عليكم السلام..
الريال:نايف بن عبدالله؟؟
نايف: خير..؟؟؟!!!
الريال:معاك فيصل بن حمد..
نايف:..........
فيصل بخجل ومب عارف شيقول: اسف اخوي ع اللي سويته امس..اسمح لي اذيتك ماكنت في وعيي..
نايف بابتسامه ساخره:.............
فيصل:ادري ان اللي سويته غلط بس والله ما كنت حاس باللي اسويه..
نايف في قلبه..اكيد مب حاس انت اصلا ماشفت نفسك: حصل خير ..
فيصل ابتسم ونايف ويهه مثل ماكان ..بس كل اللي يبيه ضربه وحده تكسر له ضروسه..مايدري شلون طلعت منه((حصل خير))..
نايف ويبي ينهي الحوار اللي بينهم ولا ترى اعصابه بتفلت: في امان الله
فيصل: في امان الكريم وااااااسف مره ثانيه ..
ساره مراقبه الوضع تشوف عيون فيصل..خضر وشعره اسود..حشى ليتات مب عيون..شافته في مكااااااااان بس وووين عقلها مب راضي يذكرها..من شهر ولا اسبوع ..يمكن امس ايييييييييييه تذكرت امس ..الباب والسكران
والهوشه.. هذا هووو..بس شيبي من نايف ؟؟؟
ياهم نايف وهو سرحان وقعد احذا ابوه..ساره تبي تستفسرمن نايف:نيووووف؟؟
نايف انتبه : ها ساروووه..؟
ساره بغت تساله عن الريال بس تذكرت ان ابوهم مايدري بالسالفه وسكتت:ولا شي
بو نايف : يالله يبا .. سرينا..
ــــــــــــــــــــــــــــــــــــــــــــ
فيصل:شاب طيب وحبوب..طووويل وعريض بشرته حنطيه وشعره بني غااااامج وعيونه خضر..صح انهم ليتات((على قولة ساره))بس معطينه جاذبيه على وسامته..امه بريطانيه من جذي ملامحه بين الانجليز والخليجيين..عمره 23..من الثانويه وهو يدرس في لندن بين كل فتره وفتره يزور هله في الدوحه والحين يدرس في اوكسفورد.....





انتظروا الجزء الثاني ..


تحياتي ....:
ام عفاف
منتديات كويتيات مول

 

[حياتي معاناة]

مشكـــــورة
كــــــــــملـــــــــــي بلـــيـــــــــز .......
لوســــمــــحتي كمليـــــها بــــــــسرعة .......

 

[ام عفاف الكويت]

وحده ردت ولعيونج بكمل

الجزء الثااااني .....

في الهايد بارك
نايف وساره وبو محمد كانوا يمشون قريب البحيره اللي في الهايد ونايف كان ياكل الوز.. مستانس عليهم جنه ياهل..
ساره: يبااااا ولدك فضحنا..
بو محمد وهو يضحك: ههههه..خليه مستانس..
راحت عنه ساره وقعدت على الحشيش بين الاشجار الخضره العاليه الضخمه والجو اللي يرد الرووووح..
خذت نفس عمييييق ..ااااااااااااه ..في احد يقعد بهالمكان ومايكون مرتاح ..خاصه اللي الحزن ساكن فيهم ..مثلي..اللي يقعد بهالمكان ينسى الدنيااااا ومافيهااااااا..وسحبتها افكارها ليما اسرحت..
.
بو محمد قعد عندها وهي سرحااانه ومب حاسه في الدنيا من الجو اللي خدرها اللي يخلي الواحد يفكر ويتعمق في افكاره ولا يشبع..
بو محمد عرف ساره شتفكر فيه..من يوم وفاة امها الله يرحمها وهي على هالحال ماتبتسم واذا ابتسمت تكون ابتسامتها باهته واذا ضحكت يبين الحزن اكثر في ضحكتها الرقيقه..
نايف قعد على يسار ساره وهو يكلم ابوه: اااااااه..هذا الجو مب اللي عندنا
بو محمد: شفيه جونا مب عاجبك ..
نايف وهو يمثل الاعجاب : لا عاجبني وخااااصه الحراره اللي تخلي الواحد يحترق ويذوب شي عجييييب صراحه
بو محمد ضحك على نايف.. بس نايف ماسمع الضحكه الرقيقه ضحكة ساره..شافها سرحاااانه.. خلاها مع افكارها ورد يسولف مع ابوه


ساره كانت تفكر بهالناس اللي حولها وتشوفهم فرحانيين وتمنى لو تكون عندها ربع السعاده اللي عندهم..
وهي تدور عينها على الناس لصقت عيونها في ام كانت تلعب مع ولدها ..تفر عليه الطبق الطائر وهو يلقفه..
تحس انها مب من هالعالم..تحس انها غريبه عنه..اااااه يايما محتاجه لج ودي اشوف ابتسامتج اللي فقدتها من عشر سنين..مشتااااقه لج. .ولحناااانج.وهي تفكر. .شافت طيف الريال اللي شافته اليوم..وكان يبتسم لها بحناااان..هزت راسها عشان تبعده عن تفكيرها..رد لها مره ثانيه وهو يبتسم..هزت راسها ورد لهااااا بس هالمره مب هي اللي هزت راسها لا.....نايف نادها وابعد الريال عن تفكيرها..

نايف :ساره
ساره التفتت له :هلاااا
لي متى هالحزن في عيونج يا ساره وسالها : شفيج..؟؟
ساره:مافيني شي
نايف:انزين..تبين ايس كريم؟؟
ساره مالها نفس بس : اي
نايف يلتفت لابوه: وانت يبا ؟؟
بو محمد: انااا؟؟شنو..؟؟تبي تذبحني
نايف:هههههه لا يبا اقصد تبي شي؟؟
بو محمد يهز راسه بلا
وراحوا ياخذون لهم الايس كريم..وهو يمشون كل دقيقه نايف ينكت حق ساره بس عشان يطلعها من الجو اللي اهي فيه..

***************
فيصل في الغرفه متملل حده..يفرفر بالقنوات ماثبت على شي ولا لقى فلم حلو .. ..افففففف..متملل..زهقاااااان..ويوعاااان..انزل تحت ابرك لي من هالقعده
خذ مفتاح الغرفه وجواله ونظارته بس قبل لا يطلع شاف نفسه في المنظره وهو يعدل شعره يحس انه مبهدل :شفيني؟؟مب ناقصني شي ..مزيوووووون والشعر بني والعيون خضر..حلاتي والله ..ضحك على نفسه وطلع

**********

بو محمد وعياله ردوا من الحديقه .. وشافهم فيصل لما دخلوا ..مررره ثانيه هالبنت يااارب..وين.. وين شايفها؟؟مادري احس اني اعرفها ويشوفها وهي تمشي وسط الناس من مادخلت ليما وصلو عند اللفت
جنه مافي حد غيرها بس هي الموجوده ..جنها ملاك..نورها يغطي على اللي حولها..صعد اللفت..وهو عيونه ملزقين صوب اللفت..مررت دقيقه....دقيييقتين..وهو ليما الحين يشوف اللفت..
يكلم نفسه..هييييييه شفيك مب صاحي..ويهز راسه من هالنظرات


سااره من مادخلوا على طول شافته.. بس تجاهلته ولا كانه موجود ...ويا عيونه وسييييييم.لما وصل لهم اللفت شافت رفيجتها نازلها بالصدفه.سلمت عليها وعرفت منها رقم الغرفه عشان تزورها مايشبعون من بعض في المدرسه وهني بعد.....ردت مره ثانيه تفكر في الريال .. لين الحين ماعرفت شكان يبي من نايف ؟؟ افففف امووت واعرف شكااان يبي من نااايف..
نايف بعد شافه بس من يشوفه يعصب جنه بركان شوي وينفجر

ساره تبي تسال نايف عن الريال كانت مرتبكه وارتباكها واضح حاولت تكون عاديه بس ماقدرت..ليش اساله هو اصلا مايدري اني شفته واذا درى بينفجر البركان ..هونت وبدال لا تكلم نايف راحت ترتب ملابسها..


****************


ساره وبو محمد قاعدين في الصاله اثنينهم قعدوا من النوم بنفس الوقت..10 .. بو محمد كان يقرى قرااان والهدوووء عم في الصاله الا صوت بو محمد ...بو محمد يعرف يرتل القران ودوووووم هو وعيال اخوانه الصغار يقعدون مع بعض وهو يقرى وهم من بعده حتى بدا يحفظهم الجزء الثلاثين لانه سهل عليهم ويقدرون يحفظونه بسرعه ..

اما ساره كانت تبرد اظافرها..شوي تبردهم وشوي تسمع ابوها..

ساره:يباااا
بو محمد: صدق الله العظـــيم..(يلتفت لها)..هلا حبيبتي
ساااره: يبا..معليه اروح عند رفيجتي..؟؟
وقبل لا يتكلم قاطعته عشااان تبرر سبب روحتها..
ساره: متملله حدددي ماعندي شي اسويه ؟؟
بو محمد : عاشه ؟؟؟
ساره : اي
بو محمد وهو يبتسم: روحي يبا عادي..هم اي طابق؟؟

بدخلة نايف عليهم....ساره: التااااسع

نايف وعيونه يالله يالله يفتحهم: شنو التاااسع
بو محمد:عليييكم السلام والرحمة..
ساااره: صبااااااح النوووور
نايف راح باس راس ابوه..وعلى طول راح صوب الجاي وهو يصب له جاي..عاد السؤال مره ثانيه: شنووو التاااااسع ؟
ساره: نيوف بسالك سؤال ..انت غسلت ويهك ؟؟
بو محمد: ههههههههههه
ساره: شوف ويهك.. ولا تنسى شعرك عاااد اهم شي
نايف ..ياناااس توني قايم..وبعصبيه: اففف..يبا مالج خص..بتغثينااا من الصبح
ساره تموووت من الخوف لما نايف يعصب..: سوووري اخوووي والله سوووري
نايف يرفع حاجب وقالها بطرف خشمه : اي استعدلي



ساره قامت: يالله عيل انا برووح البس
نايف:على وين ؟؟
ساره : بروح عند رفيجتي
نايف: ووينهي رفيجتج ؟؟
ساره : تحت
نايف: ومع من بتروحين ؟؟
ساااااره تمللت منه: شنو مع من بروح ليش هي في المريخ ؟؟ وبعدين بتفتح معاي تحقيق؟؟
بو محمد : يانااايف خلها تروح لا تصدعون راسي..
نايف: روووحي روووحي الله معاج (بصوت واطي).. ع الاقل اتهنى دقيقه بدووون مااسمع صوتج
ساره راحت عنه ولا عطته ويه..


في الدوحــــه
دانه ونوره كانوا قاعدين في الصاله ..ودانه كانت تغني لراشد الماجد..مقطع من الهدايا بس بدون الحان..

