أبي فزعتكم يامعلمات رياض الأطفال انجلش ضروري حصة نموذجية!!

[*قمر دنياي*]

السلام عليكم بنات


بنات رياض الأطفال بليز تكفون عندي حصة نموذجية لمادة الانجلش يوم الاربعاء وابي افكار للحصة شسوي فيها ؟!!


ابي كل شي بداية من تزيين الفصل الى شرح الدرس نفسه


درسي الحروف من a to g

والأعداد من 1to 10

والألوان


شنو ممكن اسوي افكار روعة اتميز فيها ويكون درسي رائع ويلاقي الاعجاب !! وشنو الشغلات اللي لازم اشتريها لتزيين الفصل والشغلات اللي تتعلق بالدرس بعد



ابي افكاركم !! قبل يوم الاربعاء عشان يمديني اجهز نفسي والطلبات اللي ابيها اروح اشتريها تكفون

 

[ع ــندك / خ ــبر]

انتي ابلة انجليزي ؟؟

التزيين اول شي وااايد اشياء تهبل من ابوو 100 .. عندج الوروود
وشفتي من ابو 100 اللمبات اللي تبطل << جنها مالت الكريسمسس يهبلووون
تقدرين تسوين مسابقة تصنيف جيبي طوقين .. وحوطيهم بالليتات .. وخلي اليهال يصنفون



وعند ابو 100 ليتات صغيره .. كبر ايد الياهل تقدرين تلصقينهم على وسيله
وتحطين مجموعة حرووف والحرف اللي تبينه يطلع الياهل ويبطل الليت اليدووي على الكلمة


وبعد عندج لعبة المتاهه .. ولعبة سلتين وتنثرين الحرووف او الارقام ويطلعوونها
اسرع واحد هو الفايز ..

الشرح ماعرف لأنهم انجليزي مادري شنو تبدون فيه

بس انتي خلي درسج كله العاب وفرفشه وموسيقى واغاني ... وتصفيق وتشجيع
عندج كلمة تشجيع سامعتها من ابلة عندنا تهبل

open your hand >> very very good

مادري السبلنق صح بس يؤدي الغرض هههههههههههههههههههههههههه

طبعا هم لما يقولوون اوبن يور هاند يبطلونها عشان يصفقون


ترى انا توني تربيةه عملية خخخخخخخخخخخ ادعي لي تكفين