آنــا والزمن طويـــل .. يا انا يا المتن .. حملة لا اكتئاب بعد اليوووووم

[غــلآ]

مرحــبـآآآآآآ


بدون مقدمات وطواله

انا وصل فيني الاكتئاب اني قمت احبط بنفسي لدرجه اليأس
بعد ماكنت شحلاتي وضعيفه واااي ياحلو جسمي كان يهبل

المهم بدايه المشكله كانت وقت الملجه .. من انفجار لي انفجار
وانا اسم الله علي جسمي قابل حيل حق المتن وقابل للضعف بس يعلق مرات ههههههههههههه يعني السالفه يبيلها صبر

المهم بدايه الانفجار بالملجه
تبعها العرس
وبعد العرس زاد الانفجار

والحين الاكتئاب ذابحني وانا اشوف ريلي محافظ على جسمه وانا انتفخ

قلت لآلآلآلآلآلآلآلآلآ لازم احط حد واوقف عند حدي
وابتديت رجيم من امس يوم الاثنين والحمدلله النفسيه حلوة ومو قاعده احس بيوع بما ان اغلب وقتي نايمه هههههههههههههههههههههههه ( بسبب الادويه طبعا )

المهم يوم السبت وزني كان 100 :eh_s(1): << هذا كان احساسي بالضبط
الحمدلله مثل ماقلت لكم وزني بسرعه ينزل اليوم 93 .. لاتستغربون لاني اعتبره هذا وزن زايد بسرعه يطيح من اخفف اكل لكن من اوصل 90 هني عاد المرحله الصعبه لان يعلق مايرضى ينزل عن ال90 الا بطلعه الروح .. بس انا قدها والزمن طويل ويا انا يا هالوزن ههههههههههههههههههههههه

ياربي اييني تفكير غريب يقولي حسافه تضعفين وتحملين <<< واثقه ماجنه السالفه بيد رب العالمين .. جان اعطي نفسي طراقين واقول حق نفسي عقلي _03BA:


المهم بدون طواله

انا باديه رجيم .. تابعوني وشجعوني وادعووووولي فعلا محتاجه انزل وزني اولا عشان ارجع ثقتي بنفسي وثانيا عشان صحتي قمت اتعب حتى بالتنفس
فديتني بعد ماكنت الرياضيه الاولى 24 ساعه مشي ورياضه صار مالي خلق امشي حتى :krkrkr: وكل ماشفت ويه ريلي قلت له كله منك :eh_s(4): ههههههههههههههههههههههههه


يلا تابعووووني خلونا نشجع بعض ليمتى متن وغمته واكتئاب خلونا نلبس ونستانس ونضحك ونغيض عذالنا _03BA:

 

[حبـ admant ـك]

يارب تنزلين بصحه وعافيه ويرزقج بالذريه الصالحه

 

[ام فجور 2008]

ان شاءالله تضعفين
انتي بتسوين تجمع ؟؟

 

[..ريف..]

انا امس بعد بديت رجيم شرايج نسوي تجمع حدي متحمسة هاااا شقلتي؟؟؟؟
وبعدين لاتقولين ليش اضعف بعدين احمل لانة اذا حملتي وانتي ضعية بعد الولادة سهل انج تضعفين مو تزيدين دبلااااااات اسالي مجرب وبعدين ياحلو الكرشة عل الضعيفة والله يرزقج فكري الحين بالرجيم وبس ابي اضعف مليييييييييييييييييييييييييييت

 

[..ريف..]

انا امس بعد بديت رجيم شرايج نسوي تجمع حدي متحمسة هاااا شقلتي؟؟؟؟
وبعدين لاتقولين ليش اضعف بعدين احمل لانة اذا حملتي وانتي ضعيفة بعد الولادة سهل انج تضعفين مو تزيدين دبلااااااات اسالي مجرب وبعدين ياحلو الكرشة على الضعيفة والله يرزقج فكري الحين بالرجيم وبس ابي اضعف مليييييييييييييييييييييييييييت

 

[ربيانه مخصره]

الله يوفقج حبيبتي و keep going
أنا معاج بديت من اسبوعين و كنت 86.7 صرت 82 D:
فتوكلي على الله و وداعا للأكل و ركزي على جسمج و شكلج..
و إن شاء الله ترجعين نفس أول

 

[el3yooN-elswahi]

انا نفس وزنج تقريبـا وابي اوصل نفس المراحل اللي حاطتهم بتوقيعج ..

