أبنـاء الكويتيــآت

[عـــــروب]

السـلام عليكم ورحمة الله

بنات ابناء الكويتيات المعروف يتعاملون معامله الوافد من حيث التقديم للوظيفه والراتب وهالشي بالوزارات

بس بسأل الهيئات الحكوميه نفس الشي بعد ؟؟

 

[إحسآسي ، يكفيني]

Upp

 

[فررصة]

اتوقع لأن في تفرقة بين الكويتي وغير الكويتي
مهما كانت وظيفته.. من حيث المعاش والاجازات

..

 

[عـــــروب]

الوزارات الحكوميه معاشاتهم مابين 250-280

والهيئات نفس الشي ولا اعلى .!؟

 

[كيوتيه]

اي اكيد شي طبيعي لانج بدون
اكيد طبعا ماتقارنين بالكويتيه بالجهات الحكوميه حتى لو امج كويتيه جنسية امج نفعتج تدرسين بس لي واحد وعشرين سنه الدوله مالها شغل فيج طلعوا جنسيتكم الاصليه ليش تخشونها وتبهدلون نفسكم
ومعروف من عمر هذي معاشات البدون وفي اقل حمدي ربج في بدون ياخذون 100 و 150

 

[الفيلة العصلة]

كيوتيه البنيه طلبت مساعدة ما طرت منج عشان تقولين هذا الكلام
عيب يوم من الايام راح تحتاجين احد يساعد ويمكن محد يساعدج كما تدين تدان

ابناء الكويتيات معاشهم مثل معاش الوافدين وممكن اقل وصعب جدا توظيفهم الحين الكويتين مؤ لاقين وظايف بس ماتدرين وين رزقج قدمي علي اي وزارة وجربي شوفي اعرف وحدة أمها كويتيه وبنتها سورية عادي توظفت بالأشغال انتي جربي وشوفي حظج بس ادعلي الله يحقق الي ببالي

 

[قاهره عذالي]

ابناء الكويتيات ترا قسمين

قسم خليجيين وهذول وضعهم احسن لان معاش الخليجي اكثر من الوافد وفي نظام تامينات ويقدرون الذكور يدشون جيش وشرطه

وفي ابناء كويتيات بدون عاد هذول لهم معامله بروح ما ادري بس شفت ممرضات ومدرسات توظفوا

وفي ابناء كويتيات جنسيات عربيه

يعني الوظيفه بالنهايه حظ ونصيب وواسطه بعد

بس هم ما يشوفون امج كويتيه والا مو كويتيه بس يشوفون انتي شنو

الام الكويتيه تنفع بس عيالها الذكور الي يبون جيش وشرطه وقوات خاصه مرات يفتحون لهم مجال تسجيل

 

[بنوته كيكه]

وعليكم سلام والرحمه اختي تقدرين تقدمين علي اي وزاره بس مو عن طريق الديوان عن طريق الوزاره اللي تبينها وبعدين منو قال انج اتعاملين مثل معاملة وافد انتي بنت وامج كويتيه عادي اذا عندج جنسيه كويتيه لا تتعانلين معاملة كويتي او اذا عندج كتاب انه اتعملين معاملة كويتيه وان شاءالله تحثلي وظيفه