أبي شيف يعلمني حلو قهوة بقوالب الكاكاو

[دلوعة أبوي]

اشلونكم بنات الصراحة خاطري اتعلم اسوي حلو قهوة بالكاكاو شريت القوالب من محلات التجهيزات وأبي اعرف اشلون يسوون الكاكاو بس ايسيحونه بحمام مائي ولا يحطون شي ثاني اللي اتعرف مكان متخصص للتعليم اتقولي بليييز:tek:

 

[eq-65]

اعتقد عند محل مهند وممكن اتعلمج اللي موجوده عندهم وهم يعطونج رقم الشيف مالهم

 

[da7doo7y]

انشالله البنات يفيدونج

 

[رحيل 11]

تقدرين تحطين جلكسي بحمام مائي

 

[مس يو]

شوفي قطعي الكاكاو الخام قطع صغيره

وحطي نفس كميتها بالضبط كريمه خفق


يعني مثلا 250 جرام كريمة خفق + 250 جرام كاكاو مبشور

اول شي حطي الكريما على النار لحد ماتسخن بس بدون ماتغلي بس تطلع فقاقيع على الاطراف شيليها من على النار وضيفي عليها الكاكاو وحركيه لحد مايذوب عدل بعدين حطي عليه قطعه زبدة صغيره علشان تعطيها لمعه..

وهذا يسمونه الغناش

وهذي جم طريقه انا مجمعتهم من النت علشان استفيد منهم وشوفي كل وحده بعد شارحه عليها اذا كانت سائله او متماسكه :dddds:


الغناش : (شويه سائله)

كيس شوكولاته هيرشي أو لوح شوكولاته خام ( شوكولاته بالحليب )
نص فنجان شاي كريمه خفق

ملعقه زبده

نص علبه قشطه
______________________________

طريقه اخرى (متماسكه بس مو صلبه حيل)

المقادير:

كوب كريما طازجه
كوب شوكولا نصف حلوه، مفرومه
ملعقه زبدة صغيره
ملعقة طعام من قطر الذرة

الطريقه:

تسخن الكريما جيدا ثم تطفأ النار وتضاف إليها الشوكولا المفرومه وتترك حتى تذوب

تضاف الزبدة وتخلط مع المزيج ثم يضاف قطر الذرة ويخلط مع المزيج للحصول على خليط لامع من الشوكولا.

تسكب هذه الشوكولا فوق الجاتوه وتترك حتى تجمد


_________________________________

كريمة الشوكولاته لتغطية الكيك


المقادير:

اصبع زبدة
ثلاثة ملاعق طعام سكر
خمسة ملاعق طعام حليب بودرة
خمسة ملاعق طعام كاكاو
كاسةشاي ماء


الطريقة:

تخلط جميع المقادير في وعاء على نار هادئة مع الاستمرار في التقليب حتى تجمد الكريمة (حسب الرغبة) ويدهن بها قالب الجاتوه

 

[جارة القمر]

مشكوووورييييييييييييييييين



وتفضلي طلبك


http://q8yat.net/showthread.php?t=414233&highlight=%DE%E6%C7%E1%C8

 

[دلوعة أبوي]

مشكوريين على الردود وما قصرتو بعد عمري