ما يصير حبيبتي جك بم تكتبين رواية
الرواية فن أدبي عريق يحتاج الى انج اول اول اول اول شي ...
تقرين روايات وااااااااايد كثر ما تقدرين ... روايات ادبية لها وزن و قيمة ... انصح بالروايات القديمة ..
اني راحلة . للأديب يوسف السباعي
روايات نجيب محفوظ ... اخذي اولاد حارتنا وايد رائعه هالرواية
و من الروايات الكويتية
امممممم .. عندج رواية الارجوحة لحمد الحمد ... سووها حتى مسلسل .. رائعه
روايات الكاتب : طالب الرفاعي .. سمر كلمات .. رائحة البحر ..
انصحج بروايات الكاتبة ليلى العثمان ... إقري رواية صمت الفراشات ... راااااااااااائعه
و رواية وسمية تخرج من البحر ...
و كذلك الكتابة : ميس العثمان ... عندها رواية اسمها عرائس الصوف ...
اقري كثر ما تقدرين
ولا تستعيلين أبدا أبدا ابدا
الرواية لا تكتب أبدا في يوم و ليله
بل هي نتيجة تفكير و مجهود و تعب اشهر و سنوات حتى .... بتلاحظين في اغلب الروايات الي قلتلج اقريها ... انه الكاتب او الكتابه كاتبين دايما اخر شي
الرواية كتبت مابين عامي ........ و .......
الي يكتبها بسنتين
و الي يكتبها ب سنه
اهو و افكاره و مدى استعداده
اول شي تسوينه
تقرين واااااااااااااااااااااااااااااااايد لانه لا كتابه بدون قراءة .... حلو ؟
ثاني شي تبتدين تركزين وايد في الفكرة و تخلينها في بالج ليما تحسين انها فعلا مثل ما نقول " اختمرت " في راسج ... و حان الوقت انج تكتبينها
ابتدي بالرواية بطريقة ... هرم مقلوب
ابتدي من زاوية ضيجة ... و توسعي شوي شوي
بداية ....... عقدة ( مشكلة ) ... تطورات المشكلة ..... الحل ...
الرواية تحتمل انج تحطين فيها شخوص وايد ... ( شخصيات )
و تحتمل انها تكون على فترة زمنية طويلة .....
لازم تحددين للرواية زمان و مكان و شخوص واضحة ...
عقب ما تكتبينها .. و تكونين راضية عنها
تدورين دار نشر ........ و تعرضين عليهم روايتج ..... و اهما يقرونها و يقيمونها و ان كانت بمستوى جيد ... يوافقون على انهم يطبعونها لج ... ووقتها عاد في سوالف وايد .. عقود و تسجيل ملكية و هالسوالف
تو الناس على هالمرحلة
الحين اهم شي تقرين وااااااااااااااااااااااااااااااااااايد وايد وايد وايد
ملحوظة مهمة : اذا حابة تسألين ادباء و اديبات مختصين في هالمجال ... رابطة الادباء الكويتية ترى تستقبل كل الناس الي عندهم حب للكتابة و ودهم يكتبون و يقعدون معاهم الادباء
اهما يسوون كل اثنين " منتدى المبدعين الجدد " يحضره شباب و بنات من مختلف الاعمار و الي يحبون الكتابة .. و يحضره ادباء كبار و مخضرمين و يقعدون ويا المبدعين و يسولفون و ينصحون و يعطون خبرتهم
المكان وايد حلو ووايد صراحة يفيدج اذا كنتي تحبين الكتابة .. و يعتبر الجهة الرسمية في الكويت المختصة بالادب و الادباء ..
و مكانهم في العديلية ....
تواصلي معاي عالخاص و ان شاء الله مارح أقصر وياج ....
