( أכـبـڪْ כـب مآ أقدر أعآند فيـہ: آحسآسي .! )روايتي الاولى

[Ảℓ Ţŕατéℓ]

السلام

حبيت انزل اول روايه لي

الصراحه انا م سجلت في المنتدى الا علشان قسم الروايات :ggdw:

وان شاء الله اول روايه لي تعجبكم

وابغى تشجيع لا هنتوا :yaaaaaarb:

--------------------------------


نبداء بتعريف عن كل اللي في الروايه

عائلة ابو محمد : ( عبدالعزيز) عمره 52 سنه عنده ولدين وبنت يحبهم مرره ويلبي كل طلباتهم بس مشكلته يعصب بسرعه عنده الضغط ويحد اكثر واحد من عياله الثاني ( ماجد ) كل شيء الا زعل ماجد دلوع امه وابوه
يشتغل في اكبر الشركات في الكويت

ام محمد : ( ساره ) عمرها 40 تحب عيالها وايد نفس ابو محمد تعز ماجد اكثر شيء

الكبير : ( محمد ) عمره 25 اخذ الشهاده الجامعيه في الهندسه يشتغل مع ابوه
اوصف شكله < اسمر و شعره اسود يسويه سبايكي جسمه جنان عضلات شكله شخصيه لون عيونه عسليه وطويل

ماجد : عمره 22 يدرس في جامعه في فرنسا مو طويل مره وسط نحيف < بوكس واحد ويطير >
اسمر شعره بني غامق ودايم اخوانه ينادونه المصيبه لانه دلوع امه وابوه

اصغر واحده : ( مها ) عمرها 19 تدرس اولى جامعه إدارة اعمال حلوه بيضاء طولها حلو و نحيفه وعيونه نفس عيون محمد عسليه شعرها بني الى نص ظهرها وتحب الموضه و الطلعات و دايم تتهاوش مع محمد

-----------------------

عائلة ابو طارق

ام طارق : ( رشا ) عمرها 39 زوجها متوفي في حادث من سنتين
تحب عيالها وايد و م ترضى على زعلهم كلش وساكنه هي وعيالها في البحرين
عندها ولد وبنتين و ام محمد ( ساره ) اختها الوحيده

طارق : عمره 22 يدرس مع ماجد في فرنسا يحب عيال خالته وايد خاصه ماجد
مملوح طول وجسم ابيض عيونه واسعه له غمازات يحب يستهبل اذا اجتمع مع عيال خالته

شهد : عمرها 19 حلوه كانها سوريه بيضاء وعيونها لونها زرقاء
لها غمازات لها شبه من طارق شعرها قصير لونه بني مسويه مخصل
حبوبه و حساسه واللي في قلبها على لسانها

ندى : عمرها 6 سنوات كيوت شكلها عيونها عسليه بيضاء
بطوطه ينادوها بالبطه جريئه م تخاف من احد

---------------------------

عائلة ابو بدر

ابو بدر : ( خالد ) عمره 50 يشتغل في شركه تابعه لشركة ابو محمد
ابوبدر جار ابو محمد يعتبره زي اخوه الكبير عنده ولد و بنت

ام بدر : ( هند ) عمرها 40 تشتغل في الوزاره تحب ام محمد وايد


بدر : عمره 22 يدرس مع ماجد وطارق في فرنسا صديق ماجد ومحمد من ايام الطفوله
حلو اسمر طويل وعضلات عيونه واسعه

شذى : عمرها 19 صديقة مها من الطفوله الروح بروح م تخبي شيء عن مها
حلوه كيوت شكلها طولها حلو وسط بيضاء
شعرها قصير فكتوريا لها غمازات

--------------------------

عز (صديق محمد )

عز : عمره 25 صديق محمد من ايام الثانوي
حليو طويل له عضلات عيونه واسعه بس محمد احلى منه بكثيرر

