آه يابنات محتاره

[نفسي احضنه]

السلام عليكم

اخواتي عارفه الموضوع مو المفروض ينكتب هنا بس وربي محتاجتكم بما انكم متزوجات وعارفين الوضع

انا مخطوبه ومملوك علي خطيبي ماشافني الا مره وبين اهله وكنت بعباتي الحين بيسوون لي شبكه يعني بنفرد معاه وبصور وانتوا عارفين حركات المصورات يعني بيلصق فيني بيسوي حركات
المهم ابيكم تساعدوني بطريقه اعطر فيها جسمي يعني من لوشن وبودره وعطر ابيه يدوخ
ادري جريئه بس بنات انتوا عارفين الوضع وانا وخيتكم يعني ابيها طريقه مضمونه

اي وابي لمعة صدر لان فستاني مفتوح من عند الصدر وشفت بنت نفس فستاني وحاطه لمعه وطالعه الحركه روعه


وابي اسألكم كيف اتصرف معاه وآكل علك والا حلاو :eh_s(2)::eh_s(2)::eh_s(2): ادري حالتي صعبه بس والله والله مافي احد يساعدني زوجة اخوي نحيسه ماتعلم دايما تقول ماادري عادي خلي الامور تمشي على طبيعتها يعني ماتساعد تكفون طلبتكم بنوتات :eh_s(7)::eh_s(7): احبكم كلكم

 

[انا لحبيبي .]

ههههههههههههههههههههههه حبيبتي ، الله يتمملك على خير

بالنسبه للكريم ، في كريمات من ( ذى بدي شووب ) للجسم معطره واحلى وحده تبعت الفروله طبعا لا تقااوم

وبالنسبه للعلك ، كلي حلاوه عشان ريحة تمك تكون حلوه ومنعشه ، الله يوفقك حبيبتي​

 

[ام الدرر]

حبوبة اذا انت بالكويت روحي Bath&body work بالافينوز اخذي ست كامل عطر وشور جل وكريم وبودي سبلاش
العطر لا تستعملينه
بتسوين حمام بخار وسنفرة والذي منه قبل الحفلة
وبيوم الحفلة استعملي اللي شريتي من شور جل وكريم للجسم وبودي شبلاش
وعقب التسريحة والميك اب تبخري وتعطري واكيد لمعة الجسم الصالون بيتكفل فيها
والف مبروك حبيبتي
بارك الله لكما وبارك عليكما وجمع بينكما بخير ​

 

[ام شووووق]

بالنسبه للبودرة واللماع هي من الصالون من ضمن المكياج

وعطرج يكون كافي لانه بحطولج بدورة عروس لا تشيلين هم ترى هذي بتكون من الحلى الللحظات

 

[فوفو22]

اشتري كريم الجسم وعطره من نفس الماركه وتلاقين العطورات الاصلية بدبنهامز وبيضون والجزيره

وبالنسبة لتعطير الفم انصحج تعملي تنظيف وتبييض للاسنان عشان ابتسامتج تصير حلوه بالصور

ورايي الثقل حلو للعروس ........وركزي على المواضيع اللي تناقشينها فيه

فوفو

 

[ابدا يالغالي مانساك]

مبروك ياعروس
ياعرررررروس
ياااعررررروس
ياعروووووس
والبنااااات ماقصروا خااصة انا لحبيبي
حطي اسلووبه ولهجته بصوب توبرني

 

[مشتاقة لكويتنا]

الثقل حلو بهالوقت وبالسبة للحركات لاحقه عليها كخخخ
ومن ناحيه العطور والشغلات هاذي
ركزي على العطر والتسريحه والميك اب ولا تكثرين اللمعه بعض الرجال مايحبونها
وانصحك بعطر صن رايز ولوشن من ذي بودي شوب معاه عطر فيه لمعه وريحته تجنن

 

[فجر الجنوب]

موووووفقه يارب

 

[FeShinGoOo]

حبيبتي بالنسبه للتعطير الحين معر ض العطور مفتوح لايطوفج .. ونصيحه مني اخذي عطر قوي مركز ويكون ست شاور جيل وبودي لوشن عشان الريحه تصير مركزه وانصحج بعطور شانيل ..

