أبلات العلوم بلييييز

[wathoo7a]

حبيباتي أبلات العلوم
اللي عندها فكرة شنو يعني دفتر مفهرس لمادة العلوم لنه طالبين من تلاميذ 3 ابتدائي او ما أعرف شنو أهوه وشنو أستخداماته فا اللي تعرف جزاها الله خير تعلمني وعساكم على القوة

 

[أم عبووووود]

مادري والله حبوبة

بس عيالي طلبوا منهم دفتر للعلوم يكون كبير شوي وتكون الصفحة اللي عاليمين مسطرة واليسار بيضا سادة حق الرسم اتوقع

والدفتر مكتوب عليه علوم

 

[wathoo7a]

مشكورة على الرد حبيبتيبس لا ما أظن هذا إهو يقولون مقسم على الحروف الابجدية
شدعوة بنات 11 وحدة تطل ماكو رد
كتبوا ما أدري زين ))
جبروا بخاطري

 

[روح القصيد]

هلا ومرحبا
صدمتيني انا الحين منصدمه من ذالكتب والحين طالبين دفتر
ولدي ماذكره لي لا الحين ماتسوى علينا دراسه بصراحه

اسفه اني ماساعدتك بس عاد الخير مقبل ان شالله

 

[ام الرتاج]

بنتي باولى واطلبوا منهم دفتر مفهرس يعني دفتر 60 صفحه وتقسمينه بالفواصل الي بالمكتبات تنباع ونكتب عليهم الاحرف من الالف الى الياء امس سويت حق بنتي وقسمته لها طالعين لنا طلعات غريبه عجيبه

 

[wathoo7a]

روح القصيد / ام رتاج
مشكورين على الرد عسى ربي ما يرد لكم طلب
بسوي اللي تقولين عليه ام رتاج

 

[mrs_sugar]

انا طالبين من بنتي بعد

و البارحة سويته

يبت دفتر عادي و قسمته حسب الأحرف الابجدية

و حطيت الفواصل البلاستيك و عليهم الأحرف

تقول بنتي حق التعاريف تترتب حسب الأحرف و بالتالي يصير سهل عليهم الرجوع لها وقت الحاجة