أبي سفرة مميزة و متكاملة ل مالييييييزيا ... تفضلوا

[twinsmam]

السلام عليكم
بنات ابي اسافر مع زوجي و بناتي( 5 اشخاص) ماليزيا للمرة الأولى
و انا قايلة لزوجي ان كويتيات راح يضبطونه بالسفرة من كل النواحي<<< همتكم بنات
بسم الله نبدي لستة الأسئلة
1- شنو الطيران الي تنصحوني في؟ الصراحة بناتي صغار و مابي أتأذى بالترانزيت
2- اشلون تكون الرحلة؟ كويت-كوالالمبور و بعدين اشلون اروح باجي المناطق؟ سمعت من البنات ان جنتنغ وايد حلوة فوق الجبل و منطقة ثانية مو ذاكرتها بس اشلون اروح لهم ماعرف؟
3- شنو الأماكن السياحية ؟ ابي ملاهي حق الأطفال
4- ابي اسامي المجمعات
5- شنو احسن الفنادق بكل منطقة؟
يلا بنات ساعدوني بلييييز احس اني راح اضيع هناك لأني مو رايحة ولا مرة
السفرة من 11-19/11 :ioljnmlk::bye22:

 

[twinsmam]

اشدعوة بنات ولا رد

 

[نارنج الوادي]

هلا بالنسبة للطيران ما اعرف ممكن القطرية لان انا لا ارجع زيارة اخد ع القطرية مريحة وحلوة

الفنادق حسب انت ايش امكانينتك انا افضل الماريوت هو في شارع العرب اي اسمع بوكيت بينتانق

وموقعه حلو جنب المولات الكبيرة الحلوة زي البفيليون رووووعة مول 7 ستار

الاخوات العرب يحبو التايم سكوير اما انا اكرهه جدا دايم زحمة ومافيه شي مميز
فيه سوق الالكترونات جنبه وعدة اسواق اصلا كلها في شارع العرب

بالنسبة للاطفال روحي للمول اسمه الماينز جنب فندق القولدن هورسز ممكن تنزلي فيه والماينز اول سوق ماليزي يعني قديم بس المدينة الالعاب الي فيه حلوة

سن ويلاقون مدينة مائية في منطقة السن وي حلوة للصغار بس لا تروحي ويك اند لا سبت ولا احد لانه زحمة جداااا
جنبها مول السن ويلاقون رااااااااااااااائع ممكن تنزلي ايضا في فندق السن ويلا اختيارات لك طبعا

ايضا سوق الغني عن التعريف وعشقي ههههههههههههه حافظته شبرااا شبرااا اسمه الك ال سي سي حلوة وفيه جنبه حديقة ونافورة ليلة رائعة ومجموعة فنادق اسعارها معقولة

ايضا جنب المول هذا فيه اندر وتر حلو بيسكر الساعة 6 اسالي عليه اي موظف في السوق

القينتق هايلاند كدينة العاب في منطقة عالية وباردة حلوة ممكن تروحي بالباص او الترين من اي محطة للقطارات ارخص طبعا ولليحبو الاكتشاف تاخدو الكروت وتعرفو اي محطة رايحن لها ومن هناك تروحو للقنتق عن طريق التلفريك يخووووووووووف اتنبهو لا ترجعو منه بالليل

الكاميرن هايلاند مزراع الشاي والفروالة عادية ومتستاهل الروحة وبالذات الطريق صعبة جدا وضيقة

افاموسي مدينة مائية كبيرة ممكن تمشولها بالتاكسي حلوة والله

الجزر فيه كتير بس اي وحده ناوية تروحي لها
المطاعم كل شي عالمي
لا يفوتك مطعم الضيافة الي بصدق ابدعو فيه اخوانا السعودين بصدق ارقى واحلا وانظف مطعم عربي هنا
وشنوووو بعد اي سؤال انا حاضرة

 

[twinsmam]

حبيبتي نارنج الوادي مشكورة عالرد
بحاول اجمع معلوماتج تدرين اول مرة بروح فأحس اني متدودهة

 

[twinsmam]

اي فندق تنصحيني في اكثر خصوصا ان معاي يهال صغار

 

[نارنج الوادي]

الاسواق الكبيرة الي تحتاج ممكن يومين فيها

ون اوتاما حلوة ومتعدد الاختيارات ماركات عالمية ومحلات صينية وايضا اكسسورات بجد كبير ورهيب يحتاجلك من الصبح لليل وانت بيه ولا يخلص

ايضا فيه مدينة سياسية ادارية روعة هادية وفيها منتزه عائلي ومسجد رائع اسمها بتراجايا تقع علي بحيرة كبيرة جدا ممكن تركبو فيري ويتنزه فيكم بس يسكر الساعة 6 مساء

ايضا فيها سوق اسمه الالماندا جديد بذكرني باسواق قطر ههههههههههه

كمان من المحبب لقلوب الزائرات العرب مول اسمه ميقامول كبير ويدوخ بس انا ما احبه دااااااااااااااايم زحمة وكل المحلات والماركات الي فيه تلاقيها بكل المولات الي ذكرتها لك قبلل

