آنا مو جيده ،، ابي اصير جيده شلون

[اسمي غير]

قووه بنات شلونكم



بنات آنا احس نفسي طيبه وساذجه ومو جيده ماعرف اصير نفس هالناس ،، ماعرف اصير عوبه وارد الصاع صاعين

لا تقولون لي جذيه احسن ،، بنات آنا ماعرف آخذ حقي ،، ماعرف ارد بالمواقف ،، ابي اصير قويه وماخلي حقي

يابنات مجتمع الحريم مايرحم وذبحني ،، حرووني وبجوني وآنا ماني قادره اسوي شي ،،


لا تقولون قولي لنا الموقف ،، آنا طيبه وطيبتي اكرهها ابي اعرف ارد ابي اتكلم مثل ما انا ابي ما اخاف اجرح احد او اخاف افشل احد او اخاف من ردة فعل احد

ابي بدال ما اخاف ينخاف مني


ابي اتغير يابنات جد مليت من وضعي

مع زوجي مع اهل زوجي مع بنات الدوام ينوخذ حقي وانا ساكته واخاف اواجه الناس

ساعدوني بنات بليز


شلون اخلي شخصيتي قويه واصير جيده وعوبه

 

[Tulips]

رد : آنا مو جيده ،، ابي اصير جيده شلون

والله مادري بس اللي اعرفه انه مو بيوم ولا يومين بتتغيرين

علمي نفسج تاخذين حقج اول باول واذا احد ضايقج كلميه بحزتها مو تحطين بقلبج وتسكتين

وترا مو معناته اذا بتصيرين جيده يعني يصير لسانج شطوله ومبلتعه .. لا اخذي حقج على سنع و تكانه ولا تسحمين لاي احد يهزج او يخليج تفقدين اعصابج لانه حزتها ماراح تصيرين جيده بالعكس هبله

 

[اسمي غير]

شكرا لج تولبس

يعني اتمرن اني ارد على الواحد اذا كلمني بس شلون وانا ماعرف الموقف اللي بواجهه ؟

 

[Tulips]

رد : رد: آنا مو جيده ،، ابي اصير جيده شلون

شكرا لج تولبس

يعني اتمرن اني ارد على الواحد اذا كلمني بس شلون وانا ماعرف الموقف اللي بواجهه ؟

يا حبيبتي انتي شوفي

اهو مو على شنو الموقف اللي بيواجهج لانج ماتدرين شنو راح يصيرلج بالمستقبل

بس مثلا خنقول حمواتج وحده منهم قطت عليج كلمه وانتي سكتي .. ردي عليها بهدوء ليش يا فلانه عسى ماشر شنو شايفه مني عشان تقولين هالحجي

يعني خلج هدوووووء على كثر ماتقدرين عشان يكون الحق معاج طول الوقت وماينقلب ضدج اشكثر ناس معاها يكون معاها الحق بس يضيعونه باسلوبهم الغلط .. وتمسكي برايج انا ما اقول عاندي ولا تقتنعين براي الناس ولا ركبي راسج.. لا بس انتي اذا حاسه نفسج مظلومه و الناس مو فاهمتج صح دافعي عن نفسج وتكلمي لا تسكتين الكلام اللي بقلبج طلعيه بكل بساطه

فهمتيني حبيبتي

 

[اسمي غير]

ايه بس مرات يكون الحجي على هيئة نغزه وآنا ادري اني آنا المقصوده بالحجي ماعرف ارد

شلون اتعامل بهالموقف

 

[Tulips]

رد : رد: آنا مو جيده ،، ابي اصير جيده شلون

ايه بس مرات يكون الحجي على هيئة نغزه وآنا ادري اني آنا المقصوده بالحجي ماعرف ارد

شلون اتعامل بهالموقف

عادي ضحكي معاها واستعبطي بعد .. قوليلها منو هذي عفيه

لووووول

بتطفرينها صج _03ba:

 

[مزاجيه77]

رد : آنا مو جيده ،، ابي اصير جيده شلون

ايه عندنا وعندج خير اذا لقيتي الحل قولي لي

 

[قطووه حلووه]

رد : آنا مو جيده ،، ابي اصير جيده شلون

سهله وانتي عاارفه شنو المفرووض تسويين بس في شي دااخلي يمنعج كسري الحاجز هذااا مره بعدها تتعوديييييين جربي

انتي ماجربتي انتي تبين احد يووقف فوق رااسج يقوول اخذي حقج كل ماصارر لج موقف مثل هذا !! انتي صيري خير رقيب على نفسج لانه محد راح يحس بالموقف كثرج

يبيلهاااا جرءه بسييييييييييطه وتجرربه اولى بعدها تنعجبين بنفسج وتستمرين

 

[..NOoOo Limit..]

