أبي رأيكم لو سمحتوا

[انا قلبه وعيونه]

السلام عليكم

شلونكم بنات المنتدى شخباركم

أنا يا جماعة عندي موضوع واستفسار ومحتاره شوي

أنا والحمد الله عندي بنت عمرها سنه وشوي وطالبه خدامه فلبينية وعندي بيبي مولود

بنتي اسم الله عليها شيطانه و بجايه محد يقدر يتحملها أو يمسكها وتغار من البيبي

المهم أنا ناويه لا وصلت خدامتي اخليها تمسك البيبي وتجابله وتنام عنده بغرفة اليهال

وبنتي تنام عندي ( اهيا من اول تنام عندي) ، لانه ما قدر أنومهم اثنينهم عندي

وهم الغرفة الثانية أدفى بالشتا ، بس خايفه عليه لانه بيبي ويمكن الخدامه ما تعرف له

وإدري. بنتي ماراح ترضا تنام بروحها عند الخدامه اول شي راح تغار زياده ثاني شئ ما تنام عند أي احد

أبي رأيكم بها لموضوع وشنو الأحسن من وجهة نظركم ، أفيدوني يا الغالين !!!​

 

[موريا آدم]

اب للافادة

 

[شـيـوخـهـ]

نصيحه لا تخلين البيبي الصغير ينام عند الخدامه ممكن تتملل منه انتي امه لي بجى ولا تعسر تتضايقين فما بالج الخدامه

تقولين ما اقدر بقولج انا مريت بنفس الي تقولينه مافي فرق بين عيالي وكانوا اثنينهم ينامون عندي بالغرفه

عادي كل واحد بسريره لين كبروا شوي وطلعتهم بغرفه بروحهم

اذا تقولين تعب عليج ,, من الصبح لما تي الخدامه طلعي لها البيبي الصغير بس لا تخلينه ينام عندها

وغيرت بنتج شي طبيعي ياهل جديد بشاركها بحبكم لها فترة وتطخ وتهدا بس هم لازم تعطينها الاهتمام الاكبر بس هم تحاولين

تخلينها تتقبل وجود اخوها مو تخلينه عند الخدامه عشان لا تغار لازم تتقبل واشوي اشوي تتعود وجوده بس لا تبعدينه عشان

ترضينها لان بهالطريقه بتتصرف بانانيه لي كبرت

والله ولدي كان قمه بالعناد ومو متعود الا علي انا ومحد يعرف له ولا يبي احد مع هذا كنت اعطيه الاهتمام الاكبر بس اخته بعد امسكها واهتم فيها عشان يتقبلها واشوي اشوي تقبل وجودها ,,, والله كان عسر عسر ويبجي وبس لازق عندي وكله يبجي والخدامه ما كانت تتحمله لان محد يتحمله وهي يته وهو عمره سنه ونص فما حبها وهي بعد مامالت له وايد من طبعه البايخ بس الله هداه الحين وصااار ريال ويحب اخته ويلعب معاها



الله يسخر لج خدامتهج ويحفظ عيالج ويهديهم يارب

 

[أحلى قصة]

اااااااااااااااب

 

[do0ora]

مستحيل انوم ولدي او بنتي مع الخدامة بغرفه وحدة
هي راح تمل طول اليوم عندها حتى بوقت النوم معاها
بنتج اسم الله عليها حطيها بحضانه تتعود تكون اتجماعيه وتحب اليهال وتريحج مايصير 8 بالليل الا هي نايمة اهني تتفرقين حق نفسج وحق البيبي

 

[دلال و غلا]

لا شنو اخلي ولدي والا بنتي تنام عند الخدامه غلط حبيبتي عيالج ينامون عندج و العيال مسؤوليتج انتي و الخدامه مسؤوليتها مجابل البيت تنظيف و غسيل

 

[<<الأميره>>]

لا تخلين المولود عند الخدامه
انتي جابلي عيالج والخدامه تسااااااعد
اما تعطينها المولود كل الليل يتم عندها لا صعبه ويمكن ماتعرف له
غير اذا قعد بالليل يبچي احنا ياالامهات ياالله نتحمل شلون تبين
الخدامه تتحمل!!!!

 

[شذى الدعوه]

الجنه تحت اقدام الامهات
شلون تبينها تصير تحت اقدامج جاهل بالاشهر ينام عند الخدامه والله حرام حتى ربج بيحاسبج انت عندج امانه من عز وجل لازم تصونينها لان يوم القيامه تنسألين عنها صنتهيها
ليش متعبه عمرج بالحمال والولاده وبعدين عند الخدامه خليها تحمل وتشيلهم
شايفه حال الناس من تفكك وقطع رحم وتكبر والاخوان مايعرفون بعض والخ
من الخدم هم شايلين عيالكم
لامسلمين ولاشى الله يعين وبس
الرجال ماخذاج فراش بس الرجال يبى تشيله وتشيل عياله تترس البيت رحمه وحب واحترام
الام اذا اعدتها اعدتت شعبا طيب الاعراق
والله ما ادرى شلون قلبج يطاوعج تحطينه لا وبعد جايه تستشرين البنات
انا سنتين الاوليات لعيالى ماداوم مومهم المعاش الرجال هو المسؤل عن هالشى المهم عيالى
وعقب السنتين اخذهم معاى او عند امى والخدامه بالبيت حتى ماتروح معاهم
جبت ثلاث ورا بعض واخذت اجازه بدون مرتب لما دشوا المدرسه تالى رديت مااستحمل اخلى شعره جوفى عند الخدامات
لمايبجى انا اشيله ويشم ريحه امه موريحه الخدم

