أبي خدمة منكم يا بنات الكويت- اطباء باطنيه في لندن

[قطر الندى]

الوالد يبي يروح لندن يبي يسوي فحوصات
أبي اللي يعرف دكتور باطنية زين ودكتور مناظير وحساسية بس أبي أحسن الدكاترة وأحسن المستشفيات

 

[قطر الندى]

زعلتوني منكم ولا وحدة ردت علي

 

[رومانسيه وحنونه]

الله يخليلج أبوج أنشالله ,وأنشالله يقولون لج البنات عن أفضل دكتور,أنا ماأعرف بس من قريت انه لبوج قلت لازم أرد

 

[q8_hala]

حبيبتي قطر الندى
الله يشافي لج الوالد ويخليه ذخر لكم
احسن شي اسألي الدكتور اللي يعالج عنده ابوج اهنيه بالكويت
اغلبهم يعرفون الدكاتره والمستشفيات اللي بره
انا امي لما احتاجت تسافر بره سألنا دكتور بالمستشفى الصدري وقالنا عن مستشفى بلندن اسمه " London bridge " هذا مستشفى خاص للكلى والقلب وما ادري اذا كان عندهم قسم خاص للباطنيه ولكن عندهم قسم خاص للمرضى العرب بعطيج موقعهم وتلقين فيه رقم التلفون واطلبي وحده اسمها "انتصار" واسأليها وان شاء الله تفيدج
هذا موقع المستشفى
http://www.londonbridgehospital.com/
وهذا القسم الخاص بالمرضى العرب..تلقين رقم تلفونهم بآخر الصفحه
http://www.londonbridgehospital.com...******ID=F7C66FF8-8326-4A3D-9424-3ACE3C3A20CE

بكتب لج الرقم اهنيه..هذا رقم مديرهم هو مصري اسمه محمد هاشم بصراحه خوش واحد تعامل حلو ويساعد وما يقصر..واللي يرد عليج اطلبي منه انتصار تشتغل معاه بالمكتب وراح تساعدج باذن الله
Tel: +44(0) 20 7234 2459
Fax: +44(0) 20 7234 2258
Email: [email protected]

 

[قطر الندى]

يا ما ل العافية يا q8-halaوشكوره وماقصرتي
واختي رومانسية وحنونة واللة كلج حنية يا حياتي
وأنا قلت مالي الا خواتي في كويتيات هم اللي بيعطوني معلومات

 

[شندوخه]

انا اعرف طبيب وايد زين وكنت معاه وشخص حالتى صح
بس اهو مو لندن يبعد ساعه وربع عن لندن العاصمه ب مدينه اكسفورد
اذا تبين ايميله عساس تراسلينه وتحجزين دزيلي رساله من عيوني

 

[قطر الندى]

ممكن اتدزين لي ايميله شندوخه