شلونكم يااحلى بنات عسى يارب الكل يكون بخير ونعمه وموفقين ومتهنيين ان شاء الله
مثل ماهو واضح بالعنوان انا آنسه للحين للأسف D: دعواتكم لي بالزوج الصالح :eh_s(11):
المهم في واايد اسئله محيرتني بخصوص الزواج ومابعده و بصراحه هل شي صج بلاغة شف وفضول ولقافه مني بما اني للحين مومتزوجه بس نقول عسى ولعل يكون قريب(موتنسون تقولون ان شاء الله خخخخ :eh_s(1)
بس هم بعد بيساعد المقبلات عالزواج اكيد
يعني الموضوع بيكون مفيد ان شاء الله مو بس كلام:ggdw:وكتبته بهل قسم بالذات لان الاجابات بتكون من الحريم المتزوجات الله يهنيهم ويسعدهم يارب:eh_s(17):
والحين انيي حق المهم :eh_s(15):
الأسئله الي براسي تدور حول جم شغله وراح اسال الاسئله على بو اني عروس مقبله عالزواج بالعربي اتخيل واكثر اتفاءل خير واعيش الجو معاكم شوي :eh_s(22):
يلا نبدأ :eh_s(4):
1) شرط ان كل ماا تتزين المره حق ريلها يصير شي بينهم واذا ماتزينت وتكشخت ولبست وخبت عمرها مايصير شي؟؟؟؟؟
يعني الشيسمونه مقترن باللبس وقمصان النوم وهل سوالف؟؟؟؟؟
2) دائما اقرا واسمع البنات يقولون ان رياييلهم مرات يقولون انهم تعابه وهل امور بس هل ياترا البنت عادي تقول انها مالها خلق وتعبانه او مالها مزاج وهل امور ولا فشله ؟؟
واذا جاملته اكيد بيبين عليها صح ولا لأ ؟؟ المقزى من السؤال في رياييل يقدرون وعادي البنت تعتذر او لاا ؟؟
3) اذا كنت عايشه عند اهل ريلي عادي اني ماانزل عندهم ولا شرط وضروري اني انزل ؟؟
واذا كنت بطلع وريلي موموجود وكان لي باب منفصل شرط ابلغ اهله ولا ماله داعي ؟؟
انزين اذا نزلت عندهم وكان في ضيوف اقعد ولا ارد غرفتي اخاف يفهمونه تطفل مني او شي !!
واخر سؤال بالنسبه للحموله
اذا اشتهيت اطلب من المطعم مثلا برجر لازم اسال الكل اذا يبي ولا لأ ولا عادي اطلب حق نفسي وبس ومايكون عيب؟؟
4) فرضا اذا كان ريلي ( خلوني اتخيل شوي D: ) فيه طبع موحلو او حركه يسويها موحلوه مو شرط بالشيسمونه اقصد بالحركه اياً كانت عادي اقوله ولا احراج ؟؟ احس اني اكسر فيه او اجرحه شلون الوحده تتعامل بهل طريقه لان في ناس تتقبل وفي لأ خصوصا الرياييل
5) الكلام الحلوو والحركات الرومنسيه بحرها مو كبير لدرجة انهم مايخلصون فاذا قلت كل الي عندي وبعدين شسوي مع مرور الايام يخلص الكلام وتستهلك كل الحركات بتموت الرومنسيه وتصير العلاقه جامده ؟؟؟ شلون اتعامل مع هل شي عادي اكرر ولا بيمل ؟؟
6) في بعض البنات جريئات وفي البعض حيويات يعني موكلنا نفس نفس والسؤال المترتب على هل مقدمه ان في بنات متطلعات ويعرفون وايد اشياء مثلكم عارف جيل هل وقت نعرف كل شي تقريبا مو جهله فعادي البنت تكون متفتحه مع ريلها وتبين انها تعرف اشياء واايد بالحياة ولا تكون مفهيه وتسوي نفسها قطه مغمضه على قولتهم احسن ؟؟