------------------------

نبداء الروايه بعد التعريف << احفظوا التعريف زين ترى م اعيد




في بيت ابو محمد

ام محمد : يالله ي عيال الغداء زاهب

مها : كاني يايه السلام عليكم < باست راس امها وابوها

ابوم محمد : وين اخوانج

مها : ماجد الحين نازل

ام محمد : ومحمد وينه

مها : مدري عنه

ابو محمد : اموت واعرف متى تكونون اخوان عن بعض لا سئلنا واحد منكم قال مدري
متى تدرون

ام محمد : بسم الله عليك من الموت ي الغالي

ماجد : بداء المسلسل التركي نور ومهند

مها : لا تقاطعهم كملوا ي نور ومهند ههههههههههه

ماجد : هههههههههههه اسف على المقاطعه عدنا هع

ابو محمد : بسكم كثرة كلام بزران اخر زمن يوم كنا في عمركم
م نتدخل بين امي وابوي الله يرحمهم

الكل : الله يرحمهم

مها : هذا كان وحنا الحين صرنا الان

ام محمد : راحت ايام الحياء الا اقول مجود وين اخوك

ماجد : اكيد بيتغداء برا تبغون حمود يقعد في البيت اذا بيقعد بتصير معجزه

ابو محمد : ابغى يوم اشوف عيالي كلهم قدامي وحولي احفادي

ام محمد : ايه والله متى بيجي

ماجد : قريب ان شاء الله اخلص و م يصير خاطركم الا طيب

ام محمد : فديتك انت الزين كله

مها : احم احم وانا يعني مو تارسه عينكم كل شوي ماجد ماجد

ماجد : ي شين الغيره

مها : بالله كيف م تبغى الواحد يغار بعد اننا الصغيره كانب انا الدلوعه مو هذا االمصيبه

ماجد : طيب خلاص مهاوي شو تبين امر اخوج بين اديج

ام محمد : شو تبين اكثر هذا مجود بيدلعج

مها : والمدح مستمر دام جبتها لنفسك ابغى اممممممممم

ماجد : الله يستر من اممممممممممم

مها : لا تقطع حبل افكاري

ماجد : سحبت كلامي شكلج م راح تتركين لي فلس

مها : لا مو وايد

ابو محمد : اقول تغدوا وبلا كثرة حجي و محمد حسابه معاي علشان يعرف
ان وراه اهل

ماجد يكلم مها : الله يستر شكل حمتوه بيروح فيها

مها : اسكت لا يقلب عليك شوف اعصابه فايره

ام محمد ( تغير الجو ) : اقول مجود مها بعد صلاة المغرب تكونون هني وكلموا محمد إذا رد

مها & ماجد : ليش ؟؟ !!..

ام محمد : خالتكم رشا ( ام طارق ) بتجي من البحرين وبتقعد عندنا لما يلاقون بيت لانهم عزموا يسكنون هني

مها : من جد ونااسه من زمان عن شهد

ماجد : كلهم او بس خالتي و شهد وندى

ام محمد : اقول لك بيسكنون هني تقول بس خالتي

مها : الولد مدوخ شو سالفتك

ماجد : لا يكثر قلت يمكن طروق م يجي بس احتمال اقول

مها : اها يا ابو الاحتمالات

الكل : هههههههههههه

ماجد : انا الغبي اللي تكلمت

مها : تراك غبي من زمان بس م حبيت اجرح مشاعرك

ماجد : والليل اقول كلمه وتعلق متى يخلص ايش عندج

ابو محمد : انتوا م نمتوا زين ههه

مها : ي زين اللي يضحكون

ام محمد : بس في احد يغازل ابوه

الكل : هههههههههههههه

ابو محمد : دق غلى محمد شوف وين طار وقول له يجي علشان اروحون تستقبلوهم في المطار

ماجد : حاضر يبه الحين ادق

قاعد يدق

محمد : الووو

ماجد :: هلا وينك ابوي يسئل عنك تعال خالتي رشا بتجي اليوم

محمد : اوما لا تنصب الحين صواريخ واكون عندكم < سكر

ماجد : مدري شو عنده قال صواريخ و اكون عندكم

مها : غريبه يوم تجي م سوى جذي

 

[عبيطه كيوت]

بدايه حلوه

موفقه..