دانه: راااااح وخلاني لحااالي شفتي ووويش سوى في حالي
نوره تسد اذونها من صوت دانه..مع انه كان حلو : وووع سكتي الله يخليج
دانه علت صوتها وكملت : خبرييييني ويش اسوي لو عششق قلبه سواااايا
نوره : تغنين حق من ؟؟
دانه : حق نفسي

نوره تكلم دانه : انتي مينونه؟؟
دانه: اصح منج
نوره: عيل ليش تغنين حق نفسج ؟؟
دانه تهددها: شوفي يالعله.. كلمه وحده وبالريموت على ويهج
نوره تقلدها: كلمه وحده وبالريموت على ويهج(ترد لصوتها الطبيعي ) وااااي يمه خرعتيني
دانه نفذت التهديد وفلعت الريموت بكل قوووتها على نوره
نوره تعورت شوي بس دلعهااا مغطي.. وبكل دلع : بروح اعلم امي
دانه بدون اهتمام: روحي اخاف منج
نوره وبنظررره كلها حقد: معليييه اما علمت عليج

وركضت نوره عند امها في المطبخ..امهم كانت تكلم الخدامه وتعلمها على طبخه..
نووره: يمااا روحي شوفي بنتج المينونه ضربتني من دون سبب
ام بدر: متاكده من دون سبب؟؟ ... ام بدر تعرف نوره شيطانه ومجرررمه
نوره وهي تتوسل امها: يماااا.. تكفيييين روحي هاوشيها..ضربتني.. وبالريموت..انا بنتج يما حرام؟؟
ام بدر وهي توخر نوره عنها: قوووومي عني

تدخل عليهم الاخت الثالثه ..
فجر: افففففف.. سنداره والله انتي ماتخلين الواحد يدرس
نوره: انتي شتبين؟؟ روحي كلي كتبج احسن لج
فجر: شعبالج طالعه عليج كل همي التلفزيون والاكل
نوره تكره هالاستهزاء اللي كل ماقالت شي حق فجووور ترد عليها بهالكلام: شوفي..انا اكبر منج.. لازم تحترميني ويا هالويه سامعه؟؟
فجر: خيررر؟؟اكبر مني شكثر؟؟خمس دقايق

ام بدر تكلم نوره: انتي هيييييي تبين اتهاوشين طلعي برع المطبخ وتهاوشي..(تكلم فجر)..وانتي حبيبتي روحي جابلي دروسج ولا التلفزيون
نوره: اناااا انطرد من المطبخ ..؟؟ (وهي تاشر على فجر)..وهذي تروح تجابل التلفزيون..ليييش كل هالعنصرريه؟؟
ام بدر كانت تناظر نوره بنظره ونوره فهمت يعني اذا ماسويتي اللي قلت لج عليه مابتشوفين خيررر
نوره تسحب فجر برا المطبخ

ويحليلها فجر المسكينه كانت ضحيه بين يد نوره لان نوره فنااانه في الضرب


ام بدر تصير مرت عم ساره..ودانه وفجر ونوره وبدر بنات عمها

داااانه: كبر ساره..حنطاويه وعيونها عسليه وشعرهااا قصير ناعم ..تحب الغشمره ..طيبه مع كل الناس الا اختها نوره..هذي عدوتهاااا..

نوره وفجر توووم ونوره اكبر من فجر بخمس دقايق لهم 11 سنه.. والثنتين لهم نفس الطول وشعرهم طويل وناااعم بس نوره بشرتها حنطيه على دانه وفجر بشرتها بييييضه ..وهم متناقضتين كل وحده في صوب..نوره ..تحب الهواش وماتحب الدراسه..وهوايتها ..السوالف مع ربعها في التلفون..مع انها صغيره ....امااا فجر..حبيبة اختها دانه
هاااديه وتحب الدراسه دايما من الاوائل عكس نوره

******************


في لـــندن....ساره اتصلت حق رفيجتها على اساس انها بتزورها
بو محمد كان يقرا الجريده
ساره وهي تصك سماعة التلفون: يبااااااا
بو محمد: عيوني
ساره: يبا شوفني..اوكي ولا ؟؟
بو محمد نزل الجريده واندهش من جمال بنته صج كانت روووعه ..ساره كانت كاشخه ولابسه جينز برمودا والتوب كان بادي ولا احلى احمر وتقريبا كان مزلط وكانت لابسه نعاله عاليه حمره بعد وكانت فاله شعرها المموج وحاطه ربطه ولونها احمر ومااااااكانت حاطه مكياج كل اللي كانت حاطته كحل داخل عينها وقلوس..

بو محمد: اللهم صلي وسلم على محمد .. شهالجمال ..
ساره : حلوه ؟؟
بو محمد: الا ملكة جمال ..وينها عنج اللي يسمونها ملكت جمال الا ملكت(.سبلان. ..)
ساره : ههههههه شدعوه يبا مب لهالدرجه ..
بو محمد: فديتج

وبنفس الوقت نايف كان بعد طالع وقبل لا يطلع مر على ابوه وشاف ساره هناك ..شنوووو حلوووه

نايف وهو داش عليهم : 50*****.. حفظتي الرقم ؟؟
ساره بغرووور: مااتشرف
نايف يشوفها من فوق لي تحت : يه يه يه شهالكشخه .. شنازل عليج ؟؟ محلووووووه اليوم
ساره : دومي حلوووووه
نايف : لاني متعووود عليج بريحة المطبخ
ساره مدة البوز : بريحة المطبخ ؟؟؟ مشكوووور والله..ايي منك اكثر
نايف : واااي فديت القمر..شدعوه عاد ..والله اتغشمر ..بس صراحه صج صج حلوووووووووه
ساره بغرور: من ذوووقك
نايف يشوفها بنضره كلها اعجاب : تبين اوصلج ؟؟
ساره : لا مشكووور
بو محمد : وصلها يبا بطريجك
نايف: سمعتي
ساره : لا نايف مايحتاي روح انت المكان اللي تبيه وانا ادل طريجي
نايف : لا والله اوصلج ( وهو يمد يده وينحني ) تفضلي امييير تي
ساره وهي تبتسم: يازينك لما تكون مادب
نايف رد لطبيعته : مادب من زمان يالله بسرعه اشوف لبسي عباتج لا تاخريني
ساره ..: انشاءالله
نايف : يالله يبا تامرنا بشي ؟؟
بو محمد : سلامتكم
ساره : باااااي يبا
بو محمد : في حفظ الله
نايف وصل ساره لي الطابق اللي كانت فيه رفيجتها وراح عنها
ساره طقت الباب .. محد فتح ..طقته مره ثانيه ....ابييييييه لا يكون طلعوا ..شلون اطلعوا؟؟ توني متصله لها وقالت مب طالعين
طقت الباب للمره الثالثه..انفتح الباب ..
ساره : السلام عليكم
عاشه: هلا وعليكم السلام ..(وهي تمد يدها لداخل الشقه) حياج
ساره : الله يحييج
عاشه وهي تسلم عليها : اخبارج ..علومج ..عساج طيبه؟؟
ساره: طيبه طاب حالج ..وانتي اخبارج ؟
عاشه : تمااام الحمدلله

دخلوا الصاله وام راشد كانت هناك ..
ام راشد : هلا والله بساره
ساره : هلا فيج خالتي
ام راشد : شلونج يما ؟؟
ساره : بخير الحمدلله
ام راشد : وشلون صحة ابوج ..واخوانج ؟؟
ساره : بخير خالتي يسلمون عليج
ام راشد : الله يسلمهم من الشر.. قعدي يما شفيج واقفه
ساره توها بتقعد الا عاشه ترفعها : يما بنروح غرفتي
ام راشد بابتسامه : روحوا
ساره: عن اذنج خالتي ..
ام راشد : اذنج معاج

وفي غرفة عاشه

عاشه : ياهلا وغلا حيا الله من يانا
ساره : هلا فيج حبيبتي
عاشه : تفضلي الغرفه غرفتج والسرير سريرج
ساره :هههههههه الله يسلمج
عاشه : متى وصلتوا ؟؟
ساره : اول امس
عاشه: حمدلله على سلامتكم
ساره: الله يسلمج حبيبتي
عاشه : فصخي العبايه ؟؟
ساره : لالا انا مرتاحه جذي
عاشه : زييين فصخيها خليني اشوف الكشخه والله اشم ريحتها
ساره : ههههههههه لازم يعني
عاشه باصرار : اي لاااااااااااازم
فصخت ساره العبايه وبينت الكشخه اللي قلت لكم عنها

عاشه : ماشاااءالله شهالكشخه ..اقري على نفسج عن انضلج ..هههههههههه..
ساره : قل اعوووووذ بررررب الفلق
عاشه : ماشاءالله ..لا الـــه الا اللـــــــه..مالت عليج حلووووووه
ساره بخجل : عيوووونج الحلووه
عاشه وهي تدقق في ساره : سارووووه
ساره: شفيج اطالعيني جذي ؟؟؟؟

عاشه : ليش ماقلتيلي انج بتكشخين عشان اكشخ انا بعد واغطيييي عليييج ..زين جذي ..صرت صفر ع الشمال
ساره : ههههههههههههههه بالعكس والله انج كاشخه حدج مادري على بالج من اللي بيييييج؟؟الا انا ..


وقعدوا يسولفون عن الدراسه والنسبه والمواد وطاحووووا حش في المدرسات هههههههه الله يعين المدرسات من لسانهم ..


عاشه كانت كاشخه بس مب كثر ساره ..ساره خبيررره في الكشخه وسوالفها.. وحتى نص ملابس دانه ساره اللي مختارتها لها...عاشه كانت لابسه جلابيه مغربيه وكانت جناااااان ..لونها اخضر ودرجاته والاصفر والجلابيه كان عليها ورود كبيررره..والكم كان مطرز على شكل ورود ذهبيه وكانت حاطه ربطه على شعرها والربطه كانت قطعتها نفس قطعت الجلابيه..وكانت حاطه قلوووس ذهبي..الاولى خليجيه والثانيه اوروبيه



نطير للدووووووووحه


دانه طقت جبدها لي متى تنتظر .. اذا ساروه ماتصلت لي انا اتصل لها وهي تاكل ظفر .......افففففف يعني شلون الحين ؟؟ وبعد تفكيييييير قررت انها اهي اللي تتصل لها بس وين بتروحين مني ياساروه

واتصلت لها
رنة تلفون ساره قطعت الحوار اللي كان بين ساره وعاشه
ساره : لحظه اشووف من
عاشه :لحظااات

ساره : الوووووووو
دانه : الوووو
ساره فرحانه واخيرا اتصلت لها : هلا وغلا .. وينج بنت عمي مالج حس.. ؟؟
دانه :.لا هلا ولا غلا
ساره طنشت حق الجمله اللي قالتها دانه
ساره : دنوووووو وحشتيني يالحماااره
دانه : صج ماتستحين ؟؟ وحشتج هاااا
ساره : انااااا ؟؟ ليش
دانه : مو انا بنت عمج الوحييييده اللي مالج غيرها اشوف افتكرتي فيني ولو لي وحشه جان اتصلتي من مانزلة الطياره
ساره : دانو.....
دانه قاطعتها ولا سمحت لها تقول شي : جب ولا كلمه قليييييله ادب ولا اتصلتي لما وصلتي ولا طمنتيني عن حالج سارووه نسيتينا ؟؟
ساره : شفييييج الله يهداج خذتيني بشراع وميداف تونا الله يهداج ماصار لنا يومين .(تغيرت نبرة صوتها). وبعدين على مااظن لازم انتي اللي تتصلين لي وتتحمدين لي على سلامتي والحين متصله تعاتبيني ؟؟
دانه : اذا انا ماتصلت ليش انتي ماتصلتي ؟؟
ساره نست هي وين قاعده وعاشه ماقالت شي خلتها على راحتها : وليش انتي ماتتصلين ؟؟
دانه وصوتها يقطع : كاا ا..ا انــ..ا اتصلت

وانقطع الارساااااااااااااااال ....

