أبي من خبرتكم

[أم ملاك]

محتاجتكم بجم شغله وناطره الرد منكم:

اول شي بنتي بتكمل السنتين وابي اقطع عنها المصاصه مع العلم اني شريت دوا من الصيدليه شكله مثل صبغ الاظافر بس ما ياب نتيجه واهي ماتاكل بسبب هالمصاصه صايره كلش عود فاذا عندكم حلول قولولي؟

ثاني شي ابي اسالكم اذا تعرفون وين احصل الستاره اللي تصير دار مادار السرير بخاطري احط حق سريري؟

ثالث شي شنو احسن نوع صبغه للشعر من اللي موجودين بالجمعيات من ناحيه الماركه واللون من تجربتكم؟

رابع شي ابي اللي راحت منكم قضت ليله بفندق ولا منتجع وطلع خوش مكان واوكي عشان بخاطري اروح انا وبوملاك هالايام اليايه
وودي في منتجع هيلتون ولا كمبينسنكي مادري شسمه اللي بجليعه رحتوا لهم وشرايكم فيهم عموما من ناحيه الغرف والخدمه والمطاعم وكل شي؟

ومشكورين وعسى عمركم طويل ادري مصختها بس مالي غيركم تفيدوني
ناطره الرد منكم

 

[SeNyOrA Q8eYa]

رد : أبي من خبرتكم

أم ملاك: بالنسبة لاول شي: مررررررررررررررررررررره..

chaaaaaaaaaaaaaaaaaaaaaaw

 

[الغلاااااااكله]

رد : أبي من خبرتكم

بنوتج الله يخليها لج
اقطعي المصاصه
ونسيها كل مابغتها عطيها رضعتها
تشرب
او عطيها حلا تستانس عليه
وتنسى المصاصه

هذا الي في بالي حاليا

والباجي
ان شاء الله يفيدونج اكثر البنات ومايقصرون

 

[Dancing^Queen]

رد : أبي من خبرتكم

اول شي بنتي بتكمل السنتين وابي اقطع عنها المصاصه مع العلم اني شريت دوا من الصيدليه شكله مثل صبغ الاظافر بس ما ياب نتيجه واهي ماتاكل بسبب هالمصاصه صايره كلش عود فاذا عندكم حلول قولولي؟

جانزين حالت يمن حالتج بناتي سنتين وثلاث اشهر ولاراضين يقطونها ابد ابد ابد وحاولت طريقه بشوره مانفع حاولت وحرقتها مانفع لوعت جبدهم منها مانفع حطيت كل شي يمصونها ويبجون لدرجه حطيت لهم فلفل واجار من حرتي ويمصونها ويبجون
اسنانهم اخترب شكلها وماني قادره بجي بجي بجي متواااااااااصل ومايسكتون ينيت ورديت عطيتهم شسوي ياربي ، ناطرتهم يكبرون


ثاني شي ابي اسالكم اذا تعرفون وين احصل الستاره اللي تصير دار مادار السرير بخاطري احط حق سريري؟
موجوده باكيا ولاند مارك بس تتعلق بالسقف

ثالث شي شنو احسن نوع صبغه للشعر من اللي موجودين بالجمعيات من ناحيه الماركه واللون من تجربتكم؟
لوريال
ومن بعده غارنيه

رابع شي ابي اللي راحت منكم قضت ليله بفندق ولا منتجع وطلع خوش مكان واوكي عشان بخاطري اروح انا وبوملاك هالايام اليايه
وودي في منتجع هيلتون ولا كمبينسنكي مادري شسمه اللي بجليعه رحتوا لهم وشرايكم فيهم عموما من ناحيه الغرف والخدمه والمطاعم وكل شي؟
لاينطبق علي
بس هيلتون روعه

 

[أم ملاك]

رد : أبي من خبرتكم

حبيبية الكل : مشكوره على ردج جربت المره والصبرا ماكو فايده

بشوره : حاولت ما نفع وحتى وقت النوم تبيها ولا ما تنام والف شكر لردج

دانسينغ كوين : مشكوره وايد والله يصدهم عن هالمصاصه قولي آمين
على طاري هيلتون جمعيه الخالديه مسوين رحله له مع الغدا ومسابقات شي عجيب خوش عرض