بكون معاكم يوميـا ونشجع بعض ..

 

[كروعة]

قوه بنات انا معاكم لان بصراحة ملــــــــــــــــيت كل يوم اقول باجر اسوي رجيم لي متى حتى ثقتي بنفسي انعدمت ياااااي وزني كان مناسب بس انبطيت بعد الولادة صرت 75 انا طولي 150 كلللللللللللش السمنة ماتناسب طولي بديت رجيم صارلي اسبوع بس رجيم بوخرطي والحين لما اشوف تحمس بنات كويتيات تشجعت اني اصك حلجي ادري طولتها وهي قصيرة بس عندي سؤال شرايكم بحبوب سيبوترم15

 

[مزون203]

مرحبا بنات
انا داشه ادور تجمع يالله خلونا نشجع بعض كل يوم ااجل الرجيم مليت
انا فيني خمول بالغده ووزني ما ينزل بسرعه كان وزني 55 وبعد الغده وصل 87 وبعد كفاح ورجيم شهور طويله نزل 70 والحين صار 77 وابي احد يشجعني للرجيم لانه مالي خلق
انا بمشي ساعه باليوم مدري ما حددت رجيم للحين]

 

[مزون203]

كروعه
حبوب سيبوترم روعه انا نفعت معاي

 

[غريبة الغربه]

الله يوفقك يالغلا

 

[غــلآ]

هلا هلا هلا بالحلوين كللللللللللللللياااااتكن


فديتكم نسوي تجمع ليش مانسوي نشجع بعض عشان مانخربط مني والا مني

انا اللي مخليني اسد حلجي هاليومين ان كل ما اقبل علي المزيون شفت جسمه شحلاته فديته وانا جني فقمه :23_asmilies-com:

اقول بداخلي لآآآآآآآآآآآآآآآآآآآ والف لآآآآآآآآآآآآآآآآآآآآآآ للمتن

يلا بنات خلنا نحط ايدنا بايد بعض ونرجع ثقتنا اللي راحت

وحاليا قاعده اتبع نظام حكره البيت لمده اسبوع لاني اذا مسكت نفسسي اسبوع اكمل رجيمي حتى لو سنتين عادي
المهم مزاجياً مالي خلق شي بس ملتزمه بالرجيم


..

كل وحده بنات تدخل تملي هالبيانات عشان نعرف وين نبي نوصل :

الاسم :
العمر :
الطول :
الوزن الحالي:
الهدف الاول ( المفروض مايكون هدف بعيد عشان ماتحسسين نفسج باحباط خليه مثلا 10 كيلو اذا وزنج ينزل بسرعه و 5 كيلو اذا ينزل شوي شوي ) :
الهدف الثاني :
الهدف الثالث :
الرجيم المتبع :
الحاله النفسيه ( شي يديد صح ههههههههههه بس ترى اهم شي النفسيه .. وانا ابي اعرف نفسيه كل وحده فيكم عشان نعرف مواطن الضعف اللي تخلينا نلجأ للاكل ونحط حرتنا فيه ونعالجه بينا وبين بعض ) :​

 

[غــلآ]

الاسم : غــلآ
العمر : 24
الطول :169
الوزن الحالي: 93
الهدف الاول : 90
الهدف الثاني : 80
الهدف الثالث :70
الرجيم المتبع : نظام غذائي موجود بالمرفقات للي تبي تطل عليه ترى وايد حلو ومافيه حرمان وينزل باليوم كيلو
الحاله النفسيه : حالياً جداً تعبانه .. واحس نفسي ضعيفه ومكسوره حييييل مو من المتن بس من الدنيا .. وكل ما اتذكر ان اذا ضعفت بقهر عذالي وبتمخطر جدامهم بكل ثقه وجمال ونعومه اتشجع على الرجيم وما اخربه :eh_s(20): << نحيسه صح؟ :eh_s(22):​

