آنا ثقافتي انجلششششش @@@@@@

[شادن33]

السلام عليكم
شلووونكم

ما ادري ساعات اتييلي مواضيع على الطاير وانا في خضم الحياااااه

طبعا محد ينكر اهميه اللغه الانجليزيه فى الوقت الحالي

وتلاقين الام والابو مركزين على تعليم عيالهم في احسن المدارس الخاصه اللي تهتم بالانجليزي

عشان يطلعون بلبل فى الانجلششش

وهذا شي حلوووو بس ما ينسون لغتنا الحلوه الفريدة

انزييييين

طبعا كل مكان الحين تروحونه يحتاج هالرطينه ههههه

لازم تعرفين تتفاهمين مع اللي جدامج بهاللغه

كل مكان

مطعم

مستشفى

صالون

فنادق

كككككككل مكان

يعني لازم تعرفين تركبين جم جمله محترمه عشان اللي جدامج يفهم المطلووووب

ولا بتصيرين نفس انتصار الشراح.آي آي آي آي خخخخخ جمله مفيده ماااافي:krkrkr:

وانا ساعات أصير نفسها اسحب بنتي وراي أقولها كملي الجمله ههههه

الحين ابي رايكم

هل اصبح التحدث باللغه الانجليزيه ضرووووي جداً وحاجه ملحححه لتخليص اي معامله بشريه !!!

لان مانقدر نجبر هالاجانب المكودين في بلدنا للتحدث بالعربي !!!!

وواثق الخطى يمشي ملكااااا <<< شكووو

تحياتي
كل يوم تعالوا:ggdw:

 

[نهى الأحمد]

حبيبتي شدوونه

مواضيعج حلوووه ومن واقع الحياة
اسلوبج حلو ويوصل الفكرة للقلوب

تسلمين ياقلبي



اكيد حبيبتي شدونه اللغة الانجليزية مطلوبة في بعض الحالات الضرورية

في الاماكن اللي ذكرتيها تحتاج منا نتكلم باللغة الانجليزية

لكن اهم شي انه ما ننسى اللغة الأم لغتنا العربية


وبالفعل حبيبتي شدونه

اللي يسجلون عيالهم في مدارس قوية باللغة الانجليزية علشان يأسسونهم تاسيس قوية باللغة نفسها


يعني على سبيل المثال لو رحتي بلد اجنبي يحتاج منج تتكلمين انجليزي


مشكوره حبيبتي على موضوعج

 

[طْـهر]

صحيح والله
اللغه الانجليزيه جداً مهمه
أتكلم من ناحيتي ما ني فلته بالانجلش
وكل ما رحت مكان واتفشل ما اعرف أتكلم اقول اااه ١٢ سنه ولا أعرف أطلب اللي ابي
اخوي الصغير عمره ١٠ سنوات بسم الله يعرف لانه من يوم صغير أسسته أمي بمدرسه و بعدين طلعت بس اللي زاد فهمه للغه حبه للبلاستيشن
من كثر ما هو إدمان هاللعبه صار هو يترجم لاخوي الكبير ما شاء الله


بس أنا ماخذه وعد بس أخلص الجامعه بدش دورات تقويه


« أن ما طاعك الزمان ولا طعه »


لكِ ودي ❤

 

[MnoOoLy]

هل اصبح التحدث باللغه الانجليزيه ضرووووي جداً وحاجه ملحححه لتخليص اي معامله بشريه !!!


للأسسف هيه .. ضروري وااايد وااايد خصوصـآ الحين ..

الحين مب بس الاجنبي يبالج ترطنين وياه انجلش .. حتى الهنود اوقات ما يرمسون اللغة المكسرة يرمسون
انجللللش !! عاد هنود و انجلللش كارثة!!!


هذا غير الوظايف اللي ما تتعينين فيها الا بالايلز او التوفل او اي شهادة تفيد انج ممتازة بالانجلش ..


انا الحمدلله اقدر اقززر عمري .. و اوقات العايلة شادة الظهر فيني للترجمة خخخ
ارطن مب مشكلة بس اوقات احس روحي صمممخة يوم يرمسوني ما اعرف شو يقولون ف اقعد اخربط عليهم
و الي افهمه افهمه و اللي ما افهمه مب لازم ..


بس تدرين حلو لو نشجع الاجانب يرمسون بلغتنا .. بس ما ادري احس هالشي بعيد المنال !!​

 

[* ليــــدي *]

آآآكيد حيل مهمه هاللغه

 

[حديث الروح]

اللغة الانجليزية مهمة وضرورية لأننا لانتفاهم في الخارج إلا بها ولكني من النوع المتعصب للغة العربية وأنا في بلادي العربية واذا كان هناك بائع لايجيد التعامل بالعربية فهذه مشكلته وليست مشكلتي . ولماذا الخجل في بلادي اذا ماكنت ضعيفة باللغة الانجليزية .
الخجل يكون عندما لااعرف كيف أكون جملة مفيدة فصيحة اثناء حديثي فنصف الكلمة عربي وحين لاتسعفني الكلمات انطلق لاكملها باللغة الانجليزية
اولادنا استفادوا في المدارس الاجنبية للغة الأجنبية .
ولكنهم أصبحوا ضعافاً في لغة القرآن .. وفي سائر العلوم الدينية مالم يتول الوالدان هذه المسألة .

