أبي مدرسة للقاعدة الحلبية؟

[فوفو^الجميلة]

شلونكم بنات انا سمعت عن القاعده الحلبية انها ممتازة تتأسس الطفل باللغة العربية ما درى شرايكم ؟؟؟

 

[*صفوه*]

بصراحه تهبل و هذي عن تجربه صج تاسيس وشرح ممتاز لان على الاحرف الابجديه سواء انجليش او عربي و عموما هذي الطريقه السليمه مو مناهجنا اول ما يدرس عربي يكتب كلمات اكبر منه بدون ما يعرف هالحرف و لا وصل ثالثه توهق
و الانجليزي يتكلم وكل شي على المحادثه و لا وصل ثالثه يكتب مشبك زين ما عرف الاحرف فهمتي علي و الله يعين الطالب و امه
اما القاعده فلها فرع بالعاشره و بعد ما دري وين ؟؟قبل كم يوم شفت اعلانهم بجريده الوطن و بعدين على ما اعتقد كل فتره يعلنون و عندهم دوام وقت المدرسه
بس ديري بالج فيه مو اصليه
بس فيه ملاحظه لازم تستمرين وياهم كم شهر و فيه مدرسات اساليهم عن مستوى الطال و هل تكفيه المده و لا خلاص و عندهم طريقه دفتر يعني يخلص هالدفتر يعطونه غيره
دعواتج

 

[فـيـونـكـا]

بصراحه عيال اختي فيها وعيال اخوي بعد وماشاء الله تأسيس عدل باللغه العربيه والإنكليزي مع العلم ولد اختي مايعرف شي بالعربي وتعالي شوفيه الحين تبارك الرحمن وصج ياليت يطبقون نظام تدريسهم على الحكومه

 

[whitish]

ايه وين مكانهم ؟؟

 

[عمة فاتو]

حبيبتي بصباح السالم قطعة 11

 

[انوشا]

مركز البيروني بجنوب السرة بمنطقة السلام للبنات والأولاد بس ما عندي رقمهم سوري

 

[frfr197]

بصراحه انا مجربتهم مع عيالى بس بشرط يخلص الطفل عندهم ثلاث اجزاء للكتب عندهم دون انقطاع

 

[نداوي]

انوشا جم رقمهم؟؟؟؟؟؟؟؟؟؟؟

 

[سيدة الكويت]

جم رقمهم

 

[النازفه]

والله انا سمعت عنهم والكل يمدحهم وموجودين بمنطقة الاندلس

 

[ياحظي]

عيال خالي فيها
وايد يمدحونها