 

[oum^zozo]

يالله انا وياكم بعد ابي انزل الأقل ١٠ كيلو

لاسم : oum zozo
العمر : ٢٢
الطول :١٦٢
الوزن الحالي: ٧٦
الهدف الاول : ٧٠
الهدف الثاني : ٦٥
الهدف الثالث :٦٠

 

[oum^zozo]

الرجيم المتبع رجيم بنت الكويت مال ربيعه

الحاله النفسيه ميه ميه نظرتي تفاؤليه
غصبن علي اضعف مو اب كيفي وراي ٣ عرووس لوول

 

[غــلآ]

ادمنت حبك فديتج يارب الله يسمع منج ويحقق لج اللي ببالج ياقلبي

,,,

ان شاءالله تضعفين
انتي بتسوين تجمع ؟؟

ام فجور حبيبة ألبي الله يسمع منج يارب
نسوي تجمع ليش لا ماكو اي مشكله

انا امس بعد بديت رجيم شرايج نسوي تجمع حدي متحمسة هاااا شقلتي؟؟؟؟
وبعدين لاتقولين ليش اضعف بعدين احمل لانة اذا حملتي وانتي ضعية بعد الولادة سهل انج تضعفين مو تزيدين دبلااااااات اسالي مجرب وبعدين ياحلو الكرشة عل الضعيفة والله يرزقج فكري الحين بالرجيم وبس ابي اضعف مليييييييييييييييييييييييييييت

ريــف

نسوي تجمع ونزيد الحماس مافي اي مانع حبيبتي .. ودام قلتي لي هالمعلومه هذا بحد ذاته دافع اني اضعف
ادعولي بالتوأم يابناااااات يارب الله يرزقتي بتوأم ويفرح قلبي وقلب زوجي يارب
ودام انج مليتي خلاص مسكي نفسج هالجم شهر لان اذا مامسكتي نفسج الحين بتظلين لي السنه اليايه وانتي كل اسبوع تقولين ابي اسوي رجيم ههههههههههههههههههههه نفسي انا .. اول ما ابتدا وزني يزيد قلت حق المزيون خلاص انا من باجر رجيم لاتخرب علي يقول حاضر وان شاء الله على امرج وامسك نفسي يومين واخرب بالثالث وظليت على هالحال 9 اشهر الحين لما اقوله ابي اسوي رجيم لاتخرب علي يضحك يقول انا ما اخرب عليج انتي تخربين على نفسج :23_asmilies-com:
هالمره انا ماسكه زمام الامور ومصره اعلمه اني اقدر امسك نفسي :j013:

الله يوفقج حبيبتي و keep going
أنا معاج بديت من اسبوعين و كنت 86.7 صرت 82 D:
فتوكلي على الله و وداعا للأكل و ركزي على جسمج و شكلج..
و إن شاء الله ترجعين نفس أول

الله يسمع منج يارب حبيبتي .. وانتي بعد يارب الله ينولج اللي ببالج وتوصلين للوزن اللي تبينه .. وواااايد حلو الوزن اللي نزلتيه في اسبوعين 4 كيلو .. يارب الحقج وانافسج هههههههههههههههه << ماراثون مو رجيم .. تصدقين قبل عرسي بشهرين كان وزني 86 ومن كثر ما اقول ابي اسوي رجيم عشان انزله واخرب الرجيم زاد وزني جنه اعلن الحرب علي وعاقبني بس هالمره انا واقفه له بالمرصاد

انا نفس وزنج تقريبـا وابي اوصل نفس المراحل اللي حاطتهم بتوقيعج ..

بكون معاكم يوميـا ونشجع بعض ..

