أبوج بيحضر عرسج ..؟؟

[خشف المطران]

السلام ..

شلونكم عرايس الكويت شخباركم ...؟ ؟


طبعا أنا بحسبة أمكم .. هههههه .. متزوجه من سنين وبنين ...

بس دشبت أتطمش على ركنكم .. وأقول ليت الشباب يعود يوما ... :0bee2e8d89:



المهم .. بنوتات . اللي خلاني أكتب هالموضوع . إني قبل فتره قاعده مع رفيجتي حضريه ...

ولا يجي موضوع . عن عرسي.. قبل وشلون صار ..

وجا موضوع أبوي ...وسألتني .. شغله نسيت . المهم قلتها لا أبوي ما جا عرسي..؟؟



البنت .. عيونها كبرو بشكل مو طبيعي .. وفجت حلجها وقالتلي.. شنو ..؟؟

وليش بالله ..؟؟ قلت بس عيب عندنا الأبو يجي لعرس بنته ...؟



البنت إنصدمت ..وقالتلي أنا أبوي لو ما يجي عرسي .. ما راح أدخل الصاله .؟؟



لوووووووووووول ..قلتلها و أنا أبوي لو يجي وياي ماراح أدخل الصاله .. أصلا ههههه فشله ..


المهم بعد نقاش إستمر.. ساعات وساعات .. و تعالت فيه الأصوات .. ووصل صوتنا لغرفة الناظره .. و لجينا الصفوف اللي يمنا .. هههههههه


لا إهي أقتنعت في إنه السالفه فيها شوي إحراج .. للأبو ..

وبنفس الوقت .. أنا ما إقتنعت .. إنه ممكن أخلي أبوي .. يجي عرسي.. فشله والله ..



شرايكم بهالمووضع .. عرايس..؟؟

في بعض الأبهات يروح يبارك ..ويطلع .. عماني جذي .. بس يجي ضيف مثله مثل المعازيم الباقين ..

دشاده عاديه .. <<< عيب البشت .. أكرر عيب البشت لأبو البنت ..

وبس يسلم عالمعرس و الله يهنيكم .. ويطلعون على طول ما يطولون ..

أما أبوي .. أنا حيل حيل.. دقه قديمه .. .. ولا حتى باركلهم ولا راح لهم .... <<< كارهم ما أدري .. هههههه


شرايكم .. بالسالفه كل وحده تدش وتدلو بدلوها ..

بعرسج .. ؟؟


أبوج بيدخلج الصاله ...؟؟

أو . ..


بيحضر عرس الريايجل .. ويسلم علي المعرس .. و أهله ويباركلهم ..؟؟ على الأقل .. ؟؟؟

 

[TeKaNa_Girl]

حتى انا
ماراح يدخلني الصاله
يسلم علي ويصور معاي
لكن يدخلني الصاله لا عيب

 

[alzen_kilah]

والله حتى صور ما ظنتي بيصور معاي عمره ما سواها مع خواتي هههههههههههه

سالفه يدش الصاله من امه عيب عندنا شبيقولون مو مصدق زوج بنته !

اما اخوانها عادي عشان تحس انهم عزوتها وما ادري اذا لي الحين يدخولن مع خواتهم ولا لأ ..

 

[خشف المطران]

زين بيجي عرس الرياجيل..؟؟

 

[alzen_kilah]

وخشف بمناسبة الصلح عندي لكم ذبيحه ههههههههههههه

 

[alzen_kilah]

بس اخواني يسلمون ويطلعون حتى ما يقعدون

 

[سبائك]

أكيييييييييييييييد يا بعد قلبي قلبه اول واحد مرتز بعرس الرياييل ضحكته شقاقيه اسم الله عليه<<< ما ادري ليش بيفتك مني هههههههههه

احلى واحد بالعرررررررررسلا طبعا كاشخ بالبشت

اي طبعا بعرس الرياييل ابوي لازم يوقف ويعزم بعد عطوه اهل ريلي بطايق علشان يعزم من طرفه

بس بعرس الحريم ما دخل مع المعرس لانه ديّن ما يرضى يدش العرس ودخلو بداله عمي وخوالي مع ريلي وابوه واخوانه وخواله

 

[خشف المطران]

alzen_kilah تطلعون من ركن العرايس.. وتجون تفترون بالحياة الزوجيه ..


مال قص رقاب .. يا العوب .. ..:0bee2e8d89: ..


