أبي أحمل! أبي طفل! :(

[* Snow White *]

السلام عليكم ورحمة الله وبركاته

شلونكم بنات! بدخل على طول الموضوع

انا صارلي 6 اشهر متزوجه، وطول هالمده ماصار حمل بس صارت لي اشياء غريبه لي درجه انه ريلي خلاص تعقد ههههههه

حرام حيل حيل بخاطره ياهل وانا وخالتي ام ريلي وعمي ابو ريلي وابوي وامي بعد الله يحفظهم و كل ماحاولنا ماصار حمل تاخرت علي الدوره وايد واحلل وماكو حمل

ومره الدوره طولت عندي اسبوع ونص ينزل دم! رحت الدكتوره قالت طبيعي عشان تغير الهرمونات
بعدين يتلي الدوره امبجر خلاص شوي واين مادري شقاعد يصير فيني؟ هل هذا شي طبيعي

وقمت استحي اقول حق امي وهم استحي اقول حق خالتي شسوي وما اسوي فبليز ساعدوني
قولو لي شسوي؟ وابي احمل شسوي؟ وشنو افضل حل لنا نسويه؟

ومشكورين

 

[تدخلين القلب]

توج حبيبتي حتى سنه ماصار لكم نطري بعد والله بيرزقكم ان شاء الله
سوي تحليل هرمونات يمكن هرمون الحليب مرتفع عندج

 

[ghadeerq8]

خل اقولج تجربتي و ان شاء الله اقدر افيدج انا كنت نفسج بالضبط من الثاني شهر و انا ابي احمل و كل شهر تنزل علي الدوره بجي و حالتي حاله و اطلع حرتي بزوجي و اهو كل يوم يحن ها ما حملتي و انا دمووووع و اقوله لا راجعت الدكتوره عقب خمس اشهر من الزواج و قالت لي لااااااااا تفكرين بحطها لج بين قوسين ( لاااااا تفكرين ) ،، لاتصيرين نفسي انا تاخرت سنه و برمضان من كثر مالهيت و خير شر مافكرت و حتى كانت الدوره متاخره و امي تقولي جنج حامل اقولها مادري مو مهم ابي اضعف و ابي اسافر و ابي و ابي مو وقته

و الله انه ريلي يقولي مو جنه تو الناس على الحمال وانا ارد عليه اي استعيلنا لانه بعد الحمال صار ودي و ودي و ودي بسفر و بشغلات وااااايد ماقدر اسويها غير النفسيه و النساة و الوزن


نصيحتي لج اول شي راجعي عند دكتوره و ارشح لج ناهده العلي لانه ماتلعب بالوحده ولاتبالغ بالتحاليل و لا بالكلام و ان شاء الله بعد ماتتطمنون عيشي حيااااات معه ريلج و كشخي و لبسيله و استانسي معا و لاتفكرين بالحمال صدقيني لاااحقه و طمنينا عليج و ربي يكتب لج الي في الخير

 

[كوكيز بالكريمة]

الله يرزقج بالحمال عاجل غير آجل .. اول شي تأكدي بأن الرازق هو الله سبحانه .. ومثل مايقول المثل " لو تجري جري الوحوش غير رزقك ماتحوش" .. كثري دعاء وصدقه بنيه الحمال و حللي انتي و زوجج تأكدي انه مافيكم مايمنع الحمل .. و ﻻاااا تحاتين انسي وبتلقين نفسج حامل .. ﻻنه النفسيه لها دور كثر المحاتاة تخليها تنزل وتعفس الهرمونات ..

اسأل الله العظيم رب العرش العظيم يرزقج الحمال عاجل غير آجل انتي وكل اخت تتمنى ..

 

[مذهلة2013]

الحل مااتفكرين كلششششششششش
انا كل شهر افكر والله وافكر وافكر واخرتها تنزل علي
بس سبحان الله بالشهر الي مافكرت فيه ما يتلي ونطرت 5 ايام وحللت
ادعي ربج بكل صلاه وبكل وقت ربي يرزقج مو بس يرزقج يرزقج حمل سليم معافى
ولاتسمعين كلام الناس توج وتوج ماصارلكم وااااااااايد
انا شكثر سمعتها بس هذه رغبه لي ولزوجي فقط انه نييب عيال ولالا
ربي يسهل عليج ويرزقج قريب

 

[fofo90]

الله يرزقج حبيبتي
بس احسن حل تروحين حق دكتورة
شاطرة وتسويلج فحوصصات وبعدها
الله كريم

 

[ام عمر جمال]

حبيبتي في اعشاب مغربيه اسمها مساخن وكمان عشبة القبار شوفي اي صديقة الك من المغرب تجيبهم الك راح يساعدوك علي حمل بسرعة
ومن احسن لا تاخديهم من تاجرات بعضهم بيغشون في مكونات

 

[لما ضاقت]

الآه يرزقك عاجلا غير آجلا يارب العالمين و يفرجها علي و عليك يا كريم

 