وبالنسبه لتعطير الفم اولشي لاتخلين معدتج خاليه يعني اكلي وفرشي اسنانج وان شاء الله ريحتج بتطلع حلوه .. وفي بخاخ ينباع بالصيدليه على ريحة نعناع حلو وناعم ويخلي النفس فرش بش اهم اهم شي معدتج ماتكون خاليه لان لو معدتج خاليه لو شنو تحطين بتطلع ريحه مو حلوه


لاتنسين الديودرانت لانه بتكونين مرتبكه ويمكن تعرقين

لمعة الجسم فيه وايد ماركات شوفي ماك اكيد بتحصلين .. وعندج ماركة كيرولين للمكياج المندوبه اتييج لي البيت وتوريج .. بس قوليله بالتلفون شنو تبين ..

 

[اشتياق]

عندي هالعطر ولوشن كل ما احط منهم انسأل quelques felurs royal
رهيب وروعه وناعم ويفوح
والله يسلم العضوه قهوة فرنسيه امدحته وخلتني اشتريه
وفعلا طلع فووووق الوصف
طبعا تسبحي وتفركي عدل بشور جل من اي ماركه عندج وانصحج بسينما حلو واذا ماحصلتي العطر اللي قلت لج عنه
ترى هم عطر سينما رهيب ويفوح ويتم بالجسم
المهم اول ماتطلعين من الحمام
تنشفي عدل وحطي الديودرنت وتلوشني من راسج لريولج لاتخلين مكان ماتلوشنينه :>
وتبخري ببخور
ويكون بخور حلو انا اتبخر من أمل الكويت اقوله ورق الشجر ماليزي على 10 التوله
المهم وترشرشي من هالعطر ولاتنسين تحطين من المركز الفرنسي عطر الشعر من ديوور يهببببببببل

ترى العطر اللي قلت لج عليه فوق عطر فرنسي لونه بنفسجي الموف
اشتري اليديد منه مو القديم

وبالنسبه لريحة الحلج طبعا فرشي عدل واكلي شي خفيف
وعقب حلاو
وخلي اختج والا اي وحده يمج مستعده تعطيج علج كل شوي لووووووووووووووووووووول
ماصارت ريحه!!المهم الحذر واجب خخخخخخخ

واللمعه من بد الميك اب بالصالون يضبطونج ان شاء الله
وبالتوفيق ياقلبي

تذكرت لمن كنت عروس قلت ابي علج جان خالتي تحط بحلجي حلاوه شكبرها علبالي مكعبة ماجي لوووووووووووووووووول

 

[غدووور الكويت]

البنات ما قصروا وان شاء الله يبارك لكم زواجكم

 

[بنت ذآك الأمير!]

مبروووووووووووووووووووك

 

[كتكوته ورديه]

تعطري عطر حلو وجديد وتبخري اما ريحته الفم اكلي واشربي وتعلكي اما المعه ما يحبونها الريجيل

 

[MISS-_-FLOWER]

استخدمي عطر نيرسيزو حده مثيييييير اخذي الوردي و في حق الشعر نفسه هم فضيييع و قبلها حطي بدي لوشن غرقي جسمج فيه وحطي العطر اتحدى اي احد اذا الريحه راحت منج وتحصلينه في دبنهامز والمركز الفرنسيو جاشنمال

 

[ام ريماس خوخه]

اااااااااااااااااااالف مبروك يا الغاليه والبنات ماقصروا معاج بس حبيت ابارك لج

 

[گنت أحبگ]

البناات ماقصرووا

في بعد عطر سكسي ٢١٢ ايننن ويدووخ حده لووول

والله يوفقج

 

[Miss Chanel]

البنات ماقصرو
والف مبروك

 

[!الجادل الصعب!]

لاتبآلغين بالتعطر .. ترآ حآسه الشم عند الرجل حسآسه اذا كثرتي عطور..
او كآن مركز حبتين ترآ يدوخ .. بس مو يدوخ عآجبه لا .. بيعوره رآسه هع ..
لآتبآلغين بالزينه وخلي الامور تمشي طبيعيه >>> نحيسه

 

[عاشقه رويشد]

موفقه حبوبه

 

[قلبي سلومي]

مبرووووووووووووووووووك


البنات ماقصرو