ساره : الوووووو ..الووووووووو دانوه ... وييييينج ؟؟
عاشه : شسالفه ؟؟
ساره : انقطع الارسال
عاشه : اهااااااا .. زين اتصلي لها مره ثانيه يمكن يعلق
ساره : تووولي زييييييين
ساره ..اوتعت .. كانت معصبه وهي تكلم دانه ونست نفسها : عوووش سوووووري حبيبتي ااااسفه على الازعاج.. والله ماحسيت بعمري
عاشه : شدعوووه ساره خذي راحتج



نايف رجع الفندق وصار له ساعتين من رد وساره صار لها اربع ساعات .. نايف كان بغرفته ويفكر شفيها ساره لي الحين ماردت ..بسطت الشيخه ..بس لي متى ؟؟؟ مايصير تقعد عند الناس اكثر من جذي ..والله خايف عليها..نايف صج كان خايف عليها حتى لو كانت عند رفيجتها ..مع انهم دايماااا يتهاوشون ..بس لو شنو ..هذي اخته الوحيييده

شاف الساعه كانت 5 العصر.. يبه مايصير جذي مصختها هذي .. خل اتصل على جوالها واقولها ترد .. خذ جواله اللي كان على الكوميدينو وظغط على رقم جوال ساره

ساره شافت الرقم : هذا نايف ..شيبي ؟؟ وردت عليه

ساره : هلا نايف
نايف: هلا ساره متى بتردين ؟؟
ساره : الحين بارد
نايف : اوكي انا ناطرج
ساره خافت: ليش شصاير ؟؟
نايف يتدلع عليها : ولا شي بس ولهت عليج وودي اسولف معاج
ساره :اف طيحت قلبي على بالي صاير شي .. يالله باي دقايق وانا عندك
نايف : لحظـه ... مع من بتردين ؟؟
ساره : بروحي
نايف : لا حبيبتي انا باخذج
ساره يات في بالها فكره : خلاص لا تاخذني برد مع رفجيتي لا تخاف
نايف : اوكي ...باي
ساره : بايات



عاشه رجعت للغرفه كانت رايحه اتييب حق ساره عصير ولا كيك ...
عاشه وهي تحط الكوكتيل على الطاوله : سوري على التاخيرررر
ساره : ليش متعبه نفسج انا الحين برد ..
عاشه وهي تحط يدها على خصرها : لا شنو تردين وانا اقعد مع من ؟؟ امي ورشود راحوا السوق ؟؟
ساره : افاااا عليج لا تخافين ... اممممم .. اتيين معاي فوق ؟؟؟؟
عاشه تسوي نفسها ماسمعت : نعم ؟؟؟
ساره : اتيين معاي ؟؟؟
عاشه : لالالالالا خليني هني بروحي احسن
ساره : لا عاد عووووش تكفين مااقدر اروح بروحي وبعدين انتي تقعدين بروحج ليش تعالي معاي نونس بعض ؟؟
عاشه :امممممم.. مادري
ساره : يالله عن المصاخه... قعدت تحن عليها ليما وافقت







عاشه وساره كانوا ينطرون اللفت يجي لهم .... ووصل لهم اللفت .... ويالييييييته ماوصل ....لا ن ساره شافته ..................................؟؟؟؟؟؟؟؟؟


Cut



انتظروا الجزء الثالث

 

[جهراويه قمر]

اكيد القصه حلوووه دام ام عفاف منزلتها فديتج ام عفوف كملي ناطريج

 

[حياتي معاناة]

لوسمـحت كمـــلي بســـرعة و نـزلي بارتات اكثر.. ماعاد اقدر استحمل اكثر:lkmnkl::lkmnkl:

 

[ام عفاف الكويت]

دشوااا ساره وعاشه اللفت ساره لما دشت اللفت كانت عيونها بالارض...واول مارفعتها شااااافته...هو...بعد هنـــــي..ليش ياربي ليييييش...التفتت حق مفتاح اللفت اللي يودي حق الطوابق ...شافت طابق 15 مولع ..هذا طابقهم ..من طابقه 15 ..وهي تفكرر بغبااااء ..ويييه حمدلله والشكر علي ..يعني من غيره ..؟؟؟ صج ذكييييه

فيصل زحم لهالبنتين ووقف في الزاويه.. عاشه وساره كانوا واقفين على يساره بس بعاد ...هالبنت مررره ثانيه شافها..قصدي للمره الررررابعه ولين الحين عقله مب راضي يذكررره من هذي ...بس هو نسى سالفة من هذي وانها شايفها ..و......و......و اشيا ثانيه ...نسى كل شي هالمره هي مب بعيده مثل كل مره لااا هالمره هي قررريبه...ويقدر يشوف ملامحها ..ماشال عينه منها ابد..حلوووووه..عيونها اللي كانوا بالارض ولا خشمها ولا خدووودها اللي بدووا يحمرووووون ..
ساره..كانت حاسه بعيونه تراقبها بس مارفعت راسها كااااانت متوترررره من قلب ..تخاااف يوصلون للطابق ونيوووووووف يشوفها الا نيوف هذا مسويلها ررررعب..رفعت عيونها ..وتلاقت عيونها بعيوون فيصل ..فيصل ابتسم لها بحنااااان نفس الابتسامه اللي شافتها تقترب منها لما كانوا بالهااايد.. تووترت اكثررر وحست باحساس غريب شي بقلبها اول مررره تحس فيه..حمرررت خدودها..ونزلت عيونها
واول مانزلت عيونها فيصل اوتعى رفع عيونه للصقف..يدور بهم في اللفت المهم مايحطهم مره ثانيه بعيونها شفييييني مينون مب شايف بنت حلووه في حياتي ..؟؟ صج مااستحي لا وهذا معانا وحده شبتقول عني الحين مغاااازلجي ؟؟؟؟

وعاااااشه مسكينه زي الاطرش في الزفه تشوووف هذا يبتسم وذيييج مستحيه ماتدري شسالفه بس كانت حاطه في بالها انه ريال عادي مثل كل الرياييل اول مايشوفون بنت حلوووه مثل ساره يستخفون...

هذااااا كله صار بينهم في ثووواني بس عقب صار شي ...صار اهتزاز في اللفت..وعقب الاهتزاااز تسكرت ليتات اللفت..اول ماوصل اللفت للطابق على طول طاااااح بهم لي الطابق 10 ...تخيلوووا خمس طوابق ...ساااره مسكت بالحديده اللي كانت وراها وعااشه بالمثل ..بس فيصل مسك نفسه ولما زادت الاهتزازات مسك بالحديده...اللي وراه
ساره وعاشه ميتيييين من الخوف اول مره يمرون بموقف مثل هالموقف..عاشه عبالها انها ماتت وادفنوها وساره مسكينه في بالها انها في العنايه المركزززه

عاشه كانت مغمضه عيونها..فتحتهم ..شافت نفسها صاحيه..الحمدلله..ماصار فيها شي عااشه.. والخوف باين بصوتها ...وهي تهمس حق ساره : سارووه..شصار؟؟
ساره بقلبها..شصار بعد..زلزااال مثلا..قالت لها وصوتها يررتجف: مادري والله

فيصل تدخل عشان يهدي الوضع..وبصووت رجالي قوي : معلي اكيد صار عطل باللفتات دقيقه ويرد كل شي مثل ماكان

ساره ارتجف قلبها اول ماسمعت صووته ماتدري من الخوف ولا من الظلام اللي حل عليهم باللفت ولا من شنو ؟؟
فيصل مانطر ضغط على الازره اللي تشير حق الشخص اذا وقف اللفت يضغط عليه ..ضغط عليه وماصار شي ..حاول مره ثانيه..ماصار شي ..لا حوووول هذا وقته شسوي الحين مافي غير اني اتصل فيهم

واتصل وهذا الحوار اللي كان بينه وبين الريال
(( hi ..what th problem?? Aha ..ok .. thanx ))

فيصل يوجه كلامه حق البنتين وهو يبتسم بس ابتسامته ماكانت تبين في الظلام : خلاص انحلت المشكله

ثوااني و تفتحت الليتات وصعد بهم اللفت ...ووصلوا للطابق.. فيصل ماطلع قبلهم نطرهم اهم يطلعون..احتراما ..ساره قبل لا تطلع وهي تبتسم له بامتناان بس عيووونها بالارض ..وبصوتها الناعم..: مشكوووووور اخووووي
فيصل : لا شكر على واجب
وطلع هو من وراهم وراح غرفته ..وساره وعاشه دشوا الشقه

عاشه : افففف والله قلبي طاااح اول ماااطاح فينا اللفت
ساره : ......................
عاشه : تدرين عاد ال..(انتبهت لها انها مب معاها).. ساره اكلمج ؟؟؟؟
ساره : ها..هلا
عاشه : وين سرحتي ؟؟؟؟
ساره : قريب ...
عاشه : امممممم ابوج واخوانج هني ؟؟
ساره : ابوي مادري والله واخواني ..محمد مايا معانا..وناايف؟؟ بشووفه لحظه ؟؟
عاشه : تييييييت
عاشه قعدت تنطرها بالصاله وساره راحت غرفة ابوها

طق طق طق..طق طق
ساره وصوتها مختلط بطقات الباب: يباااااااا
بو محمد : .....
ساره : يباااااا
ابوها مارد عليها ..فتحت الباب ..لقت الليات مصكره ..بنور الممر الخفيف اعرفت انه نايم ..صكرت الباب بشويش عشان لا يحس ابوها وطلعت ...مرت بغرفة نايف لقت الباب مفتوح دشت مالقته اكيييد طلع

ساره راحت حق عاشه اللي كانت تنطرها
سااره : خذي راااحتج ابووي راقد ونيوف مب هني
عاشه : ياااحظج قاااعده بهالهدوووء اللي مافي منه ومرتاااحه..مب انا ااايه علي الازعاج يوصل اخر شقه بالطابق
ساره : ههههههههههههه عندنا وعندج خير انا بعد نيوف مب مقصر معاي
عاشه : من صجج ؟؟ هذا كبير وجذي ؟؟؟
ساره : كبيررر؟؟ حرااااام عليييييج اخوي فديته توه صغيييير..لا يغرج
عاشه : انزين سارووه..اخاف امي وصلت وقاعده تحاتيني ؟؟؟
ساره : اتصلي بشقتكم وشوفي يمكن وصلت
عاشه : اوكي ...راحت صوب التلفون واتصلت ..
ترررن تررررن ترررررن

