أبره الظهر ومستشفى دار الشفاء / السيف

[عيون مها]

السلام عليكم ورحمه الله


بنات أنا راح أولد أن شاءالله اخر شي من شهر خمسه وأحس مابقى شي على ولادتي كنت أفكر بقيصريه اللحين

طرا علي سالفت أبره ظهر مو يعرف دكتور شاطر يغزها أنا أحتمال أولد بدار شفاء أو السيف

من يعرف دكتور شاطر بالمستشفى دار الشفا أو سيف بليز ساعدوني لانه أنا مابي أتألم الله يخليكم ساعدوني :eh_s(2):​

 

[غفرانك]

اب اب

 

[عيون مها]

ثانكس

 

[_زينه_]

ماعندي فكره

 

[ام خدود ورديه]

ما ادري والله بس انا اقول اولدي بدار الشفا دام تبين ابرة الظهر لأنهم خبره اكثر
والله يسهل عليج وعلينه يارب

 

[الأميرة جوري]

الله يسهل عليج بس يقولون مو زينه ابره الظهر ....سالي عنها اكثر

 

[ام سليمان 2008]

الله يسهل عليج

 

[أبله كويتيه]

مادري والله بس بعيت اقولج الله يسهل عليج انشااءلله

 

[شووقة]

والله انا ولا عمري جربت ابرة الظهر اخاف منها
الله يعافي الكمام يخدر
والله يسهل علينا يارب

 

[mrs-ss]

انا جربت دكتوره نجلاء بدار الشفا قبل 3سنين وكانت روعه بس الحين موموجوده مادري وين راحت
عندج دكتور حسام وسناء يمدحونهم بس ماجربتهم

 

[@ام يوسف@]

للرفع

 

[عيون مها]

مشكورين جميعا طيب ماحد جرب معقوله ابره ظهر !!

 

[tho tho]

انا جربتها حبيبتي
بس بالصباح
الصراحه نعمه من رب العالمين
ما اتعور ترى مجرد وخزه خفيفه و عقبها اتحسين بحراره بريولج
و بس تخدرين ،،،، و ترى ما اطول يعني مدتها جريب الساعه و النص
و بعدها يقعدونج بغرفة الافاقه على ما اتحركين ريولج و يتاكدون انه مفعول الابره فج
ينقلونج الجناح
انا عن نفسي ما اقدر اخذ كمام لازم ابرة الظهر
و اي سؤال انا حاضره

 

[عالمي المجنون]

ومنكم نستفيد

بجر

 

[Diva-Q8]

اختي خذتها بالسيف بس ماعرف اسم الدكتور اللي غزها الابره اول شي غزها غلط عورتها بعدين عدلها

واهي ولدت طبيعي عند دكتوره ندين

وايد ارتاحت وطلعت من غرفة الولاده و اهي تبتسم واتنكت بعد ماشالله عليها بس بعد الولاده اب اسبوع بلشت القدم عندها تنتفخ وماتقدر ادوس عليها تقريبا اسبوعين الحين صارلها 7 شهور والده تقول احس عوار بظهري ايي ويروح مكان ابرة الظهر

وسألتها بولادتج اليايه انشالله بتاخذينها ولا ماتبين قالت طبعا اخذها لاني ماحسيت بالولاده كلش خل يولي عوار الظهر تالي يروح ! وتره مو كل البنات تحوشهم هل اعراض على حسب جسم كل وحده يختلف عن الثانيه

وشجعتني اخذها وقاعده تحن علي بس انا متردده الله كريم حزت الولاده بشوف وضعي واقرر اذا اي او لأ

واتقومين بالسلامه انشالله

 

[عيون مها]

^^
أهاااا حلو الله يطمنج يالغلا شجعتني وايد

 

[tag_q8]

د. طارق ابدار الشفاء دكتورتي تمدحه و المنتدى اهني بعد يمدحونه