حبيبتي صديقتي كان شعرها نفس حالتك خفيف في مقدمة الراس ويتساقط بقوه وعملت 10 جلسات
ال5 جلسات الاولى كل اسبوع وال5 جلسات الثانيه كل 15 يوم
عملتها من سنتين تقريبا وحست بفرق خفيف لان الهرمونات عندها متلخبطه
وبعدها قال لها الطبيب عليك بالتغذيه السليمه لانها ماتتغذى زين ودورتها مو منتظمه
ووصف لها حبوب فيتامينان وحديد وكمان وصف لها بخاخات تبخها على شعرها بين كل يومين
وبعدها سافر طبيبها ولا كمل العلاج معها وهي اعتمدت على شي سااااااحر ومفيد وهووو
السدرررر والله العظيم ياحبيباتي شعرها من قدام بدا ينبت وحتى من بين خصلات شعرها تلاقي
خصلات صغيره هي الخصلات اللي توها تنبت شفت شعرها قلت لها كانك بنت صغيره توها ينبت
لها شعر وطريقتها في السدر تاخذ السدر مع ماي دافئ وتغسل شعرها به بديل الشامبو
وبقت على هالطريقه سنتين وما تستخدم الشامبوا الا في الاوقات اللي بتطلع فيها من
البيت والمناسبات فقط والايام الباقيه تستخدم السدر وبعد الاستحمام تحط
على شعرها بديل الزيت او اي كريم للشعر واحيانا تستخدم خلطة زيت منقوعه
فيه حلبه وحبة البركه ومحلب مطحونين تاركتهم في علبه لمدة عشره ايام وترجها كل يوم
وبعد هالعشرة ايام تستخدمه بساعه قبل الاستحمام والله يابنات الكل استغرب منها قالوا ذيك اللي شعرها حتى لو
تستشوره ماكانه مستشور هذا شعرها ايش مسويه فيه وسالتها وقالت لي للامانه ومافيه ريحه
لاكن ماتتركه رطب تبخره وتتركه يجف من الماءولافيه ريحه جربوها ماراح تندمون لانها هي تكاسلت
في البدايه لما شجعتها وهي شافت النتيجه قالت ان شاء الله راح تستمر لاكن يبغالها صبر وهي للحين هرموناتها ودورتها متلخبطه
والشي الطبيعي احسن وارخص لك واضمن وذا مافادك ماضرك وصدقوني للحين هي تستخدم السدر والزيت لاتنسون
اللي يبي شي يفدي بشي قليل من الصبر والتحمل كثير من الشعر ولمعانه ومع الوقت يقل التساقط ان شاء الله
ملاحظه الزيت اسخدمته اكثر من وحده البعض فادها والبعض مافادها لاكنها هي قال شعرها خاربه خاربه خلينا نعميها
اذا ماعالج شعرها ماراح يخربه وتوكلت على الله وهذا علاجها واتمنى تستفيدون