العيون السواهي يابعد راسي والله ..
الله يعينا وننزل الوزن الزايد
جربي النظام اللي انا راح احطه وايد حلو وراح ينفعج .. طبعا انا مسويته من قبل وكان وزني 90 وصل وزني الى 83 باسبوعين وكانت اول مرة لي وزني يطب بالثمانينات :eh_s(22): بعدها نصحني الدكتور ادش نادي واشيل اثقال عشان شد الجسم وفعلا جسمي صار وااااااااااااااااااااااااو وثبت وزني على 83 وبعد ماتركت النادي ظل ينزل بروحه ليما وصل 77 ولا تشوفين عيون الناس شلون صارت علي الكل مستغرب شلون هذي اللي طول عمرها جنها فقمه صارت جذي منيكان ولما كنت اعطيهم الرجيم بكل حسن نيه تخيلي يقولون لي جذابه اكيد مسويه شي :nocommint: طبعا انا بكل برود اقول بالطقاق بتصدقون صدقوا مابتصدقون في ستين داهيه :sfg: هههههههههههههههه لانها عيون حساد مو عيون ناس مستانسه لي والا انا ياحلاتي وفديت اخلاقي بس في ناس لازم تقطينها عليهم بالويه جذي .. المهم مالج بالطويله يلا ويانا بالرجيم ولاتخربييييييييييين

قوة بنات انا معاكم لان بصراحة ملــــــــــــــــيت كل يوم اقول باجر اسوي رجيم لي متى حتى ثقتي بنفسي انعدمت ياااااي وزني كان مناسب بس انبطيت بعد الولادة صرت 75 انا طولي 150 كلللللللللللش السمنة ماتناسب طولي بديت رجيم صارلي اسبوع بس رجيم بوخرطي والحين لما اشوف تحمس بنات كويتيات تشجعت اني اصك حلجي ادري طولتها وهي قصيرة بس عندي سؤال شرايكم بحبوب سيبوترم15

كروعه ..
من اليوم ورايح لاتأجلين .. ويانا ابتدي .. لي متى واحنا نقول باجر نبتدي ونخرب وبعد مانخرب نشوف اجسامنا ونكتئب ونقول باجر بنبتدي وهم نخرب ؟؟ لي متى نهمل نفسنا ..؟ الرياييل بهالزمن يشوفون الملونه والمتعدله والاجسام واحنا اللي بالبيت شحوم ولحوم وكله تعبانين وكله دايخين وكله نبي ننام وكله مالنا خلق << طبعا هذا كله من المتن .. انا وصلت لدرجه حتى التنفس صار صعب عندي تخيلوا



يلا ويانا وبسج تأجيل ياحلاتج وانتي بعد اسبوعين تلبسين هدومج اللي قبل كنتي تكشخين فيهم وتتمخطرين جدام بو الشباب وبكل قوه عين تقولين له شفت اني للحين غزال والولاده والحمال مايأثرون فيني :eh_s(22): نظام جسمي لبناني مايتأثر هههههههههههههههههههههه هذا احلى رد تعطينه اياه لما يقولج الله ضعفانه :eh_s(22):


وبالنسبه عن الحبوب .. انا ما أأيد ولا نوع منهم كلش كلش كلش ماعدا الفيتامينات لان اصلا ماكو حبوب تضعف .. اكو حبوب تاثر على عصب من اعصابج او تقطع شهيتج عن نوع معين بس اكيد لها اثار جانبيه .. مثلي
سنه من السنين رحت حق دكتور يوم وصل وزني 108 << يعني مو اول مرة يطق وزني الـ 100 .. شفتوا وقدرت انزله لي 77 لازم تتعلمون الكفاح مني ههههههههههههه
المهم اكمل لج ووصف لي حبوب قاطعه للشهيه مع اني ماكنت اكل وايد لان هم حاشني اكتئاب
تدرين شنو سوت فيني الحبوب ؟؟
خلتني نســـــــــــآآآآيه لي يومج هذا وانا نسايه للعلم اني كنت رايحه له بـ 2007 متخيله؟؟

المهم ماعليج من الحبوب تركيهم وانتي على قولتج توج والده او صارلج فتره ويمكن ترضعين اعتقد تاثر على الحليب

