علّم عيونك ليا جا الليل تنطرني
حنا نغيّـر زمنا مايغيّـرنا
بجيك كلي وأمانه لاتكاثرني
احيان كثر الغلا يدمح كبايرنا
الشوق جامح حبيبي وش يصبّرني
والوقت كالسيف لا تحسب خسايرنا
طالبتك ان جيت عندك لا تعذّرني
العذر في مثل حالتا يحيّرنا
دخيلك إجمع شتاتي لاتبعثرني
خل المسا قبل يعصانا يسايرنا
إكبر بعيني حبيبي لاتصّغرني
العمر فاني ومجهوله مصايرنا
جرّب تعيش الحياه العكس واخبرني
عن زينة العقل لا عميَت بصايرنا
رش الغلا ليلة الميعاد واسهرني
خذ ما تهيّا وخلّـه في سرايرنا
ومن باب حسن النوايا فز وإسترني
في ليلةٍ صبحها يسدل ستايرنا
وبلّغ عيونك تنام شوي وانطرني
أبرضي الشوق لو تزعل ضمايرنا
بقلمي