هههههههههههه .. أتغشمر وياج .. حياتي ..و الله إنتي ..



بس إطبخوه مره وحده ..:ada:.. جزاكم الله خير.. .. مو تجيبنيه .. يبنبع في حوشنا.. .



موفاضيه أطبخ .... لوووووووووووووول .....


========================


أقول حق .. رجلي .. بنات كوييات ما قصرو .. سنعات .. بيجيولنا .. أنا وياك ذبيحه للصلحه .. << درى إني مسويه موضوع عن هوشتنا قللته . ههههههه

قالي .. فضيحتينا .. هههههههههه:dddds:


راح .. ورجع ... وبعدين قال .. زين إمدحيني عندهم :gathering:.... <<< يموت بالنصب فديته ....



لوووووووول .. يالله بعد جم وحده تبي تجيبلي ذبيحه .. بعد .. <<< بفتح جاخور ..:ggdw:

 

[عيون ابوها]

الحين النظام تغير في بنات يدخلون ابوهم بالصاله راح زمان اول بس في ناس محافظين على هالشي ...

انا ابوي طبعا ماراح يدخل الصاله ..بس اكيد راح يروح عرس الرياجيل يباركون له وبس ...وهذا اللي نعرفه من عمرنا اما سالفه البشت عيب والف عيب

 

[خشف المطران]

أصلا.. أحس قدميه .. اللي أخوها يدخلها ..؟؟ مو حلوه حلاة العروس.. تدش واثقه من نفسها...

مو تدخل معاها بوديقارد .. ..

انا لا أخو و لا أحد .. دش معاي. .
دشيت بروحي .. حتى خواتي .. قاعدات .. بعيييييييييييييييد ..


قلتلهم تعبانه على مكياجي ولبسي و مسكتي . إن غطيتو علي .. بطيت روسكم بالمسكه اللي بيدي .. << إجرام .. .

 

[TeKaNa_Girl]

خشف المطران
انا ما عندي خواااااااااات
وحيدة امي
فقلت حق بنات خالاتي

مابي احد يدش معاي
ابيكم تنطروني تحت عند الكوشه
وابي ادخل بروحي
بس انا والمصوره

ياويلكم

 

[الحب يكبر]

اكيد بحضر عرس الرجاجيـــــــــــل عادي والود ودي يدش معي للصاااااااااااله

اهو تاااااااااااااااااج راسي فديته

بس في قبايل مايدش وعندهم عادات وتقاليد حتى الزينه الليتات مايركبونهاا بعرس البنت

اتذكر صار نقاااااااااااش بباص الكليه بموضوع الليتات الزييينه ليش البنت ما يتعلق لها زينه في بنت ابوهااا قالواا عيب !!

وهذاا عادات كل قبيله او عايله

وربي يوفقكم ويسير امركم

 

[خشف المطران]

تكانه خوش .. فكره .. بس حطي نفنوفج قياسج ..

وإذا طويل شوي .. مو تجيبين هالفلبينيات الحمدالله والشكر. عندنا وحده ..و الله شفنا ألبومها .. بكل صوره الفلبينيه ناطه . وع وع وع ..


علبنه تعدل هدومها ... خبال .. جيبي بدله قياسج .. و طولج .. وما تعبج بالمشي..

وترى بيجون علبنه حميه .. يمشون وياج ..

لا تستحين .. إنغزي لوحده .. و لا جتج .. قوليلها أقولكم .. روحو الكوشه .لا أسوي فضيحه لا صارت و إلا إستوت .. لوووول..

بيخافون و يبعدون عنج ..

صدقيني .. وإخذي الكلام .. مني .. بيفرجون فيج .. وبيلزقون لزق فيج وينسون الكلام اللي قلتيله لهم ..

 

[TeKaNa_Girl]

لالا ماعليج انبهم قبل العرس بيوم

وأقول حق خالتي تاخذهم بعيد عني

ان جتني وحده اطير عيني لها خخخخخخخخخخخ يعني ذلفي

 

[خشف المطران]

اكيد بحضر عرس الرجاجيـــــــــــل عادي والود ودي يدش معي للصاااااااااااله

اهو تاااااااااااااااااج راسي فديته

بس في قبايل مايدش وعندهم عادات وتقاليد حتى الزينه الليتات مايركبونهاا بعرس البنت

اتذكر صار نقاااااااااااش بباص الكليه بموضوع الليتات الزييينه ليش البنت ما يتعلق لها زينه في بنت ابوهااا قالواا عيب !!