راشد : الوووووووو
عاشه : هلا رشود وصلتوا ؟؟؟
راشد : لا ماوصلنا تصدقين عاد
عاشه: هيهيهيهيهي ملييييغ
راشد : طالع عليج ...وبعدين تعالي وينج انتي ؟؟؟امي تحاتيج ..تخاف خطفوج ولا شي ؟؟؟
عاشه وهي تتذكر اللي صار لهم : شدعووه خطفوني وين قاعدين بس صاااارت لي مغامرات اليوم
راشد بحماس : شمغامراته ؟؟؟
عاشه..شقلت انا : ها.. لا ولا شي ..رشود انا يايتكم ..باااي
راشد : تعـــ....ماكمل كلامه وصكت بويهه الخط


عاشه : اوكي عيل اخليج اناااااا
ساره : وين تو الناس ..قعدي..
عاشه : امي اوصلت ساروووه والله مااقدر
ساره : معلي...اتصلي لها وقولي لها انج بتعشين وياي ؟؟؟
عاشه : لا عاااد سارووه تكفين مابي اتاخر ..مره ثانيه انشاءالله
ساره : برااااحتج
ساره وهي توصلها للباب : لا تنسين .. كل ماحسيتي انج متملله ولا شي اتصلي فيني وانا عندج
عاشه : اوكي..بس سااااره
ساره : بس شنوووو ؟؟
عاشه: ارد بروووحي ؟؟؟
ساره : ليييش تخافين ؟؟؟؟؟عاااشه كانت متورتره ومن صوتها يبين انها خايفه
عاشه : لاااا مب قصدي ...بس ..اي خاااااايفه وابيج اتييين معاي مثل مانا يييت معاج
ساره : عوووش والله مالي خلق نيوف وهواشه اذا رد ومالقاني
عاشه : والله خايفه يصير شي
ساره : امج ؟؟؟؟؟(وهي تضيج فتحة عيونها)ولا اللفت ؟؟؟؟؟
عاشه : يافاااهمتني.. اللفت اكييييد ..ساروووه تكفين ردي معاي
ساره : عووش حبيبتي ردي ولا تخافين مابصير شي انشاءالله
عاشه : يعني مابتيييييين
ساره : لا
عاشه : خلاص على راحتج
ساره وهي تفتح لها الباب : بااااي عمري تحملي بعمررررج
عاشه وهي تبستم لها : انشاءالله .. هذا اذا رديت وانا صاحيه
ساره : ههههههههه مابصير شي شفيج ؟؟؟
عاشه : .............
ساره : اتصلي فيني اول ماتوصلين وطمنيني عليج
عاشه : تتطنزين ويا هالويه
ساره : ههههههههه مادري عنج
عاشه : اوكي خلاص بتصل ..باااااي
ساره : الله معاج


************
صووووب فيصل ..كان منسدح ع السرير ويطالع الصقف ...باله مب راضي يرتاح الا لما يذكره من هذي ؟؟؟؟
اممممممممم وين شايفها..في الفندق ..بس وين ... ومتى ؟؟؟؟؟ ايييييييه ذي....ذ....ذيج البنت.. فتح عيووووونه ونقز من السرير ..ذيج اللي صادني اخوها عند بابهم..يالفضييييييييحه وانا ناسي كل شي صج ثووور..وهذا كله.. بسبة..بسبة .بسبــ ...حتى اسمها مب راضي لسانه ينطقه ...الحقيرررره..ماتستاهل حبي لها ولا لحظه من الساعات اللي ضيعتهم وانا افكر فيها واطلع معاها ...ومن الابتسامه اللي كانت بويهه كل مايتذكر شكل ساره الملائكي...تحولت الابتسامه لنظارات احتقاااار فيها شوي من الحزن والندم


تتذكرون ايماااا ؟؟؟ هذي هي ...اللي ماتستاهل حب فيصل ..ايمااااا حبها فيصل..وعزها..ورزها.. ايما كانت بنت عاديه
انجليزيه..درس معاها فيصل بالجامعه..وكانت كل ماصعب عليها شي بالدراسه راحت حق فيصل وهو يفهمها ومايقصر معاهاا
البنت ماعجبها انها تروح له بس اذا مافهمت شي ؟؟ لاااااا كانت تبي اكثر ...تقربت له بكل الطرق ليما خلت فيصل ينجذب لها ومع الايام حبها لانها كانت في عيونه انسانه بسيطه رقيقه..طيبه..متواضعه..ولانها كانت حبيبته وكان مستعد يسوي اي شي عشانها..كان يصرف عليها مويصرف عليها ..كان يعطيها مصروف..تسوي فيه اللي تبيه ..حبهااااا وقرر انه يتزوجها
وكل مايبي يفتح معاها موضوع الزواج تتهرب وتتعذر..تغيرت صارت مب مثل قبل اللي كانت ميته عليه وتتمنى قربه ويوم يطلب القرب تبتعد..استغرب اكيد صاير شي ..واستفسر عن هالشي من رفيجه..قاله عن ايما انها شافت لها واحد غيره وانها ماتحبه وبس كانت تطمع بفلوسه وكانت تبيه يرزها ..وبس ..وتغيرت صورتها بعيونه تشوهت..صارت قبيحه..خسيسه..انسانه ماتستاهل ذره اهتمام وتقدير..وبالمجتمع اللي اهو عايش فيه وسط الانجليز وثلاثة ارباع ربعه كانوا اجنبيين مالقى جدامه غير الخمر.علشان جذي هو شرب وسوى اللي سواه
وباللي سواه شافها..الملاك..ســـــــــــــــاره

**********
نايف كان قاعد بالبلكونه اللي بغرفته ومن الجو البارد كان لابس جاكيت تقول جنه واحد من الاسكيمو..مايتحمل البروووده مثل الشياب تكسر عظااامه..هههههههههه..مادري وين قاعد في القطب الشمالي؟؟؟اممممم مادري اتصل في محمد ولا شلون..حراام اخوي مامكلمه من اسبوعين واحشني ياخوويا..خل اكلمه ادري بيقعد يقهرني ويعايرني بمصر..

واتصل فيه..عقب ثلاث رنات رد عليه

نايف: السلااام عليييكم
محمد : هلا وعليييكم السلام ياهلا باخووياااا حبيب البي..ازيك؟؟
نايف وهو يضحك : ياهلا فيك بو جااااسم..
محمد : وينك ياريال ولا تتصل ولا شي ولا جني اخوك الوحييد ؟؟
نايف : اخوي الوحيد ؟؟وانا بعد اخووك الوحيييد الصغييير انت اللي لازم تسال عني
محمد: ماااعلينا..المهم والاهم..شخبارك عساك بخيرر ؟؟
نايف : بخير يعلك الخير ..وانت شلونك ؟؟
محمد : ابيضـــــاني..
نايف : هيهيهيههيي خفيف دم والله
محمد : نعم ؟؟؟ انا تمام ولله الحمد
نايف : وشخبار الربع
محمد : كلهم تمام ..ويسلمون عليك بدر عندي..تبي تكلمه ؟؟
نايف : اي بس مو قبل لا اسالك..شخبارك مع ام الدنيا ؟؟
محمد : عااال العااال وينك عن ام الدنيا وعيالها؟؟؟
نايف : ههههههههههههههه
محمد يكمل : والاهرامات والمطاعم والسهرات والدواره ؟؟؟؟
نايف : شابي فيهم ؟؟(نايف مايحب هالسوالف هو مب متدين بس مايداني هالسوالف) انا عندي البرررررد اللي تحلم فيه كل يوم..وعندي الشقرر واللي عيونهم خضرر (يبي يقهره ولا هو مسكين عيونه بالارض )
محمد : اوووه وانت ماتقصر ؟؟؟ماتحب تضيع عيونك ؟؟
نايف : لا اسم الله علي من هالسوالف انا مااحب الا ديني واعرف ربي ..الا اقووول عطني بدوور
محمد يستعبط .. ويسوي نفسه ماسمع نايف : يه..نايف..من وين اييب لك بندول؟؟
نايف : يالسخيف ..(يعلي صوته) عطني بدووووووووور
محمد..وهو يبعد سماعة الجوال..اذني ياريال اذني : انشاااءالله اعطيك بدوور وطوايف بدور
نايف : سررررع
محمد : لحظه...

وعفب لحظاااات ...

بدر : ياهلا وغلا بولد العم..اخبارك ؟ شمسوي؟؟ عساك مرتاح ..انشاءالله مستانس ؟؟؟
نايف : خف علينا..شوي شوي
بدر ببطئ : شخبــارك ؟؟
نايف : تمام نسال عنكم ؟؟
بدر: احنا بخير ومانشكي باس
نايف: بدووور شتسوي ؟؟؟
بدر كان يدخن ومن صوته يبين : هااا .. شسوي بعد ؟؟ولا شي ..قاعد
نايف : واللي بشفايفك؟؟؟
بدر: شنو بشافيفي ؟؟
نايف مثل المحقق اللي يوجه التهمه للمجرم : تدخن يالحمار.. ؟
بدر متدوده ويسوي نفسه برئ : شنو ؟؟ لا يكون قاعد وياي وانا مادري ..(يدور حوله )
نايف : يالغبي..انا ناااايف افهمها ياحبيبي..يعني بذمتك ماتدخن هاللحظه ؟؟؟
بدر تعب خلاص كاشفه كاشفه : اي ادخن
نايف: يايبا مب زين..صحتك راح تضعف وشهيتك بتنسد..غير هذا اذا تعلقت في التدخين من الحين مابتقدر تهده لانك كل ماتعصب وتهيييج بتلجأ للسجاير ودخانها السام عشان تخفف من عصبيتك ..ياخي ابتعد قد ماتقدر عن التدخين..واهتم بصحتك وشبابك.. الله يبعد شر الامراض اللي اتيي من السجاير ...

ومن ماسمع بدر المحاضره اللي قالها له نايف قط السجاره..بس قال حق نايف كلام غير عن اللي سواه : مشكوووووور يانايف على النصايح اللي تدخل من هني وتطلع من هنااااك ..
نايف : والله انا مالي خص اذا صار فيك شي ولا شي لا سمح الله بتندم صدقني بتندم وفي ذيج الساااع بتقول ياليتني سمعت كلامك يانااايف
بدر بلا مبالاه : امممم ..بحاول انشاءالله..

نايف: اوكي عيل اخليك الحين ..
بدر : اوكي..سلم على عمي سلامن كثيييير
نايف : يبلغ انشاءالله..تحمل بعمرررك يابدر
بدر : وانت بعد
نايف : مع السلامه
بدر : الله يسلمك

محمد عمره 24 وبدر كبره..دايما يحبون يطلعوون مع بعض ..كل شي يسوونه مع بعض ولا واحد منهم يسوي شي الا ويستشير الثاني ..محمد يحب الغشمره بس بدر مايحبها..ومحمد نسخه من ابوه طويل ضعيف ..بشرته بيضه مثل ساره..عيونه وسااااع ومكحلين ودوووم بلحيته كامله بس خفيفه مايحب يغير ..اما بدر مب طويل..متوسط طوله حنطي ..ومب ضعيف ولا متين يعني وزنه مناسب مع طوله عيونه مثل اخته..عسليه ..

