أبي أحلا بخور بدبي؟؟؟؟؟؟؟؟؟؟؟

[حبيبة الكويت]

بروح دبي لمدة أسبوع شنو أحلا البخور عندهم رفيجتي قالت لي آخذ من القرية العالمية بخور كمبودي وغيره شنو آخذ............ وأحب الأشياء القديمة من تحف وين ألاقيها.

 

[NAJLA]

حياتي روحي سوق مرشد محل انفر بخوره وايد حلو ، وبخور بوراشد هم وايد حلو ، انا كنت ايبهم وابيع بس الحين بطلت

 

[جمال الورد]

روحي محل ملك العود وايد حلو بخوره أمي كله تشتري منه عجيب بس الصراحة مادري وين صاير في أي مجمع سألي هناك ويدلونج

 

[حبيبة الكويت]

مشكورين يا الغاليات على الرد

 

[STYLISH STYLE]

بخور بوراشد في سوق مرشد

محل وايد صغير في دواعيس

سألي عنه يدلونج عليه

بخوره صج مميز

 

[ام خالد 78]

انشاءالله البنات يفيدونج

 

[أساور]

البنات قالوج روحي بوراشد والرصاصي بعد

 

[اميرة الغيد]

الرصاصي لهم افرع بالكويت ، وبوراشد يبيعونه بسيتي سنتر بدينار ونص وريحته خشب بس الناس اذواق ، التحف في محل بالامارات مول عندهم تحف عجيبه فوق صوب المحلات الشرقيه قبل حناين .

 

[Viva La Vanilla]

حبيبتي القرية العالمية مسكرة الحين

ما تفتح بالصيف بس من شهر 12 الى شهر 3

حرام تتعنين و المكان بعيد الحين لانها ماراح تكون موجودة

بس حبيت افيدج بهالمعلومة


و ياس بخورهم حلو و موجود بالكويت و في محل

اسمه انفاسك دخون بمجمع ميركاتو و شغله انتاج اماراتي مثل كشك صغير يم ستاربكس

 

[FdeeT.BnaTy]

حبوبة روحي سوق مرشد وطبي وتخيري

الخيام عنده اشياء حلوة ،، وعنده معمول اسمه درهم حلو

 

[مسوكه^^]

والله انا توني راده من دبي ما فيه شي حلو وياس يوم عجبنيي طلع اهني بس الرصاصي عنده شغلات موموجوده بالكويت اساليه واهو راح يعلمج؟؟؟

 

[شبيهة هيفا]

بخور الجميرة بالكشكات بمجمع حمر عين بالسرداب يهبل وهو شغل اماراتي
شكثر خذينا انا واهلي فوق 15 حبة وكلها خلصت دورت علية بالكويت ماحصلت
شوفية يمكن يعجبج وهو رخيص موغالي

 

[bambena]

واااااااي انفاسك دخون اينن اللي بميركاتو ياليتني شريت منه

 

[Nail polish]

ووين موجود يااس ؟؟

 

[∫ ∫ ∫ ∫ جــوان ∫ ∫ ∫ ∫]

حبيبتى اذا تبين شى راقى بس غالى شوى بس صج صج يستاهل عندج عطورات ياس الى بمجمع الوافى ولهم فرع ثانى بس مو رئيسى بمجمع ابن بطوطه وملك العود تلاقينه بمجمع الغرير وحلو ماعليه
ورحله سعيده

 

[شيخة الزين 80]

والله انا توني راده من دبي ما فيه شي حلو وياس يوم عجبنيي طلع اهني بس الرصاصي عنده شغلات موموجوده بالكويت اساليه واهو راح يعلمج؟؟؟

ياس موجود بالكويت .....؟؟؟؟؟؟؟؟؟؟؟وين دليني عليه........

