أبي حلو بالكابتشينو

[anona79]

السلام عليكم
أبي طريقة حلو بالكابتشينو ....... يعني مثل التيراميسو

 

[الطموحه]

اختي انا عندي طريقة جيز كيك الكابتشينو؟
اذا تبينها احطها بس على ما ادور المقادير:eh_s(6):

 

[الدمعه الحايره]

مرحبا اختي انا عندي طريقه حلوه حيل وكل من اكلها اعجب فيها
المقادير:
3 أكياس كابتشينو
3 قيمر كي دي دي
4 حبات جبن كيري
6 ماعق اكل سكر
كيس واحد جيلاتين مذوب في كوب ماي مغلي
تخلط هذي المقادير مع بعض في الخلاط وتوضع على جنب ؟

الحين لازم يكون عندج قالب الكيك المتحرك واذا ماعندج ماعون البايركس يكفي المهم تاخذن سارا كي بالككاو وتقطعينها شرائح متوسطه الحجم وتصفينهم عدل وماتخلين فراغات وتصبين فوقها ربع الخليط وتحطينها بالثلاجه لما يتماسك وبعدها تاخذين سارا كيك بالفانيلا وتقطعينها شرائح وتصفينها فوق الخلطه وبعدين تصبين باقي الخلطه عليها وتحطينها بالثلاجه وعند التقديم تزينينها بصلصة الككاو السائله وعليج بألف عافيه

 

[جارة القمر]

تفضلي طلبج

http://q8yat.net/showthread.php?t=444163&highlight=%DF%C7%C8%CA%D4%ED%E4%E6


أنا جربت هالطريقة رووووووووووووعه

http://q8yat.net/showthread.php?t=433642&highlight=%DF%C7%C8%CA%D4%ED%E4%E6

 

[AkoOOona Q8]

شوفي كتاب المطاحن الكويتية الجديد ينباع عند المخبز الآلي كاتبين فيه عن كيكة الكابتشينو انا سويتها لذيييييييييييييييييييييذة

 

[جارة القمر]

حلو الكابتشينو


المقادير:
2كوب بسكويت شوكولاته مطحون –قالب زبده سائحه-
الحشوه :
4قيمر -6قطع جبن كريمي -2كيس كابتشينو –ملعقه كبيره جيلاتين –ربع كوب ماء ساخن 3ملاعق كبيره سكر

صلصة التوفي :
كوب سكر- قيمر –قالب زبده

للزينه:

شوكولاته مبشوره

الطريقه:
يذوب الجيلاتين في الماء الساخن جيدا

يخلط البسكويت مع الزبده ثم يفرد في قالب التشيزكيك ويدخل الثلاجه 15 دقيقه

يخلط القيمر مع الجبن والكابتشينو والسكر والجيلاتين بالخلاط ثم يسكب على البسكويت وتوضع بالفريزرحتى تجمد

لتحضير التوفي
توضع الزبده مع السكر على النار حتى يشقر لونه ثم يضاف القيمر ويقلب جيدا حتى يتكون خليط متجانس يترك حتى يبرد

تسكب صلصة التوفي على خليط الكابتشينو ويزين بالشوكولاته المبشوره ويقدم



منقوووووووووووووووول من كتاب المطاحن

 

[anona79]

شكرا للجميع

 

[جارة القمر]

العفو


حبيبتي