الســـلام عليكم ورحمة الله وبركاتــــه
زميلاتي العزيزات انا محتاجة النصح والارشاد يمكن لقلة خبرتي ويمكن لان ماعندي احد ينصحني ويمكن لاني شفت اسلوبكم الراقي بمعالجة المشاكل ..
انا بنت مخطوبة لواحد من 6 سنوات أحبه ويحبني وكل ايامنا مع بعض، ظروفه شوي صعبة واهلي مأجلين فكرة الزواج لين ما تتعدل اموره، مع العلم إن أهلي يعرفونه ويدرون بحالته وفوق هذا يعرفون اني على علاقة معاه بس بحدود الأدب وبس... آنا عارفة ان هالشيء غلط وانتو بتنتقدوني عليه بس ماعليه رحموا بحالتي انا أحبه وحيل متعلقه فيه ( للعلم انا عمري 23 سنة وتعرفت عليه وانا عمري 17 سنة)
انا كنت متينه حيل وزني كان 140 كج وسويت عملية وصار وزني ألحين 90 كج ( وللعلم أنا قررت أسوي العملية لأنه خاني مع وحدة وقالي علاقة طيش وللاسف وعدني يهدها وما هدها وشفتها بالصدفة وكانت مو احلى مني بس اضعف مني، وقررت اسوي العملية علشان قلت يمكن اهوا متضايق من شكلي) والحين بفضل من الله حيل تغير شكلي وانا ولله الحمد حلوة حيل والمتن كان مو معطيني حقي والحين لما ضعفت صاروا وايد يتقدمون لي ووايد ناس يتحرشون فيني(طبعا مو فخر) ، المهم ان خطيبي صار وايد يشك فيني ووايد يتحكم بلبسي بكسسواراتي بمكياجي بكل شيء حتى بطلعاتي، وانا كنت ساكته واطوف علشان لا احسسه اني قاعدة اتخلى عنه او لأني ضعفت فما قام يهمني.
المشكـــله إن قبل فترة تهاوشنا على موضوع سخيف قلتله ان ما احترمتني انا راح اقطع كل شيء بيننا طبعا هذي اول مرة اييب طاري الفراق بس لان حيل تعبت من تصرفاته وطريقته واسلوبه، احنا نموت على بعض بس مشكلتنا العناد اهوا يعاند وانا اعاند!! واهوا قام يشك فيني حيل وبزووود !!!
جرحني قبل شهرين كنت طالعة وبدش الحمام وانتو بكرامة وقالي دشي وانا معاج عالخط طبعا ما وافقت وسديت الفون بويهه وطبعا طرشلي مسجات سب واهانه وانتي شوفي مواعدة منو ومن هالحجي، وانا طبعا رحتله واعتذرت لاني عاندت ومفروض اسلوبي يكون ارقى من جذي واهوا رجل ما لازم اسكر الفون بويهه!! وعدت السالفه
وبعد 3 اسابيع كنت طالعه مع اهلي ب360 وكنت اتمشى بروحي مع اختي دق قالي وينج قلتله اتمشى ماصدق اني طالعه مع اهلي وقالي روحي يم اهلج بسمع صوتهم وفوني مافيه شحن وانا وعدته ارد البيت قبل ال8 فتسكر الفون قبل ما يسمع صوت امي وابوي وعبال ما رديت على اساس قبل ال8 ولا اهوا قالب الدنيا وسب وانتي مواعدة وانتي تجذبين وانتي فيج ومافيج ومن هالحجي الي يحطم الواحد وصار بيننا هواش مسجات وهالحجي وانك مو واثق فيني وانا عشرة معاك 6 سنوات ومنت واثق ليش وانا بشنو قصرت وهالحجي، وثاني يوم ولا ادق عليه واسمعه مناقشتي مع امي عن طلعتنا ب360 وشلون اليهال لعبوا بولينغ وهالحجي واقتنع وقام طرشلي مسجات اسف واعتذار وهالحجي وانا سامحته وقدرت مشاعره
والطامة الكبري قبل 4 ايام كنت اسولف معاه عن هدية عيد ميلادي الي يصادف قريب ولا يقولي مراح اشتريلج شيء قللتله مو لازم اصلا انت ما تهتم فيني بس انا اهتم فيك، بعيد ميلادك يبتلك التليفون الي بخاطرك فيه، وانا لما اطلبك شيء عندك ما ترضى تعطيني اياه وتغليه علي ( طبعا انا ما كان قصدي امن عليه والله بس ابينله انه ما يهتم فيني وانه بخيل حتى بمشاعره معاي) المهم قام عصب وزف وصار هواش وهالحجي ويسبني وانا ماتحملت وقمت اسبه ولساني صار طويل للاسف وقليت ادبي عليه نفس ما قل ادبه علي !! ولا يقولي انتي ما صرتي قوووية عين جذي الا وانتي بحياتج واحد ثاني وبتبيعيني علشانه وانتي مو كفو واسلوبج صاير اسلوب بنات شوارع وقليلت ادب!! طبعا انا عصبت وزفيته !!