 

[nawnaw]

الله يعافيكم وين موجود ياس بالكويت ..عيزت وانا ادوره

 

[q8hadaya]

البخور مو بالمكان البخور تختارينه بالشم و طبعا لازم يكون لونه باهت مو يلمع
واهم شى يكون فيه عروق غامجه

واذا كسرتى الكسره يكون لونها من الداخل مثل لونها من الخارج

ومثل ماقالوا البنات سوق مرشد فيه وايد خصوصا انفر وايد حلو شغله بس لازم تعرفين تختارين وتعرفين تكاسرين

موفقه

 

[ليالي البحرين]

أحذروا من محل بخور بوراشد اللي بسوق الذهب بدبي

السلام عليكم جميعاً يارب تكونون بأسعد حال

والله سجلت بس علشان احذركم يا بنات من غش العاملين في محل بوراشد للبخور اللي بدبي خلف محل الرصاصي للعطور بسوق الذهب والسبب:​

إنا رحنا لهذا المحل من يومين بتاريخ 18-12-2010م بعد مدح عمتي لنوعيه البخور اللي يبيعه وكان بالليل جربنا نوعيتن النوعيه الاولى زينه 45 درهم للتوله ومو مصبوغ وريحته عالقه ولا رضى يتنازل عن السعر ولو بـ 5 درهم يقول من كلامه انه اللي يشتريه الكويتين يقصد الكويتين يحبون الزين ويشترون الغالي بسبب فرق سعر العمله بين الكويت والبحرين والنوعيه الثانيه 25 درهم ولا فيه اي ريحه لو يشعله كأنه خشب محروق وصغار ومصبوغ.​

على العموم طلبنا منه انا وامي واختي 9 أكياس يعني لكل وحده منا 3 اكياس وكل كيس فيه توله عود بخور للتجربه وفعلا عجبتنا ريحته وقررنا في صبح يوم الثاني نشتري منه هدايا لخالاتي والمعارف وأشترينا 36 كيس إضافيه من نفس النوعيه اللي اشتريناها قبل بليله وبعد ما رضى يتنازل عن تخفيض السعر ولكن المفاجئه اللي انصدمنا فيها يوم وصلنا البحرين بنفس الليله انه حاط لنا 3 أكياس من العود المطلوب اللي 45 درهم من فوق وباقي الاكياس من العود الخشب اللي 25 درهم.​

صرنا نجرب العود مجرد عود محروق ما صدقنا جربنا غيره نفس الشي عود محروق ولما شيكنا الأكياس كان العود الزين فيه ختم باللون الأصفر وحبه العود فيه كبيره شوي وطويله والعود السيئ الختم باللون الأحمر والحبه مصبوغه وصغيره جدا تعمد يخلط الزين على الشين وبنفس السعر.​

وقلنا سبحان الله يمكن خلطهم بدون ما يدري خلينا نتصل عليه ولما اتصلنا خبرناه باللي صاير وياريت قال ما ادري او اي عذر ثاني كان يهون إلا ما استحي على وجهه وصار يضحك وبكل برود يقول اللي عندي خلص فحطيت لكم من النوعيه الثانيه وكله بنفس السعر اذا تبين تبديل رجعيه بغيره لكم كيف نغيره واحنا وصلنا البحرين.​

كيف يخلط شي بشي من كيفه والنوعيه اللي خلاها بـ 25 درهم ويقول بنفس السعر وصرنا ندعي بأن الله ينتقم منه هو والهندي الثاني اللي كان متفق معه يغشونا وهم يضحكون (ولا عارفين شنو السالفه) ليش يتعمدون الغش (حسبي الله ونعم الوكيل) الحين امي تقول استحي حتى اوزعه على الناس ما ينعطى لأحد ولا بعارفه تتصرف بهاذي الكمية الكبيرة.​

فحذاري حذاري من التعامل معه واذا تعاملتوا تأكدوا من النوعيه اللي تستلمونها تعرفون كم خسارتنا 1485 درهم (الله ينتقم منهم).
أنا حذرتكم لوجه الله اللهم فشهد​

 

[EL jowhra]

لا حول ولا قوة إلا باللة