أبي مساعدة/ نصيحة..بارك الله فيكم!!!

[شهرزاد الحكايا]

السلام عليكم
اخواتي ابي نصيحة مجربة لأن وضعي الصحي حيييل صعب

انا في الاربعينات..وبعد الاستخارة والاستشارة رحت لدكتور مشهور وجربوه كل صديقاتي,,

وسوالي بوتكس بالجبهه وتجاعيد العيون

بعد اسبوع صار اختلاف في حجم عيوني ..رحت له وعطاني موعد اسبوع ثاني,,,

وسوالي بوتكس ل تجاعيد العين اليسار,,,

لكن بدأ حجمها يصغر وصار فيه ارتخاء بالجفن العلوي..

اروح وقول بعد اسبوع...تالي سوالي تدليك بجهاز..مدة 10 دقايق كل يوم


النتيجة لازال الارتخاء موجود وعين أكبر من عين...ولاتهنيت لا في المناسبة اللي سويت لها ولا بالعيد,,,والله المستعان سبحانه,,,


حبيباتي احد صار له هالشئ؟

ابي النصيحة وفيدوني بارك الله فيكم,,,

وممتنة جدا لأي أخت تكتب تجربه أو نصيحة أو ترفع الموضوع,,,

لأن هالأشياء من باب المساعدة وحسن الصحبة

أنا بالإنتظااار
​

 

[ii DareeN ii]

انا ماعندي فكرة شنو الي صار معاج بالضبط بس اعتقد لو في خلل بالابرة يرد للوضع الطبيعي عقب ست شهور الافضل دام ان طبيبج ماعدل المشكلة استشيري طبيب ثاني انا جربت بوتكس بس بالجبهه وعقب ست شهور راح

 

[شهرزاد الحكايا]

مشكورة حبيبتي

لما سألت الدكتور قال عادي فتره ويرد الحفن
بس كل ماله ينزل
اذا تعرفين دكتور شاطر بالجهرا ياليت تقولين لي
انا الدكتور اللي سوالي البوتكس مو بالجهرا
والحين مسافر
وهو بروفسور في مجاله لكن قدر الله وماشاء فعل

اكون شاكره لج لو ترشحين لي دكتور شاطر يشوف حالتي

والف شكر

 

[ii DareeN ii]

انا كنت اراجع عند اشرف عفيفي واهو وايد شاطر بمجالة بالهلال كلنك وتقدرين هم تراجعين طبيب تجميل مثل عاطف علام في بو حمره كلنك للامانه ماعرف اطبا بالجهرا كلش وان شاء الله ماعليج شر لاتخافين بس روحي لطبيب شاطر ولو المشكلة مشكلة فلر جان قلت لج راجعي طبيب جراحه وجه وفكين بالاسنان وموجودين بالجهرا التخصصي بس هذا بوتكس مو فلر

 

[دانه مريم]

اسال الله العظيم رب العرش العظيم ان يسعد قلبك اللهم امين

 

[مس استي لودر]

ما تشوفين شر حبيبتي
اب ب لعيونج

 

[freethinker]

ماعندي فكره بس اب لعيونج :*

 

[شهرزاد الحكايا]

الف شكر اختي دارين ممتنة لج والله
بروح ل ابوحمرا كلينك ورح اكتب لكم شصار معاي

عشان نتفع بعض بالتجارب
انا سويت سيرج ل حالتي
لقيت ارتخاء الجفن العلوي بعد البوتكس
يصير في حالة زيادة الجرعة/ وخطأ في اخذ الابرة
يعني بمكان غلط!!!

هذا وانا رايحه لدكتور شاطر ومشهور وغالي

قدر الله وماشاء فعل سبحانه

والاخوات اللي رفعوا الموضوع لهم كل الشكر
للدعوات اللي توسع الصدر وللرفع للإفادة


ادعولي

 

[** رش رش **]

الله يرفع عنج ان شاء الله و ييسرلج امرج
و لا تنسين تطنينا عنج

 

[أم وهابي]

انا بالضبط صار معاي نفسج عندمحمد موسي الله لا يوفقه البوتكس مدته 6 شهور ويروح لازم تنطرين ولا تعالجين الغلط بغلط انا صار عندي سقوط بالجفن وعين اكبر من عين ما يسوي علي تعليقات زوجي بس تري الاميد 6 شهور وكل شي يرد بإذن الله

 

[جامعيه كويتيه]

الله يكووون بعووونج يقلبي
اب لعيونج

 

[شهرزاد الحكايا]

السلام عليكم

بنات رحت للدكتور اشرف عفيفي والف شكر للاخت دارين / هي اللي رشحه لي

فهمت منه شغله ابي كل البنات يفهمونها

١/ شكل الوجه له دور في اماكن حقن البوتكس

٢/ البوتكس واحماض الفواكه مواد آمنه يمتصها الجسم ومدتها ٤ اشهر مو ٦ لا

٣/ اخطاء اماكن الحقن تدوم شهر او شهرين ك اقصى حًد

هذي معلومات لي واكم حبيت افيدكم وعطاني قطره للعين يقول تفتحها لج

الحين اي وحده المساحه بين الحاجب والعين صغيره لاتطق بوتكس في عضله رفع الحواجب اللي بالجبهه

وهذي غلطت الدكتور السابق

وقال التدليك اللي سواه لي بالجهاز مامنه فايده تعب على الفاضي


حبيت افيدكم وممتنة لج يادارين

وللجميع شكري وتقديري

 

[ماحب حريم خواني]

ماتشوفين شر حبيبتي

 

[ii DareeN ii]

العفو اختي الحمدالله ان عارض مؤقت ويروح

 

[r0007]

اختي انتي ضربتي بوتكس حق ايش يعني تجاعيد ماحول العين ولا عشان ترفعين الحواجب
انا الي اعرف الواحد يرفع حواجبه اذا في مساحه صغيره بين العين والحاجب عشان يوسع العين

اذا في مساحه ليش اجل اضرب ابره البوتكس
يمكن انا فهمت غلط
ممكن توضحين لي انا الصراحه شكلي بروح للدكتور هذا