أبي طريقة كبة باللبن بلييييييز

[ماجين]

السلام عليكم بنات شلونكم:eh_s(8):
بنات حبيباتي أبي طريقة كبة باللبن بس تكون مجرية
يعني ما عليكم أمر أبي اللي تعطيني الطريقة تطون مجربتها و مسويتها بليييز:eh_s(15):
وأكون شاكرة لكم

 

[أم متعب]

سهله ياقلبي مايبيلها شي


اول شي قلي الكبه وخليها على ورق نشاف

روحي جيبي جدر وحطي فيه لبن المراعي الكبير مع ملعقة نشا وحده وملعقة طحين ابيض وحده

وحطيه على نار هاااااديه لما تشوفين اطرافه تقلب شوي وخليه ايدج مستمره في التحريك

طفيه وحطيه ملعقة نعناع ناشف واذا ماعندج حطي الاخضر العادي

وعقبها قطي الكبه فيه


وبالعافيه حبيبتي

 

[ماجين]

شكرا شكرا حبيبتي تسلمين عالرد ما قصرتي

 

[Fashion Falls]

شكرا للاخت اللي ردت

 

[مشغوله و محتاسه]

تقريبا انا نفس الاخت اللي ردت


بس ما احط طحين .. قفشتين نشا ذوبيهم اول و عقب حطيهم على الروب او اللبن

و اذا استخدمتي روب .. خففيه بماي
و ضيفي مكعبين ماجي
كزبرة
ثوم شوووية


و حركي عدل علشان لا يفرط الروب
و قطي فيه الكبه و خليها تغلي شوي مع الصلصة
تقريبا 5 دقايق كافي

حطيها بطبق تقديم عميق شوي و رشي كزبره على الويه و بالعافية
رشي كزبرة على الويه



يعني باختصار
علبتين كبة امريكانا
3 علب روب
2 مكعب ماجي
كزبرة
ثوم اذا تحبين
ماي لتذويب النشا و لتخفيف الروب ... تقريبا قلاصين ثلاث كافي


و هذا تطبيقي اول يوم برمضان

و بالعافية

 

[q8dvd2000]

انا طريقتي احط لتر لبن واضيف له ملعقه كبيره نشا او 2 , واذوب النشا باللبن واهو بااااارد ,, وبعدين احطه على نار هاااديه
واحركه شوي واضيف له ملح وفلفل


وعندي اضافه غير شوي عن اضافات الخوات اللي قبلي

بمقلاة ثانيه احمس شويه ثوم بزيت زيتون مع شويه كزبره واكبه فوق اللبن اللي على النار , او ممكن احمس ثوم بروحه بدون كزبره

وبث

 

[ماجين]

شكرا وايد وايد على ردودكم الحلوة
و إن شاء الله أجرب طرقكم

 

[el 7abeeba]

تفضلي حبيبتي أمس كتبت موضوع عن كبة باللبن ... تهبببل حتى صلصة الروب متماسكه و كثيييفة

هذا الرابط

http://www.q8yat.com/t911248.html

و بالعافية

 

[جارة القمر]

مشكوووورييييييييييييييين

http://www.q8yat.com/t370568.html

 

[ماجين]

مشكورين وااااااايد وتسلمون على الردود

 

[ورد و ريحان]

شوفي انا هذي طريقتي لذيذه ومضمونه ان شالله


الكبه باللبن(اللبنيه)

مقادير العجينه

& أوقية من اللحم ( الهبرة) الخالي من الدهن
& كوب برغل ناعم
& بصلة واحدة
& ملعقة طعام من الملح
& 1/2 ملعقة صغيرة من البهار
& 1/2 ملعقة صغيرة من القرفة
& 1/2 ملعقة صغيرة من الفلفل الأسود

الحشو::::



أوقية من اللحم المفروم
بصلتان مفرومتان
ملعقة صغيرة من الملح
رشة بهار
رشة فلفل أسود
1/2 كوب سمن أو زيت نباتي
1/4 كوب صنوبر
كيلو ونصف الكيلو من اللبن الزبادي
ملعقتا طعام من الدقيق
ملعقة صغيرة من الملح
1/2 كوب أرز مصري
نعناع يابس حسب الطلب

الطريقة:تحضر الكبة وتهيأ على شكل أقراص صغيرة وترتب في صينية.(نفس كبكبة الكبه المقليه
بس يفضل الحجم يكون اصغر شوي)



يحضر اللبن ويطبخ وطريقتي بطبخ اللبن(يوضع الروب مع بيضه وكاسان ماء والارز المغسول
ويحرك باستمرار الى ان يغلي




مع مراعاة التحريك باستمرار عشان ما يتكتل اللبن او يفرط)
عندما يغلي اللبن تلقى أقراص الكبة فيه الواحد تلو الاخر .ولاننسى زيادة الماء الى اللبن عندما يقل الخليط
يجب ان تكون النار قوية حتى لا تلتصق أقراص الكبة بعضها ببعض.
يترك خليط اللبن والكبة والارز على النار مدة 5 دقائق..
يضاف النعناع اليابس إلى الكبة حسب الطلب.
تؤكل ساخنة

 

[ماجين]

تسلمون ما قصرتوا