أبي أتخلص من أفكاري السلبيه ..!

[~La PearLa~]

:68_asmilies-com:

شلونكم يا كويتيات يا حلوات

شكثر قريت عن قانون الجذب
و عن التفكير الايجابي

و ابتعدوا عن التفكير السلبي

لا تفكرون بطريقه سوداويه

بس شلون ؟

و الله ما عرف شلون ابعد هالافكار عني

سبحان الله حتى لو أفكر بشي إيجابي ، لااااازم فكرة سلبيه تدش عررررض




و صج الحمدلله و الشكر له ...الحمدلله على كل حال .. بس غالباً أموري بالبدايه حيل تتعسر و أتعب حيل انا و اللي معاي (أغلب الاحيان أمي)

وانا ما احب أي انسان يتضايق بسبتي أو عشاني

الزبده

علموني شلون أحول تفكيري من سلبي إلى ايجابي ؟؟

كتاب سايت مجله مقاله لعبه
عربي انجليزي أي لغه عادي الله يسلم قوقل

مليت من الافكار السلبيه !
​

 

[** باربي **]

انشالله البنات يفيدونج وترىاذكر بمعرض الكتاب وايد كتب للتخلص من الافكار السلبيه كتبي هالجمله وبيطلع لج كل شي حتى الكتب

 

[أميرة حالمة 33]

جنج انا وجدا تشاؤمية
بس احاول اطنش
كله مصعبة الامور على نفسي

والحمدلله على كل حال
عسى الله يفرجها ويبعد عن كل تشاؤم

 

[~La PearLa~]

آمين يارب
مرات احاول مااقول شي سلبي
بس سبحان الله الظروف ضدي .. يعني مثال سخيف :
في محل فضه بالسالميه صارله سنين و دنين و كل ما مريت يمه ما اهتم
و ذاك اليوم حبيت اشتريلي طقم فضه و لمه رحت طلعو مشيلين و مسكرين المحل و سكرو كل الافرع ! يقولون راحو دبي
قويه والله احتريت
و أغلب الاحيان تصيرلي هالمواقف شلون ما اتضايق و ماتحلطم؟ .. صعبه

 

[ثقتي بالله كبيره]

السلام عليكم حبيبتي

شلونج؟

ان شاء الله بخير وصحة وعافيه

شوفي حبيبتي ,,

الأفكار السلبيه مثل الادمان

يعني لما المدخن يحاول يهد التدخين ,, ما راح يهده على طول

اول شي راح يخفف ,, بعدين يدخن كل جم يوم ,, بعدين يدخن بالمناسبات ,, بعدين بالازمات

وهكذا لين يتخلص من التدخين

نفس الشي بالنسبة للتفكير السلبي ,, صار لنا سنين واحنا سلبيين ,, صار التفكير السلبي منا وفينا ,, متأصل فينا

فلا تتوقعين انه يروح بسهوله

قريت بكتاب انه لما تخطر على بالج اي فكره سلبيه قولي على طول "out"

طرديها على طول واستبدليها بفكره ايجابيه

يعني مثلا خطر على بالج "أوووف اللي أبي ما راح يصير.. ما راح أنجح ,, ما راح أتفوق ,,, الخ"

على طول قولي "out out out" او "بره بره بره"

وبدال هالافكار قولي " الحمد لله رب العالمين انا بخير انا بصحة اللي ابي راح يصير انا متفائله انا استاهل احسن شي بالدنيا"

طالعي نفسج بالمرايه وقولي "انتي تستاهلين الأفضل ,, انتي تستحقين الأحسن ,, اللي تبينه صار ان شاء الله"

وتخيلي وعيشي الافكار الايجابيه ,, تخيلي انه اللي تبينه صاير وان شاء الله بيصير

هذا اللي عندي ,,

موفقه حبوبه

 

[احساس الدينا]

أتفائل طريق الإيجا يبيا ت فكرى أنا متفائلة تنفسى كبتة داخل صدريج شمية خالية داخل صدرج ديقيقة وبعدين طلعية عن طريق زفير مع كل شهيق حسى فيها

 

[flowers_q8]

انصحج بكتاب قانون الجذب السر وراء السر للمؤلف مايكل جيه لوسيير
ان شاء الله بيفيدكم بنات​

 

[~La PearLa~]

ثقتي بالله كبيره : كلامج منطقي و عجبتني كلمة آوت و بحاول أطبقها

احساس الدنيا : ان شاء الله راح أسوي هالطريقه ، عاد بنت عمتي كل ما عصبت تقول حق نفسها شهيييق زفيييييير و بعدين تقعد تضحك

فلورز : انا اليوم شريت كتاب السر ، مانتبهت شسم المؤلف ، بس جنه هذا غيره ان شاء الله راح يكون ببالي اسمه و اشتريه باقرب فرصه


مشكورين حبايبي و اللي عندها أي مشاركه لا تبخل علي فيها .. ساعدوني لوو بكلمه .. نفسيتي تعبانه شوي للأسف

 

[عاشقة الكاكاو]

