- إنضم
- 19 سبتمبر 2009
- المشاركات
- 1,442
- مستوى التفاعل
- 0
- النقاط
- 0
بـسـم الله الـرحـمـن الـرحـيـم
الـسلام عـلـيـكـم ورحـمـة الله وبـركـاتة ...
كـيـف حـال الـجـمـيـع ..؟ (ان شاءالله بخير وصحة وعافية )...
ببـلش بالـمـوضوووووع على طوووول فديتكم وان شاءالله ماتـحـرمـونـي من ردودكم ...
والله يـاأخـواتـي أنـا الـيـوم أكـتـب لـكـم مـوضـوعـي ودمـوعـي عـلـى خـدي أنـا صـبـرت وايد وجان اللي تذكرني وتذكر سالفتي جم مره اكتب نفس الموضوع ونفس المشـكـلة وفوق هـذي كـلـة صـابره أوح بيتـنـا وارجع بيت اهل زوجي مو مستقرة بمكـااااااااااان احـس أنـي بـدوام مالهـاااااا أول ولا تـالي ويعلم الله وشاهد لا ليلي ليل ولا نهاري نهار
ولا أنام عدل وايد صايره افكر وسني صغير اللي اجوفني جني طقيت ال30 او ال40 من الهم والحزن اللي فيني
طبعا موضوعي الحين بقوله لكم وياااااااااليت ياللللللللللليت الكل يقولي القرار اللي بسوية صح ولا غلط ولو ان هلي كلهم
واقفين معاي مو ضدي واهم طبعا ادرى بمصلحتي
مب عشان بنتهم خلاص واقفين بصفتي لالا بالعكس يبون سعادت بنتهم والستر والستقرار بحياتها ....
طبعا مشكلتي هي :
بلشت من بداية زواجي وقالوها لي خاصة خالتي قالت لي طبعا بداية الزواج بتمرين بمشاكل مع زوجج ولا اهله وعادي
لازم تصبرين وبعدها خلاص بتعرفين اطباعه وشلي حب وشلي مايحبة وكذلك اهو بعرفج اكثر وبغير من اطباعج اللي مايحبها ووو وكانت تنصحني وايد وتقولي ذي صح وذي غلط ووو... وطبعا كل هل كلام فعلا صار اول ماتزوجت وتذكرتها
وقمت اتحاشى المشاكل وقد ماقدر اتمكن منها عشان اتغلب عليها وتستمر حياتي من احسن مايكون صرت له الزوجة والاخت والام والابو ولو ان بدايتنا ماكانت فيها تفاهم كللللش بس انا تقلبت على كل هل حواجز وصرنا من احسن مايكون مثل مايقولون ((سـمـن .,على عـسـل)) ولله الحمد وطبعا مرت اكثر من سنه وانا انتظر منه كلمة وكل زوجة تتمناها واهي الضنى ومافي احد مايتمنى هل حلم وهل لحظة الحلوة اللي تربين فيها اعيالج وتتفرغين لهم وتكملين عمرج معاهم بالتربية والتعليم ووو....
بس للأسف منعني عن هل حلم وقلت خلاص ابـشـر تامر امر اكيد تو الناس ومايبي الحين مابي ألح عليه خله على راحته ومرت فتررررره طويلة ومابي يعني اقول شكثر ... واهو الريل رافض هل شي صار ماعندي برنامج واحس حياتي شبه مملة
اطلع واروح وايي ولا عندي شي اسوي ملل احس ماكو حركة هدوووووووء احس حياتي مملة وضيق صدر ...
ولين يصير وقت الويك اند ايون اهله خواته وبنات خالاته وعماته وكلهم مجمعين مع عيالهم احسهم غير مستانسين وحولينهم عيالهم
الا انا مدقووورة واحس نفسي وحيدة لي درجة ماسولف انا والطوفة وحده ولا يعبروني حتى قمت ارفض اجلس وياهم ايام الويك اند بعد محد يعطيني وي ليش اجابلهم واعور قلبي اجوف هذي ملبسة بنوتتها وهذي مسويه عيد ميلاد حق ولدها وكلن مستانس الا انا محرومة من هل نعمة ...
وكررت كذا مره اقولة يافلان انا ودي بعلقل واحد الناس كلت ويهي ماحملتي ماحملتي اكيد فيني عله او مرض
اخر مره ياتني الصدمة القوية الا يقولي انا آسف وسامحيني انا مابي اعيال واذا تبين اعيال لازم تشتغلين لانه راتبي مايكفي
وحاجات العيال وايد ومصاريفهم اكثر ويقول انا غلطت يوم اني تزوجت وحده ماتشتغل ؟؟!!!!!!!!