ناطريينج

 

[Ảℓ Ţŕατéℓ]

-------------

نروح عند محمد و عز كانوا في مطعم يتغدون

محمد : عزوز انا بروح البيت

عز : وين بدري تو الناس ي شيخ

محمد : شيخ مره واحده ابوي يسئل عني وبلقى محاضره طويله عريضه وخالتي بتجي

عز : ولدها طارق صح ؟؟

محمد : ايه من زمان عنه

عز : يحليله ينحب بسرعه اجل اذا جاء عازمكم اليوم على العشاء

محمد : لا ي معود شو اليوم ابوي بيعصب بعدين الاهل بيجتمعون تبغى ابوي يسوي فووق راسي محاضره ثانيه خلها باجر

عز : هههه الله يعينك خلا باجر انت و ماجد و بدر و طارق

محمد : خلاص تم مع السلامه

عز : مع السلامه لا تنسى

محمد : لا م راح انسى

------------------

نروح الى البحرين بيت ام طارق

ام طارق : يالله موعد الطياره الحين ينادي

طارق : بروح اجيب شيء اتسلى فيه وانتوا ركبوا بلحقكم

شهد : عفه اخوي ييب معاك مجلات

ام طارق : حشى ترا الكويت مو بعيده مره

شهد : اجل نقعد صم بكم ناخذ شيء يسلي

طارق : تامرين بشيء يمه و انتي ندو تبين شيء

ام طارق : لا سلامتك بس لا تتاخر

طارق : حاضر

ندى : انا ابغى كاكاو وبيبسي و سياره

طارق : حاضر بس شو تبين بسياره انتي بنت عيب

ندى : عارفه اني بنت بتعلمني مثلا

شهد : تعرف ترد هههههه

طارق : لسانج طويل بقصه

ندى < طلعت لسانها تقهره : ابغى حق زوجي

شهد : ومين تعيس الحظ

ندى : اهو م يحبج يحبني وتزوجني حموودي

الكل : هههههههههههه

ام طارق : مطولين نسمعى قصص عنتر وعبله روح ييب اللي تبونه و السياره لا تنساها ههههههههه

الكل : ههههههههه

ركبوا الطياره

شهد : يمه وين بنسكن

ام طارق : في بيت خالتج ساره بعدين بندور على بيت صغير على قدنا

شهد : بس مو كانا بنثقل عليهم < وهي فرحانه لانها بتشوف محمد كل يوم ( شهد تحب محمد و محمد يحبها بس الى الحين م تبادلوا الشعور )

