أبي سيــــــــــــارة بهالمواصفاات .. رايكم يهمني

[مولاي الفرج]

السلالام عليكم

بنات انا بيمع عشان افتح لي سيارة ان شاءالله

بس ابي سيارة بهالمواصفات :


1- مجكنمه وعملية

2- كشخه

3- تكييفها زيين p:

4 - مو اكثر من 10.000 السعر


لان وايد احترت صراحه .. ناطرتكم:eh_s(8):

 

[PuPa^^SWeeT]

همممممممممممممممممممم


تبين جيب


ولا صالون

 

[مولاي الفرج]

بعد عمري انتي الوحيده اللي معبرتني لوووول

ابي صالون

ودي بطوارق بس مادري

 

[PuPa^^SWeeT]

هههههه ياقلبي شدعواا تستاهلين




هممممممممممممم قلتي تبيييين 10000 بس



خلاص برب بصور وياااي

 

[PuPa^^SWeeT]

فيوجن


لكزس | Auto965.com


شوفي لكزس اهني



صالون | Auto965.com - Part 2


اهني تويوتا كلهم


سيارة تيسلا 2013 تكشف عن الكهربائية الجديدة موديل s { موضوع خاص بالمسابقة }



تقرير عن السيارة فولكس باسات أولتراك 2013 بالفيديو والصور - سيارات مستعملة للبيع




سعر ومواصفات سيارة هيوانداى النترا 2013

 

[M!SS.LOBY]

طوارق بورش كايين لغزز شركة فورد

 

[Loloki]

من صجكم لكزس هذي بعشر باب وااااحد. اذا صج بعشره اخذها

انا زوجي يقولي اخذي جيب لان شوارعنا كلها مطبات قتله ماعرف اسوق جيب

قال اخذي جيب جنه صالون يقصد طوارق لصغير تو جيب ميني كوبر بس ميني جنه تابوت استغفرالله

انتو شرايكم

يعطيج العافيه صاحبه الموضوع يتلي بوقت حطه صعب لان هم انا قاع
ه افكرررر

 

[Loloki]

سوال عذي لكزس بجمممممممم عجبتني وااايد

 

[manoooram]

لكزس في قصات مختلفة و طوارق وكايين
أسعارهم فوق ال 10000 يا قلبي وأكثر بعد

هالسيارات قريب ال 10000 روحي شوفيهم
a4 audi
لكزس C200
شارجر

 

[ام الدرر]

حبوبة بعدي عن الطوارق كلش ما يمدحونه
تبين صالون اخذي تويوتا جودة وكد ومد وسعرها فيها ​

 

[ورور92]

اول شي الله يوفقج و تختارين السيارة اللي تبينها ويعطيج خيرها و يكافيج شرها مقدما .. واستخيري

ثانيا : نبعد كل البعد عن تويوتا و نيسان لانهم وييع


الكشخة تختلف من شخص لي ثاني
انا بالنسبة لي الكشخة سعرها يبدا من 20 الف و ما تكون يابانية او امريكية او كورية !!



بحطلج السيارات مميزاتهم و عيوبهم بما اني خبرة واحسن من الشباب بعد ومجربة اغلب السيارات


1) تيغوان فلكس واجن وايد حلوة و مجكنمة و جيب صغيرون ينفع للبنات انا مجربتها و سعرها 7000
وفيها شاشة و سنسر و فتحة ..... الخ
تكييفها حلو بارد
قطع غيارة و سيرفسه زين مو رخيص ولا غالي

2) لكزس بعيني مو كشخة لان مردها ياباني و ماتقل عن تويوتا .ز بس حليوة وتنفع لبنت و بالنسبة لميزانيتج اخذيلج is 300 سعرها بحدود 11
قطع غيارها زينة و السيرفس رخيص
3) مرسيدس c200 تكييفها مو بارد بس اسمها مرسيدس كشخة و مجكنمة و راقية تصلح لللبنوتات
قطع غيار غالية نوعا ما

4)في عندج طوارق اللي يكون اكبر من التيغوان بس بحدود ميزانيتج تاخذين الطوارق الاقرع كلش اللي بدون شاشة بس اسمه طوارق .. واذا بتزيدين الفين تاخذين المواصفات العادية
قطع غياره غالية نوعا ما

