أبــــطـــيــــت عــــنــــي !!!

[حلاااتي]

أبطيـت عنـي .. والغـلا زادنــي شــوق
شـوق التلاقـي .. مـن بعـد مـدة غـيـاب ..
.
بينـي وبيـن الوصٌـل .. لاحـق وملـحـوق
سلـم الحبايـب .. مايبـي غيـبـة أحـبـاب ..
.
أخلـج خـلاج النـوق .. لامـاتـت الـنـوق
وأعوي .. عـوى ذيـبً رقـى فـوق مرقـاب ..
.
غنيـت لـك .. مـع داعـي الشـوق طـاروق
أغلـب كـلام الشـوق .. للوصـل طــلاب ..
.
دامك بغيـت البعـد.. أنـا أرجـوك برٌفـوق
علـل غيابـك ؟ .. لاتفـارق بــلا أسـبـاب ..
.
تـرا العمـر مـره ليـا غبـت .. مطفـوق
طعـم السـعـاده .. مايـعـوض بالاتـعـاب ..
.
زودً علـى جرحـي.. بعـد جتنـي افـتـوق
جرح الغيـاب .. اللـي كشٌـر وجهـه النـاب ..
.
صعبـه علـيٌ .. اذوق حـزنـك وانــا أذوق
طعـم المفـارق .. والحـزن معـك ماغـاب ..
.
شفني على وضعـك .. تـرى حيـل مخنـوق
أرجوك ..ترجـع خاطـري منـك ماطـاب ..
.
تعبت أشوفـك .. فـي دجـى ليلـي شـروق
شفني على شوقـي .. فتحـت الٌـك الابـواب ..
.
هـذا كلامـي جـاك .. فـي جـزل منطـوق
طالب وصالـك .. حتـى لـوُ شاعـرك تـاب ..
.
بينـي وبينـك .. حلـف وعـهـود وحـقـوق
ياكيف تنقض عهد .. فـي (سلـم الاحبـاب ) ..
.
لاهـنـت يافـكـري .. ولاهـنـت يـاشـوق
ولاهنـت ياهـاجـس .. دعيـتـه ولاخــاب ..
.
حاولت أصد الشوق .. والصـدر صنـدوق
بس الوصل.. في عين الاشواق كذاب ..

 

[miss_ano0oma]

لا هنتي ..

 

[*♥ لبى ♥ آلغرآم]

رد : رد: أبــــطـــيــــت عــــنــــي !!!

تعبت أشوفـك .. فـي دجـى ليلـي شـروق
شفني على شوقـي .. فتحـت الٌـك الابـواب


<<لاهنتي يالغلا على هالقصيدة الروعة >>