اااااااه..مايحسون بعمرهم شكبرهم ولا يهتمون بصحتهم ..الاااا ويسمع صوت ساره يناديه نايف يقول بقلبه ويتنهد..

ساره : نيووووووف
نايف وهو طالع من البلكونه : هلااا..
ساره مستغربه : نايف ..شلابس ؟؟
يشوف نفسه : شلابس..؟
ساره : لا يكووون نزل ثلج
نايف : هههههههههههه لا بس بردان
ساره بابتسامه : زين تعال ابوي يبيك

نايف راح للصاله وشاف ابوه قاعد ويشرب الجاي...وقعد احذاه .

نايف: ها بو محمد بغيت شي ؟؟
بو محمد وهو يدور عيونه على نايف..هو بعد مستغرب من اللي لابسه : اي ...لا تنسى الموعد اليوم ؟؟
نايف : مانسيته ..
بو محمد : وينهي اختك ؟؟
بنفس الوقت ساره دشت الصاله ..ساره : من طراني ؟؟
بو محمد : ساره ماتبين تدورين اليوم
ساره مستااانسه حدها : اكيييييد يبا ابي ادووور ..مابي اخيس هني
بو محمد وهو يحط استكانة الجاي على الطاوله اللي جدامه : يالله عيل انا بروح اتجهز
ساره من الوناسه راحت باست راس ابوهااا : وااااي يبا..فديتك واخيرا افتكرت فيني
بو محمد : هههههههههه وانا من لي غيرج عشان انساج
نايف بصوووت واطي ماينسمع : اوهووو بدينا..اشتغل الشريط
ساره : شقلت ؟؟؟؟
نايف وهو يحوس بشفايفه : ولا شي ..

بو محمد راح عنهم وخلاهم بالصاله


ساره راحت قعدت عند اخوها وحطت راسها على جتفه : نيووووف حبيبي شفيك ؟؟؟
نايف من يسمع ابوه يدلع ساره وينساه يتضايق هو ناقص حنان؟؟.. بروحه انحرم من حناان امه ..حط يده على راسها وبدا يمسح : مافيني شي ..انتي شفيج اليوم ...غير عن كل يوم ؟؟؟
ساره : شلون يعني ؟؟
نايف يكلمها وهو يتذكر شكلها امس لما كانت راقده : مستانسه !!
ساره وهي تبستم اهي صج مستانسه وفرحانه وودها تطييير لانها بدت تتعرف على العالم..وبداية خروجها من اللي كانت فيه .. وبابتسامه مشرقه وقلب متفائل..قالت لاخوها : مستانسه لان ابوي بيطلعنا ؟؟
نايف..يالعياره وامس ليش كنتي تبتسمين مينووونه : امممم اكيد ؟؟؟؟
ساره وهي تحوط يدها بظهره : اكيييد يا بــابـــا
نايف يسوي نفسه معصب..مايبي يبين انه تاثر من باابااا لانه صج يقوم بدور البااابااا : يااا شنوووووو ؟؟
ساره : هههههههههه يااحلـــى بااااااباااااا
نايف : جب زين لا الحين احذفج من الدريشه ...
ساره وهي تغايضه : ههههههههه واهووووون
نايف : والله العظيم..(هني ساره فتحت عيونها ..والله العظيم اهووون؟؟)..مااااااااتهووونين
وابتسمت الشيخه ...نايف : قووومي عني ذبحتيني
ساره : افااااا انا ذبحتك من متني ؟؟
نايف : لا والله بس بروح البس وان ماجهزتي عقب عشر دقايق انسي شي اسمه طلعه ....عاد ساره انقزت ماااصدقت حد يطلعها يجي هذا ويقولها تنسى!!.....
ساره : انشاااااااءالله خمس دقايق وانا عند الباب ...
نايف : هههههههههه اعرف اهدد

*************

فيييصل في هالوقت كان في اللوبي كااااشخ والعطر ينشم من بعد ميييل والحاله حاله..كل هالتكشخ حق منو مايدري؟؟
بس هو اليوم منعنش ومصحصح ووده يطلع ويستااانس ويمكن وده يشوووف الامل ..


بو محمد وعياله نزلوا على اساس انهم بيطلعون ..وراح بو محمد يسال الريسبشن عن الاسواق اللي عندهم هوو يعرف اسواقهم بس يبي يغير هالمره ..ساره ونايف راحوا ينطروونه في الكافيه ..وهنااااك كان فيصل قاعد ..
والله يعين فيصل على اللي شافه..كانت سااره هالمره حلوووه غير عن كل مره يشوفها.. هالمره ويهها منووور واللي يشوفها يدري انها مستانسه بمجرد النظر!!... كانت ماحاطه مكياج وكانت بالعبايه كالعاده ماترتاح اذا فصختها متعوده عليها ..كانت تشوف الناس والابتسامه تنرسم على شفاتها والامل بعيونهاااا..

فيييصل كان يشوفها وسرحااان فيها ..وسااره شافته ولا طافتها نظراته لها اللي كانت مسببه لها توتر..وتزاايد في نبضات قلبها..كانت تحس ان قلبها بيطلع من ظلوعها..مثل نبضات الطفل لما ينولد تكون نبضات قلبه سريعه وهي نفس الشي نبضاتها سريعه..لانها انولدت من جديد وشافت العالم وطلعت من الظلام اللي كانت عايشه فيه..مثل المولود لما يكون في رحم امه عايش بالظلام بس من يطلع للعالم يشوف النور..
(نكمل..) ولا طافتها كشخته ..ولا طافتها نظرات البنات الخليجيات له كل ماتمر وحده تقط عليه نظره ولا اللي تمر وتبتسم ..بس فييصل ماحس فيهم ولا بالدنيا لانه ظااايع فيها ..

فيصل كان كاااشخ بشكل..كان لا بس بنطلون برموده بيج ونعاله بيج فيها حبال بنيه على شكل اكسات.. وكان لا بس بدي..نص كم كحلي وعليه كلام باللون الابيض.. مع ان الجو كان بارد شوي الا ان فيصل متعود ع البراد ..وكان حاط نظارته العاكس على راسه ..وبوسامته كملت الكشخه..على عكس نايف اللي كان لابس جاكيت صوفي اسود وتحته بدي ابيض وبنطلون اسود ..والثاني بعد كان حلووووو..

رد لهم بو محمد وطلعوا من الفندق (شقق فندقيه ) وفيصل لانه كان سرحان في الامل ولما قامت قام معاها ولما مشت مشى وراها بس لما طلعت ماطلع ...رد مكانه مايدري شيسوي ظااايع يااااااااناس ...بس قعد ينطر ويعد الثواني ليما ترجع ..


***********

في مصر وبالتحديد في القاهره..

..كان محمد قاعد في الصاله ومجابل التلفزيون وسلة الفواكه اللي جدامه مترووووسه فواكه ...فيتامينات..أ..بي..سي.....كل شي موجود وبدر كان بغرفته ...رن جوال بدر ومحمد مارد..رن الجوال مره ثانيه ومحمد خلاه يرن ليماااا تصدع من رناته ورد..

محمد وهو معصب شوي من رنات الجوال : الوووووووووو
الطرف الثاني : .....................
محمد : الووووووووووووووو
الطرف الثاني : ...................
محمد مافيه صبر ان ماردوا ..الخط بويهم : بتردوووووووون ولا شلووووووووون
الطرف الثاني : اخـ..ا..اخوي من جواله ذي ؟؟؟؟
محمد سمع صووووت انثوي.. وعدل صوته..: هلا اختي..هذا جوال بدر
الطرف الثاني : ممكن اكلمه ؟؟
محمد رفع حاجب ..بعد.. صج ماتستحين تبييين تكلمييينه..بس اللي قاله لها عكس اللي في خاطره : اي لحظه

وراح يناديه...محمد فتح الباب على بدر وماكان مبين الا راسه

محمد : بدر تلفووووون..
بدر كان يمشط شعره : شفيييك ناط علي بلا احم ولا دستور
محمد : شدعوه عاد وانا كل يوم مادش عليك الا واطق الباب ( تذكر البنت ) بدوووور تلفوووون يبوووونك
بدر : من ؟؟؟؟
محمد وهو يتذكر صوتها : وحده..تبيك ع الجوال
بدر مااااصدق وحــده تبيه ولااا متصله فيييه خصوصي ..طلع من غرفته وهو يوخر محمد عن الباب..ومحمد وراه..على طول راح الصاله وخذ جواله

بدر وهو مستانس : الوووووووو
الطرف الثاني : الوووووين
بدر صاااااده احباط من سمع صوتها..هذي دانووه اخته..بس بيكمل المسرحيه جدام محمد : هلااااا والله بهالحس
دانه : هلا فيييك بدووووور وحشتني
بدر ويمثل الحب : وانتي اكثرررر يابعد قلبي
دانه : شخبارك شمسوي ؟؟؟
بدر : انا بخير دامني سمعت هالحس الله لاااا يحرمني منه
دانه..شفيه هذا ين..: بدووور شفيك ؟؟؟ (وتذكرت الريال اللي رد عليها..وبعصبيه بسيطه ) وبعدين مرره ثانيه لا تقط جوالك
بدر : ليش حياااتي والله لو دريت انج بتعصبين علي هالكثر ماهديته ثانيه
دانه : حمدلله والشكر ..بدووور ينيت ؟؟
بدر مايقدررر يستحمل اكثر ان قعد مع محمد بنفس المكان بتخترب التمثيليه وراح غرفته وصكر الباب وراه

بدر : هاااا دانووووه حبيبتي اخبااااااارج علوووومج ؟؟؟
دانه : تمام الله يسلمك..بدر فيك شي ؟؟
بدر : ههههههههه ولا شي ماعليج..المهم شخبارج بعد وشخبار امي وكارثة العالم والمثقفه ؟؟
دانه : بخيييير..اقول بدووور .. شريت لي شي ؟؟؟
بدر : صوووغتج في الحفظ والصون..
دانه وهي متاكده من ذوق اخوها ..اكيد شنطه ماركه ولا نظاااره ولا احلى : شنهي ؟؟؟؟
بدر وهو يحطمها : غير جلابيات كرداااسه مااافي ..هههههههههههههههههههههه
دانه : رووووح زين ..خلها لك
بدر : افاااا ..ولا تزعلييين ..الجلابيات حق امي ونوروووو والاشيا الحلوه والراقيه لج وفجوووور
دانه : بنشوووف ؟؟
بدر : اي بتشوووفين ...الا وينهي امي ؟؟
دانه : امي عندي تبي تكلمك..مسكينه هي اللي خلتني اتصل فيك.. بس انا كلمتك قبلها
بدر : بعد عمرررري امي فديتها...قوووومي انجلعي وعطيني امي

دانه عطت السماعه حق امها ..ام بدر : هلا يمااااا بدر
بدر : هلا وغلا عااش من سمع هالصووت
ام بدر : عاشت ايامك ياوليدي.. شلونك يما..والله ولهاااااانه عليك
بدر: بخير الله يسلمج مب ناقصني الا شوفتج..وانتي يما اخبارج؟؟
ام بدر : الحمدلله على كل حال
بدر : وينه ابوووي ؟؟؟
ام بدر : ابوووك الحين بالدوام
بدر : الله يهداه ابوووي شكبره ويشتغل
ام بدر : تدري بعد من خذ التقاعد وهو ماعنده لا شغل ولا مشغله ..مايحب القعده..يتملل وروحه تطفر لازم يشتغل
بدر : ادري فيه..الا شخباار نورووو وفجووور
ام بدر : على عادتهم هذي تحر ذيج وذيج تقهر هذي
بدر : والهواش مستمر..كله من الكااارثه نورووو ماتيوز
ام بدر : ذبحوني هاليهال والله..يالله يما مااطول عليك
بدر : اووكي يما سلمي على ابووووووي وقوليله يهتم بصحته..يالله يما تامريني على شي ؟؟؟
ام بدر : سلامتك يما ..ماوصيك..خذ بالك على نفسك وعلى ولد عمك
بدر : لا توصين حرريص..في امان الله
ام بدر : الله يحفظك ..

