أبداعات و أفكار لترتيب التسريحة والواليب....

[love sing]

السلام عليكم ورحمة الله وبركاته
مساء الخير على الناس الغير سيدات وأنسات منتدى وأحلى منتدى كويتيات
اليوم جايبتلكم موضوع منه لتبادل الخبرات والابداعات ومنه للاستفاده و تلقي النصائح :gathering:
وهو أفكار لترتيب التسريحات والدواليب والكبتات وغرف الجلوس وأي شيء تحبين أن نشارك الراي فية أو لعرض فكرة لطريقة ترتيب معينة وتحبين تفيدين غيرك فيها
ويكون موضوع مسلي وحلو لو يكون فية صور لتسريحاتكم ودواليبكم وأشياء أنتم بدعتم فيها ​

 

[سمي الزعفران]

مرحبا ياحلوة موضوعج حيل مهم بالنسبه لي واحب يكون توليتي مرتب وكل شي بمكانه اول شي عندي دروج صغار يبيعونهم بالاسواق الشعبيه للمكياج شاريه منهم ثنتين وكل وحده فيها اربع دروج وحده حاطه فيها مكياجي ومقسمه الدرج الاول كريمات الاساس الثاني المسكره والايلينر الثالث العدسات والرابع البودره

اما الدروج الثانيه حاطه فيه المشوط والشباصات و وشغل البدكير والمباريد
الدروج حاطتهم فوق بعض عشان ماياخذون حيز بالتوليت
اما الحمر عندي شغله يبيعونها بالسوق حق الحمر تصفينهم حلو شكلها ومرتبه الوضع عندي

 

[كبرت وراحت على]

اصور وارجع لكممم

 

[دندونة]

فكرة حلوة ....... وانا بعد احب التواليت مرتب عشان بسرعة اطلع اغراضي...... بس انا حاطة سلال صغيرة ملوت الدايسو كل نوع بسلة المحددات بسلة ....... الحمر بسلة ....... الماسكرات والكحل بسلة ........ وشذي وودي اشوف افكاركم ..... واستفيد ........

 

[GOLDEN_FISH]

thanx ya 7lwa

 

[A7la 7la]

في سلات صغار عند دايسو انا احط فيهم مثلآ الشباصات و الثاني اكسسورارت.. وأحطهم داخل الدروج .. واذا بغيت شي .. طلعت السله خذيت اللي ابيه .. ورديت السله داخل الدرج مره ثانيه ... احس جذي أرتب ...


تحياااتي

 

[ربي أسألك الجنه]

يعطيج العافيه على الموضوع انا حاطه سلال صغيره من عند ابو اميه فلس على خشب سله فيها حمر وسله محددات كل سله حاطه فيها شي والدرج الثاني همن حاطه سلال حق الشباصات والماشات والمشوط وفوق على التواليت حاطه عطورات بس ونبي بعد من افكاركم عشان نغير

 

[ام فجور 2008]

والله لو اعرف انزل الصور جان حطيت لكم ياليت تعلموني

 

[batoulizm]

يعطيكم العافيه

هذي افكار ترتيب تسريحتي وفيه افكار ثانيه وايد حلوه اتمنى تعجبكم

http://www.q8yat.net/showthread.php?t=80869&page=34

 

[Gadeer2Gadeer]

ياريت تفيدونا
ودي اغير

 

[SweET^LiKe^chocolate]

انا الصراحه التواليت ماحب احط فييه ولا شي بس ديكور حاطه شموع وفازة ورد
وشغلي واقراضي كلها داخل بالادراج لانه ان حطيت في شي احس بصير قثره قمخليه كلشي داخل الدرج

 

[إستبرق]

انا ما احب كلللللللللش احط شي فوق التواليت غير مفرش وحاطه شمعتين على شكل فازات واغراضي كلها بسلات بالدروج والكبت وانشاءالله اصور لكم واحطهم

 

[kuwaitya_zoGaa]

مشكوره حبيبتى ويعطيج العافيه

 

[أميرة الحلا]

يسلموووو

 

[أميرة الحلا]

يسلموووووو

 

[بنانه]

بنات الي عندها صور ممكن تفيدنا حطوهم ويعطيكم الف عافيه لللكل

فعلا موضوع حلووووووووو

 

[ام فجور 2008]

انا احط اجدد عطرين او ثلاث فوق مع دهن العود وعطور زوجي
والباجي داخل

انشاءلله اليوم اصورها واعرضها لكم

 

[سرقت النوم]

آنا تواليتي يلوع الجبد كل شي عليه .. و مو مرتب و لا تفتحين الأدراج .. الاغراض تنقز بوجهج ...

أمبيه والله زوجي يقولي ما أحب أفتح الادرا و ماخذ عطوره و الآفتر شيف و الكريمات و كل خرابيطه و حاطهم بالحمام ...


جربت السلال ما نفعو أغراضي كثيره ...


أتمنى أعرف طريقه أرتب فيها التواليت

 

[اصوله بنت ابوها]

بنات فيه كبت اكسسوارات مثل الكوميدينا يلم اكسسواراتج واذا تبين مكياجج معاه روووووعه انا شاريته مقسم للساعات والخواتم وبيبان جانبيه لتعليق العقود شي بصراحه فنتك

 

[ام فجور 2008]

بنات فيه كبت اكسسوارات مثل الكوميدينا يلم اكسسواراتج واذا تبين مكياجج معاه روووووعه انا شاريته مقسم للساعات والخواتم وبيبان جانبيه لتعليق العقود شي بصراحه فنتك

بجم ومن وين