رد : آنا مو جيده ،، ابي اصير جيده شلون

ومنــــكم نستفـــيد << نفس الحاله

 

[نادره في وجودها]

شوفي يا قلبي ياللي تبين تصرين جيده بالعواابه لوووووول

قبل لا تروحين الدوام خلي احد يعطيج طراااااق من قلب او يهفج بأي شي قدامه وروحي الدوام وانتي معصبه وحطي حرتج بأي وحده قدامج

ولا تعصبين الا على الناس اللي باطين جبدج نفس وحده من جماعتنا تهاوشت اهي وزوجها وحطت الحرا فيني لووول وانا مطنشتها لاني ماخذتها على قد عقلها

انصحج نصيحه خليج طيبه وخليج مثل ما نتي لا تصرين عوبه ولا شي العوابه ما نفعت ناااااس اعرفهم كل يسبونهم ويدعون عليهم

وانتي بنظرهم جيده وطيبه غصبن عليهم وعلى اللي جابهم

واسمحيلي على التعليق

 

[m'3rOoOra]

انا نفسج وكل العايله يعرفوني طيوبه وانا كرهت طيبتي وكله اشيل بقلبي واسكت وهمن خالتي تفرق بيني وبين حريم عيالها لاني انا مو منهم وكل تقدرهم وانا لا وسالت زوجي من الحره اللي فيني قلت ليش امك جذي قال يمكن لانج صغيره قلت اي صغيره انا ام وعندي 3 يهال في حريم اخوانك اصغر مني وتقدرهم اكثر مني وتزفني عشان مااطلع اتمشي بدون ملفع عشان مايشوفوني عيالها اما الحريم 2 عادي بدون ملفع وقصير عادي ماادري ليش معاي x وانا مو مقصره معها حتي هدايا عطيتها وهمن الحريم يكرهوني هههههههاي والله العظيم ماادري ليش جني عظم ببلعومهم مايواطنوني والله ماسويت شي لهم انا انصدم من الحريم هذول امرهم غريب والله كله اشتكي عند امي تقولي طنشي هذي من الغيره
حياتي انتي بس اذا قطوا نغزه ضحكي وابتسمي سوي نفسي ماارد عليهم بجذي ينقهرون لاتعطينهم لاحق ولاباطل وعطيهم ع قد السؤال وبس

انا الحين اقول اهم شي عندي ريلي وعيالي وامي بس والباجي خلي يولون قبل كنت اهتم الحين لا بطقاق

 

[الفيروزيه]

الله يعين نفس الحاله بس انا اقول لان من الاهل حنا مماتعودنا عند اهلنا علا العواابه

 

[Pokerface]

رد : آنا مو جيده ،، ابي اصير جيده شلون

هلا فيج انا وياج صرنا ربع
هذا ما يدل الا على انج من بيت محترم و بنت متربية وقلبج ابيظ
بس الحين مو اي واحد تفتحيله قلبج
اسرارج ما تطلع الا حق نفسج ؟؟ والي يحاول انه يستهزء فيج وقفيه عند حده ولا تسكتين عن حقج مهما كان الي غلط عليج الا اهلج طبعاً هم الخير والبركة

 

[نهايتنا قبر و موت]

والله بالعكسس حلوو انة الانسان يكوون طيب ومتاسمح ويترفع انة يرد على بعض الناس اللي الله يهديهم بس نغزات وسوالف مالها داعي ...~

بس بعض المواقف لا تحتاج منج ردة فعل وانج توقفين الشخص اللي جدامج عند حدة ..~~

والله طوووفي بس مو بكل الامور طوفي بالامور التافهة والامور اللي تحسسينها تعدت احدودهاا لا ردي عليها وووقفيهااا عند حدها

 

[Tom ♥ Jerry]

.



مو حلوه صفه " العوبه " و العوبه ننقد عليها مآ نحبها : ) !
آنتي تبين تعرفين شلون تاخذين حقج
لا تقولين ابي اصير عوبه !