*********

في السوق..ساره خمت السوق كل شي في خاطرها خذته ولا ارتاحت كل ماتمسك شي نايف يعلق ويملغ.. يا ذي مب حلو ولا لما يشوف التوب وين والبوتوم وين يقول..شهالتنااااسق ولا ذي لونه مب لايق على بشرتج .. ذبحهااااااا..ساره شرت شنطتين وحده شانيل ووحده قوتشي حق دانه وبعد شرت اشيا حق نوره وفجر مره وحده..ونايف شرا له ملابس رياضيه وكل ماياخذ له شي ياخذ حق محمد بعد..<<<< كريـــم


بو محمد ونايف نزلوا ساره الفندق وراحوا الموعد..فحص لبو محمد..

ساره تبي توصل للشقه بس شكلها مب واصله الا بعد مليون سنه..مسكينه خمسين كيس في يدها وين تلحق تشل ذي ولا ذاك..وبطريقها اصطدمت بحد وطاااحت الاكياس كلهاااا..


اااااااسف اختي سمحيلي

رفعت عيونها تشوف.. وتلاقت عيونها بالعيووون الخضر..لاااااا عاااد بعد.. ياااربي ليش وين ماروح القاه..ليييش؟؟..وتوترررت ماتدري تحس بالفرحه ولا بالخووف ولا الخجل من اللي صار .. دنعت علشان تاخذ اللي طاح وقبل لا تندع نزل فيصل ولم الاكياس وعطاها

فيصل : تفضلي
ساره ميته من المستحى : مشكووور
فيصل : العفوووو ..سمحيلي اختي
ساره : مسموح...

وراحت عنه ..وهو واقف يشوف زولها وهو يبتعد.. ويبتسم ..كان بيطلع بس رد غرفته .. خلاص ماله نفس يطلع ..وليش يطلع دامها موجوده؟؟..فيصل كان بينزل وينطرها لانهم تاخروا ثلاث ساعات وهو قعد ساعه في اللوبي ينطرهم ومارجعو فراح غرفته وقال بينزل مره ثانيه..وهووو الغلطان هو اللي كان سرحان ويلعب بالمفتاح كله امـــل ينزل ويلقاها..ماوتعى ولقاها جدامه..استااانس وحس بفرحة كبيييره وده يصااارخ باعلى صوته ويقول..انا مستااااانس..فرحاااااان..سعييييييييد يا عالم.. يسوي اي شي المهم يعبر عن فرحته..

**********

ساره من دشت الشقه قطت الاكياس ع الكرسي اللي بالصاله وطااااارت غرفتها واول مادشت غرفتها..قامت تنقز على السرير مثل اليهاااال وهي تضحك من الوناسه..وبدت تتكلم وتقول بصوت واطي.. ونااسه.. وشوي وعلى الصوت وصار صوتها مسموع وقالت.. وناااااااســـه ياااربي..وعلت صوتها ع الاخير وصار صراااخ..مب مصدقه انها شافته ماتدري ليش من شافته فرحت وقلبها كان يرجف وجسمها كله يرتعش..انبطحت ع السرير والابتسامه العريضه مرسومه على شفايفها..وهي تلم بين احضانها دبدوووبها الابيض اللي ماتقدر تعيش من دووونه ...وفجاه رن التلفون..قلبهاااااا طاح نست الوناسه والشعور الغريب اللي كان يداعب قلبها..وحل مكانه الرعب والخوووف..لا يكون نيووف شافني معاااه...واذا شافني الموعد شصار فيه؟؟؟ لالا مااظن ..هالنايف مخرعهاااااا..وراحت ردت على التلفون

قعدت ع الكرسي ورفعت السماعه..وبصوت متوتر : الووووووووو
عاشه : السلام عليكم
ساره طلعت منها زفره....اشوووه : عليكم السلام..هلا عووووش
عاشه : شخبااارج ؟؟
ساره وبصوووت كله فرح : انا تماااااام التمااااام..المهم انتي اخبارج ..اوووه تعالي..الحمدلله على السلامه
عاشه : الله يسلمج حبيبتي
ساره : الحمدلله ماصار شي
عاشه : الحمدلله..اني رجعت ساااالــمه غااااانمـــه صاااالــحه وحمممده وعاااائشــــه
ساره :هههههههههه رجعتي وعيايز الفريج معااااج
عاشه : ههههههههههههههههههه جب
ساره : ههههههههههههههه..امممممم وين رحتي اليوم ؟؟
عاشه : طلعتنا خالتي غدتنا ودورتنا ورجعتنا .. وانتي ؟؟
ساره : رحت السوق..شريت لي ملابس وصوووغ حق دانووه وخواتها
عاشه : اهاااااااا..مسكينه دندوووه هالسنه ماسافرت
ساره : اي والله تلقينها الحين من الملل طاقه راسها بعشرررين طوووفه
عاشه : ههههههههههههههههههه
ساره : ههههههههههههههه..اوكي عيل اخليج بروح ابدل ملابسي
عاشه : اووووكي عمري..اشوفج على خير
ساره : انشاءالله..


راحت تبدل ملابسها..ولما فتحت الكبت عشان تاخذ لها بيجامه..شافت صورة امها..كانت ملصقتها داخل الكبت..خذت الصوره وقعدت تتامل بويه امها..هي نست ويه امها بس هالصوره اللي تذكرها فيه .. بس اهي مانست اللحظات اللي قضتهم بحضن امها وقعدت تتذكر وتشوووف شريط الذكريات يمر جدامهاااا..فااض الحزن في قلبها ورجعت لها همووووم قد نستها او تناااستها..تجمعت الدموع بعيونها عشان تواسيها..وصااحت بهدووء ..بس الدمووع تدفقت بسرعه من عيونها و الحزن هاااج بصدرها وطلعت شهقه قويه منها .. وكل ذره بجسمها كانت تبكي معاها ..كل شي بالغرفه..السرير, المنظره . الكبت, كل جماااااد كان يواسيها ويودع الم ذكرى الام الحنووون .. الدموع اللي كانت تنزل بدون توقف..كانت تودع الحزن اللي كانت ساره عايشه فيه ...وبالتالي كانت ترحب بامل جـــديـــد في صفحه جديده من حياة ســــــــــاره .....










Cut




انتظروا الجزء الرابع ...

 

[ام عفاف الكويت]

نايف وهو يفتح باب الشقه لابوه : تفضل يبا
بو محمد : دام فضلك..
نايف : شفيك يبا؟؟؟
بو محمد كان يكح طول الطريق والحين بدت تزيد الكحه عليه : كح..كح كح ..مافيني شي ياولدي..
نايف بخوف : اييب لك ماي ؟؟؟
بو محمد وهو يكح : ل..لا..كح كح
نايف راح المطبخ وياب لابوه قلاص ماي ...

نايف : هاك يبا
بو محمد شرب الماي وشوي خفة عليه الكحه

نايف : يبه شفيك ؟؟ من متى وانت تكح جذي ؟؟
بو محمد : لا تستهم..عادي يبا متعود.. شوي وتروح عني الكحه
نايف بخوووف : يبا مب مسالة عاده..انت تعبان يايبا قولي شفيييييك ؟؟
بو محمد يخاف ساره تسمعهم وتخاف وبعدين بتقعد تصيييح وحاله : ياانااايف .. قلت لك مافيني شي
نايف يسال ابوه وهو يلح عليه : يبااااا قولي شفيك تراني ولدك ..قولي يا يبا..انا اعرفك تهمل نفسك ليما يكبر الشي..
بو محمد يبي ينهي الموضوع : انا بروح انام
بس نايف مايبي ينهيه : يبااااا
بو محمد وقف بس مالف ويهه عطى ظهره لنايف : نعم
نايف : يبا انا صار لي فتره الاحظ عليك التعب.. مب اليوم بس .. يبا تكفى اي شي تحس فيه ويتعبك قولي.. عشان تروح المستشفى وتهتم بصحتك بدل لا تطنش لهاااا

بو محمد مارد وراح غرفته

طلعت ساره من غرفتها..وشافت نايف قاعد في الصاله..وهو سرحااان

ساره : هلا نيووووووف مابغيتوا ترجعون
نايف التفت حق ساره وشاااف عيونها حمر...شفيها هذي الثاانيه عيونها حمر..: شنسوي ..تدرين بعد فحوصات
ساره : ابوي بحجرته؟؟
نايف : اي..بس لا تروحين له
ساره استغربت : ليش ؟؟شسالفه ؟؟
نايف مايبي يخليها تشك : ولا شي ..بس هو قالي انه بينام
ساره حست بنغزه فقلبها..شفيه ابوي : تو الناس على النوم ..
نايف يحك راسه..شتبين توصلين له بالضبط يالعله ماحب لفج ودورانج : يااااااختي شسوي هو يبي ينام ؟؟ كرفتيه من الصبح دواره
ساره فتحت عيونها : انااااا؟؟ حرااام عليك.. اللي يسمعك مايقول انك بعد درت
نايف يبي يصكر ع الموضوع راسه مصدع من اليوم.. كان طويل قايم من وهل..وبعدين راحوا السوق وعقب راح المستشفى مع ابوه والحين هذي : سروووي فديتج تعشيتي ؟؟؟
ساره وهي تبتسم له : اي حبيبي تعشيت
نايف : انزين عيل..(يتثاوب).. ماعليج امر قومي حطي لي العشا ميت من اليوع..
ساره : انشاءالله يااخووووي العزيز

ابتسم لها..وهي راحت اتييب له العشا..

**********

في القـــاهـــــره

محمد فيه فضوووول ميت يبي يعرف من اللي كلمها بدر اليوم.. يعرف بدر ماعنده سوالف التلفون وهالخرابيط..يمكن تكون اخته ؟؟ اخته يقولها كلام حب !! مالت علي خل اروح اساله قبل لا اين وانا افكر ..

بدر كان في المطبخ يسويله باستا..دش عليه محمد..

