أجتــــــــــــــمـــــــــــــــــــــاع الأمـــــــــهـــــــــــــــــات

[QUMAR]

السلام عليكم
شلونكم أبلات
وايد مواضيع بس لي الحين ما شفت شئ عن أجتماع الأمهات :eh_s(1):
أنا حدي محتاسه :eh_s(22):
عندي كذا فكره بس يبيلها قعده و ورقه وقلم عشان أسجل اللي برآسي
أحنا أجتماعنا يصادف تاريخ 29\11
واااااااااااااااي ببجي ربي يعدي هاليوم علي خــــــــــــــــــير
لي عوده للموضوع بالأفكار
نبي همتكم وربع تعاونو :eh_s(9): :eh_s(17):

 

[الضاميه]

احنا خلصنا اجتماع الامهات وليش محتاره ترى الامهات مايدرون وين الله قاطهم ولو تلخبطين الدرس فوق حدر محد بيلاحظ كل وحده بس تطالع فيها طفلها وتشوفه يشارك او لا


يعني كثري مسابقات وحطي كلمة يقرونها الاطفال او صوره وحطي عددي وبس



ولاتعورين قلبج ولا شي

 

[زلابيا]

اي والله صاجه الضاميه الامهات ما يدرون شالطبخه ...

شركي كل الاطفال وحطيلج كلمه اسهلج وانشاءالله كل شي اوكي

انا الثلاثاء درسي الله يعينا عسى ما يفشلوني بالنشاط وما ينطقوووووون

 

[QUMAR]

أدري أنهم ما يدرون شنو اقدم بس أكيد كل وحده تبي ولدها يشارك
أنا حاسه عيالي بيقلبونها مناحه لأنهم أصغر صف:eh_s(11):
الضاميه يا حظج خلصتي :eh_s(1): :eh_s(22):
زلابيا الله يوفقج ويعينج حبيبتي:eh_s(7):

 

[الحياة]

اي والله احنا ليلحين ما خلصنا اجتماع امهات ..
قمر احنا اجتماعنا عقبكم باسبوع يعني باخذ افكارج عيل
هههههههه

بعد شنسوي الناس تبوق فلوس واشياء ثمينة واحنا نبوق افكار... بس عساكم محلليينا...
وانا ودي اسوي مسابقات وايد بس شنو بالضبط مادري !!!!​

 

[pink rain]

احنا اجتماعنا الثلاثا والمسابقات حق الامهات بنصرف نص دينار خردة عشرات وخمسات وعشرينات خخخخخخ ونطلب منهم مبلغ معين ويطلعونة المسابقة الثانية ترتيب صفحات الجررايد ومادري بعد شنو اما الحلقة يعلم الله ان مخي مال انا وقف سنو يسوي ماقلبت هندي هههههههههههههههههههه

 

[مشغوله و محتاسه]

تضحكوني لما تقولون الامهات ما يدرون شالطبخه ..

بنات لا تستهينون بالامهات ... صج ما نعرف كل شي ... بس كا قاعدين ندش هني و نشوف دروسكم و منبهاتكم و ما ادري شنو بعد ..


و ترا الامهات حتى لو لاحظو وانتبهو لشغله غلط مثلا ... ماراح تحجى .. لانها ما تبي طواله و تدري ان الابله متورتره او مضغوطه ... <-- مثلي


فالله يوفقكم ويعطيكم الف عافيه: )))

 

[mooomooo]

وااااااااااااي بنات ولهت عليكم

اجتماع الامهات والامهاات استاااااااااااااااااااااااااااااااانسوا حدهم

الله يسلمكم ويخليكم

احنا صورناهم وسوينا بور بوينت فيه صور اليهال ورفيجتي مسكينه احتاست لانه صفها واحنا معاها والله كنا نقعد لي الساعه 2 الظهر

سوت حركه حلوه عندها قلوب حب حمر وكبار حطتهم على خاتم حديد وخلت اليهال يلبسونه امهاتهم ويبوسون ايدهم بالنشاط وحطينا على كبابيسهم قلب حب احمر عليه عيون وحلج

دشوا الامهات وعرضنا لهم الداتا شو البور بوينت وفيه صور عيالهم واستاااانسوا وااايد

ماقدر اطول اختي تبي اللابتوب
يالله سي يو

 

[:: SeCRetS ::]

انا السنة اللي طافت

سويت عرض داتا شو


قصة ألف ليلة وليلة

بس على عيالي

وحطيت عرض اعيالي خلف الكواليس

واحد كان دايخ واللي موحاس اني اصوره ومادري شنو

استانسوا وايد عالصور

وبعدين

اشتغلت اغنية يبيله

فقلت

يبيله دراسه وطلعت معاها صورة اعيالي واهما بالحلقة

وحطيت يبيله راحة
وحدة من اعيالي كانت نايمة بالركن البيت


وآآخر يبيله ذكرت فيها اسم الروضة

فحيل كانت حركة حلووة


وبعدين دخلناهم بدال قلوب حب وهالسوالف

شفتوا العلم اللي معلق بعصاية خشب

شلنا العلم وحطينا علم احمر ساده

وكتبنا فيها عبارة احبج يمه


وكل ياهل ماسك علم مبتكر جذي ويحركه


اممممم

الشخصيات بدال الشخصيات المعروفة الحليب ومادري شنو وهالسوالف


دخلت شخصيات الحاسوب

فطومة لها لبس وتعطينا السلوكيات


فصيح يعطينا الكلمة

حمد نبدا معاه اللعبة والمسابقة

والقطوة عطتهم العدد


وايد وايد استانسوا السنة اللي طافت


وبس هذي الافكار اللي قدمتها

وهالسنة ببالي افكار ان شاالله تضبط وتكوون مميزة : )​

 

