طفل اولى ابتدائي يحتاج متابعة يوميه من الام
ميخالف تعبو معاهم السنه وفضي لهم جزء كبير من وقتج وراح ترتاحين عقب
وحطي في بالج الاطفال قدرات ياهل يلقط بسرعة وياهل ياخذ وقت
بس اهم شئ منج سعة الصدر وطولة البال علشان الياهل يستمتع بالوقت الي انتي قاعده معاه تدرسينه
يوميا فتحي الجنطه وراجعي كل كتاب و دفتر شنو كتب فيه وخليه يساعدج ويعلمج شنو درس اليوم
العربي اذا خلص الواجب حاولي تملينه الكلمات الي تعلمها حتى لو خارجيه علشان تألف عينه الكلمات وتسهل عليه القراءه
وحاولي تقرينه الدرس الي بعده علشان يقدر يشارك بالدرس ويحس عنده ثقة بنفسه:ggdw:
الرياضيات فقط مراجعة مادرس وخليه اهو يشرح لج علشان تعرفين طريقة الابله وما يتلخبط
وسويله نموذج مراجعة نفس الي حلة
العربي والعلوم والوطنيه مراجعة الدرس وتلزيق اوراق العمل او الصور ومحاولة تحضير الدرس
بالنسبه للانجلش لاتستهينون فيه والكلمات الجديده لكل درس موجوده في بداية الكتاب
عوديه يقرا صوت الحرف وعلقي له الكلمات اليديده في مكان بارز في غرفته علشان يقراها ويتعود عليها
طبعا اولى وثانيه وثالثة ابتدائي مافي امتحانات في ملف انجازي تؤخذ التقادير من الاعمال اليوميه للطفل واوراق العمل الي يحلها مع الابله
وعلشان جذيه لازم يكون في مراجعة يوميه للي يدرسه الطفل علشان لم تقيمه الابله يكون مستعد
وبين فتره وفتره المدرسه تبعث مع الطفل اوراق العمل علشان ولي الامر يتابع درجات طفلة
وطبعا كل مدرسه تختلف طلباتها عن الثانيه فالي ماحضرت اللقاء التنويري تحاول تروح المدرسه وتشوف شنو طلبات كل مادة وشنو الطريقه
لان اليهال مايوصلون كل المعلومات للام :eh_s(1):فمثلا مدارس تحرص على بالطو العلوم ومدارس لا
مدارس تحب يكون للطفل دفتر وبعضهم لا يبون ملف
لحصة الاسلاميه للبنات بعض المدارس تطلب ثوب صلاة
او حاولي تعرفين ولية امر لطفل مع ولدج بالصف هذا راح يساعدج وايد تعرفين شنو طالبين وشنو الواجبات ولو لاقدر الله غاب الطفل ما يتأخر عن ربعة:gathering:
ارجو اكون عطيت معلومات تنفعكم وسامحوني على القصور