محمد شم ريحه حلوووه اكيد اكله ولا الذ من يد بدر متعود ياكل من يده.. لولا بدر جان مات : شهالريحه الحلووووه.. شمسوي لنا اليوم شيف بدر ؟؟
بدر : لنا ؟؟ لا حبيبي انا مسوي لي بروحي.. انت اليوم طفحت لين ماقلت بس
محمد : بل عليييييك ...يبي يساله من البنيه اللي كلمها بس هو شدخله من هذي ماله خص؟؟ بس الفضووول ذابحه
محمد بتردد : امم..بدووور ممكن سؤال فضولي ؟؟
بدر وهو يقلب الباستا بطريقه عجيييبه جنه صج شيف : فضولي شنو بعد ؟؟
محمد : هه...بدر..ممكن يعني ..ان امكن..اني اعرف( نطر شوي وكمل ) من..البنت اللي كنت ..تكلمها ؟؟؟
بدر بغى يضحك بس مسك نفسه وسوى نفسه معصب..وقعد يطالع محمد بنظرات : ليش تسال ؟؟
محمد..بارتباااك وااااضح : بـ..بس جذي..فضووول
بدر ماااااسك نفسه يخااف يضحك..على شكل محمد المسكييين : ترى اللقافه شينه
محمد : رووووح ياريال..من بتكون يعني مثلا..نيكووول كيدمان؟؟؟
بدر وهو يحط الباستا في صحن ..وابتسم حق محمد وقاله : ياليييت بس لا..
محمد : من ؟؟؟؟
بدر وابتسااامه عريضه على ويهه والله يخاف ينفضح : زوووووجتي
محمد بقق عيووونه شنو زوجته : خير خير خير ؟؟؟؟
بدر طلع من المطبخ وبيده الباستا : مثل ماسمعت زووووجتي
محمد : شلون تزوجتها ؟؟؟
بدر : عرفي
محمد وبعصبيه : واناااااا اخر من يعلم ..زين يابدووور..وقام عنه
بدر قام له :ههههههههههههه.. حمووووود يالثور تعااال ..
محمد : وخررررر عني... وراح غرفته
بدر : ههههههههههههه تعال زين خل افهمك
محمد : مابيني وبينك اي تفاهم.( قلب مصري ).سبني..بأوووولك سبنييي يااااراجل.. ابعد عني
بدر لحق محمد لين باب غرفته : ههههههههههههه الله ازاي كده ..مش افهمك بالاول
محمد من صجه زعل : روووووح زين ...وصكر الباب بويه بدر
بدر من ورى الباب : حموووووود يالغبي .. اطلع ابي اكلمك
محمد : .................
..اففففف..شسويت اناااا؟؟ لعبه سخيييفه..شلون اراضيه الحين
بدر وهو يطق الباب على محمد بالقوووووو..بدر : حموووود وصمخ افتح الباب احسن لك وخلني اشرررح لك
محمد فتح له الباب بس خلى فتحه صغيييره مفتووحه..: شتبي ؟؟؟؟؟
بدر بابتسامه : حياك...ماتبي تاكل ؟؟؟

محمد صك الباب بويهه مره ثانيه بس هالمره بقوووه هزت العماره..ههههههههههههههه حمااااااار .. انا اراويه مايبي يفهم خلاص كيفه بس بقوله شي عشان ارتااااح واريح قلبي..وفتح الباب فجأه على محمد وقاله ..

بدر : محمد تدري من هي ؟؟؟؟
محمد رفع له حاجب ...بس بدر قاله من هي

بدر وهو يبتسم : اختي !!!!!!!!!.....وطلع

محمد مب مصدق شلوووون هذي اخته..هي مابتكون زوجته شي من سابع المستحيلات بس اخته ؟؟؟ ويكلمها جذي؟؟؟ غرييييبه..اخته !!! من اخته؟؟؟ اووووه تعال نسيت اخته تصييير لي بنت عمي..الف الحمدلله والشكر علي..اكيد دانه..لان التوم صغار ..بس هذي يبين من صوتها انها بين 16 و 18 مب اكثر ؟؟؟وانا شعلي من عمرهاااا واسمهااااا...لا علي بنت عمي وكيفي..لا شنو يبا مالي خص فيها...لا والله لي..اوهووووووو..يبااااا ووووووولي زييين ..

وطلع من غرفته راح قعد مع بدر وبدر فهمه السالفه واعتذر له بس حمووود وسخافته ماسامحه الا عقب حننه ورنننه..

***********

ساره : هني وعافيه..
نايف : الله يعافيج..(قام على حيله)انا بروح انام وانتي بعد كلنا تعبانين اليوم..روحي ارتاحي
ساره : اوكي ..
نايف شل الاكل ووداه المطبخ ورجع بيروح غرفته..بس ساره نادته
ساره : نااااايف ...
نايف التفت لها : عيوووووني
ساره : تسلم عيونك...نايف..شفيه ابوي ؟؟؟
نايف تغيرت ملامحه : مافيه الا العافيه
ساره : بس احساسي يقولي انه فيه شي ؟؟
نايف : خااانج احساسج..ابوي الحمدلله بخير وعافيه..ولا تعبين نفسج وتفكرين بهالاشيا..
ساره هزت راسها..نايف : تصبحين على خير
ساره : وانت من اهله .... وهي بعد لحقته وراحت غرفتها


ساره منبطحه على سريرها وكانت تقرا لها صفحتين من القرآن..وكانت الغرفه مظلمه بس اللي كان منورها نور الابجوره الخفيف اللي يسمح لها بالقرايه..خلصت وحطت القرآن على الكوميدينو وطفت الابجوره..وفجأه ابتسمت وتوسعت ابتسامتها..لانها تذكرت ويه الريال واللي صار باللفت امس.. واليوم لما دعمته ومشاعرها اللي ماتدري من وين طلعت ولييييش طلعت..كانت تحس بفرحه وعقب ماودعت ذكرى امها رد لها الحزن بس الحين لا..رجعت تحس بالفرحه تسري بعروقها والامل ينبض بقلبها..يمكن اليوم بدى ينتهي وراح يبتدي يوم جديد.. بس هاليوم الجديد من يدري وش مخبي لها؟؟؟

********
في الدوووووحــــــــــه

دانه وامها قاعدين بالصاله وحاطين قناة اقرأ..كانوا حاطين برنامج ديني..ام بدر ودانه كانوا يكسرون حب ويشربون جاي حمر..ودانه ماكانت مع البرنامج كانت سرحانه..بذاك الصوت اللي سمعته..الصوت مب غريب يذكرها بصوت عمها بو محمد ..في تشابه اصوات..وسالت امها سؤال كان يدور في بالها ويبي له جواب..

دانه : يماااااا..
ام بدر : ................
دانه : يمااااااااا سمعيني
ام بدر : نعم يماااا شفيج تصارخين قطعتي علي حبل افكاري..
دانه : يماا..ا(بتردد) ..اا..أ..متى بيرجع بدووور؟؟
ام بدر : مادري والله..هو قالي لما يشبعون ربعه بيرد مايقدر يهدهم..
دانه : اهاااا..هو مسافر مع ربعه بس ؟؟؟؟
ام بدر التفتت حق دانه وقالت لها بابتسامه : وولد عمج
دانه..شفيها اطالعني جذي ..: امممممممم..حمود ؟؟؟
ام بدر : استحي..شنو حمود اصغر عيالج..قولي محمـــد
دانه..فديت امي والله وصلت لي الاجابه : محمــــد ..هو ؟؟؟
ام بدر : اي (وضيقت فتحة عيونها )..ليش تسالين ؟؟؟
دانه وهي تدور اجابه : لاااا بس جذي..اسال..يعني رايح بروحه ولا مع ربعه ولا شي..بس!!!
ام بدر : زين يمااا..تابعي معاي البرنامج عشان تستفيدين..وانتي سااااكته..
دانه : هههههههههههههه..انشاااءالله على امرج

********

الساعه 4:20 ....الفجر

فيصل كان نايم..بس فجأه فتح عيونه على وسعهم..لانه سمع منبه الساعه..هذي الساعه امه معطته من سنه لما كان في الدوحه والساعه لما ترن بدال الرنه ينسمع صوت مؤذن ياذن..ومن يوم ماعطته امه الساعه والساعه ترن على نفس الوقت اللي اول يوم كان حاط الوقت يرن عليه..ولا يقوم ولا يحس في الساعه بس اليوم قام!! اول مارنت قام وماتكيسل ورقد.. بالعكس راح توضأ وصل له ركعتين وقعد يدعي ربه..شي غريب !! شمعنى اليوم قام وطول السنه ماقام؟؟ شمعنى اليوم تذكر ان في شي اسمه صلاه والايام اللي طافت كان ناسي؟؟

وهو يطوي السجاده اللي كانت بشنطته وعفنت وخاست من سنه..رن جواله..4 ونص من متصل هالحزه؟؟ لايكون الحين اربع ونص العصر وانا مادري؟؟؟

فيصل : الوووووووووو
مبارك( رفيج فيصل في الجامعه بس متديييين مع ذلك رفيييج فيصل..وهو الحين في قطر) : صبااااح الخييير
فيصل : هلا والله مبارك صباح النور والسرور
مبارك : اخبارك..؟؟؟
فيصل : بخير الحمدلله ..والاخبار من صوبك ؟؟؟
مبارك : بخير يعلك الخير بس عاد شمقعدك من فير الله؟؟ انشاءالله بس هالقومه فيها خير..
فيصل : ههههههههههههه وانت شله متصل من فير الله ؟؟؟
مبارك انحرج مسكين : ياااااخي احرااااج..كنت متاكد انك قاعد فقلت اتصل..بس صج والله فص فص شمقعدك؟؟
فيصل : الصلاه..
مبارك منصدم : لالا مااااصدق؟؟صج والله فص فص؟؟؟ الصلاه؟؟؟ يااااخي مااحب الغشمرررره
فيصل براااحه عجيبه تسري فيه : اي والله برووووووك..انا خلاص تبت الى الله
مبارك مب مصدق هذا اللي كان يقوله قوم صل يقوله رووح زييين..شي غريييب : شنو تبت ؟؟؟ من متى..
فيصل : من اليوووم..الله يخلي المنبه اللي قومني من اللي كنت فيه وصليت..الحمدلله
مبارك : انشاااءالله دوووووم وكل يووووم والله يغفر لك اللي ضيعته
فيصل : الله يسمع منك
مبارك ( يتثاوب ) : اووووووكي عيل بس حبيت اسلم عليك
فيصل : الله يسلمك حبيبي
مبارك : مااطول عليك..نشوووفك في الدوحه
فيصل : انشاءالله..مع السلامه
مبارك : الله يسلمك ..

صك فيصل عن مبارك وراااح تغلغص في السرير ودفن نفسه في السرير.. ميييييت يبي يرقد..بس فرحان لانه بدى يوم جديد ..وهاليوم يمكن يكون فاتحة خير علي..وانشاااءالله ياربي يكوون هاليوم حلووووووو مثل امس واللي قبله..