اهوا طبعا شكك باخلاقي وبتربيتي وبشرفي ! وقالي اني اخونه وانا عادته اكثر من زوجي وحيل انا معاه قراب لدرجة اني اسمع كلامه بكل شيء! قلتله انت منت واثق من نفسك وشلون تقولي هالحجي وشلون تغلط علي وانا معاك عشرة عمر 6 سنوات وبعد كل هذا تيي تشكك باخلاقي عيل ليش خاطبني وانت مو متاكد مني@@ وبس صارت هواش ومسحته من البي بي ام وسويتله بلوك بالواتس اب وفوق هذا كل ما يدق اسكر التليفون بويهه ومارد عليه وطرشلي مسجات اني انا ماكان قصدي وانتي فهمتي كلامي على كيفج وانتي محد بيستحملج غير وهالحجي وقلتله دام اني ماشرفك ومنت واثق فيني روح الله يوفقك مع الي احسن مني ...
طبعا اهوا ما اعتذر ولا علق وسكتت بس قالي هذا مو كلامج وشوفي منو وازج علي وخليهم ينفعونج ومن هالحجي الي لا يودي ولا اييب@!@
بنات هالموضوع صارله الحين 4 ايام وانا نفسيتي صفر انا ماكنت ابي فارقه ولا شيء بس ابيه انه يحس فيني بمشاعري بس اهوا سحب نفسه وحتى ما قدملي اعتذار ولا شرى خاطري !! والحين انا مادري شسوي حيل ندمانة اني تصرفت بتسرع ومادري شنو العمل !! امي تقولي الخيرة فيما اختاره الله وصبري على رزقج
للعلم اهوا عمره 25 وحاليا مو متوظف يعني احواله المادية سيئة حيل لظروف بعايلتهم واهلي مو محبذين ارتباطنا بس انهم ما يبون يكسرون بقلبي! واني انا اصريت عليه ورفضت كلمن تقدملي غيره..
ارجوكم فيدوني شسوي والله انا محتاجة اراء محايدة لان كل الي حولي رافضينه وانا ابي راي محايد مابي احد يصف مع احد على حساب الثاني...
وسامحوني على الاطالة أرجو تفيدوني من واقع خبرتكم وجزاكم الله عني كل خير ...
زميلاتي العزيزات انا محتاجة النصح والارشاد يمكن لقلة خبرتي ويمكن لان ماعندي احد ينصحني ويمكن لاني شفت اسلوبكم الراقي بمعالجة المشاكل ..
انا بنت مخطوبة لواحد من 6 سنوات أحبه ويحبني وكل ايامنا مع بعض، ظروفه شوي صعبة واهلي مأجلين فكرة الزواج لين ما تتعدل اموره، مع العلم إن أهلي يعرفونه ويدرون بحالته وفوق هذا يعرفون اني على علاقة معاه بس بحدود الأدب وبس... آنا عارفة ان هالشيء غلط وانتو بتنتقدوني عليه بس ماعليه رحموا بحالتي انا أحبه وحيل متعلقه فيه ( للعلم انا عمري 23 سنة وتعرفت عليه وانا عمري 17 سنة)
انا كنت متينه حيل وزني كان 140 كج وسويت عملية وصار وزني ألحين 90 كج ( وللعلم أنا قررت أسوي العملية لأنه خاني مع وحدة وقالي علاقة طيش وللاسف وعدني يهدها وما هدها وشفتها بالصدفة وكانت مو احلى مني بس اضعف مني، وقررت اسوي العملية علشان قلت يمكن اهوا متضايق من شكلي) والحين بفضل من الله حيل تغير شكلي وانا ولله الحمد حلوة حيل والمتن كان مو معطيني حقي والحين لما ضعفت صاروا وايد يتقدمون لي ووايد ناس يتحرشون فيني(طبعا مو فخر) ، المهم ان خطيبي صار وايد يشك فيني ووايد يتحكم بلبسي بكسسواراتي بمكياجي بكل شيء حتى بطلعاتي، وانا كنت ساكته واطوف علشان لا احسسه اني قاعدة اتخلى عنه او لأني ضعفت فما قام يهمني.
المشكـــله إن قبل فترة تهاوشنا على موضوع سخيف قلتله ان ما احترمتني انا راح اقطع كل شيء بيننا طبعا هذي اول مرة اييب طاري الفراق بس لان حيل تعبت من تصرفاته وطريقته واسلوبه، احنا نموت على بعض بس مشكلتنا العناد اهوا يعاند وانا اعاند!! واهوا قام يشك فيني حيل وبزووود !!!
