أتفه سبب للطلاق؟؟؟؟

[cheese cake 84]

بنات شلونكم؟
اليوم قاعدين نسولف بهالموضوع ويه خالاتي فقلت انقله لكم وتشاركوني فيه لان الصراحه سمعت اشياء عجيييبه غريبه ومادري اذا الموضوع مكرر ولا لا بس عادي مو مششكله:hjy5jewf: اقولكم قعدنا نسولف اليوم عن سوالف ناس تطلقت واااي اكتشفت ان في ناس عقولها صغيييييييييييييره تخيلو تسولف خالت عن وحده تطلقت بالملجه ليييش قاعدين يجهزون حق العرس واهل الريل مسوين العرس وعطو بطاقات شويه حق اهل المره معنهم ماحطو عود بالعرس واعتبروها اهانه وتطلقواا لوووووووووول والسالفه الثانيه عقب العرس باسبوع طلقها ليش يقولها انا كنت احب وحده مو من مذهبي وامي مو راضيه فزوجتي عشان انساها بس موقادر اظلمج واكمل وياج:eh_s(12): وحده ضحكوووني عليها ملجووو وكانوا مقررين يسون عرس للبنت فجاة صارت حاله وفاة ام البنت والبنت قالو ناجل العرس بس اهل الولد مارضوا قالوا نكسله لان المتوفي قريب حيل وتطلقووو وااااي شنو هالناااااااس من صجهم@@ يلا وانتو بعد شسمعتوا؟؟؟

 

[كرز حالي.]

رد : أتفه سبب للطلاق؟؟؟؟

ابيه شنو هذا
الحمدلله انا ماعرف احد تطلق على اسباب جذي

 

[بتبوتااا]

الي يعيش ياما يشوف واحنا بزمن العجايب ما قمت استغرب اي شي :/

 

[@نداوي@]

رد : رد: أتفه سبب للطلاق؟؟؟؟

اي والله في نااس عقوولهم صغيره ..
مثل ليلة عيد .. هذا طلق ..
وهذيلك قالوو مثل ما طلق .. طلق بنتهم ..
استغفرالله ترى صج في جذي اعوذي بالله

 

[الغاليه نونو]

حماتي كانت تجهز حق عرس ولدها وموباقي عالعرس الا اسبوع ين تقريباوالكل مختب الصاله محجوزه والكروت علي اساس تتوزع وماتوزعت

دقت ام العروس وقالت حق حماتي خلاص ماكو نصيب حماتي تبجي تقول ليششششششش ولدي يموت ان سمع هالخبر اشصاير

قالت ام العروس ماكو نصيب ردت حماتي قالت بس مالجين مخلصييييين وقاعدين يأثثون موباقي شي هالشقه تخلص

قالت ربي وربج واااحد نبي بنتنا تتطلق اليوم قبل باجر لان بنتنا مسحوووره واللي ساحرينها يبونها حق ولدهم وبنعطيها واحد ثاني


طبعا مااقول لكم اش صار بالولد وطلقها

وعقب ماخلصت عدتها عرست والولد لي اليوم يبجي عليها يحبها وموقادر ينساها

 

[Model Look]

عيل في وحده تطلقت لانه ريلها ما شرا لها بي ام دبليو !!!!!

 

[.الاميره.]

ايولله حبيبتي اشياااء تااافه ومالها معنى .!
وهم أنا سمعت مره من دكتوري بالكليه أنه ثنين تطلقوا بسبب انه يبي السيراميك اسود والزوجه رافضه
برغم أنهم كبااار بالعمر لهم اكثر من 10 سنوات .!

شوفوا وين وصلت التفآهه الله لا يبلانا بس ويكبر عقولنا عن هالسوالف ويسخر لنا ازوااااجنااا

 

[طواري لـ((العنقا))ـيل]

وياما حـ نشوووووووف !!


