أثر الصدقه في حياة هذه المرأه

[المزيــونه]

مرحبا حلوين عندي قصه يمكن حتى الصخر
منها يتأثر

سمعت واحد يقولها من المشايخ فالراديو..

سلمكم الله هذي وحده تحلم فيها زوجها أو بالأصح رؤيا موحلم يقول الزوج:
"تحلمت ان في مره {مرأه} بالقبر تقول للمره الثانيه شفتِ القبر اللي يحفرونه ترى هذا حق فلانه بنت فلان { اللي اهي زوجته}
فردت عليها ليش ؟؟ اهي بتجي؟؟ شلون؟
فقالت: اي بتجينا اليوم الظهر
لأنها بتغسل الحوش وبتزلق وتموت

فقام الرجال متخرع على زوجته يقولها:
علميني شعندك من شغل البيت اليوم؟

قالت له: والله بسوي الخبز وبرتب البيت وبعدها بغسل الحوش..

فتأكد ان الخبر صحيح
وقال لها:
لا.. الا غسيل الحوش آنا بروح الدوام لا تغسلين الحوش ولا تقربين منه وان غسلتيه
ترى عقابج ماهو هين

عطته على قد عقله وقالتله طيب

راح الزوج للدوام
ولما رد والا يشوف الماي يتصبب من قدام بيته فخاف وراح يركض ويقول انا لله وانا اليه راجعون اللهم اجرني في مصيبتي واخلف لي خيراً منها

والله اني قايلها لاتغسله..

المهم أول مادخل والا المَرَه حيه ترزق مافيها شي ..

قالها مو معقول غسلتي الحوش وللحين حيه مامتِ؟

وقال بينه وبين نفسه الحمدلله هذا أكيد حلم من الشيطان وأضغاث أحلام
وتغدى ونام الظهر

والا يتحلم ان الحريم اللي كانوا بالقبر وشافهم الفجر اهم نفسهم بالحلم
تقول الأولى للثانيه

شفتِ فلانه اللي كانت بتجي اليوم ترى أَجَلوا أَجَلَها
قالت الثانيه : ليش؟؟

جاوبتها بسبب قطعة اخبيزه

قام الزوج من النوم واهو اشوي ويزوغ قلبه من الخرعه نادى مرته بصوت عالي
فلانه يافلانه

فلانه انتِ وينج

قالت لبيه كاني
قالها تعالي
قوليلي انتِ شسويتي بالتفصيل من يوم طلعت ليمارديت

قالت:
قمت وعجنت الخبز ورتبت البيت وغسلت الملابس ورحت اخذت العجين وسويت الخبز وآنا قاعده أسوي الخبز
أذن الظهر ومر جارنا بو فلان رايح للمسجد "وهالجار فقير"
فاستحيت لايشم ريحة الخبز ويشتهيه فعطيته خبزه وبعدها....

قال لها بس بس بس ألحين عرفت شنهي الخبزه اللي نقذت حياتج..


فسبحان الله ياأخوات ..

الواحد منا يسوي شيء في منتهى البساطه ولكنه عند الله عظيم

أحب أذكركم بقول الحبيب صلى الله عليه وسلم:
"الصدقه تُطفأ غضب الرب"

"داوا مرضاكم بالصدقه "

والكثير من الأحاديث..

فيا من تبحث عن رضا الكريم
ويا من تبحث عن الشفاء
ويا من تبحث عن التوفيق والسعاده
ويا من تبحث عن النجاة من الهلاك

عليكِ حبيبتي بالصدقه


أجل عليكِ بالصدقه فانها الدواء من كل داء..

أعاننا الله واياكم على طاعته ..

ورزقنا واياكم مرضاته

 

[المزيــونه]

وينكم بنات ماقريتو القصه ؟

 

[wawiya]

سبحان الله مشكووووره ويعطيج الف عافيه على هالقصه

 

[AlBaDRa]

تسلمييين المزيونة
صج قصة مؤثرة
يعطيج العافية

 

[مخروووشة]

سبحان الله

جزاج الله خير

 

[المزيــونه]

العفووووو

 

[أحلى مها]

ماقصرتي خوش قصه لا تنسون يابنات تتصدقون عن والدينكم سواء حيين الله يطول بأعمارهم او ميتين الله يرحمهم
جزاكم الله كل الخير

 

[sanyoreta]

جزاج الله خير
تسلمين على القصه

 

[عشقي خالد]

جزاج الله خير الصدقه تطفي غضب الله وياما صارتلي سوالف ماردهاربي عني إلا بالصدقه

 

[*أم*خالد*]

يارب سبحانه

صج كما تدين تدان .. إن بالخير كان بالخير .. وان بالشر كان بالشر

يزاج الله خير

 

[المزيــونه]

العفو وحياكم الله

 

[قطوة@@]

يعطيج العافية

 

[Mazyoona]

يزااج الله خيير