أبي رايكم ...ماني لاقيه حل حق مشكلتي مع بنتي

[شيزكيك]

والله اللي تساعدني بدعيلها ليل مع نهار

مشكلتي بنتي عمرها ثلاث شهور ونص وآنا أرضعها رضاعه طبيعيه

بتقولوون شنو المشكله .... آنا أقولكم........

ماتبي تشرب حليب صناعي كلش مع إني أبي أعطيها مرات أكون طالعه ولا أكون مخليتها عند أحد في البيت بس لما نعطيها الحليب الصناعي بس تبجي تبجي لما تتعب وتنام بدون ما تشرب
غيرت الحليب ماكو فايده شريت كل أنواع المميات هم ماكو فايده
لا والحين اكتشفت شي ثاني إن مو بس الحليب ماتبيه أي شي بالمميه ماتبيه حاولت أعطيها شاي الأطفال ماتبي عصير هم ماتبي .. تعبت ماأدري شسوي

ياريت اللي صارلها مثلي تعلمني شنو سوت


ـ

 

[++The DuchesS++]

جربي مره و2 و3
بتيوع وبتشرب من الممه ان شاء الله
انا من الاربعين اعودهم على الممه مع صدري عشان يتقبلها

 

[سيده نفسي]

انا كنت مثلج بس تبي صدرى

وكنت احاول مرة ومرتين لين تعلمت

 

[..um-7mny..]

شووفي خليها تجووع شووي وعقب بترضعها غصب <-- كسسرت خاطري

وبعدين كلها كم شهر وبتاكل

 

[لومية]

المفروض تعلمينها من الاربعين
الحين وايد صعب تأخذها
أنا حماتي جربت مع بنتها نباته عشان يصير طعمه حلو وصج حدتها الممية*

 

[شيزكيك]

مشكوريين بنات على ردودكم
آنا أدري غلطت ماعودتها على المميه من الأربعين بس الحين شسوي أبي حل ؟؟؟؟
وترى آنا خليتها تيوع أربع وخمس ساعات موشاربه حليب بس ماكو فايده بس أحط بحلجها المميه تصرخ وتبجي ما تسكت وبعدين تكسر خاطري وأرضعها
حتى واهيا تبجي آنا أبجي معاها والله تعبت ماأدري شسوي معاها

 

[شيزكيك]

مافي وحده مرت بمثل حالتي تعلمني شنو سوت ؟؟؟

 

[كـ غلا ــلي]

هاذا الشي عادي حبيبتي اليهال اللي يرضعون طبيعي ما يحبون شي اسمه ممه ولا مصصاصه انتي سحبي حليبج لها

وخلي امج ولا اختج المهم اي احد الا انتي يشربها اياها لانه انتي تعرفج فما تقبل منج غير سدرج وهاذي عن تجربه

 

[_Pure_]

ويييه عيل انا شقول
بجري يوم عمرها ٦ شهور احاول فيها ماكو فايده لانها ماترضع الا من صدري الين فقدت الامل و كملت معاها طبيعي الين صار عمرها سنه يالله خذت المميه و صارت تحبها اكثر من صدري لووول

و الحين محتاره مع الثانيه اعلمها ولا لا


بس ترا بنتج توها صغيره عالعصير ديري بالج

 

[*Little**Angel*]

نفس مشكلتي بالضبط

والمصيبه خلصت الامومه ولازم اداوم