بصراحه الافكار السلبية مشكلة صرت اشوفها واايد

وانا عن نفسي تييني اوقاات اكون متفائلة وماكو احسن مني

واوقات متشائمة لدرجة مو طبيعية

بس مادري شلون اتصرف نفس الحاله

واتمنى الاقي الحل حق هالموضوع

الله يعينج ويعين الكل

 

[قهوة برية]

السلام عليكم حبيبتي

شلونج؟

ان شاء الله بخير وصحة وعافيه

شوفي حبيبتي ,,

الأفكار السلبيه مثل الادمان

يعني لما المدخن يحاول يهد التدخين ,, ما راح يهده على طول

اول شي راح يخفف ,, بعدين يدخن كل جم يوم ,, بعدين يدخن بالمناسبات ,, بعدين بالازمات

وهكذا لين يتخلص من التدخين

نفس الشي بالنسبة للتفكير السلبي ,, صار لنا سنين واحنا سلبيين ,, صار التفكير السلبي منا وفينا ,, متأصل فينا

فلا تتوقعين انه يروح بسهوله

قريت بكتاب انه لما تخطر على بالج اي فكره سلبيه قولي على طول "out"

طرديها على طول واستبدليها بفكره ايجابيه

يعني مثلا خطر على بالج "أوووف اللي أبي ما راح يصير.. ما راح أنجح ,, ما راح أتفوق ,,, الخ"

على طول قولي "out out out" او "بره بره بره"

وبدال هالافكار قولي " الحمد لله رب العالمين انا بخير انا بصحة اللي ابي راح يصير انا متفائله انا استاهل احسن شي بالدنيا"

طالعي نفسج بالمرايه وقولي "انتي تستاهلين الأفضل ,, انتي تستحقين الأحسن ,, اللي تبينه صار ان شاء الله"

وتخيلي وعيشي الافكار الايجابيه ,, تخيلي انه اللي تبينه صاير وان شاء الله بيصير

هذا اللي عندي ,,

موفقه حبوبه

:ggdw::ggdw::ggdw::ggdw:

 

[~La PearLa~]

عاشقه الككاو انا جذي بعد نفسج
مره فوق و مره تحت
بس الحمدلله هاليومين قاعده احاول اسيطر على نفسي شووي
عندي رغبه في التغيير
و كل شوي أتذكر out

بس سبحان الله تحسين السلبيه خلاص لااازقه بالعقل راااااسخه
جان زين في دقمه نطقها و تغير النفسيه

يعطيكم العافيه

 

[ميس الورد والشوق]

حبيبتي

خليش داايم متفائله وتوكلي على الله

ولهي نفسش عن هالافكار السلبيه

اقرى كتب مفيده وتملييين لها

اطلعي تمشي

اذا متضايقه صلي والله اني احيانا احس اني متضااااايقه

بس والله لما اصلي ركعتين ارتااااح

اكثري الاستغفار بنية التخلص من الافكار السلبيه

وربي بيسر امورش ويسهل عليش ويخلصش من هالافكااااااار

 

[منانا]

حاولي تحفظين المصطلحات الي تعزز التفاؤل فيج لحد ما تصير جزء من مفرداتج وكلامج لان البرمجة العقلية اللغوية الي اهي الان ال بي تركز على مبدأ تغيير الانسان بالكلام وانا بصراحة احب اتعلم من كل شي شي مفيد وهالشغلة تعلمتها وطبقتها بحياتي
مثال احادديث الرسول عليه افضل الصلاة والسلام : كل امر المؤمن خير .... الخ الحديث
و تفاؤلو بالخير تجدووه
الحمدلله خيره تذكري ان كل شي خيره ان شاء الله
وصدقيني مع ممارسة هالاشياء والي البنات قالوا راح تتعودين انج تكونين ايجابيه ومتفاءله
يقول المثل المصري : الي يخاف من العفريت يطلعله هههه فاذا فكرتي بالاشياء الي ما تبيينه ماراح تشوفين غيرها

وتذكري دايما ان الله سبحانه معانا وكل شي واحنا تحت رحمته يهوون

 

[Eng.shosha]

شوفي حبيبتي كل كلام البنات صح ما قصروا والله
بس أحب أضيف عليهم حطي جدامج عبارات ايجابيه
يعني انا معلقه على منظرتي كذا أوراق منهم

" Be HaPpy "
" أنا قدها "
" أنا راح اييب امتياز "
" I can change my life "
" أنا متفائله بالامتياز "

وكل ما وقفت عالمنظره أقراهم وابتسم واحس بداخلي حمااااس مو طبيعي
حتى انتي حطي عبارات ايجابيه عبارات تخليج تتفائلين وشوي شوي
بتلاقين اوتوماتيك كلما تييج فكره سلبيه بتسوين لها دليت
والله يوفقج

 

[colorfull]

اقري كتاب الدكتور عايض القرني
فيه افكار ايجابيه وايد
ان شاء الله يعجبك
ولاتنسين تدورين لك هوايه - اي شي تحبينه-