ام طارق : هي غصبتني انا قلت لها بروح فندق لما نلاقي بيت م رضت

شهد : اها يالله اشتقت حق خالتي ومها من زمان عنهم حتى شذى

ام طارق : حتى انا ايه صح ندو شو سالفتج مع محمد مع انج م تعرفينه

ندى : كيف م اعرفه يكلمني دايم بالجوال و اشوفه دايم

شهد : وين تشوفينه متى جاء عندنا ي نصابه

ندى : في الجوال شفته يتكلم واشوف وجهه حمود داخل الجوال دايم يكلمني منه

الكل : هههههههههههه

طارق : مره واحده دخلتي الولد داخل الجوال

ندى : مو مصدقني اتصل الحين عليه

شهد : من جوال مين

ندى : حق رشا

ام طارق : عمى في عينج انا امج ي مال العافيه

ندى : من جوالل مامتي حبيبتي ارتحتي

ام طارق : فديتج ي عسل لسانج ينقط عسل

طارق : لا واني الصادقه بصل مو عسل

ندى تتدلع : اوف ي شين الغيره

طارق يبوس ندى : قسم انج عسل ي قمر

ندى تصارخ : خير ان شاء الله لو يشوفك حمود بيطلقني

الكل : ههههههههههههههه

طارق : على جثتي يطلقج انتي الكل بالكل

ندى : اجل استحى على وجهك

طارق : حارضر ي عسل وباسها يبي يقهرها

عصبت ندى قامت تبجي و طارق و شهد و امهم يضحكون عليها

---------------

بيت ابو محمد

ام محمد : مها قولي للخدم يجهزون غرفت الاستقبال

مها : حاضر يمه

ام محمد تنادي مها : مهاوي مهاوي

مها : لبيه

ام محمد : ترى شهد بتنام عندج رتبي غرفتج

مها : بتنور الغرفه اليوم حاضر

ماجد : وطارق وين بينام

محمد : اكيد عندي

ماجد : لا والله لا يكثر عندي

ام محمد : اذا وصلوا بسلامه اسئلوه

ماجد : اقول عندي ولا يكثر حمتوه

محمد : حمتوه في عينك طيب خلاص

ام محمد : ايه صح ام بدر جارتنا قلت لها تجي م تاخذون راحتكم طالعين داخلين مفهوم

محمد & ماجد : مفهوم

رن رن ررن رن رن < جرس الباب

ماجد : اكيد هم بروح افتح < ماجد يحب شذى وشذى تحبه نفس الحاله اللى الحين م تبادلوا الشعور

ماجد : هلا والله

ام بدر : ي هلا فيك اخبارك مجود

ماجد : ي هلا تو ما نور البيت تمام انتي كيفج خالتي

ام بدر : منور باهله تمام دامك تمام

ماجد : كيفج شذى و وين بدر

شذى ( ابتسمت ) : تمام بدر نايم في البيت

ماجد : دووم اوما في احد ينام هلحزه

ام بدر : اقول مجود متى ناوي تدخلنا اشوفك طاق سوالف مع شذى

ماجد متفشل : هاه ايه تفضلوا السموحه خالتي

شذى م سكه ضحكتها

ام بدر : مسموح مجود الا خالتك رشا وصلت

ماجد : الحين بروح انا ومحمد و نييبهم من المطار

ام بدر : اها الحمد الله على سلامتهم

ماجد : الله يسلمج ويسمنج < قاعد يستعبط

ام بدر : ايش الله يهديك هههههههه

شذى : ههههه

ماجد يناظر في شذى يكلم روحه : دووم الضحكه

ام محمد : مجود للحين انت هني طير يالله مع محمد ي هلا بأم بدر منوره البيت

ماجد : طاير طيران

ام بدر : ي هلا فيج كيفج

ام محمد : تمام وانتي كيفج

ام بدر : دووم تمام الحمد الله على سلامت اختج

ام محمد : الله يسلمج متى توصل من زمان عنها( تدمع عينها من الفرحه )

ام بدر : قلبتيه عزاء

ام محمد : دموع الفرحه شو اسوي الا شذى كيفج امج نستني اسالج

شذى : لالا عادي تمام و ين مها

ام محمد : دووم فوق في دارها اطلعي لها تعدل دارها علشان شهد

شذى : اجل اخليكم ارووح اساعدها

------------

غرفة مها

شذى : بوووووووووووووووو

مها : يمه

شذى : اييييييييييييي

------------------------


اهم شيء المؤثرات اخر شيء
الحين ابغى ردكم شو رايكم في الروايه
مو اكتبها وم في احد يقرها

انتظر الردود السنعه

 

[Ảℓ Ţŕατéℓ]

بدايه حلوه

موفقه..

ناطريينج

مشكوره منوره الصفحه :d

 

[om_7soon]

واااااااااااااي بداية حلوة
كملي ناطرينج
Up
Up
Up
Up
Up
Up
Up
لعيوووووونج

 

[Ảℓ Ţŕατéℓ]

واااااااااااااي بداية حلوة
كملي ناطرينج
Up
Up
Up
Up
Up
Up
Up
لعيوووووونج

تسلمين منورره الصفحه

ابغى اتفاعل اكثر :eh_s(16):

 

[Ảℓ Ţŕατéℓ]

الروايه مو حلوه من بدايتها تحطيم

 

[Ảℓ Ţŕατéℓ]

يعني اسحب م اكمل