برايي مثل مآ قآلت اختي Tulips مآ تقدرين تتغيرين بيوم و لا يومين !
انا اقول هاذا على حسب تربيه آمج و ابوج
يعني اذا الآم دلعت عيالها و كل مآ بجت البنت رآحت خدت حقها
و مآ تخليها تعتمد على نفسها هني البنت تعتمد على آمهآ و تصير من غير آمهآ و لا شي !
و العكس صحيح :/ اذا الآم علمت بنتهآ من الروضه تاخذ حقها بآيدهآ
بدون تدخل من آحد جذي البنت رآح تصير شخصيتهآ قوية : )
آقري عن الشخصيات القوية شوي شوي خل يكون لج شخصيه عشان يخفون عنج الحريم بلاويهم !

 

[عيون القرناس]

رد : آنا مو جيده ،، ابي اصير جيده شلون

احلا شي مع هالاوادم الحقرااان

 

[كويتية فاصله]

طالعي مو حلوه الوحده تصير عوبه وكل كلمة إتقطها الله بيحاسبها عليه يقول الله " عن اليمين وعن الشمال قعيد مايلفظ من قول إلا لديه رقيب عتيد" على الأقل إنتي طيبه وحبوبه ربي بياخذ حقج ربي مايضيع عباده بس لاتصيرين عوبه ههه بالعكس ياحلاة طبعج على الأقل ربي يرفع مستواج في الآآخره مالج شغل طبعج يهبل بس لو على الأقل تاخذين حقج أحسن بس مالج شغل إلا بريلج وعيالج وأهلج

 

[Ray.Bana =$]

رد : رد: آنا مو جيده ،، ابي اصير جيده شلون

ايه بس مرات يكون الحجي على هيئة نغزه وآنا ادري اني آنا المقصوده بالحجي ماعرف ارد

شلون اتعامل بهالموقف

قطي بالوي قولي الكلام موجهـ لي ؟؟ اذا قالت ليش انتي مو واثقهـ بنفسج ؟ قولي اهيا مو على سالفة ثقة و ما ثقهـ سالفة ان السالفة واضحهـ وضوح الشمس !!!!!!!!!!!!

واذا كنتي قاعدة بمكان وسمعتي بنات قاعدين شوي بعيد عنج ومن النظرات والكلام عرفتي انهم يحشون فيج قولي ها تحشووون !!!!!!!!!!!!! @@ راح يتصرقعون واللهـ ويحسبولج الف حساب ومايتكلمون جدامج مرة ثانيهـ والاقوى من الكلام النظرات اذا احد غلط عليج ولا شي عطيهـ هذيج النظرة اللي تخليهـ يحتقر نفسهـ وامشي مني يخترع يقول ليش سكتت اكيد وراها شي وينقد على روحهـ

واذا بتصيرين جريئهـ وتعرفين تردين رافجيلج بنات جذي او بنت جذي لأن شخصيتج راح تصير نفس اللي ترافجينها بس ديري بالج في جرئهـ على قلة ادب هاذي وخري عنها الكل يحتقرها شوفي البنت الجريئهـ اللي الكل معجب بشخصيتها ورافجيها وحاولي تصيرين نفسها وقوليلها شخصيتج عاجبتني ودي اصير نفسج اكيد راح تستانس

 

[عتيبيه رزه]

رد : آنا مو جيده ،، ابي اصير جيده شلون

والله نفس الحاله

بس مرات ما اسكت آخذ حقي
وترى على الاهل اهم الي يخلون اعيالهم لهم شخصيه ولا لأ

انا عن نغسي من اهلي كله كاسرين شخصيتنا وكل شي لازم اتسوينه اجباري حتى لو انج ماتقدرين اتسوينه او مو مقتنعه
غصبن عنج اتسوينه
وابوي كان يطقني جدام الناس وانا صغيره
بس بالدوام رافجت لي 4 بنات ياخذون حقهم وزياده
بس وحده منهم كان اجرأ منهم

والحين بديت آخذ حقي بس مو دايما قليل جدا آخذ حقي

والله كريم ربي يفرججها علينا

 

[الأميرة جوري]

رد : آنا مو جيده ،، ابي اصير جيده شلون

هالشيء مكتسب من الاهل اذا الام عوبه وراعيه مشاكل بناتها نفسهم واذا هاديه ومتسامحه بناتها نفسها بس نادر يطلعون بنات شاذات انتى احسن شيء ردي باللي يريحج مو تردين بشي اساسا مو كلامج ,,,,وشلج بعوار الراس والمشاكل اصلا مايحر ويقهر الناس اللا الي تعطيهم طاف وتحقرهم