أبي مساعدتكم بليز

[mnayeer]

الله يسلمكم ماا ابي اطول عليكم

اليوم كان موعدي عند الدكتور خالد ضيق خلقي لان انا وزني كان بالثمانينات وخذيت موعد قبل شهرين وحطيت حيلي بالاكل علشان يزيد ويرضى يسويلي العمليه لان قالولي لازم وزنج يكون من 90 وصاعد والحين وصل وزني 93 وقلت يلله الحين يرضى ولمن اليوم رحت رفض يسويلي العمليه :eh_s(11)::eh_s(16): انقهرت يقولي الكتله مو وايد وماتشتكين من شي وانا اسمحيلي ما اسويها روحي اي دكتور ثاني يسويها وعمليه سهله لاتخافين قالي تكميم

وانا من شهرين حطيت أمل اني خلاص بزيد وزني وراح اسوي عمليه وبطلع نيو لوك بالعيد وكل أملي اني خلاص بسويها واليوم ضيق خلقي

منو تعرف دكتور ثاني ويكون شاطر ومجربته

:eh_s(11)::eh_s(16): اهو قالي عندج الشرهان والهيفي منو مسويه عندهم

بليز ساعدوني لاني موقادره انزل بعد هالوزن

 

[أم حموكشه]

ما عندي خبره ... الله يعينج
وشوفي تجارب البنات يمكن تلاقين...

 

[$نرجس$]

ليش جذيه ترا موزين الي اتسوينه ليش انا رفيجتي وزنها كان 89 وراحت حق دكتور تغذيه والحمدالله الحين شهر ووصلت سبعين من غير رياضه وبعدين الشفط مو تشفطين وترجعين تاكلين لاااااااااا تمسكين نفسج عن الحلو والاكل الدسم يعني بالعربي ما تاكلين مثل اول عشان ما يخرب جسمج وانا انصح الي عندها بطن كبير اوزنودها اكبار اعذرها بس انج اتزيدين وزنج عشان اتسوين شفط مو حل

 

[عـــزآآآآآهـ]

غلطانه الله يهداج جان بهالشهرين طايحتله رياضه ومشي مع رجيم بتنزلين حيييييل وتفتكين من البنج وبلاويه والجراحه

والله ماحدنا عليها الا الشديد القوي

 

[عـــزآآآآآهـ]

مع ذلك مابي اضيق خلقج دامج معزمه ع التكميم يقولون اللي يسويها لها الوزن احمد الشرهان

 

[mnayeer]

الله يسلمكم انا قبل كنت 104 مع حبوب وبالغصب صرت 84 بس بعدها قطعت لحبوب لانهم مو زينين وبديت ارد وصار وزني 87 وقف مو راضي ينزل وانا مشكلتي عندي ربو مااقدر ع الرياضه و وذابحتني زنودي وفخوذي وقبل لا اروح لدكتور واقرر سويت اشتراك بدايت كير وماكو فايده بالعكس زدت وصار 88 ودشيت جلسات تخسيس ومافي فايده واقف ع 88 لاني ومن قطعت لحبوب زدت اكثر ودبلات ولمن صار 88 قلت ماباقي شي ع 90 واسوي عمليه مره وحده مليت من هالرجيمات

والحمدلله اخترت احمد الشرهان وماشالله اسلوبه وايد ريحني وعمليتي 21 /7

والله كريم