مرحبا بنات
انا داشه ادور تجمع يالله خلونا نشجع بعض كل يوم ااجل الرجيم مليت
انا فيني خمول بالغده ووزني ما ينزل بسرعه كان وزني 55 وبعد الغده وصل 87 وبعد كفاح ورجيم شهور طويله نزل 70 والحين صار 77 وابي احد يشجعني للرجيم لانه مالي خلق
انا بمشي ساعه باليوم مدري ما حددت رجيم للحين]

مزوون يابعد كلي هلا وغلا فيج حبيبتي ..
حياج ويانا ,, ووسعوا الملعب وزين العذارا في وصول :sfg: انا سمعت ان خمول الغده يزيد الوزن وان معدل نزول الوزن قليل بس هم لاتخلين هالشي ايأسج .. تمسكي بالهدف وروحي .. اهي صحه واهو ضعف واذا احد قالج تسوين رجيم قولي لا دكتور التغذيه مالي مايخليني اكل اي شي عشان لا افقد رشاقتي هههههههههههههههه
جد بنات دايم حسسوا نفسكم انكم نفس الممثلين لكم نظام اكل معين لازم ماتخربونه عشان رشاقتكم ترى تنفع الطريقه هذي

يلا ويانا واخذي طله بلمرفقات شوفي رجيمي يمكن يعجبج

..

غريبه الغربه ويوفقج حبيبتي ويخليج وبيت مكه يوديج يارب
اسعدني مرورج​

 

[غــلآ]

يالله انا وياكم بعد ابي انزل الأقل ١٠ كيلو

لاسم : Oum zozo
العمر : ٢٢
الطول :١٦٢
الوزن الحالي: ٧٦
الهدف الاول : ٧٠
الهدف الثاني : ٦٥
الهدف الثالث :٦٠

هلا وغلا فيج حبيبتي ..

دام وراج 3 عروس راح اقولج معلومه وراح تلاحظين انها بتصير لج .. كل ماقرب وقت العرس شهيتج للاكل راح تنفتح وهذا طبعا بسبب شعور الفرح اللي انتي فيه ..
قاومييييييييييييييييييييييييييه بكل مافيج من قوه .. انا كل ما يكون عندنا عرس اقول بسوي رجيم وحياتج ايي موعد العرس ويخلص وانا ماشفت الرجيم هههههههههههههههههههههههههههههههههههههه

بس خلج على اهدافج وانسي العروس عشان تركزين على جسمج

 

[غــلآ]

الرجيم موجود في المرفقات ..

خلوني اتكلم عنه شوي

طبعا لما تشوفونه راح تلاحظون ان كل شي فيه .. عيش .. وتوست .. ولبنه .. وكل شي

اهو اساساً مو رجيم .. اهو نظام غذائي يعطي الجسم حاجته اليوميه فقط لا غير ..

طبعا احنا عندنا شي دايم نسويه لما نقول نبي نسوي رجيم على طول نركض حق الكوفي والفواكه والخضروات وننسى الكربوهيدرات والبروتينات ..
معلومه صغيره : لاتسووون رجيم قاااااسي ابدا ابدا تدرون ليش ؟؟ لان حزتها المعده ترسل للمخ رساله انها حالياً في وضع طوارئ ( مجاعه ) فالجسم يحتفظ بكل حبه منه بكل قوته .. لكن لما تعطين الجسم حصته اللي يحتاجها باليوم الواحد راح ينزل وزنج بكل سهوله لان راح يبتدي يحرق المخزون في هذه الحاله



طبعا انا اول مثال على هذا الرجيم مثل ماقلت لكم نزل وزني من 90 الى 77 في ظرف شهر حتى ماكملته لي اخر شي وقفت عند الاسبوع الرابع والاسبوع الخامس شوي اطبقه وشوي لا يعني اسوي اللي يعجبني واترك اللي مايعجبني ..


