أبى أنظم وقتى عطونى حلول

[ذات الهمة العالية]

حبيباتى

أنا أحسن صرت ملغى تنظيم الوقت

يروح منى الوقت ولا سويت ولا شىء

وكسل


وحتى التثقيف النفس وقراءة الكتب ما فى

أبى أحفظ كتاب الله وهذى كم سنة ونفس الحالة

اللى أعرفهم حفظوا وأنا قاعدة

عندى كتب إسلامية قولى خلصت كتاب أو قريت كتاب اللى أول كنت أقرأ


بتعلم اللغة العربية والإنجليزية اللى مهمة حق الدوام وتطويرى فى العمل على الأقل أحفظ كم كلمة


ولا فى ناس تحسبنى أعرف اتكلم يالفشلة لو أواجههم ولا أعرف أرد


أبى تنظيم لوقتى

لو سمحتوا

 

[ღلولي الحسآويهღ]

والله مثلج وقتي معفوس عفااس
الله يعين بس .........

 

[ريماا]

العطلة مملة اذا مااستغليتيها
انتى شوفى شنو اهدافج للعطلة وخصصى لكل هدف وقت او يوم على حسب نوع هالهدف
وححديلج يوم رااااحة تسترخين باليوم هذا
انا ان شالله من الاسبوع الياى ببدى اسويلى برنامج فى بالى اشياء وااااايد
بالتوفيق

 

[ذات الهمة العالية]

شكورين للرفع

 

[مزيونه وشقره]

ادعي ربج اللهم باركلي في يومي ووقتي


قعدي مبجر الصبح وابتعدي عن السهر ونظمي وقتج مع الصلاة يعني مثلا ان شاء الله بين صلاة المغرب والعشا بقرا قران

او مثلا عقب صلاة العصر بنام اشوي وبقعد اروح الجمعيه بشتري غلي وبرجع قبل صلاة المغرب

وعقب صلاة الظهر وقت مخصص للغذا وحفظ القران او قراءة الكتب


انا من رايي هذي احسن طريقه احسن ماتقولين ساعتين بحفظ قران باليوم تقيدين نفسج بالصلاة احسن


هالطريقه اخذتها من مدرسه الله يجزاها خير مدرسه اسلاميه يوم كنت بالثانوي تقولنا الصلاة تنظم الوقت ونظموا وقتكم مع الصلاة




مع تحياتي ياحياتي

مزيونه وشقره​

 

[ذات الهمة العالية]

مزيونة تبارك الله عليك

الله يفتح عليك إية والله حلو تقسيم الوقت على الصلوات

والأهم الدعاااااء ببركته الوقت اللهم بارك لنا فى أوقاتنا آمين

لا تحرمينا من طلاتك يا أمورة

 

[ام معيوف]

حبوبه
في كتاب اسمه
كيف ترسم خريطة العقل
الكاتب توني بوزان

اهو صغير بتخلصينه بسرعه
راح يفيدج اذا كنتي جاااااده بالنسبه للوقت وتبين تنظمينه

 

[Eng.shosha]

رايي من راي مزيونه .. مشالله عليها .. خوووش طريقه ومرتبه ..

والله يعينج

 

[قهوة برية]

هذا هو الكتاب






وهو فعلا خوش كتاب تلقينه عند مكتبة جرير

 

[ذات الهمة العالية]

الله يبارك لكم فى أوقاتكم آمين

وبشوف الكتاب يا أم معيوف
وألف شكر قهوة على الصورة

 

[غَـنْـجَـى و دَلـوعْ]

شوفي حبيبتي تبين تحفظين القرآن ؟ سجلي بدورة تحفييظ ، أكثر ما كثر الله دورات التحفيظ

و راح تستفيديييين منها أولا راح يكون لج وقت مخصص حق حفظ و قراءة القرآن + الأجـــر


ثانياُ برى البيت معروف احنا نمل من البيت أيام الدوام فشلووون بالعطلة !

حلوه إنج تطلعين و تكونين مع قرووب كلكم تحفظون و تراجعون مع بعض و هالشي يحفزج زيادة لما تشوفين الناس حواليتج متحمسين ع الحفظ ..


دوري لج هدف ثاني غير حفظ القرآن تبين تنجزينه

مثلاً تبين تطورين ذاتج دوري دورات و سألي و استشيري و سجلي فيها راح تحسين نفسج غيييير نظامج راح يصير سنع و تحسين بشعور حلــوو > سألي مجرب


أو تبين تغيرين من جسمج دشي نادي و راح تشوفين نفسج منشغله فيه و حتى نفسيتج راح تتعدل


أهم شي ما تخلين وقت فراغ كبير بيومج سدي الفراغ بأشيأء تنفعج

 

[ذات الهمة العالية]

إيه والله الواحد يا غنج وايد حلو أسلوبك

وسد الفراغ بشىء ينفع بالآخرة والدنيا أهم أهدافى

بس صح يبلى دخول نادى بس ما فيه منكرات من لبس وغيره

 

[gold hard]

هم الجو في الكويت مشكله يكسل وما نقدرنسوي شىء بالنهار