أبغى رايكم في أطفال الأنابيب..

[غيوم الشرقية]

السلام عليكم ورحمة الله وبركاته

شخباركم كللللللللللللللللكم

انا قصتي باختصار ما راح اطول عليكم ان شاء الله

لي 5 سنوات متزوجه وما الله رزقني بالذرية وسويت قبل سنه ونص اطفال انابيب هنا عندنا بالسعودية في مستشفى المانع بالدمام ومالله كتب لي الحمل

عاد ناوية بعد دورتين ان شاء الله اسويها مره ثانيه وودي اروح الاردن عند دكتور زيد الكيلاني

ابي نصيحتكم يا اهل الكويت فيه دكتورة تجي في قناة بداية في برنامج عيادة نسائية والله ناسيه اسم الدكتورة بس شي الفضلي اتوقع

هل هي زينه اقرب لي من اني اروح الاردن اجي عندكم الكويت

والا اتوكل على الله واروح الاردن

ابي رايكم لان بصراحه ريلي يقول خلاص نروح نسويها راسلي المستشفى وشوفي شنو متطلباتهم واي وقت نجي بس قلت قبل لا اراسلهم بشوف رايكم اذا فيه احد تعرفونه عندكم زين والا اروح مدري

ادري لعوزتكم بس لاني محتاره ومدري شسوي

انتظر ردكم ...​

 

[Emanova]

الله يكتب لج الحمل ان شاء الله

الدكاتره كلهم يمشون على نفس طريقه العلاج تقريبا

بس التوقيج من الله

عن نفسي سويتها عند ماجده اليتامى ... صديقاتي عند فوزيه القطان و عند زيد الكيلاني


اهم شيء عليج بالاستغفار انتي و زوجج و الصدقات و الدعاء بالسجود ... و ان شاء الله تبشرينا بحمالج

 

[((الماسه))]

حبيبتي زيد الكيلاني زين وهم منصور العرف زين وانتي استخيري والله يرزقج الذريه الصالحه يارب

 

[ناتشوو]

الله يرزقج ويرزق كل محروم بالذرية الصالحة

 

[@ Om Ali @]

وعليكم السلام ورحمة الله وبركاتة ،،،


اول شي الله يرزقج بالذرية الصالحة وتفرحين ان شاءالله


وانتي قصدج الدكتورة عالية الفضلي عيادتها بالمهبولة


الدكتورة شاطرة ووايد يمدحونها

 

[غيوم الشرقية]

الله يجزاكم خير خواتي على الرد انا قلت بستخير وان شاء الله الله يدلني على اللي فيه الخير


قد احد جربها عاليه الفضلي

وانا هالشهر سويت اشعة الصبغه حق الانابيب وطلعت زينه الحمدلله

واليوم ان شاء الله بسوي حجامه والله يكتب اللي فيه الخير يارب

 

[eng.q8]

والله اهيا معروفه
انتي استخيري وتوكلي على الله
وعندنا وايد دكاتره ممتازيين
فوزيه القطان والعرف ماجده اليتامى
الله يرزقج يارب ولا تحتارين واااااايد

 

[miss_uk]

اللهم ارزق المحرومين الذرية الصالحة

 

[أحلى عيون]

ماانصحج بعاليه بصراحه هذرتها وايد وتاخذ فلوس اكثر

انا قعدت معاها سنه فوق الالف دينار بس علاج ولا سوت لي اي شي وغاليه على الفاضي

بس انتي مسافره مسافره اضمن لج دكتور زيد والله انه روعه والحمدلله رب العالمين انا رحت له وحملت والرزق من الله

 

[أوتار الحنين]

حبيبتي أنا عملت العملية في الأردن في المستشفى التخصصي تعاملهم رووووووعة ماشاء الله عليهم ونفسيتهم حلوة وأسعارهم مو غالية حتى الدكتور زيد الكيلاني مشهور جداً عندنا في الأردن والله يكتبلك الخير ويوفقك ويرزقك الذرية الصالحة إن شاء الله )ولأي مساعده او معلومات عن الأردن حابة تستفسري عنها أنا جاهزة ولا يهمك ولا تترديي في أي سؤال

 

[NiFeeSHa23]

جم تكاليف العلاج تقريبا عند د/زيد الكيلاني الي راحت و تعرف؟

 

[زهوور الريف]

نصيييييييحتى
روحى زيد الكيلاااااانى

بس انتى ما قلتى لنا المشكله من منو
اما عاليه الفضلى انحااشى منها

 

[أم الهواشم]

الله يرزقج حبيبتي انشاءالله بس ماانصحج بعاليه عندج الممتاز دكتور باتريك في مستشفى لندن اكثر عملياته ناجحه ماشاءالله وتوائم والله يوفقج انشاءالله