بالنسبة للبس الاطفال كله حلو بس المميز هنا واظن مش معروف عالميا سوق الاي ستان تلاقيه بمول الك ال سي سي
وايضا الباركسون راااااقي ومميز

ايضا المتروجايا كلها محلات كبيرة ادوار للرجال وللنساء وللاطفال في معظم المولات الكبيرة

لاتفوتك ماركة مكياج اسمها اليناتو ماركة ماليزية ورخيصة وعندها اشياء حلوة
ماني عارفة ايش تاني هههههههههههههه بس حبيت اساعدك ودعواتك ربي يسخر لي الحال

 

[نارنج الوادي]

يعني بتنزلو بفندق واحد او بتحبو التغير

 

[twinsmam]

حبيبتي مشكورة على المساعدة و الله يوفقج و تنولين مرادج
لا والله انا احب اظل في مكان واحد ماحب اغير السكن

 

[نارنج الوادي]

تقليد ماااك بسوق اسمه امبانق بارك في الدور التاني كشك صغير جدااا تلاقي فيه ماك وديور تقليد وماتلاقي الا عنده لان مش كل مكان تجدي التقليد

ماركات ماليزية للاطفال اسمها اناكو اي اطفال بالماليزي هذا الموقع ,موجودة بمعظم الاسواق حتى الكارفور

http://www.anakku.com/

 

[نارنج الوادي]

اذا خودي بفندق الماريوت احب جدا فطورهم هههههههه

هذه كل الفنادق
http://www.daleel-malaysia.com/vb/forumdisplay.php?f=65

وابضا الابون بوفيه الي بفندق السن ويلاقون حلو وفيه اكلات عربية بس الفندق هو غالي يعني ومش بالسنتر يعني راح تتعبو بالمواصلات خصوصا انه ماليزيا صايرة زحمة ها اليومين

 

[twinsmam]

حبيبتي مشكورة كتبت كل المعلومات على ورقة عشان استفيد منها

 

[fay fay]

ماشاااااااااااااء الله عليج يانارنج الوادي

تبارك الرحمن
صج ملمه بكل ماليزيا

السلام عليكم
بنات ابي اسافر مع زوجي و بناتي( 5 اشخاص) ماليزيا للمرة الأولى
و انا قايلة لزوجي ان كويتيات راح يضبطونه بالسفرة من كل النواحي<<< همتكم بنات
بسم الله نبدي لستة الأسئلة
1- شنو الطيران الي تنصحوني في؟ الصراحة بناتي صغار و مابي أتأذى بالترانزيت

كم اعمار بناتك عشان اشوفلك الحجز كم اسعاره

الامارتيه او القطريه ,, بس لازم ترانزيت وللمعلوميه ترانزيت قطر ارحم من الامارات لان الاماراتيه رسمي 4 ساعات

2- اشلون تكون الرحلة؟ كويت-كوالالمبور و بعدين اشلون اروح باجي المناطق؟ سمعت من البنات ان جنتنغ وايد حلوة فوق الجبل و منطقة ثانية مو ذاكرتها بس اشلون اروح لهم ماعرف؟
باقي المناطق
اما توصلين اول ليله حجزي صن واي لاقون لانه قريب من المطار نوعا ما // ريحو فيه ليله او ثنتين وبعدين طلعوا على رحله داخليه عن طريق طيران اسيا اير .. وهو طيران اقتصادي رخيص وكل مابكرتي بالحجز كل ماكان ارخص .. ممكن الرحله تطلع عليك ب 30 رنجت واعلى على حسب الوقت اللي اخترتيه

بالنسبه لجنتنغ هي ملاهي وفنادق واسواق ومطاعم وكافيهات فوق الجبل
المنطقه بارده حبتين بطريقه لذيذه .. بردها يقشعر جسمك بس مايخليك تتجمدين طبعاً
احلى مافيها ان انتي والغيم سوا
يعني اخر مره رحت لها رحت لكافي ستار بكس وهو اوبن على برا .. المهم كنت اشرب قهوتي والغيم ويانا وبمستوانا
متخيله ؟؟

بس ماتستاهل المبيت

وشلون توصلين لها
تاخذين اي تاكسي وتقولين له ابي جنتنغ وتفاهمي معه على السعر بيسئلك طبعا وين تبينه ينزلك .. اما عند التلفريك وتطلعين الباقي بالتلفريك او يوصلك لين باب الاوتيل او المول

والمنطقه الثانيه اما بتكون بوكيت تنجي او بتكون الكاميرون تأكدي وخبريني


3- شنو الأماكن السياحية ؟ ابي ملاهي حق الأطفال
وااااااااااااااااااااااايد ,, من المطار خذي الاوراق السياحيه واختاري .. وللاطفال عندك صن واي لاقون + جنتنق+ في بيننغ بالفنادق كلها غرف للاطفال وبرك خاصه تجيب العاافيه خاصه شنغريلا وهارد روك