 

[وردة الكويت]

رد : أبي من خبرتكم

اختي الغاليه ام ملاك الله يخليها لج
انا بصراحه ما كنت اخلي عيالي يطولون مع المصاصه اكثر وحده طولت
قعدت سنه اما الباجي فاقل من خمس شهور
والاخير ما عودته مع انه كان ماذيني بكي بس شسوي علشان اخته ما تشوفه
وتبجي او تله منها
انا عندي لج طريقه
خلي خدامتج تحط نمل من النوع الكبير
احنا ما شاءالله متوفر بالمزرعه عندنا
يمكن تخاف وتكرها بالمره
انا والله ما جربته بس عاد اسمع
في بعض الاطفال اذكياء يقولونج بسيطه غسليها
اعرف وحده جذيه سوت ببنتها بس بالرضاعه
وقالتلها غسليها
يعني ما كرهتها
بس ان شاءالله تفيدج علشان ترتاحين لان اصلا ماكو منها فايده
وسلامتج

 

[حبنا الله عليه]

رد : أبي من خبرتكم

بخصوص استفسارج الثالث ام ملاك

احسن صبغه وماتضر الشعر

" natea "

جربيها وان شاء الله تعجبج

وباجي الأسئله ان شاء الله اهل الخبره مايقصرون

 

[رفرف]

رد : أبي من خبرتكم

شي بنتي بتكمل السنتين وابي اقطع عنها المصاصه مع العلم اني شريت دوا من الصيدليه شكله مثل صبغ الاظافر بس ما ياب نتيجه واهي ماتاكل بسبب هالمصاصه صايره كلش عود فاذا عندكم حلول قولولي؟

الصراحة ماجربت هالوضع .... بنتي عمرها سنة وتمص مصاصة بس وقت النوم ...
بس انصحج انتي وكوين تشوفونلكم حل بأسرع وقت اختارو جم يوم ورا بعض مايكون وراكم دوام ولا شي وتحملو البجي يومين ثلاثة عادي ولا تنطرونهم يكبرون لأن بيتعلقون فيها اكثر .. ولد رفيجتي عمره 4 سنين ليلحين مو راضي يهد المصاصة ولا يتكلم عدل وطبعا اسنانه اختربت منها وبالعكس تعلق فيها زود تقول قبل ماكان يمصها الا لي بغى ينام الحين 24 ساعه واثرت على نطقه واكله ...

ثاني شي ابي اسالكم اذا تعرفون وين احصل الستاره اللي تصير دار مادار السرير بخاطري احط حق سريري؟

مادري

ثالث شي شنو احسن نوع صبغه للشعر من اللي موجودين بالجمعيات من ناحيه الماركه واللون من تجربتكم؟

فيفا كلر اكثر شي نفع معاي وعموما الالوان البنية والشقرا تثبت اكثر من احمر والاورانج ...

رابع شي ابي اللي راحت منكم قضت ليله بفندق ولا منتجع وطلع خوش مكان واوكي عشان بخاطري اروح انا وبوملاك هالايام اليايه
وودي في منتجع هيلتون ولا كمبينسنكي مادري شسمه اللي بجليعه رحتوا لهم وشرايكم فيهم عموما من ناحيه الغرف والخدمه والمطاعم وكل شي؟

ماينطبق علي ابدا ابدا

 

[نفنوف كشكش]

رد : أبي من خبرتكم

ثالث شي شنو احسن نوع صبغه للشعر من اللي موجودين بالجمعيات من ناحيه الماركه واللون من تجربتكم؟
لوريال....وغارنييه..ويلا
اخر صبغه صبغتها كانت ويلا الاسود الكحلي
رابع شي ابي اللي راحت منكم قضت ليله بفندق ولا منتجع وطلع خوش مكان واوكي عشان بخاطري اروح انا وبوملاك هالايام اليايه
منتجع هيلتون (( اييييييييييييييييييييينننن ))
ولا كمبينسنكي مادري شسمه اللي بجليعه (( حلوووووو يوم الخميس رحنا حق خالتي اشكثثثثثر اجانب وامسوين برامج ترفيهيه ))

بس انا اقترح عليج الهلتون مادري احس رومانسي اكثر