جرحني قبل شهرين كنت طالعة وبدش الحمام وانتو بكرامة وقالي دشي وانا معاج عالخط طبعا ما وافقت وسديت الفون بويهه وطبعا طرشلي مسجات سب واهانه وانتي شوفي مواعدة منو ومن هالحجي، وانا طبعا رحتله واعتذرت لاني عاندت ومفروض اسلوبي يكون ارقى من جذي واهوا رجل ما لازم اسكر الفون بويهه!! وعدت السالفه
وبعد 3 اسابيع كنت طالعه مع اهلي ب360 وكنت اتمشى بروحي مع اختي دق قالي وينج قلتله اتمشى ماصدق اني طالعه مع اهلي وقالي روحي يم اهلج بسمع صوتهم وفوني مافيه شحن وانا وعدته ارد البيت قبل ال8 فتسكر الفون قبل ما يسمع صوت امي وابوي وعبال ما رديت على اساس قبل ال8 ولا اهوا قالب الدنيا وسب وانتي مواعدة وانتي تجذبين وانتي فيج ومافيج ومن هالحجي الي يحطم الواحد وصار بيننا هواش مسجات وهالحجي وانك مو واثق فيني وانا عشرة معاك 6 سنوات ومنت واثق ليش وانا بشنو قصرت وهالحجي، وثاني يوم ولا ادق عليه واسمعه مناقشتي مع امي عن طلعتنا ب360 وشلون اليهال لعبوا بولينغ وهالحجي واقتنع وقام طرشلي مسجات اسف واعتذار وهالحجي وانا سامحته وقدرت مشاعره
والطامة الكبري قبل 4 ايام كنت اسولف معاه عن هدية عيد ميلادي الي يصادف قريب ولا يقولي مراح اشتريلج شيء قللتله مو لازم اصلا انت ما تهتم فيني بس انا اهتم فيك، بعيد ميلادك يبتلك التليفون الي بخاطرك فيه، وانا لما اطلبك شيء عندك ما ترضى تعطيني اياه وتغليه علي ( طبعا انا ما كان قصدي امن عليه والله بس ابينله انه ما يهتم فيني وانه بخيل حتى بمشاعره معاي) المهم قام عصب وزف وصار هواش وهالحجي ويسبني وانا ماتحملت وقمت اسبه ولساني صار طويل للاسف وقليت ادبي عليه نفس ما قل ادبه علي !! ولا يقولي انتي ما صرتي قوووية عين جذي الا وانتي بحياتج واحد ثاني وبتبيعيني علشانه وانتي مو كفو واسلوبج صاير اسلوب بنات شوارع وقليلت ادب!! طبعا انا عصبت وزفيته !!
اهوا طبعا شكك باخلاقي وبتربيتي وبشرفي ! وقالي اني اخونه وانا عادته اكثر من زوجي وحيل انا معاه قراب لدرجة اني اسمع كلامه بكل شيء! قلتله انت منت واثق من نفسك وشلون تقولي هالحجي وشلون تغلط علي وانا معاك عشرة عمر 6 سنوات وبعد كل هذا تيي تشكك باخلاقي عيل ليش خاطبني وانت مو متاكد مني@@ وبس صارت هواش ومسحته من البي بي ام وسويتله بلوك بالواتس اب وفوق هذا كل ما يدق اسكر التليفون بويهه ومارد عليه وطرشلي مسجات اني انا ماكان قصدي وانتي فهمتي كلامي على كيفج وانتي محد بيستحملج غير وهالحجي وقلتله دام اني ماشرفك ومنت واثق فيني روح الله يوفقك مع الي احسن مني ...
طبعا اهوا ما اعتذر ولا علق وسكتت بس قالي هذا مو كلامج وشوفي منو وازج علي وخليهم ينفعونج ومن هالحجي الي لا يودي ولا اييب@!@
بنات هالموضوع صارله الحين 4 ايام وانا نفسيتي صفر انا ماكنت ابي فارقه ولا شيء بس ابيه انه يحس فيني بمشاعري بس اهوا سحب نفسه وحتى ما قدملي اعتذار ولا شرى خاطري !! والحين انا مادري شسوي حيل ندمانة اني تصرفت بتسرع ومادري شنو العمل !! امي تقولي الخيرة فيما اختاره الله وصبري على رزقج
للعلم اهوا عمره 25 وحاليا مو متوظف يعني احواله المادية سيئة حيل لظروف بعايلتهم واهلي مو محبذين ارتباطنا بس انهم ما يبون يكسرون بقلبي! واني انا اصريت عليه ورفضت كلمن تقدملي غيره..
ارجوكم فيدوني شسوي والله انا محتاجة اراء محايدة لان كل الي حولي رافضينه وانا ابي راي محايد مابي احد يصف مع احد على حساب الثاني...
وسامحوني على الاطالة أرجو تفيدوني من واقع خبرتكم وجزاكم الله عني كل خير ...