[أأأميرة الورد]

الله يرزقج الحمل السليم والثابت عاجلا غير اجلا

 

[ملكه الحطب]

اختي نصيحه والله لاتروحين ولادكتوره الا بعد سنه لانه الهرمونات ماتنتظم الا بعد سنه من الزواج انا قعدت سنه ونص ماحملت وهالشي من الله ومن غير علاج وخرابيط حملت وعلى قولت الاخت اللي فوق كنت ادور الحمال ونسيت الوناسه وبعد ماحملت وولدت ابي جسم ابي لبس ابي اسافر اطلع ماااااااقدر ماتكونين حررره استانسي وروحي مع زوجج توكم معاريس استانسوا قبل المسؤوليات عشان تصير باجر ذكريات حلوه جني طولت بالقرقره هههخخخه

 

[حمرة الورد]

انا راجعه بعد السنه انتي راجعي وسوي تحاليل يمكن في سبب انا كان معاي ضعف وخذيت كلوميد ونفس الشهر حملت وست اشهر تر شوي بس انتي براحتج حبيبتي

 

[om attami]

​

نفس حالتي من رابع شهر وانا افكر بالحمل

وما ظل شي ما سويته ولا دكتوره وما رحتلها

والف حمد وشكر لك يا رب كل تحاليلنا انا وريلي سليمه

مسكين ريلي يننته وعقب ما هديت الدكاتره وكثرت من الاستغفار وسورة البقره

حملت وبالمرررررررره ما كان فبالي الحمل كنت ناطره الدوره لان قلت خلاااااص مالي الا الانابيب

والله حتى الدكاتره كانوا يزفوني الا دكتوره وحده قالتلي يلا نطري الدوره عشان انبلش نحضر حق الانابيب

وحطيت فبالي الانابيب ونطرت الدوره والحمدلله ما يت

عقب رحتلها باركتلي وقالتلي من چذي حطيت براسچ فكرة الانابيب

لان كنت متأكده ان التأخير اول شي خيره ثاني شي نفففففففففسي

سوري قلتلچ قصة حياتي :eh_s(7):

ادعيلي الله يحفظلي بنوتي واخاويها

 

[كرز.]

الله يرزقج

 

[^لغموضي معاني^]

لاتفكريين هذا اول شي

بعدين حبيبتي توج ماكملتي سنه عشان تشوفين سبب التاخير لان معرووف الجسم يتغير الهرمونات تكون مو ثابته

انا حملت بعد 6 اشهر من زواجي


اهمم شي ماتفكريين كلش بالحمل ودام اموركم سليمه الحمدالله هذا اهم شي

اكشخي واستانسي والبسي وسوو كل شي وان شاءالله يارب مايخلص شهر2 الا تبشرينا بحمالتج

 

[لوولوو_88]

حبيبتي نصيحه مع احترامي حق البنات الي يقولون لا تروحين دكتور إلا بعد سنة ..

قصتي هم جذي كنت أحاول احمل و الله ما كتب و قررت انا و زوجي نفحص .. و شطلع !!!!

ريلي هرمووووناته نازله بالحضيض و ماثره على عدد للحيوانات المنوية عنده تخيلي .. يعني طلع مو مني من زوجي و الحمدلله انا حامل الحين بعد ما استمر على علاجه شهر كامل .. و صارلي من تزوجت 5 شهور ..

الواحد يأخذ بالأسباب و بعدها لا تطمن يخليها على الله و الحمدلله انه زوجي متفهم راح معاي ولا ضيعت من عمري سنة عشان اكتشف السبب ..

و أغلب البنات يتشفقووون على الحمال بعدين اتحسف هالشي حرام بنات لا تقولون تحسفنا الحمدلله على عطيته لكم و دام شي مكتوب و تبونه و صار حمدو ربكم و بس ..

و أسأل الله العظيم أن يرزقج بالذريه عاجلا غير آجلا حبيبتي ♡

 

[الكاترينا]

الله يرزقك يارب

 

[الكاترينا]

الله يرزقك يارب

 

[HoD'HoD]

كلام لولوو عدل اذا انتي مخططة تحملين قبل السنة لا تنطرين وروحي الطبيب

وعلى كلامج ان دورتج مو منتظمة هني لازم تسوين تحاليل هرمونات اذا عندج خلل بأي هرمون يأثر على الدورة وعلى الحمل

وبنفس الوقت لا تفكرين وايد النفسية تلعب دور كبير بس خلي عندج يقين ان الله راح يرزقج بالحمل بالوقت اللي كاتبه ويكون خير لج

 

[om 7amoodi]

الله يرزقج باللي تتمنيه

 

[طموحه بزياده]

روحي الطبيب خل تفحصج تسويلج سونار وتجيك عالمبايض والقنوات والرحم وتطمنج

انا جيكت لما صارلس ثلاث شهور متزوجه ههههههههه
بس لاني سبق لي الزواج وماحملت بزواجي الاول حبيت اتطمن ؛)