أبلات .. المنهج المطـور .. ولا القديـمـ ؟

[Tum Tum]

السلام عليكم


ابلات الروضـه .. أنا الحين خلصت الفحص الطبي والاربعا نتايجي ..

ياا ابلات يا حياتي ابي منكم اجابه على سـؤالي

المنهج المطـور ..

أحسن من القديم


الابلات اللي جربـوا !! يقووولوولنا

شلون المنهج القديم شنو اللي تحسينه تغير :rerrerek:

وهالشي اثر عالوقت اللي تاخذينه في اعداد الحلقه او اللاصفي

مرات احس انه ودي المطور لاني اميـل للجديه احس الخبرات سخيفه !!

يعني انا بتوضف هالشهر وصاكه فيني الدنيا بس شسوي بعد الحمدلله

حدي كرهت الروضه من المشرفه والموجهه اللي كنت عندهم بالميداني

بس الحمدلله طلعت بـ A بمجهودي .. بس بعد عنـــااااء .. :eh_s(4):

وأكثر شي كرهته اني ارد البيت واعتجل وازهب اغراض وافرفر الجميعات

استهلكوا طاقتي واقطعوني عن العالمـ والوناسااااات الله يقطع بليسهم ..

المنهج اليديد .. أرحم ؟؟


احس لما تدخل الاحرف والكلمات ..

سهله تصير فكرة المسابقات


من صووور

صماء

جرداء




ناطره ردكمـ بليز فيدوووونـي ...

 

[Love \ Hate]

الله يوفقج حبيبتي وانشالله البنات يفيدونج انا مو ابله ومادري شالسالفه

بس دايما اتسائل الروضه تغيرت ولا نفس على ايامنا ؟؟ ناس تقول على طمام المرحوم وناس يقولون لا والله تغيرت ..

الحين سؤال شنو تعطون اولى روضه ؟؟ يعني تعطون ارقام احرف ؟؟ ولا شنو ادري داشه عرض وسامحوني بس قاعده احاتي ولدي مادري اوديه حكومه ولا خاص

 

[Tum Tum]

عن المخااسير وديه حكومه ما يسوى روضه خاص كله غايب ولا دايخ

احنا درسنا بالجامعه انه الروضه هدفها الاساسي تهيئ الطفل للتفاعل الاجتماعي

وتخليه يكتسب الجرأه في هالمحيط اللي راح يعده للمراحل الدراسيه يعني خليه يروح ويرد مع العالم

انا عن نفسي لو يوني عيال بحطهم بحكومه ولو بغيت بعدين خاص من مرحلة الابتدائي

بس شوفي ترا مرات المدارس الخاصه من شروطها انه يكون داش الطالب عندهم من الروضه

مثل ( الـرؤيـه )

انتي تبينه شوي يتعلم حطيه بروضه فيها النظام المطور

الروضه العاديه يتعلم الاعداد وبعض الكلمات بس مسرع ما ينسوونها لان احس طريقتنا غلط

النظام المطور يعلهم عمليات حسابيه بصيطه يعلمهم الاحرف ويعلمونهم شوي انقليزي

 

[Angel_store]

اب اب اب

 

[Tum Tum]

شكرا ما ادري شفيهم الابلات ما يعطون ويه p:

 

[مس عسولة]

المنهج المتطور
يوميا في صفي ولاصفي
والتغير اللغة الانجليزيه اما العربي مثل الكلمه تقريبا والرياضيات مثل العددي