أبي راي المتزوجات ضروري

[مراام]

قوه بنات مبارك عليكم الشهر


انا مشكلتى انه تقدملى واااحد ماشاءالله عاجبنى من كل النواحي الا ناحيه وحده اهيا انه اقصر مني عفيه بنات انا مانى سطحيه وجذي وكنت بتقبل الفكره لو انه نفس طولي او اقصر مني بسانتي او سانتيين لكن اهوا اقصر مني تقريبا ب 9 سانتى انا طولي 175 واهوا يمكن 168 صراحه احسها قويه حيل الي بشوفني وياه اتوقع بقول هذه امه وانا من فتره احاتى هالموضوع ومتردده فلو سمحتو لا تقصرون وياي بالنصيحه


ناطر ارائكم :33_1185028183:

 

[(m & m)]

اذا تنحرجين منه وايد و مو متقبله شكله لا توافقين

صدقيني هالنظره ممكن تظل معاج الا لو قدرتي تمسحينها

راح تخافين تطلعين معاه و تنحرجين من هالشييي وهذي مصيبه

اذا الوحده استحت تطل مع ريلها

اما لو قدرتي تغيرين نظرتج و تتقبلين شكله و تطنشين حجي الناس

فهذا شي ثاني

الله يوفقج

 

[باااربي]

والله مادري شقولج
مرة خطبني واحد اقصر مني ومارضيت .....فشلة بالله بلبس كعب ؟؟؟؟

 

[ورد وردي]

رد : أبي راي المتزوجات ضروري

والله هالزمن الناس تدور الريال السنع دوارة ...... مادري لاتلبسين كعب لبسي فلات وترى الريال اذا كان في عرض وجسم ماراح يبين الطول ........وبالاخير انتي ادرى بنفسج اذا مو حابتة او متقبلتة وهالشي منفرج لا تظلمين نفسج وتظلمينة

واولا واخيرا استخيري ربج اهو اعلم فيكم

 

[حرم_طيار]

رد : أبي راي المتزوجات ضروري

والله ما ادري شقولج

صلي استخارة وشوفي الله شنو كاتب لج

 

[Gourges]

حبيبتي انا اشوف ان عادي بس كل مره طلعي معاه بفلاتات والحين الفلاتات والصنادل يشووقوون حيل ونعل الشوارفسكي عزج الله ... عاادي وبعدين مع الشكل العام ماراح يبين هلشي ...

بس اذا انتي مو متقبله فكري بالموضوع واستخيري لازم لمن توافقين تكونين متكيفه ومقتنعه اقتناع تام علشان لو سبحان الله احد من اهلج قال والله المعرس جنه قصير انتي ماتتضايقين ولا شي وتكونين مقتنعه لان اذا اقتنعتي اقتناع مو تام ومشيتي بس الموضوع لو احد يقولج ريلج قصيرون بتتضايقين حيل من داخل ويمكن تكرهين الطلعه معاه
فا فكري بالموضوع عدل مدل واقتنعي اذا زين ومعدنه زين
وعسى الله يوفقج اختي​

 

[أنفاسي دخون]

الرجال مخابر مو مناظر

دامه عاجبش من كل النواحي توكلي على الله القصر مو بيده شي من الله وش الفايده لا صار اطول منش واخلاقه او دينه مو ذاك الزود !!!!

استخيري والله يكتب لش اللي فيه الخير

 

[مذهــلــه]

حرام ترفضينه علشان طوله

اذا كل شي تمام ليش ترفضين ... ترى النصيب ماايي الا مرة وحده

وصلي استخارة والله يوفقج

 

[دلــــع البنــــات]

رد : أبي راي المتزوجات ضروري

هههههههههههههههههههههه
انا كانت نظرتي مثلج ورفضت اقصار
ولما جا واحد طريل والله بشهر طلقني
وبربي مو عارفة شنو سبب الطلاق بس اني حملت

اختي اسألي عن أخلاقة
يا حلو واحد تعيشين معاه بامان ويحميج هو اللي يعزني

مو بالطلعات و الروحات

واسألي مجرب واتمنى اني افدتك

 

[زهراء الركابي]

رد : أبي راي المتزوجات ضروري

الرجال بشخصيته موووووووووووووووووووووو بطوله
والرجال مايعيبه الا جيبه
وافقي ومبررررررررررررررررروك مقدمااااااا

 

[أحلى^حياه]

يعني بترفضينه عشان طوله!!!!!!!!!!!!!!!!!
ماعندج سالفه

الحين الحريم يدورون الستر دوارة

 

[@البتووول@]

معاناتي قبل لووووووووووووووووووووووول بس الحين كبرت وتغيرت نظرتي الحمدلله


إنتي إستخيري وشوفي ربج شنو يكتبلج والله يوفقج

 

[lovely jojo]

استخيري

 

[دانة الدنيا1]

استخيرري وبعدين حبيبتي انتي ماشاءالله طويله بعد عن الوضع الطبيعي للبنت مو اهو القصير عاد القصار حبابين وقلوبهم طيبه واذا فيه مواصفات حلوه حرام تخسرينه الفرصه مره بالعمر لاتضيعينها وربي يجدملج اللي فيه الخيرو

 

[>>روضـة الحسـن<<]

استخيري

 

[فيونكة_وردية]

حبيبتي استخيري والقصر مو عيب وتنحل والله انا اخوي قزم مو قصير عالج بمستشفى شيخان الفارسي مالت الغدد ريلج اكيد عنده غده خامله يا بنت الحلال صلي استخارة واذا ارتحتي توكلي على الله ومثل ما قالولج البنات لبسي فلاتات وهو يلبس جواتي مكرم السامع اللي فيها ربع كعب لين ان شاء الله يتعالج ويطول ترا القصر له حل مو نهااايه العااااااااااااااااااالم وساليني والله اخووي قزززززززززززم حتى كنا نطفره نسمييه عقل الاصبع وقزوم والحيين يطالعنا من طرف خشمه وتغيرت العياارة من قزوم الى صنقل طنطلووه ههههههههههههههههههه

 

[‏إنگِسَارْ آلشَـوْق ..!]

رد : أبي راي المتزوجات ضروري

استخيري .. ترى هذا مو شي مهم ..~
المهم إنه زين ..}
وموفقه ..

 

[al-musk]

اذا اخلاقه زينة وكل النواحي ماعليها..عادي طاف واستخيري ولاتضيعينه يمكن الخير يكون معاه واذا مو متقبلته فالشكوى لله بلا هالزواجة وانتي اذا حبيتيه بتشوفين عيوبه حسنات

 

[مشمش أحمر]

حبيبتي اذا عاجبج ومواصفاته واخلاقه عاليه هذا الاهم والله .. اوقات الوسامه والطول والعرض تكون نقمه مو نعمه

والرجال مخابر مو مناظر ... اهم شي شخص تعيشي معاه باقي العمر براحه وسلام

اعرف وحده ملكة جمال وتزوجت واحد مو حلو وكل حد قعد يقولها لما نشوف ريلج ننصدم " تخيلي هالكلمه الشنيعه " مو حلو ومن هاالكلام بس عايشه معاه ف عسل ومرتاحه وااايد لان اخلاقه وصفاته عاليه

واهم شي استخيري لو الموضوع فيه خير لج بيكمل

 

[DooLy88]

انتي شرايج ؟

اذا عادي توكلي على الله

اذا مومتقبلته لاتوافقين

استخيري