بس صج عورتي قلبي الغاليه نونو على الولد اللي للحين يبيها << حساسه من هالمواضيع



يطلقون نحاسه بأهل البنت

يعني مثلا" متزوجه واحد اخته تصير حماتي ومرت اخوي بنفس الوقت


فلا تطلقت هذي يروح هذاك يطلق زوجته نحاسه وحميا يعني ليش يطلقون اختي !!! استغفرالله تخلف



والله يبعد عن عنا هالسوالف والله الشباب يطلقون بسرعه مدري شفيهم مو مثل ابوانا واجدادنا وعمامنا المره عندهم مثل الذهبه مايخلونها ماشالله

 

[نــعــوومــه]

زمن العجايب ​

​

 

[قمررهم]

رد : رد: أتفه سبب للطلاق؟؟؟؟

استغفر الله الله لا يبلانا وربي اعرف حريــــــــــــــــــــم صااابرات على ازواااجهــــــــــــــــم مدمنين مخدرات ورااعين بنات بس عشان اولادها صابرة لا حول ولا قوة الا بالله وناس على شي تاافه

 

[عهودة]

واللي تطلقوا على سبه ككاااوه



صج لاتضحكون تهاوشوا القطاوه على سبه حلاوه




اثنين تزوجوا صغار اهيا 16 واهوا 18 عن طريق الجدااات يعرفون بعض وزوجوا احفادهم وبيوم من الايام ربع الزوج مسيرين عليه ماحصل شي بالشقه بطل كبت مرته لقى كرتون سنيكرز وخذاه لربعه
ردت مرته تهاوشت وياه ليش تاخذ سنيكرزي
وكلمه منه وكلمه منهااا وتطلقواااا
وانتشرت المصخره على لسان الجدااات لوووووووووول ماكو احد ماقالوله عن سالفه احفادهم اللي مو كفو زواج

 

[Petite]

واي صج فشله


أعرف وحده تطلقت لأن ريلها مايابلها الاسواره اللي تبيها بعيد ميلادها

شلون تبون الشباب مايتعقدون من الزواج ؟؟

 

[a7la-warda-q8]

اللي يعيش ياما يشوف

 

[تدلل حبيبي]

انا اعرف واحد طلق ليييش ؟؟

















لان لما ملجوا قالوله ان مرتك مولوده الشهر الفلاني فتعتبر اصغر منه بجم شهر لي الحين اوكي

بعدين مع السوالف ايام الملجه عرف انها مو هالشهر منولده لا وطلعت اكبر منه بجم شهر

وطلقها ليش قصت عليه !!!

امبي احس سخاااااااااافه وعقل فاااااااضي​

 

[BABY MASTER]

شوفوا يا بنات

ترى الانسان ماله الا الظاهر,,,

يعني يا تشيز كيك تقولين ناس تطلقوا بسبب كذا وهالشي يعتبر صح تافه بس ترى مو كل شي..!

احنا مالنا الا الظاهر يمكن اللي تطلقوا قالوا هالسبب عشان يسكتون الناس لان السبب اكبر

وسلامتكم:aha:

 

[Saudi-Angel]

رد : أتفه سبب للطلاق؟؟؟؟

طيب انا بقولكم سالفه عورت قلبي

واحد متزوج تقريباً له 18 سنه وعايش بسعاده مع زوجته ويحبها ويموت عليها بعد
وعندهم 6 عيال

وبعد هالسنين كلها اكتشف انه متزوج اخته من الرضاع وتطلق منها اجباري
مع انو يموت فيها ويموت بعياله بس شيسوي حكم الشرع <<< كسر خاطري :eh_s(2):​

 

[ملكتني بالحب]

صباح الخير::aha:
والله انا اعرف وااحد طلق مرته بعد ست شهووور من العرس لما سألوه ليش ؟؟؟؟؟؟

تخيلوا يقول اذبحتني كذااااابه من الدرجه الاولى
من كذبااتها انه ابوها ياكل قلاس الماااي بعد ما يشربه وان اخوها عنده ثلاثين تليفوون
والخاافي اعظم هههههههههههههههههههههههههههههههههههههههههههههههه
بس تبوون الصج انا احس هالنوعيه القعده معاهم ونااسه كلها ضحك يعني حساافه عليهاا:s142:

 

[أنا Top أنا]

رد : رد: أتفه سبب للطلاق؟؟؟؟

هههههههههه

والله مشاكل الناس مالها اول وتالي

انا اعرف وحده تطلقت على الاغنيه اللي بتدش فيها .. مو راضين الا اسلامي

وفي وحده ثانيه امبيه فشله ... يقول ريحتها خايسه .. حرااام مو منها شتسوي بعد ؟؟