وحده من اهلي كانت تعاني من انقطاع الدوره عنها مع انها للحين بنت بسبب الوزن الزائد .. اول اسبوع استخدمت الرجيم هذا نزل وزنها 3 كيلو ونزلت عليها الدوره .. وايد فرحت يوم قالت لي ان الدوره نزلت عليها وهذا معناه ان جسمها انتظم


طبعا سوري على هالكلمه بس حق اللي عندهم امساك بسبب الرجيم .. ترى ماكو امساك راح تلاحظون ان البطن يمشي طبيعي جداً


جني وايد مدحت رجيمي؟؟؟ هههههههههههههههههههههههههه مو مدح بس اقول الصج

يلا هذا الرجيم بالمرفقات وان شاء الله يارب تستفيدون منه ​

 

[غــلآ]

بالنسبة ليومياتي ..

اول يوم .. التزمت فيه صح قمت الصبح سويت ريوق المزيون وشربت الماي مع العسل والليمون << ترى يقوي المناعه
وبعدها التوست مع اللبنه وعصير البرتقال << انا اخذ كي دي دي
وسويت شغل البيت عادي والساعه 9 اكلت الصمونتين لان حسيت بيوع وطبعا شربت شاي احمر وحطيت معاه شكر اسبلندا << هذا طبيب تغذيه قالي اخذه لان مافيه سعرات حراريه يعني جنج مو ماكله شي هههههه ويوم قرب يوصل قلت له اييب بدربه سلطه جكن سيزر من ماكدونالدز وتغديت كانت الساعه 3
نمت لي الساعه 9 بليل واكلت عشاي مثل ما اهو ونفس السالفه حق اليوم الثاني
الغدا اكلت 2 توست مع مرتديلا وجبن خالي الدسم .. وعصير برتقال .. والعشا سويت لي اومليت البيض مع طماط وزيتون والتوست اكلته بروحه

طبعا بتلاحظون انا وايد انام وهذا بسبب ادويتي اللي اول ما اخذها تنومني على طول ههههههههههههههههههههههه نوعا ما صايره خفاش
وتوني شربت كوفي مع شكر اسبلندا احس شبعني


يلا بانتظار اليوم الثالث​

 

[غــلآ]

بنات يمكن انا وايد اقرق بس قاعده احاول افيدكم قد ما اقدر ..

بقولكم شغله ممكن ترفع معنوياتكم وتحسسكم بالرضا من الداخل ..

بنات بهالمرحله دلعوا نفسكم .. ما اقول دلعوا نفسكم باللبس والتشري والاكل .. لالالالالالالا

كلموا نفسكم

شفتوا شلون انتوا لو بين ايدكم شي عزيز وتفقدونه ترى الجسم نفس الشي هم يحس باللي قاعد يفقده فيتشبث فيه بكل قوته

جربوا هالطريقه بنات

اذا شفتوا انكم تعبتوا من الرجيم

بينج وبين نفسج كلميها
قولي لها ماعليه انا ادري انج قاعده تخسرين شي تحبينه بس انتي تحبيني انا اكثر وهذي صحتي

لاني احبج يانفسي قاعده افقد الوزن

لاني ابيج واثقه قاعده افقد الوزن

ابيج بصحه قاعده اخسر

ساعديني بدل لا توقفين بويهي وتخلين معنويتي وارادتي ضعيفه

خلينا نرجع الجمال والرشاقه مع بعض مثل قبل




خلال دقيقتين بتشوفين ان معنويتج توصل فوووووووووووووووووووووووووووووووووووووووق

دايم وعلى طول كلموا نفسكم

ونهايه كل يوم شكريها

شكراً يانفسي ماخليتني اخرب اليوم نظامي وساعدتيني اني اتمسك بارادتي بقوه وحماس
اول ماينزل وزني راح اكافئج بيوم تسوق مثلا او عزيمه على مطعم تحبينه او طلعه حق مكان ترتاحين فيه ..




جربوا منتوا خسرانين

راح تحسون بالرضا


على فكره مو بس للرجيم .. حتى لما تتعبون نفسيا خاطبوا النفس ترى لها اثر كبير هالحركه


السر انج قاعده تصارحين نفسج بينج وبينها باللي تحسين فيه وبالتالي اهيا تعطيج دافع وقوه وثقه