وهذاا عادات كل قبيله او عايله

وربي يوفقكم ويسير امركم

على راسي...


بس .. أنا أقولج .. أبوي ما راح .. لعرس الرياجيل حتى ولا شيء.. يوم عرسي.. رايح البر مع ربعه عادي ..

ولا حتى جا سلم عليهم .. وعمي .. يروح يسلم .. عليهم .. <<< شوفي تصصرفات مختلفه و أهم أخوان من أم و أبو واحد ..

جايه تقولين لي .. لكل قبيله طبايعها ..


لا ياقلبي..

أعرف بنات.. بنات خاله .. وحده بعرسها حطو زينه فبيت أهلها .. و بنت خالتها .. ماركبو .. علبنه فشله ..

<<< نفس القبيله ونفس الفخذ ..


كل وحده تدش . وتقول .. شصار وياها .. والقبايل و الطبايع إنصهرت مع بعض..

إحنا ما حنا مثل سعودية .. كل قبيله عاييشه بمجتمع بروح .. الدواسر.. بمنطقه بروح .. و العتبان .. لهم مناطق بروح ..

والهواجر لهم مناطق بروح ..

إحنا بشارع واحد .. بيت مطيري .. يمه بيت رشيدي .. يمه بيت حضري.. يمه بيت .. عنزي .. يمه بيت شيعي .. يمه بيت .. كندري .. يمه عازمي ..


كلنا بشارع واحد ..؟؟ وعايشين مع بعض عسالله لا يغير علينا.. أكيد .. طبايعنا ببتتداخل .. والحجي نفسه صار مقارب لبعضه ..

اما قبايل إسعوديه .. كل قبيله لها لغتنها .. الخاصه فيها.. لان الجاهل ينولد .. ويعيش ما يشوف غير هاللهجه هذي. ...



إكثر.. أتحجى .. ههههههه ..
و إشكثر أطلع بره الموضووووع ..
يالله حببوبات .. نشوف ردودكم عالموضوع الأصلي .

 

[خشف المطران]

:eh_s(14):

لالا ماعليج انبهم قبل العرس بيوم

وأقول حق خالتي تاخذهم بعيد عني

ان جتني وحده اطير عيني لها خخخخخخخخخخخ يعني ذلفي

بعدي . مره ..

خزي البنات بليلة عرسج .. عشان ينقدون عليج الحريم .. و يقولون ..قوية العين .. قامت تخازز ..


إعقلي.و إتكني .و تكلمي من هني لين باجر .. بيجون يلزقون فيج .. لزق.<< إسؤلج مجرب.. .


بطولي جبدي بعرس أختي .. أسحب كل وحده من شوشتها ..


وإشكثثرهم ماشالله .. وحده مني وحده مناك .. جراد .. .. شتصيدين لتصيدين .. هذا وأنا .. قبل اعرسها بشهر.. أهدد و أحذر..

بس ما نفع .. الفيديو .. أختي كلش مو مبينه .. حقدت عليهم .. مسكينه ..

 

[طالبه جامعيه]

لا عاااد احنا غير الابوو ايحضر العرس وعااادي ويوقف ويعزم ويستقبل المعااازيم

بس مايدش الصاااله مع البنت لا يدش مع المعرس

 

[yam_yam]

مممممممممم

احنا عادي عندنا كل بناتنا يدخل الابو مع المعرس و يوقف و يصور على الكوشة وكل شي
مافي مشكلة

حياتي ابوي فديته عاد اذا مادخل مادخل الصالة مالي شغل حبيبي ابوي خخخخخخخخ

 

[قلبي ورد وحكيي عطره]

هههههههههههههههههههه

ياحلوج ياخشف

انا قبيليه ابوي مايدخل الصاله ولا يقرب لها ابد
بس يحضر عرس الرياجيل يسلم ويطلع حتى اخواني
بس يسلمون ويردون البيت عيب عرس بنتهم!! <<<خخخخخخخ

بس سالفة الليتات والزينه على البيت نحطها بس موكلنا............

نبهتوني على سالفة الدخله بالصاله الله يجزاكم خير.......نسيت اوصي اهلي

 

[TeKaNa_Girl]

خخخخخخخخخخخخخخخخخخخخخخخ خشف
شسوي هذا الحل المثالي
خخخخخخخخخخخخخ