**********

نايف : صبحك الله بالخير يباااا..(وباس راسه)..
بو محمد : صبحك الله بالنور ..
نايف : شلونك يبا انشاءالله بخير ؟؟؟
بو محمد : بخير مثل ماانت شايف وانت يبا شاصبحت اليوم ؟؟؟
نايف ..لا بالله مب شايف..شايف تعب ومرض..بس ساروه هني مب قايل شي : بخير وعافيه..(يكلم ساره )..بعد قلبييييي ساره صبي لي جاي..
ساره حاسه بشي بين نايف وابوها بس مايبون يقولون لها عن هالشي لكن لااا..وقالت لاخوها وهي تبتسم : بعد جبديييييييييييي والله اخوي ..
نايف يعرف شفيها ..: ههههههههههههههههههه..
ساره ..وهي تعطي نايف كوب الجاي : اوااااااامر ثانيه ..
نايف يشوفها بنظره..مسكينه احترقت بس خلها ملقوفه واذا عرفت شسالفه بتقول ليش قلتولي ياليتني ماعرفت..: تسلميييييين بعــد قلبيييييي والله
ساره : ههههههههه الله يسلمك بــعد جبدييييييي..
نايف : هههههههههههههه
بو محمد : يه..شفيكم اتناغزون..شصاير ؟؟؟
نايف : هاااا..سلامتك يبا ولا شي ( يحاول يرقع ) تعرف ساره ملقوووفه وسخيييييفه ودلوووووعه واللي براسها لازم تسويه ..
ساره..: جب يالملييييييييغ لا اطلع اخطائك السبعه
بو محمد : يه ..شفيكم يايبا من الصبح..ذكرووووا الله
ساره ونايف :لا الـــه الا اللـــه
بو محمد : ها سااااره شمشاريعج اليوم
ساااره : ههههههههه شمشاريعه يبا؟؟؟ تدري خاطري اروح travelger square
بو محمد : صار.. اللي تبينه يبا
نااايف : وانا ماااالي راي
ساااره وهي تترجى نايف : لا عاااااد نيوف ادري فيك ماتحب هالمكان بس تكفى..ابي ارسم الحماااام تكفى عاد
نايف : زين ماما لا تصيحيييييين عاد

********


في الــ ترافيرقير سكوير(هذي ساحه كلها حمام وفيها نافوره في الوسط ولا احلى) ساره هدت نايف وابوها وراحت قعدت على الكرسي..طلعت الورقه و الفحم والمحايه والقلم اللي كانت يايبته معاها لانها تمووووووت في الرسم والبيت كله مليان برسوماتها ..وفي كل غرفه في البيت في لوووحه لها اهي راسمتها..وعندها غرفه في البيت مخصصه لها يعني (مرسم ) لها بس ..عشااااان جذي هم ياايين اليوم هالساحه ..لان الشيخه في خاطرها ترسم الحمام.. وبدت تحدد وترسم وتفنن وتطلع ابداعها في هالجو الحلو نست كل شي بس كانت تشوف الحمام وهو يشمي وترسمه كانها تطبعه صج.. من اللي تشوفه على طول كوبي في الورقه وهي ترسمه شافت رجلين ريال واقف عند الحمام رفعت راسها وشافته!! قلبها قام يطق يطق بصوووره عجيبه وكانت خاااايفه.. ويدها ترتجف مب قادره تمسك القلم حتى القلم طاح من يدها وعيونها تلزقوا بعيونه..وهو نفس الشي تسمر مكانه والحمام يمشون حوله والناس رايحين وجايين..عيونه كانوا ملزقين في عيونها..توقفت الساعه..كل الناس توقفت حركتهم وتفكيرهم الا هو تفكيره مشتغل ويفكر بس وين؟؟ معااااااهاااااااا كان تنفسه مب طبيعي يتنفس بسرررعه يحس انه بيختنق.. احسااااس غررريب يحس انه بيموووت.. بس..بيمووووووت من الفرحه رجلينه مب قادرين يشيلونه من كثر ماكان يرتعش..هذي هي..ايوووووه هذي هي اللي كنت احس بهاااا.. اللي كنت افكر فيهاااا اللي غيرت حياتي وخلتني اعييييدها من الصفر وبدووون احساس صار كل شي وتغير كل شي..هذي هي....


(..بس خلااااااااااص ستوووووووب يالله عاد مصختوها..الناس يبووون يتحركون وانتوااا ااااابد واقفين وتناظرون بعض !! بس لي متى؟؟ خخخخخخخ.)....فيصل راح قعد عند نافورة الماي ( هذي نافوره ولا احلى...شكلها دااائري وكبييييره الناس يقعدون على طرفها..بس اذا بغى حد يطب مايقدر..كله يهاااال محتلين النافووره وهم يسبحون) ولما قعد رجع يتذكر شكلها.. جنها شايفه جني؟؟؟فاتحه عينها وحتى اللي كان بيدها طاح..واللي حس فيه..اااااه من اللي حس فيه شي غريب..بس صج فررررح..وهو كان مجابل ساره بس المسافه اللي بينهم بعيده ..كان يحاول يشوف الناس مايشوفها هي..بس ماقدر عيونه غصب عنه كانت توديه لعند ساره ..لمااااا هي تنزل راسها هو يطالعها ويتاملها ولما ترفع راسهااا هو ينزل عيووونه.. وهي تتامله.....


ساااره كانت تبي تكمل رسمة الحمام اللي بدت فيها ماباقي شي هي حددتها بس باقي تحط الاشيا الدقيقه..بس هي قلبت الصفحه وبدت ترسم فيصل..بدون احساس رسمته..رسمة عيووونه الخضر وشعررره البني المموج اللي كان يتمايل مع الهواا .. وبشرته الحنطيه.. وخشمه السيف..وجسمه اللي يبين عليه رياضي وملامحه لما كانوا الحمام يمرون جدامه يبتسم لهم ويفر عليهم بسكووويت من اللي يايبه معاه.. وكل ثانيه يزيدون الحمام ..ولما يزيدون كانوا يلتمووون عليه مسوووين شله. عطى وجه حق حمامه وحده نادت الربع معاااهااااا..هههههههههههههه

**********

بو محمد..كان يكح ويمسك صدره : كح كح...كح كح كح..كح كح
نايف بخووووف : يبه..يبه شفيك ؟؟ يبه قولي؟؟؟ تعبان ؟؟ يبه مب مشكله بنرد الفندق..
بو محمد كان ياشر يده بلااا.. ماكان يبي يخرب وناسة ساره .. بس نايف قام من مكانه وراح عند ساره..

نايف : ساااااره
ساره انتفضت.. صكرت الدفتر..مصيييييبه اذا شافه نيووووف..وبارتباك : ه..هلا نايف؟؟؟
نايف : ساره قومي يالله بنرد ابوي تعباااان...ساره فتحت عيونها هذا اللي كان مخوفها من امس..
نايف هزها بصرخته..كان معصب وخايف على ابوه : ساااااروووه وصمخ ماتقوووومين
ساره : هاه..انشاءالله ..يايه
نايف : بسرررعه ساااره تكفييين عجلي والله ابووي مادري شفيه

خذت اغراضها ومسكينه ماكملت الرسمه حرااام بغت تكملها..بس المهم انها رسمت ويهه..بس الاهـــــم هو ابوها..

**********

في الشقـــه..

نايف عطى ابوه دواه...وابوه خفت عليه الكحه ورقد..نايف ماحب يكثر من الكلام مع ابوه ..يدري ابوه ساعات ماله مزاج يداوم على الادوا وهذا الشي ياثر على صحته..

ساره : نايف..هاي اللي كنتوا خاشينه عني ؟؟؟
نايف : شنو اللي خاشينه عنج ؟؟ مافي شي ..
ساره قعدت احذا اخوها وحطت عيونها بعيونه : نااايف..تراه ابوي مثل ماهو ابوك..وانا اختك بعد..ليش ماقلت لي يعني تحسب انك بهالشي راح تخفف علي؟؟..لا..انت خليتني اشك اكثر واخاااف اكثر..نايف..لازم..لازم كل مايصير شي تقولي وتشاركني فيه ترى مابقى لنا..(وبصعوبه قالت ) مابقى حد لنا انـــا وانـــت ومحمـــد بهالدنيا..غير ابووووووي..

سااره راحت عنه بس سمعت نايف وهو يقولها ...نايف : لا تخافين..باجر بنستلم الفحوصات وانا باخذ ابوي وبخليهم يكشفون عليه وغير ذي اذا في شي بيبين في الفحوصات..وراحت ساره ولما تاكد نايف ان ساره في غرفتها..نزلت دمعه حاااااره من عيونه..ادري ياساره ..ادري والله ادري مب لازم كل مره تذكريني ان ماعندي ام..مب لازم وادري ان مالي غيركم وانا وانتي ومحمد مالنا الا ابووووووي..الله يخليكم لي ويحفظكم ..

************

بعد سااااااعتين...

ساره طلعت من غرفتها ومالقت حد بالشقه لا ابوها ولا نايف..خااافت لا يكون صار شي في ابوووي لا الااااا ابووووي..اركضت لغرفتها خذت جوالها واتصلت حق نايف..وبعد انتظااااار طلع جوااال نايف مغلق..اتصلت في جوال ابوهااااا..واسمعت رنة جواله في غرفته..!! يعني ابوها ناسي جواله هني..اكيد صااااير شي..ولا ابوي عمره ماطلع بدون جواله..ونايف مصكر الجوااااال..يااااربي شسالفه..شلون اعرف شصاااير شلوووون؟؟؟؟...


راحت غرفتها وانسدحت على السرسر..ماتدري شتسوي..الف مليون فكره وفكره في بالها عن ابوهاااا...لفت نظرها كيسها اللي كانت حاطه اغراضها فيه حق الــ ترافير قير سكوير.. وتذكرت فيصل..خذت الكيس وطلعت الدفتر وقلبت باوراقه لين ماشافت ويهه..اااااااااااااه..واخيرا هالويه اللي كل مااشوفه احس براااااحة الدنياا وقعدت تتامل الرسمه وتتذكر شكله اليوم ..كان وسيم..ولا احلى شي الحمام لما التموا عليه..هههههههههههههه..صج والله كان يبيله صوره مب رسمه..ههههههههههههههه..فديت عيووووونه والله..( هني عااااد سكتوواا البنت وقفت كاااانت تحااااول تعرف او تفهم هي شقالت توه )..شنو ؟؟ فديته؟؟ انا اتفدااااااااااااه ؟؟؟ لاااااا والله ...هالخاااااايس اللي مايستحي ..انا اتفداااااااااه ؟؟؟ هو يمكن حلوووووو..وطيووووووووب..وابتسااااااااامته تذوب..وعيووووونه تخلي الواحد يحترق من الحيااااااااا..بس مب لدرجة اني اتفدااااااااااه..هههههههههههه..مينونه انااا اتفدا اي واحد اي مينونه انااااا ..

نايف : ساااااااااااااااااااره..

دش عليها نايف فجـــأه بدون طق طق ولا احـــم احـــم ....ورسمة فيصل كانت بيدهااااااااااااا...














Cut




شتتوقعوون راح يصير بين ساره ونايف ؟؟

هذا اللي بتعرفونه بالجزء الخامس ...