5) وثالث سيارة ارشحها لج من شركة فولكس واجن Passat cc هذي صج حلوة و تكييفها بارد و راقية و سياقتها ناعمة و سعرها بالمواصفات العادية 7 و الفل الفل الكاملة 10
قطع غيارها زينة و سيرفسها زين بعد

6) سيارات الانفنتي الصالون مو كشخة بس حلوين و ماعندي فكرة عن اسعارهم بس ما تتعدى ال10
قطع غيار و سيرفس رخيص

7) BMW حلوة و راقية و تقدرين تاخذين الجيب الصالون x1 او تاخذين الصالون 300 بس تكييفها مو بارد
قطع غيار غالية شوي

عموما مسالة الغلى و الرخص تختلف من شخص لثاني

و في اقتراح لي ما تاجرين سيارة ؟؟؟ طوارق مثلا لمدة سنتين بمواصفات حلوة و تصليحها ولو تسوين حادث لا قدر الله او سيرفس او سيارة بديلة كله عليهم ؟؟؟؟؟؟ ومنها كل سنتين تغيرين سيارة .. ومنها ماتحاتين التكاليف ..؟؟؟ << مجرد اقتراح

و ممكن تاخذين سيارة كشخة لو تيمعين فوق ال10 بشوي وتخلينه مقدم و تاخذين لج موتر قوي..
رنج روفر سبورت 2013 - كايين 2013 - كايمن باب واحد وسعرها بحدود 17 - مرسيدس SLK200 باب واحد

او لكزس باب واحد بـ 15 الف


ولو كنت مكانج راح اخذ VW PASSAT CC

ولاي سؤال انا حاضرة :**

 

[Mrs.H]

مافي لكزس ب10 الاف وبالعكس الياباني احسن شي لمنطقتنا لان جوهم حااار صيفا وثلج شتاء.. وقطع الغيار ماتكلف

خلج على فولكس واجن.. الاسعار بتناسبج وانصحج تروحين للوكالة تشوفين شنو يناسبج بس قطع الغيار مكلفة

 

[ورور92]

MRs.H

في لكزس بـ 9 و كسور .. is250 اللي تصير مكينتها اقل فئة .. والسيارة بدون نفيقيشن و كاميرا وغالبا يخلونها لموظفينهم..
-----------

وبالنسبة لـ للألماني الحين صار يركب كمبريسر ياباني يعني تكييفه ياباني و بارد

وقطع الغيار لفولكس واجن غالبا تحتاجين بس تبديل سفايف ؟؟ و السفايف الامامية أوو الخلفية 40 دينار
وتبديل زيت وهالسوالف مو مكلفه

ووايد قطع باللكزس اغلى ..

وهالشغلات ما تحتاجينها كل يوم و لا كل اسبوع و لا كل شهرين...
اختي سيارتها طوارق موديل 2011 من 2010 عندها توها تبدل سفايف و اهيا راعية مشاوير

فلا تحاتين هالشغلات ..

 

[اميره1980]

اول شي مبروك
اخذي تويوتا و انتي مغمضة كشخة و تكد وياج و مكيفها قوي

 

[M!SS.LOBY]

شركة فورد ما تتعدا 10 ألاف

 

[طموحي انجلش]

جيب فولفو xc90 سبع مقاعد حجمه من برا جنه طوارق
من داخل وسيع
الحين مسوين عليه عرض بتسعة موديل 2012
ومعروف هو أكثر جيب سيفتي في العالم
بس وكالة فولفو مايمدحونها وقطع الغيار غالية
والله يوفقج

 

[Nokia N95]

التيجوان ( طوارق صغير )
عملي ... تكييف خلفي ... سنسر ... روحي شوفيه بالوكالة .... واقل من 10000
وألماني ... ( يعني كشخة )

 

[M!Ss Smart]

اوريوووون تيوتا وانتي مقمضه حلوه مجكنمه وخراباتها قليل ماشاءالله وشككلها حلوه ومن اشتريت وجربوها اختي واشترت نفسي ورفيجاتي ثنتين نفسي ولله حيييل مريحه والحمدللله

 

[شندوخه]

طوارق لا
نصيحه
رفيجتي توها بايعته مايابلها حتى الفين
واختي طوارق ومو راعيه مشاوير كلش وخراباته واااااااااااااااااااااايييييييدددددددددد
من واقع تجربه مانصحج فيه