[QUMAR]

الحياة:هلا فيج يا الغاليه
ما طلبتي شئ أفا عليج تآمرين أمر لي خلصت بالسلامه من الأجتماع راح أكتبه لج

جروح الاحلام:الله يعيننا ويعينكم يا قلبي
فيه بعد مسابقة تركيب كلمات يعني مدرسه عندنا كانت طابعه ثلاث أحرف الراء والحاء والألف وطلعت أمهات ثنتين سوت لهم مسابقة تركيب أكبر عدد من الكلمات
وااااايد حلوه

مشغوله و محتاسه:حياج الله حبيبتي
أحنا نقصد بكلمة ما يعرفون شئ يعني ما يقولون مثلا ما عززت الجانب الديني أو مثلا الحلقه كانت ناقصه شغله معينه يعني ما ينقدونج بالشغلات التدريسيه وطريقتها
عرفتي حبوبه

mooomooo:لج وحشه فاقدينج من غير شر حبيبتي
واي حظج أرتحتي
أنا الأربعا الياي الله يعينني علي اللويه

: SeCRetS ::ماشاء الله بدعتي عساج عالقوه
عاد اجتماعج هالسنه ننطرج لي قدمتيه يا ليت تكتبين أفكارج للأفاده فقط لا غير
وحياج الرحمن يا قلبي

 

[:: SeCRetS ::]

السنة هذي
بقدم درسي عن الحليب

فبللس عيالي بالحلقة

صداري مقلمة

على شكل حليب
يعني شفتي دعاية كي دي دي مالت حليب الفراولة والككاو وخالي الدسم

اشلون كانت وحدة واقفة ولابسة بنفسجي ومخطط بابيض؟

جذي

راح اخليهم كلهم حليب في حليب


ودعم للمنتج الكويتي

فيي كويتي عرفتي؟

وبالنسبة للامهات لا الهدايا ولا المسابقات تفيدهم

سويت فكرة تربوية والله بتفيدهم وايد وبيحسون باهتمامج + الادارة بتسانس وايد منج

ان تكتبين تحليلج عن كل ياهل

مثلا

عبدالله حمد

من يكون؟

بشكل حلو انا مسويتها مثل شهادة وتختمها الناظرة

ان مثلا قائد

ومسميته طفل الحروف

يبدع ومميز في ركن

ونصيحة عقب للام انها تعزز عنده مثلا اذا اهوا رسام هالهواية والخ

وحق كل ام ينعطى واايد راح يستانسون عليها

: )



امممم

بالنسبة للفقرة

لي الحين والله مافكرت


وبالنسبة للبس متوهقة :eh_s(6):


بس هذي افكاري

عاد وين افكاركم مو بس انا​

 

[QUMAR]

انا بالنسبه لدخلة اليهال النشاط بروح باجر المحاميد أو المعلم ومفكره أدور شغله أعلقها علي صدر اليهال مثل قلب حب
يعني لي الحين مشتته الأفكار أن شاء الله بكتبها لي رجعت من المحاميد
تسلمين علي التواصل حبوبه

 

[:: عائشه بقلبي ::]

طالعى افكاري للبس
بموضوع سيكرت كتبته

 

[أوركيد]

الحمدلله خلص اجتماعنا الاسبوع اللي طاف ..

قموورة لا تحاتين ..هونيها وتهون

آنا سويت درسي العادي ..وكان عدد ..

سويت عرض للأطفال بالكمبيوتر ..ونهاية الدرس خليت كل طفل يكتب العدد 2 على السبورة ..وااايد استانسوا الامهات يوم شافوا عيالهم >>>اصغر صف بالروضة ..

بعدين وزعت تطبيق ورقي عليهم وكل واحد سوى التطبيق يم امه ..

وزعت انتاج عيالهم ولكل واحد هدية ....وبس

 

[QUMAR]

الخنساء :مشكوره حبيبتي علي أهتمامج
أوركيد :أنا مسويه تطبيق بعد عن أسنان سليمه وتوصيل الغذاء الجيد لها وتلوينها عقب
بس لازم الوحده تحاتي مهما يكون عدل حبوبه
عالبركه خلصتو يا حظكم

 

[ياسمينا]

انا الحمدلله خلصت الاجتماع الاسبوع اللي فات وكان عن اعمال الام والاب مع العدد 2 وكان كله مسابقات وحركه بالاركان وغنينا للعدد ووزعت تطبيقات مصورة وتحويط للعدد2 والامهات استانسوا على مشاركات عيالهم وضيفناهم حلو وقهوة ومع السلامه وبس شي بسيط وخلاص بعد ليش الخبه والتعب والمسابقات احنا جذي كل ابلاتنا جذي دروسهم اهم شي تخلين الحلقة نشاط ومسابقات عشان كل طفل يشارك

 

[زين البدر]

امبيه امبيه

ليش كل هذي الخبه


والله قدمنا النشاط العادي

وقدمت لهم الدرس المعتاد وكان عن صورة أب


امبيه حدكم خبه حق اجتماع الامهات




الله يعينكم والله

 

[QUMAR]

ياسمينا زين تسوين كله مسابقات
زين البدر بعد صارت السالفه منافسات بين المدرسات الله المستعان يا قلبي
حياكم الله حبيباتي

بنات شنو أحط مسابقات لخبرة صحتي وسلامتي توهقت بمسابقتي طلعت مو شئ
النـــــــــــــجـــــــــــــــــــــــــده

 

[QUMAR]

باجر درسي لأجتماع الأمهات
بنات أدعو لأختكم بظهر الغيب

 

[أوركيد]

الله يوفقج قمووورة ..

ويعدي الدرس واليوم أحلى من الشهد ..