أبر تلمع البشره !!

[شقرديه ونص]

السلام عليكم
أشوف بعض الممثلات السوريات والبنات بشراتهم تلمع وأنا أذكر قبل إن مافيها لمعه ولا إشراقه :bbbiu:
آخر مثال الدكتوره شمايل السنافي دكتورة الجلديه لما طلعت على برنامج تو الليل بشرتها تبببببببرق خصوصا عند حنجها وخدودها ويبهتها
أنا متأكده إنها إبره بس ماني عارفه شنو أهي بالضبط
بليز اللي تعرف تفيدني :eh_s(7)::eh_s(7):

 

[هيه دنيا]

يقولون الدكتوره شمايل مالها عياده خاصة بس بمركز اسعد الحمد ومادري اشلون نوصلها

والا يازين بشرتها وامبين متفخه ومنفخه ياحلاتها مشاءالله تبارك الله

 

[شقرديه ونص]

إي أهي قايله إنها مسويه بوتكس ،، وإن اللي يراجعها لازم تحويل من المستوصف
وقريب بتسوي عياده خاصه أووف عاد متى

 

[شقرديه ونص]

أب يااااااحلوين هلمووووو

 

[اوووفه]

يمكن ابر نظاره او الي هابين فيها الحين تقنيه البلازما

 

[Hawaii]

ابر نضاره هذي (فيتامينات)

مو بوتكس .. البوتكس لتجاعيد ورفع العين والحاجب

 

[$نرجس$]

انا الي اعرفه تقنيه البلاازما الكل يمدحهااا

 

[Miss_Ms]

ابر الميوزوثيربي جربتهم وصراحة روعه يخلي ألويه فيه نضاره ولمعه لكن للأسف مايكمل شغلة يوم يومين بس والحين خلاص اعتمده لو عندي مناسبه اسوي قبله بيوم

 

[..~Goolz]

ماكو شي اسمه ابرة نظاره لا تقطين فلوسج فيها لانها خرطي

فيه حقن البلازما ياخذون من دمج عينه ويفصلون الدم عن البلازما الي في دمج بالاصل

ويردون يحقنونها بويهج
تشيل الهلات والتصبغات
تريد شباب ويهج وتعطي تفخه بسيطه
وتعطي نظاره وتخفف من المسااام وتشد

>قريت تجارب عليه وما سويت>ماا احب الابر شسوي )=

 

[barbya_q8]

اهيا قالت ما تفيد ابر النظارة اهيا تعالج السبب وبشرتج تصير زينه وحلوة وتكون فيها نظاره اما الابر ما تنفع ولا تدوم

 

[Dreamy G!rl]

زين وين يسوون تقنية البلازما هذي ؟ و منو احسن دكتور ؟
و بجم سعرها ؟؟
وناسه زين في شي يخفف المسام لان انا مسامي فتح بعد التقشير
و صاير جنه حفرة و فكرت اتفخ خدودي لان الحفر مو حلوة بس اخاف حيل
من الابر و اخاف يكون حرام

 

[اشلون يعني &]

ديري بالج من التجلطات
الدم اذا زاد بالوجه والراس ياثر على المخ

 

[حنانو 89]

اب اب..

 

[نمله ذربه]

يقولون مؤقته

 

[noni_q8]

اب اب

 

[أبله شقحه]

مستحيل اغز ابر اخاف

والله اني جربت العجينه السحريه للتاجره مذهله معانا بالمنتدي
قسم بالله سحر الكل بدوامي يتناغزون حسبالهم غازة ابر

اقرو تجربتي
وبلا تبذير وخرابيط
اختي قطت اربع ميه دينار وويها اسبوع وخق ولاحد لاحظه
وانا دفعت اقل منعشر دنانير والكل انبهر ربي يحرسني من العين ذكرو الله

 

[ام دونه]

شمايل

 

[freethinker]

اخاف حاطه اضاءه ؟ جربي اضاءه ماك روعه .. ترى كل الممثلات يحطون قبل مايطلعون خصوصا اذا اكو اضاءه يصير ويهج واو

ااذا نفخه يمكن تكون نافخه ويهها بس ابرة النضاره انا سامعه انه مالها داعي بلمره

 

[ام الغالين]

افضل شي الخلايه الجذعيه وعن تجربه والله اما ابر النظاره ما تسوي شي خساير على الفاضي انا سويتها في عيادة هيلث كير عند حمود النومس ويسويها 180 دينار وارخص من باجي العيادات وشغله تمام وحلو بشرتي تغيرت للافضل وافتحت وايد والسواد تحت العين راح وصار احسن وشد بشرتي واحس بشرتي صارت اصغر من عمري 10 سنوات والله ما ابالغ واقول الصج

مو حسافه الخلايه الجذعيه ابدا مو حسافه عليها صج صج حلوه وممتااااااااااازه يا بنات

 

[dubai girl]

وتاثير الابره يدوم ولا نفس الميزو كل شهر ؟؟