حدي مصدومة احد يقول عن مرته جذي ليش شقصرت فيه انا دلع وامدلعته واي شي يبيه حاضر وان شاءالله ومحترمته ولا اقل ادبي عليه ومن احسن مايكون حياتي معاه ... ليش جذي ؟؟ ليش ماتكلمت من البداية من قبل ماتاخذني تصدمني
وطبعا اهني فتحت قلبي لأختي واختي احتررررررررررت حيل وعلمت امي وامي ماتسكت لازم تستشير الوالد الوالد مايحب البنت تتطلق قام يدور من شغل لي شغل يبي يتوسط لي بأي مكان دخيل الله ذل روحة اكثر من اللزوم حق فلان وعلان
كسر خاطري حتى ان اعيونة شوي وادمع يقول ابي لكم الزين عورني قلبي على ابوي مسكين وفوق هاي زوجي حرني وايد
مارضى على ابوي اللي قاعد يصير له بسببي انا عشان شنووووو وظيفة دامك مو قد المسؤلية ليــــش تتزوج ؟؟
الزواج صار لعبة الحين ؟؟؟
يقول اي انا غلطان معاج حق انا وانا وانا يبي يبرر لي موقفة
يقول اذا تبين بوديج بيت هلج لانه مابي اعيال انا قلت له انا ماقدر اكمل حياتي ويا واحد مايبي اعيال ماضيع عمري وياااااااااااه
وحدي مصدومة وميييييييييييييييييته صياح وحسسسسسسسره ليش جذذذذي
بس لعلمكم الغلطه غلطة امه الكذبة الصغيره تكبر ســــــــبحان الله اهي اللي قالت له وكذبت عليه وخلته في وهم
قالت له لا البنت بتدرس وبتشتغل وانا اصلا لا اداني الدراسة ولا لي شهادة عشان اشتغل واهو رضى بي مثل ماانا
دامي رضيت بك انت بعد ارضى بي
تخيلوا ميته حره شلون تسوي جذي فوق هاي يات لي الغرفة بلسسسسسسسانها الطويل لا احترام ولا ادب انتي مبذره تقولي
تبي تطلع ولدها الصح وانا الغلطانة بأأأأأأأي طريقة تقول اهو مايبيج تشتغلين بس يوم شافج وايد تاخذين منه فلوس غير مصروفج قالج اشتغلي قالت لا اهو ماقال جذي قلت له انت قلت جذي قال لا انا قلت ابيج تشتغلين واساعديني راتبي ضعيف وانا ماقدر على صرف العيال قلت خلاص انا مابي اعيال دامك ماتقدر تصرف ودامك مو قد الصرف والمسؤلية المفروض ماتتزوج وليش مادورت وحده تشتغل بدالي يوم تزوجتني صدمتني تعالي اشتغلي ليش اهي سهله الحين الجامعين ماعندهم وظيفة
انت رياااااااااااااااااااااااااااال ترضى على مرتك تشتغل بدل ماجابل بيتها وعيالها وتشتقبلك لين رجعت من الشغل وتحصل لقمتك وكل شي مرتب وعيالك مرتبين ومدرسين تقول تعالي اشتغلي وين بحذفهم بعدين انا وايد مرتبة ومنتظمة ماحب اللوية والعفسى وماتوقعت يكون زوجي جذي لانه اغلب اللي يبون يتزوجون يدورون وحده مثل صفاتي وحده تتفرغ لهم وبسسسسسسسسس
ميته قهر وهذاني رتبت شنطتي واغراضي ولا خليت ولا شي بغرفتي لانه امي قالت لي مالج قعده عنده دامة جذي ريلج
ماله شخصية اقل قليل فتن عند امه وصياااااااااح حسيته ياهل ومهزوز وغير اهي تيي الغرفة لا احم ولا تطق الباب وتهد علي واطول لسانها معني مالي السان وبسبحانيتي ولا احب المشاكل من جذي شافتني هادئة قالت اي مكسورة وماتقدر ترد علي
لكن انا مب معناها جذي هذي لانه هلي معلميني الاحترام اللي اكبر مني واجب علي وساعات انقهر واحقرها اخليها غصب تصررررخ وتعصب قلت لها لا تتدخلين بخصوصياتنا ومشاكلنا قالت لاااااااااااااااااااااااااااااااااااااااااااا ولدي شلون ماتدخل فيه
انتي وانتي وانتي كله طالعه وكله مبذره تتشرين
لا عيل اتم بخياسي ماتكشخ ولا اتعدل ولا اطلع
وايد حاطة دوبها من دوبي تقول حق ريلي زوجتك صبغت شعرها ب50 دينار وماخذه عبايات غالين ووووو
زين انا حره بمصروفي محد له شغل ليش جذي شهل طبع عيب تتدخلين بكل شي دامها اتسوي جذي مستحيل وحده اتم عندها
ومستحيل يقبلون ولدها علمته على التفتن والبخل لي درجة اصك المكيف عني ويروح الشغل ويقولي لا شغلينه وايد بيل اينا
وقبل كان عادي كل شي قاعد يتغير لي لأسوء قمت ماتحمل هل عيشة وقلت خلالالالالالالالاص دام مايربطني به شي لا عيال ولاهم يحزنون ليش ماارجع بيتنا ومرده النصيب بيني واحسن منه ماعدت اتحمل قساوة امه صج اهو طيب واحبني بس ساعات ينقلب علي بسبب امه مب خليه رحمة الله تنزل ويعلم الله على هذي كللللللللللللللللللللله
اصلي وادعي من ربي لهم بالهداية لكن سبحانة وتعالي ماينسى المظلوم كانت تقولي ام زوجي انتي جذابه لين تصير مشكلة بينج وبين ولدي وتروحين بيت هلج تقولين لهم حجي مانقال قلت لها مشكووورة ماقصرتي
لا اله الا الله يوم ثاني الا هي بالمستشفى ماتشوف من اعيونها تقول اشوف مثل الضباب ومن قبل بعد اظلمتني على مشكلة
وزلقت بالحمام وهل مره من كثر مااترجى زوجي وافهمة واقولة وهو مب معبرني عن سالفة العيال انشال ظفره كامل بسبب مكينة بشغله وغير ان اليوم ازفني عن السالفة طق عينة بالغلط بالقوة وانا مستغربة من اللي قاعد يصييييييير يقول عينج حاره انتي
لكن يعلم الله ان عيني مو حارة ولا احب ادعي على احد بس ربي ماينسى الظالم
اختصر موضوعي واقوله لكم اني قررت انفضل انتو معاي ولا ضدي بهل شي اللي قاعد يصير ادعولي ونصحوني وعطوني قراراتكم لا تقولون الراي رايج بس حطو نفسكم مكاني وش راح تسون وردو علي ربي يجازيكم خير .