ولو تصنعت بالفهاوه او بالعربي سوت روحها مااتعرف شي او مومار عليها الشي الي كلمها عنه ريلها او سواه او ايأً كان الموقف الي اهم فيه هل بيبين عليها ؟؟ ولو بين هل بفكر فيها تفكير شين ؟؟
انزين عادي تكون على طبيعتها مهما كانت ولا لااااازم نتصنع شوي؟؟
7) اذا احتجت فلوس وقلت له ابي وعطاني مبلغ قليل وانا الي ابيه اكثر عادي اقوله ابي اكثر ولاعيب ؟؟ خصوصا اول ايام الزواج
ولا لازم يكون عندي فلوس ومااطلب منه ؟؟
انزين اذا رحنا الجمعيه عادي اخذ الي ابيه ولا اخاف يقول هذي ملقوفه ومشفوحه موشايفه خير :/ :eh_s(16):
8) نرد حق الكلام الحلو مره ثانيه
بنات تخيلوا من اول الزواج اقوله كلام حلو وحركات وماادري شنوو واسويله ليالي حمره على قولتهم ماتتوقعون بيقول هذي جريئه وعوبه ؟؟
ولاعادي ؟؟
والحركات والليالي تنصحون باول ايام الزواج ولا عقب جم شهر ؟؟
لان اول ايام الزواج بحد ذاتها ليالي حلوه بتكون من غير اي اظافات لان بتكون العروس زينت هل ليله ولا شرايكم بليز خبرتكم
9) الدراريع القطنيه ملوت البيت الي نلبسهم عادي عليهم رسوم وحركات وهل سوالف عادي تلبسهم العروس ولا لازم اول اشهر على الاقل تتقيد بالحراير والستان والاشياء الكشخه ؟؟
10) لو بعد العرس خواته او حتى امه اسالوني على شي خاص بيني وبينه او حاولوا يعرفون اخبارنا عادي اقول لهم ولا اعتبر نقلت اسرار بيتي ؟؟ (بنات مو اسرار غرفة النوم لا اخبار البيت مثلا شنو شرينا شنو سوينا شلون يعاملني وهل سوالف تعرفون الحريم عندهم فضول مثل حلاتي )
ولو احد تجرأ وسألني عن اسرار غرفة النوم شنو الرد المناسب الي مايكون وقاحه خصوصا اذا امه مثلا اسالت ؟؟؟؟؟
11) رفيجتي تتبادل بقمصان النوم مع اختها هل تشوفون هل شي عادي؟؟؟
واذا وحده من خواته قالت لي ابي اشوف اغراضج باول ايام الزواج عادي اوريها ولا عيب؟؟
12) اخر واهم سؤال غرفة نومي اكيد انا الي بنظفها وارتبها بس الي محيرني الكفر كل شكثر ابدله ؟؟ انا حاليا وانا بنت كل اسبوعين اغيره :/ بالعرس مو المفروض اقل من اسبوعين ولا عادي ولا شلون !!
وسوري على الاطاله ومثل ماقلت لكم صج ان هل موضوع لقافه مني لكن هم بيساعد البنات المقبلات على الزواج وانا موطالبه غير خبرتكم ونصائحكم لان واايد بنات نفسي يكونون اكبر خواتهم او حتى ماعندهم خوات ولا في احد من البنات متزوج عندهم بالعايله يكون بجيلهم ويسالونه وجيل امهاتنا اكيد مونفس جيلنا يعني الام مهما يكون ماراح تكون خبرتها نفس الي يصير هل ايام ..
عموما الي حابه تجاوبني حياها الله وبيكون ان شاء الله بميزان حسناتها والي موحابه مشكوره وماتقصر وان شاء الله يوفق الجميع ويرزق كل بنيه يارب ويرزق كل ام الذريه الصالحه ويهدي كل الرياييل حق حريمهم ومايشوفون غيرهم ويهدي جميع البشر ويصلح حالهم ويرزقني ويرزق كل بنت الزوج الصالح ( مستعيله عالعرس خخخخ )
احم احم الستر زين وانا اختكم :krkrkr:
واعتذر مره ثانيه على اللقافه والاطاله والحين نقول الكيبورد لكم :eh_s(22):
