أبي رايج تكفين دشي

[ريانا]

شلونكم حبيباتي

ارجوكم ابي رايكم بشغله حدها شاغله بالي قبل 7 اشهر كنت حامل وتعرضت لاجهاض منذر بالاسبوع السابع بعدين ثبت الحمل وكان كل شوي ينزل علي افرازات مدممه والدكاتره يقولون عادي اجهضت بالاسبوع ال15 نزل البيبي في المهبل مع انه مامات وطلبت من الدكتور يسويلي تنظيفات واكتشفت ان عندي خمول بالغده مادري اذا اهو السبب الحين حملت بعد اشهروالدكتوره ماوصفتلي البيبي اسبرين بس قالتلي راح نسويلج ربط
بنات انا سألتها دكتوره ماجده اكيد ماخذ الاسبرين قالت لا لان البيبي مامات تكفون انا خايفه مااخذه ويتكرر الاجهاض شسوي؟؟؟؟ والربط شلون وهل راح يخليني ماتحرك؟؟ وهل فعلا اجهاضي بسبه عنق الرحم؟؟يارب توفق كل بنت تجاوبني واسفه عالاطاله

 

[نـعـومـه]

دام دكتوره قالتلج عادي يعني خلاص لاتحاتين

 

[بون سواريه]

والله حبيبتي كلش ما عندي فكره بس ما حبيت ادخل واطلع من غير ما ادعي لج بان الله يتمم حملج ويرزقج الضنا ويفرح قليبج فيه يا رب العالمين

 

[آلبرنسيسه]

ماعندي بس بطلع بدعوه عسي ربي يستر عليج ويهون عليج ويرزقني وكل البنات بالحمل السليم المعافي والذريه الصالحه ياااااارب

 

[beauty rose]

لا تحاتين من الربط انا مسويته الحين
مايخرع كلش و تمشين طبيعي بس مو بزياده
يعني ما تجهدين نفسج
الله يعوضج ان شاء الله و يثبت حملج يارب*

 

[ريانا]

نعومه بون سواريه البرنسيسه بيوتي روز

حبيباتي مشكورين وايد عالردود وعالدعوات ولكم بمثلها ياااارب

 

[لبى عيونه]

الله يثبت حملج ان شاءالله ماعندي فكرة والله

 

[تبطي عظم!]

الله يثبته يارب

 

[ريانا]

لبى عيونه تبطي عظم مشكورين عالدعوات ولكم بمثلها ياااارب

 

[احترت اسميك]

دامك عند الدكتوره ماجده اليتاما لا تحاتين تراها دكتوره شاظره
وان شاء الله يثبت الحمل
ربي يوفقك من كل قلبي

 

[Daisy flower]

اتوقع افضل حل لمشكلتج الربط .. ودكتورة ماجدة اليتامى ماشاء الله اشطر وحده بهالسوالف ..

 

[ريانا]

من كال قلبي اشكرج يا اختي اخترت اسميك واختي فلوير عالردود الطيبه


بنات تكفون الي عندها راي بموضوع الاسبرين تقولي فديتكم

 

[elpinkya]

حبيبتي دام البيبي مو ميت تطمني

لانه البيبي اسبرين ما يثبت الحمل ... اهم يوصفونه حق الي عندها عيب بالمشيمه

انها تجلط الدم و ما توصله للبيبي و يموت ...

يعني انتي ما راح تستفيدين لانه ما عندج تجلطات

و ان شالله مع الربط الله يرزقج بالجنين السليم يارب و تفرحين فيه ان شالله

 

[ريانا]

بعد عمري البنكيا من نكج حبيتج ا الله يطمنج يارب

انزين تجلط المشيمه يموت الياهل ولاممكن ينزله بدون وفاه؟؟ لان باجهاضي تقرير الوفاه كان كاتبين ان الدم ماوصل للمشيمه بس اهي ماماتت طاحت البنت

 

[ريانا]

وعلى فكره انا سويت تحليل تجلطات قبل الحمل مافيني

 

[elpinkya]

فدددديتج حبتج العاااافيه :***

شوفي حبيبتي انا اخذ الاسبرين

لانه صارت لي أجهاضات متكرره اول اجهاضين كانوا في بداية الحمل ما اهتميت لانه عندي عيالي من قبل
و كان حملي سليم ولا اخذ اي شي

باجهاضي الثالث عطاني الدكتور الاسبرين استمر حملي لي اخر الثالث بس وحامي اقشر

كنت ارجع الدوا تكرمين و ما كان الياهل يوصله الدوا و مات البيبي و بس ما نزل علي دم ولا نزل الياهل الا بعد ١٠ ايام من موت البيبي يعني كان ميت فبطني

لما سويت تنظيفات خذوا عينه و قالوا انه المشيمه ما توصل الدم للبيبي لانه يتجلط

و حملي هذا الحمدالله خذيته من اول ما حللت لي بداية الشهر الثامن و وقفه الدكتور
و الحمدالله ولادتي ان شالله بعد خمس ايام >_<


في بنات ياخذونه احتياط ترا ما منه مضر و تغذية الياهل تكون اكبر
بس لازم يوقفونه بداية الثامن عشان ما يصير نزيف لا سمح الله

 

[ريانا]

والله مادري بالتقرير كانو كاتبيلي الدم ماوصل للمشيمه بس انا مامات الياهل نزل علي ماي عقب دم ولما سوالي سونار قالي الياهل نازل المهبل وكنت اسمع دقاته وسويت تحليل اجسام مضاده مافيني الدكتوره تقولي لوتجلط جان مات مادري اصدق منو احترت يارب

 

[elpinkya]

لو ما يوصل المفروض ميت لانه المشيمه ما توصل دم عشان يتغذي و بسرعه يموت بداية الحمل يمكن ما يكمل الشهرين

بس انتي نزل ماي و الياهل حي معناه انه الرحم مفتوح و مع الربط يثبت ان شالله

 

[ريانا]

بعد عمري بنكيا فديتج


اي انا اقول جذي لوتجلط يموت بشهرين ماينزل بالرابع وحي شكله كانو بس بيكتبون تقرير

 

[elpinkya]

بعد عمري

نصيحه عليج بالادعيه و الرقيه الشرعيه

و الله ادويه العالم ما تحفظ و الله خير حافظ حبيبتي

والله يحفظ لج الي فبطنج يارب و يكون من الذريه الصالحه ان شالله
و يقر عينج فيه يا رب