أبي شوركم..

[زيــــنــــه]

قوة بنوتات..

شلونكم عساكم بخير..

أنا من حطيت موضوعي الأول بهالقسم حسيت بالراحة..بعد ماقريت ردودكم..ومثل ماشرتوا علي بهذاك الموضوع..أبي شوركم بهالموضوع..

أنا نفسياً مو مضبوطة..أحس ناقصني شي..ضايع مني شي..

بصراحة أنا شوي بعيده عن ربي..وأتوقع هذا سبب نفسيتي المخربطة..

أبي رايكم شلون أصفي ذهني وأتقرب من ربي..

بتقولون صلي وصومي واقري أدعية..قاعده أسوي كل هذا بس أبي أتقرب أكثر..

أبي أحس بالراحة..​

 

[مس فبراير]

حبيبتي

انتي كانج كنتي اتكلمين عن شخصيتي قبل...

انا كنت بعيده من ربي وتبانه نفسيا واواجه مشاكل لو تااااافه بس اتعبني نفسيا ولا حسيت بالمشكله اروح اصلي

بس عشان اتروح المشكله...

ومره من المرات كنت معزومه على عشا..

ولقيت عندهم داعيه والله والله والله

انها شرحت قلبي ونورت دربي وحسيت بامان وراحه

تخيلي تقول الحين انتوا لو حسيتوا بمشكله او اي شي صار لكم صليتوا لربكم عشان يشيل مصيبتكم

هذا مايصير

لازم يكون نيتج صافيه تجاه رب العالمين يكون اتجاهج لربج مو بس بالمشكله بكل شي و

وادعي من ربج..ولاتحطين في بالج انج اذا دعيتي تسوين الشي هذا عشانج مضايقه لا

وكأنج تامرين على الرب انه يريح نفسج

انتي ادعي ربج لربج...

فانتي الجي في صلاتج باخلاص ونيه واكثري من الاستغفار والصدقه

واذا انتي تحسين ان وبخاطرج تسمعين لكلام اكثر بعطيج رقم ووحده اسمها رابعه

اتصلي عليها وقولي لها انا من طرف سليمه عشان ادخلج غرفه الداعيه اناهيد السميري كلامها راااااااااائع ويشرح الصدر

بدز لج رقمها على الخاص....

 

[أماني الورد]

كثري الدعاء

والاستغفار والصدقة

 

[RoWaIsHeDyA]

الحين العطله قربت ليش ماتروحين بيت الله ماادري يمكن تحسين فيه اكثر واكثر وتتغير نفسيتج للاحسن وخلج اجتماعيه واختلطي مع ناس صالحين وروحي دورات وندوات دينيه بتستانسين اكثر بتشوفين ان الاغلب مثلج ويمكن انتي احسن ,, المداومه على العبادات يبله وقت وتعود لازم تعودين نفسج على هالشئ ,, والله يهدي سرج ويريح بالج ويوفقج

 

[أميره بلا قصور]

اي والله روحي عمره....

 

[أميره بلا قصور]

اي والله روحي عمره....

 

[يوآش يوآش]

مثل ماقالولج روحي عمره واستغفري : )

 

[زيــــنــــه]

مس فبراير: مشكورة حبيبتي..

إلي شاروا علي أروح العمره: والله ودي..بس ما أقدر..يعني إذا بروح لازم معاي أحد..وكلمن لاهي بعمره..إلي مسافر وإلي عنده دوام..

 

[noorq8]

أنا بقولج دعاء بس اوعديني 3 أيام حاولي قد ماتقدرين ماتوقفين من تكراره وعقب قوليلي اشحسيتي ........................
لااله الا أنت سبحانك اني كنت من الظالمين .
قوليها باحساس صادق وبتشوفين الفرق.

 

[al-musk]

اتلزمي بدورة دينية تروحين يوم بالأسبوع عند وحده من الداعيات المعروفات

 

[صااااحبة السمو]

انت كنت نفسج ويمكن اللعن بعد
دايم احس بضيقه بقلبي ومزاجي دايم متعكر اصلي واذا سلمت لو تسالني شنو الايات اللي قريتهم بصلاتي
ما اعرف ارد عليج
بس الحين تغيرت نفسيتي 180 درجه انصحج بقيام الليل صلي كثر ما تقدرين بالبدايه صعب عليج بس بعدين بتتعودين وبتولهين ع الصلاه صدقيني
انا الحين ولله الحمد ما يمنعني عن قيام الليل الا الدوره عزكم الله وصلاه الضحى لها سر عجيب
صج الصلاه هي اللي تقرب الانسان لربه
عسى ربي يتمم علي ويثبتني ويرزقنا وياج راحه البال ​

 

[الليدي جيجي]

ماشاللة عليكم

اللة يثبتكم يارب ويغير حالنا للاحسن ياااااااااااااارب

 

[الليدي جيجي]

ماشاللة عليكم

اللة يثبتكم يارب ويغير حالنا للاحسن ياااااااااااااارب

 

[طموحه بزياده]

اكثري من الاعمال الصالحه الصدقه..الكلمه الطيبه لأي احد...الابتسامه صدقه..صومي الاثنين والخميس صومي الايام البيض يعني سوي اشياء اللي تكون مستحبه ومو واجب عشان تحسين بقربج لربج شغلي سورة البقرة واسمعيها بصوت اي شيخ صوته يعجبج

وانتي تمشين تقعدين تاكلين تنامين اي حركه عودي نفسج تذكرين الله (لا اله الا الله..استغفر الله..الحمدلله...الله اكبر..سبحان الله)
وان شاء الله تحسين بقربج من ربج

ادخال سرور على قلب اي انسان لو خدامة بيتكم او خدامة اهلج او العمال سوااويق راح تحسين بوناسه وانج تقربتي لربج

 

[غلا ستايل]

ابجي وانتي تدعين لذة فيها مو طبيعيه وخضوع رهيب

 

[الفدنه]

والله ماقصروا البنات
انا احب اقرا القران وحيل ارتاح
جربي تقرين اكثر
او اقري الايات اللي تذكر بالثواب والعقاب
اللهم لاتكلني الى نفسي طرفة عين اني كنت من الظالمين
اللهم يامقلب القلوب ثبت قلبي على دينك
آمين

 

[زوزو العوبه]

ما راح ازيد عن اللي قالوه البنات والله يهدي سرج وينور لج بصيرتج

 

[زيــــنــــه]

مشكورين حبيباتي وماقصرتوا..

 

[(زينة الدنيا)]

حبيبتي الدعاء له سحر عجيب ادعي الله بقلب صادق ولازم تكون عندج صحبه صالحه تعينج على الخير والله يشرح صدرج وينور دربج[/b]