أبيكم تقولولي رأيكم بسالفه رفيجتي اللي تفشل بصراحه

[اميره بكلمتي]

مساء الخير حبايبي ❤

ابي اقولكم سالفه رفيجتي كامله وابي رأيكم بصراحه
أهي تعرفت على واحد بموقع زواج ،، وتمت وياه 3 شهور وكان يقولها شغله محرجه بصراحه اللي أهي بوقت العلاقه الحميمية انه يجيها من الدبر اسمحولي على هالكلمه ويقولها ابيج اتيبين بنات واسوي معاهم علاقات جنسيه بس بعلمج ولمى قالتله انه هذا حرام ومايجوز قال هذا مزاجي وأحب جذي بس اذا رفضتي هالشي راح أسويه من وراج وللامانة أهي تقولي انه أهو دايم هامل فونه اغلب شي موقاعد يرد عليها ومرات يتكلم عن ماضيه ويجبرها تتكلم عن ماضيها

أنا عطيتها رايي قلت اذا هذا أولها ينعاف تاليها وإذا وافقتي عليه ووافقتي على مزاجه ماتدرين شلون الله بيوفقج وإذا رفضتي طلبه بتعيشين بشك الافضل رفضيه بكبره

ابي رأيكم

 

[اميره بكلمتي]

واهي متردده تقول افكر اعطيه ارقام اهلي واخليه يخطبني واقدر اغيره بعد الزواج ومرات تقول لا مابي خلاص

 

[ماي الورد]

هذا ما يخاف ربه اشلون راح يخاف ربه فيها تبتعد لها احسن وتعيش بسلام

 

[سور المدينه]

اللي اوله شذي ينعاف تاليه
خل تبتعد عنه من الحين لاتبتلش فيه وتتوهق معاه

 

[طـفولية]

يعني يبيلها تفكير ؟؟!!
أولا ختوخر عن هالمواقع لان أقص ايدي اذا هذا نيته زواج .. هالمواقع حق الدعارة استغفر الله
نصيبها بييها ان شاء الله
وخلتاخذ راعي الأخلاق .. اهوا الي يصونها
يبي بنات معاها !! و يجامعها بالحرام وين عقلها !!

 

[اختكم نونا]

مواقع الزواج اهيا خدعه عشان يستدرجون البنات المساكين الي يبون الاستقرار بهالطريقه كلها جذب وخرابيط

ولا تعطيه رقم اهلها ديري بالج دام هذا تفكيره مو تفكير زواج الي بيتزوج مايسولف عن هالسوالف !

اذا عطته رقم اهلها بيقعد يهددها طلعي معاي ولا اعلم اهلج

يستدرجها بالتهديد لين يوصلها لي العلاقه المحرمة الي يسولف عنها وحزتها مستحيل يتزوجها بيقعد يهددها باي شي


انا اقول تتعوذ من ابليس وتخليه لانه اصلا فشله شلون تكلم ريال هذا تفكيره واشكره بالويه حتى لو تعمق وميانه وخرابيط البنات الي يقصون على روحهم


اذا اهي تبي تتزوج. بسرعه ومو قاعده تنطر نصيبها خل تحط رقمها عند الخطابات

انا نصحتج وترا الرياييل كلهم نفس التفكير مايفكرون الا بوناستهم مافي واحد يبي يتزوج يسجل بموقع !!!!!!! فكرو فيها عفيه

ترا الزم ما على الوحده شرفها وعفتها وخل تفكر بربها اول شي اهيا لوتقعد ٥ دقايق تفكر بربها ماراح تتجرأ تكلمه بعد ترا حراااام

 

[اختكم نونا]

وبعدين من صجها اهي مقتنعه بهالنوع من الشخصيات؟ يعني عادي عندها تكمل ويا واحد واطي لي هالدرجة؟ قوليلها ارتقي بتفكيرج لا تنزل لي هالمستوى انا انصح من قلب لانه شكلها مو عارفه شالوضع

لانه الي تتقبل واحد بهالمواصفات! بايعه عمرها

تراا الزواج مو كل شي مو اي شي جدامي اتعلق فيه لانه بيتزوجني !!

لا يقصون عليكم بسالفه الزوااااج ياخذ كل الي يبيه بحجه الزواج واذا قلتيله تزوجني بينحاش ويتعذر اقص ايدي اذا زواج كله جذب مبين

 

[فروحته]

ائا رأي نفس البنات بس خل اقولج

رفيجتي نفس الشي صار لها و كانت تحبه

اهوة شوي محترم عن هذا ما طلب هالاشياء

بس بايعها يعني ما يفكر فيها للزواج و اهية تموت عليه

وترا اذا رفيجتج تحبه و الله ما تخليه وما رح تفكر بشنو يقول لو شنو يبي يسوي

وكلهم يقولون بنغيرهم بعد الزواج بس ترا الزوج الصالح او على الاقل الي ما يسوي هالخرابيط

يتغير من نفسه ما يحتاج الزوجة تغيره او الزواج الي يبي يصون حبيبته على الاقل يكون محترم معاها

و هالمواضيع ما يتكلم فيها الريال الا عقب الملجة و لما يقرب العرس غير جذي الي يتكلم قبل يعتبر ما يحترمها

واذا يبيها للزواج فعشان هالموضوع بس مو عشانها اهي و عشان يبي علاقة بالحلال

قوليلها لا تعطيه ارقام ولا تكلمه و ربي بيعوضها بالافضل و الاصلح اخلاقا و خلقا

و الله يبعدها عندها يا رب و يفرجها عليها و ان شاء الله تفتح عيونها و قلبها

 

[انصاريه قمره]

من صجها هذي بتقط نفسها بالنار تصووم تصووم وتفطر على بصله خل تنقذ نفسها وتخليه والله يعوضها باللي احسن منه ما تدرين دام هذي سوالفه وفيه شذوذ جنسي ممكن باجر يدخل عليها رياييل الله لا يوفقه نصحيهااا وحاولي تبعدينها عنه ولج الاجر

 

[اسبانيه]

اعوذ بالله ,,, من ترك شيئا لله عوضه خيرا منه

خل تتركه وتبعد عنه وتدعي رب العالمين يرزقها بالاحسن ومن طريج الباب مو هالمواقع اللي مايندرى عنها

 

[اميره بكلمتي]

مشكوووورين كلكم

والله يجزاكم الف خييييير
انا دزيتلها الرابط وخليتهاً تقرا ردودكم كلها وحسيتها قتنعت بكلامكم وراحت غيرت خطها من غير لاتقوله وعطته بلوك بالسناب والاستغرام واغلب البرامج

 

[اميره بكلمتي]

اب

اب

 

[MalfoOofah]

ااااخ لااا شو هااا ؟؟؟ كيف تسممح لنفسها تتكلم معاه مواضيع جي؟؟ ها مريض نفسي ومااايبااالها بعد تفكير اكيييد تبتعد عن هالمريض واشوف بصراحه هاي ربيعتج مب عاقل لانها لو عاقل ما توصل لهالمستوى ويا ريال غريب

 

[Kocheko]

ما توقع داش الموقع يبي يتزوج .. يبي يفرغ شهواته ويصيد له وحده وبس
خل تقوله خلاص متى تكلم اهلي وتجوف رده فعله ..
الريايل سفله قسما بالله ..

 

[غلا حمد]

رايي من راي نونا ��