أبي الرد لو بكلمة وحدة المدرسة البريطانية بسلوى ولا الأمريكية الدولية ؟؟ا

[ليلى رمضان]

لو بكلمه وحده بس. ( أي مدرسه أدشش ولدي )

أمهات الله يعافيهم ولدي بيروح أولى ابتدائي grade1
والآن فيه مدرستين بيسوون له تست
البريطانيه اللي بسلوى والأمريكية الدولية في السالمية
وترا اثنينهم دفعت لهم رسوم الاختبار



ياليت احد منكم ينبهني على ملاحظات يعرفها عن هالمدرستين
بيني وبينكم أبوه يحاتي طبيعه الاختلاط بالأمريكية يقولي مو مرتاح كانه حاس فيه انفلات أخلاقي زياده وعلاقات
ويقول انه البريطانيه أهون من هالناحيه

وأنا معاه ما يعجبني الفري زياده عندنه عرف العيب وما يجوز
بس اشحادك عالمر

أنا أبي تأسيس انجلييييييييزي قوووووووي أبيه يررطن

المهم عفيه اللي عندها معلومه أكيده (((رجاءا أكيده )))حسب تجربتج او تجارب ناس يصيرون لج لا تبخلين على مستقبل ولدي

اختبار ه الأسبوع الياي تكفون لا تتأخروا بالرد أبي لو بكلمه إذا مالج. خلق تكتبين عفيه :yaaaaaarb::yaaaaaarb:

 

[نونيشو]

ولدج كبر بنتي ومعاناتج نفس معاناتي ابي مدرسه امريكيه ومابي مختلط وابيها قويه ، بنتي سوت تست بالابداع الامريكيه ومانجحت ، وسوت تست في الامريكيه للبنات ، ونجحت بس جني انا طقيت بريك من السيرج مايمدحونها ويقولون ما تسوى ، عاد رحت اليوم حددت اختبار لها بالابداع الدوليه ،، وحدددددددي محتارة بين الابداع الدوليه والامريكيه للبنات

 

[نونيشو]

ادري هذرت عليج وايد بس انتي صلي صلاة استخارة وشوفي ترتاحين حق شنو ؟؟

 

[pink closet]

الأمريكية الدولية الي بميدان حولي من احسن المدارس بالكويت

 

[ليلى رمضان]

اختي نونيشو
انا ولدي مقبول الان بالابداع الامريكية واخته موجودة بقريد ١ ومدرسه البنات ممتازه لحد الان
لكن مدرسه الاولاد ما انصح فيها عشان جذيه بطلعه

والله يسهل لج امورج وامور بنتج وعلى قولتج ماكو الا الاستخاره
لكن الواحد ياخذ تجارب البنات


مشكوره اختي pink closet

 

[M!SS.LOBY]

الامريكية

 

[M!SS.LOBY]

واستخيري ربي يكتب لك اللي فيه الخير

 

[ليلى رمضان]

تسلمين اختي مس لوبي
اللهم امين
عاد باجر اختباره بال ais
بس اللي مخليني حيل متردده اول شي الرسوم شقاقيه طقت فوق ٣٥٠٠ دينار شنو هذااااا شسالفه اخشهم حق مهر زوجته المستقبليه وااايد ابرك
بس الوايحد شيقول ابي تاسيس قوي وابي الياهل يطلع مستانس ووده كل يوم يروح
بس الbskجذيه ولا متعبين على الرغم من ان رسومهم بعد غااليه واقل من ais ب٥٠٠دينار تقريبا
لكن المدارس الانجليزيه )البريطانيه ) لغتهم اقوى حسب خبرتي المتواضعه ومكان bsk زوين بسلوى اهون من دواعيس السالميه

 

[ليلى رمضان]

حصريا ولدي بالعالمية الامريكية
قاعدين يمتحنونه
بصراحه انا اللي متوترة مو علشان اخاف انه ما ينقبل بهالمدرسه ا
اللي خايفه انه ولدي يخفق بالاختبار وهذا معناته تاسيسه خرطي ا وانه مو معبر الدراسه طول المده بالكي جي
ولدي اما يكرم او يهان
نص ساعه هالامتحان الله كريم وما يبط مرارتي
بالسياره قاعده اراجع وياه الجمع والطرح شوي يخوره الله يستر ما يفشلني هالولد

 

[M&Ms]

بشكل عام المدارس البريطانية اقوى بالتأسيس من الامريكية النتيجة تطلع بالجامعة طلبت المدارس الانحليزية اهما اللي امشين والامريكية لغتهم زينة بس مو قواية بالمواد العلمية ومن ناحية الانظباط اابريطانيين متشددين والامريكان سايبة وال بي اس كي اقوى مدرسة بالكويت على كلام التعليم الخاص ومن اقوى 30 مدرسة على مستوى العالم انا ولدي بيداوم فيها انشالله kg وقت المقابلة قالتلي الابلة ان مناهجهم ماشية مع مناهج بريطانيا بالظبط واهم شي عندهم يهتمون بشخصيت الياهل ويعلمونه الاعتماد على النفس وعن تجربة ولد خالي فيها وايد فرقت شخصيته ومستواه الدراسي .. والله يوفقج انشالله

 

[M!SS.LOBY]

موفقين

 

[ليلى رمضان]

تسلمين اختي m&ms ومس لوبي