طولت عليج يالكلام بس والله من مابقلبى على ولدج
الله يكون بالعون ويهديج لهم

لاتستغربون عقوق الوالدين من جابلهم غير الخدم

 

[M!SS.LOBY]

لا أختى نصيحه لا تخلين تنام عند الخدامه اذا تعودت عليه تنحاش فيه دربالج

 

[PuPa^^SWeeT]

شوووفي انا مريييت نفسج


بنتي الكبيرة كانت سنة و نص


و الصغيرة توها كانت صغييرة


ثنتيينهم ينامون معاي بنفس الداار




الكبيرة بفراااشها

و الصغييرة بفراشها اللي جنه سلة



بعد شهرين شرييت فراش و فرشته بالغرفة الثانية

وقلت للكبيرة تبين فراشج القدييم ولا هالفراش و حطيت زولية و صور و منظرة


وسوالف اتينن بالغرفة


الكبيرة قالت مسكيينة اختي اتنام بسلة خليها اتنام بفراشي خلاص انا باخذ الغرفة بروووحي


هههههههههه

 

[manoooram]

حبيبتي البيبي الصغير وبنتج خليهم عندج
بس تكمل بنتج سنتين تقريبا
خليها بغرفة تكون قريبه من غرفتج بروحها بدون خدامة

 

[bnt_kwt]

اتوقع انه هذا اهو القسم المناسب لموضوعج

 

[ام الحلوااات]

الجنه تحت اقدام الامهات
شلون تبينها تصير تحت اقدامج جاهل بالاشهر ينام عند الخدامه والله حرام حتى ربج بيحاسبج انت عندج امانه من عز وجل لازم تصونينها لان يوم القيامه تنسألين عنها صنتهيها
ليش متعبه عمرج بالحمال والولاده وبعدين عند الخدامه خليها تحمل وتشيلهم
شايفه حال الناس من تفكك وقطع رحم وتكبر والاخوان مايعرفون بعض والخ
من الخدم هم شايلين عيالكم
لامسلمين ولاشى الله يعين وبس
الرجال ماخذاج فراش بس الرجال يبى تشيله وتشيل عياله تترس البيت رحمه وحب واحترام
الام اذا اعدتها اعدتت شعبا طيب الاعراق
والله ما ادرى شلون قلبج يطاوعج تحطينه لا وبعد جايه تستشرين البنات
انا سنتين الاوليات لعيالى ماداوم مومهم المعاش الرجال هو المسؤل عن هالشى المهم عيالى
وعقب السنتين اخذهم معاى او عند امى والخدامه بالبيت حتى ماتروح معاهم
جبت ثلاث ورا بعض واخذت اجازه بدون مرتب لما دشوا المدرسه تالى رديت مااستحمل اخلى شعره جوفى عند الخدامات
لمايبجى انا اشيله ويشم ريحه امه موريحه الخدم

طولت عليج يالكلام بس والله من مابقلبى على ولدج
الله يكون بالعون ويهديج لهم

لاتستغربون عقوق الوالدين من جابلهم غير الخدم

مـــعــــــــاهــــــا :eh_s(15)::eh_s(15): :eh_s(15):

 

[Model Look]

حرام المولود عند الخدامه

كلش ما اأيد خليهم كلهم عندج

 

[لاتكابر]

اكيد مايصير مولود صغير عند الخدامة
الله يعينك اختي

 

[بكيزة هانم]

اثنينهم صغار حيل
وما يصير تخلينهم عند الخدامه

 

[ام عفراء]

ابداا لاتفكرين تحطين ظناج ينام عند الخدامة

اولا ما راح تستحمله
ثانيا اهي بعد بتكون تعبانة وهذا وقت نومتها وراحتها بالليل .. مو كل شوي تفز مع البيبي ..
ثالث شي الخدم مالهم امان .. ماتسمعين انتي هالجرايم اللي تصير والمشاكل للاطفال بسبة الخدم ..

بنتج اذا طبيعتها تطول بالنومة بالليل وماتفز وانتي خايفة انه المولود يصحيها .. حاولي تاخذينها اول بروحها وتنومينها نفس ماهي متعودة ولما تغط بالنومة شيليها حطيها في فراشها في غرفتها .. واشتري لج كاميرا مراقبة الطفل وتشوفينها وتسمعينها لو قامت بالليل

والمولود الصغير خليه عندج لانه كل شوي بيفز ولازم بيحتاجج بالليل سواء رضعة او تبديل حفاظة

والله يسهل عليج .. تربيتهم