4- ابي اسامي المجمعات
ذكرتها الاخت نارنج

5- شنو احسن الفنادق بكل منطقة؟
شنهي الاماكن اللي بتروحين لها اساساً ؟؟

عمووما بالنسبه لي :

كوالا
ويستن في شارع العرب - تريدرز والماندرين في منطقه البرجين

لنكاوي
ويستن

بيننغ
شنغريلا وهارد روك

صباح
سوترا هاربر -شتغريلا


يلا بنات ساعدوني بلييييز احس اني راح اضيع هناك لأني مو رايحة ولا مرة
السفرة من 11-19/11

وحيياج

 

[twinsmam]

حبيبتي fay fay مشكورة على كل معلومة قلتيها
بناتي توم اعمارهم 4 سنوات و الصغيرة 4 شهور تقريبا
والمناطق لي بروح لها كوالا و بنينج لأن السفرة قصيرة مابي فيها وايد حوسة و انتي قلتي جنتينغ ما تستاهل القعدة فيها يعني نروح يوم كامل بس

 

[ام مريووومة]

انا بعد بهالفترة انشاءالله بكون بماليزيا

يعطيكم الف عافية خوش معلومات واللي عندها معلومات اكثر عن الاسوقة الرخيصة والحلوة تفيدنا بليييييييييييييييييييييييييز

 

[twinsmam]

يلا خبيرات ماليزيا هيييييييلب اس

 

[جوديے... كيوت]

[1-يفضل القطريه لانه ترانزيت مايطول يعني مو ساعات اقل وايد او في عالطول بس مو متأكده مااعرف[

[2-تقدرين اول ماتوصلين تروحين كوالامبور تسكنين فيها ويفضل بشارع العرب كل شي حواليج

وادا حابه تروحين من منطقه الى منطقه عادي بتاكسي

وجنتق حلوه وتصلح للاطفال بس انا راي دام معاج اطفال تسكنين فيها لانه معاج يهال انا عن نفسي ما كفاني يوم قعدت يومين
او ثلات ما اذكر لانه العابها وايد خارجيه وداخليه بالمجمع وغير مجمعهم شحلاته وعالم الثلج والتلفريك
يشوق مكان حق اليهال وبعدين العاب الخارجيه من صبح الى 7 مساء اما داخليه لي 11 بليل

والمنطقه الثانيه فوق الجبل كاميرون ماتصلح حق عيالج لانه طريج وانتي صاعده في ناس جبدهم تقلب مايستحملون
ويدخون على لم تصعدين الجبل طريج مادري اشلون اوصفه مثل دائري ويدوخ ويطول تنفع حق لكبار
لانه جولاتها حلوه



3-[جنتق + كوالامبور تقدرين تروحين من الصبح الى الليل افاموسا حديقة حيوان ورحلات سفاري وكرنفال بليل + صن واي
لاقون مدينه مائيه والعاب وحديقه حيوان ومجمعها داخل في العاب وانا عن نفسي خليتها اخره محطه عشان عالطول بسرعه ازرق المطار+
بينق حلوه بجولاتها حديقة الفواكه والفراشات وشغلات وايد ويكفي عالبحر بقيات وجت وبرشوت بس عن طريق طياره تروحين لها


4-كوالامبور بشارع العرب كلا مجمعات
وايد بكوالامبور بس الاسف مايحضروني نوتي مو يمي:080402ask_prv:


[5-كوالامبور الملينيوم وايد حبيته وماريوت حلو بس غالي
جنتق اول اكبر فندق بالعالم واهو يم العاب وملون يشوق
بينق هوليدي ان اسعار حلوه مناسبه مقارنه بالفنادق الي حواليه ويمج المطاعم وسوبر ماركت وسوق الليل

واذا محتاجه شي انا بشوفه دزي عالخاص مايرد الا الكيبورد:eh_s(15):

 

[قلب عشتار]

اناراح اسافر مع عائلتى فى عطله عيد الاضحى تقريبا 10 ايام
وبتكون كالتالى اول 3 ايام كوالالمبور
بينانج 3 ايام
لنجاوى 3 ايام
العوده لكوالالمبور
واحتمال المبيت فى سيلان ليله علشان الطيران والعوده للوطن ا
اما البرامج فانا ماابى اي يوم يروح سدى اولادى 15-13-6يحبون الغوص والصيد والحيوانات والالعاب الاكشن
فالذي يعرف كل مدينه شنو الاكشن والشى الغريب فيها لايبخل علينا لانها اول مره يسافرون لشرق اسيا وانا مابى أن يكرهونها

 

[قلب عشتار]

بنات انا التبس الامر على جنتنغ هذى مدينه ملاهى والا جزيره
وشنو احسن من كوالالمبور لبيننغ طياره والا باخره والا تاكسى

 

[نارنج الوادي]

قلب عشتار القينتنق مدينة العاب

روحي للبنانق بطايرة اسهل واسرع

 

[twinsmam]

حبيبتي جودي كيوت <<< كفيتي و وفيتي
نارنج الوادي <<< الي اعرفه اسيا اير احسن طيران داخلي؟ بس اشلون احجز من الموقع او اروح المطار هناك؟