أنا لااشجع على التحدث في أي مكان داخل بلادنا العربية باللغة الانجليزية التي يمارسونها كدليل على الرقي

للأسف طالبات في الجامعة وحتى خريجات تزخر كتاباتهن بالأخطاء النحوية والاملائية .. ويفتقرن الى الإجادة في الحديث باللغة الفصحى

فلنترحم على العربية .. إذا استمر افتخارنا بالانجليزية .. فأين من ذلك كله هويتنا العربية ؟

 

[فرزاشيهـ]

اكيد مهمه الحين ماتروحين مكان الا لازم تكلمين لج جم كلمه انجليزي و اتوقع مافي شي

 

[رتبه دبلوماسيه]

وانتي الصاجه شدونه

لازم نعرف أنجلش ونأسس عيالنا عدل

لان اللغه عالميه وضروريه جدا

ذكرتيني ب بلبل االلي بريا وسكينه

لمن راحو لندن وقال آنا ممتاز بالانجلش
ولما صارت الصجيه علق على كلمه what what what what what :krkrkr:

 

[HoT P!nk]

الانجليزي اللغه الاولى حالياً بالعالم و العموم يعرفها و يتحدث فيها
بس مهم ان ما ننسى لغتنا << طالع من يتحچى
صج انا ما انكر اني ما احب اللغه العربيه ( بالمدرسه ) و احب الانجليزي اكثر بس لاااااازم نهتم بلغتنااا و نصير مثل اليابانيين الي لي الحين متمسكين بلغتهم و ما نسوها و مع انهم يعرفون انجليزي بس اللغه الرئيسيه باليابان اهيا اليابانيه و اكثر دوله متطوره بالعالم اهيا اليابان

 

[زهرة ووردة]

*,

اكيد مهمه هااللغه يعني صارت اكثر لغه شائعه بالعالم انا الحمد لله اذا رحت مكان اعرف اتكلم يعني مو بلبل بس اعرف جم كلمه وحتى اذا رحتي كافياهات مثل (( ستاربكس و سينابون وغيرها ))من الكافيهات تظطرين تتكلمين انجليزي الا اذ يالج واحد يتكلم عربي عاد ييلج الفرج ^_^
انا ابوي كلش ميح بالانجليزي ههههههه بس الحمد لله امي ماشا الله تتكلم انجليزي احسن مني:rerrerek: ^_^
هالانجليزي سيطر علينا =))

*,

 

[معي احلى]

كتبت رد ورجعت مسحت ..


خلاصة الموضوع .. الانجليزي مهم .. جدا


بس الذي مااحبه بصراحه .. من بعض الناس .. لما تكلميهم عربي وانتي عربيه .. ولماتجي تكلمك لازم تدخل انجليزي .. بالوسط .. اعرف بنات يرفعوا الضغط .. لااهي جابت جمله كامله انجليزي .. ولا جمله كامله عربي .. بس تستعرض الكلمات الذي حافظه لها .. ( قلبنا لبنانيين ) الانجليزي بالوسط .. انا تعبنا تو ماتش .. اليوم انا متنشنا على الاخر .. هذه على سبيل المثال لاا لحصر ..

 

[manoooram]

تعلم الانجليزية ضرورة مطلوبة كمحادثة وكتابة
لكن استخدامها فالوقت المناسب وبالمكان المناسب مو بكل وقت
بحيث ما أسفه لغتي الأساسية اللي هي العربية واتناساها وأبدلها بلغة ثانوية

 

[MayOumii~]

امبي جنج ابلتي العربي ♥
تقولنآ ليش مآ نجبر الأجآنب يتكلمون عربي ليش اهما الي بيدرتنا العربية وخلونآ نتلكم انجليزي !
ولمن بنية قالتلها بس ابلة اللغة الانجليزية اهيا اللغة العالمية
قالتلها كلمة اثرت فيني صج
قالتلها ( احنا الي خليناها عالمية )

صج لو تﻵحظون ليش الاجانب صارو بكثرة حيييل عندنا مع ان جو وطبيعتهم احلى وفرق كبير بين جونا وجوهم
حتى حيآتهم مو مجبورين يلتزمون بعاداتنا وتقاليدنا
فشلي خلاهم يدشون علينا جذي


كل هذا عشآن النعم الي الله سبحانه وتعالي خلاها عند العرب لكن للاسف صار استعمالنا لها خاطئ

كنآ نقدر نخلي اللغة العربية اهما الام واهيا العالمية لان كل الاجانب اهما الي محتاجين الي عندنا مو احنا محتاجين الي عندهم
الحمدلله الله منعم علينا ببعض الاراضي الخضرا مو محتاجين نروح امريكا ولا اوربا عشآن نشوفها بس اهما عندنا القليل من الثروآت الطبيعية وهالشي خلاهم يحتكون فينآ اكثر

لكن هالشي انقلب بشكل سلبي


بالنسبة لي مآنكر حبي للغة الانجليزية
وحبي لتعلمها وانا في تطور وتحسن ولله الحمد والشكر
اقدر اتفاهم ويا الاجانب واتعامل معاهم لأن اكتشفت شغلة
ان الاجانب ما يدققون عالحجي مثلنا p;
يعني عادي تعفسين القواعد فوق تحت بس المهم تقولين جملة مفهومة اهما جذي يسوون
عيل في احد يقول you was بدال you were !!
فعلا بعض الاجانب يقولونها جذي ! /:
واحنا خابين عمرنا ونخترع اذا نسينا s للجمع ونحس ان قلنا بدلية !

هذيل الاجانب نفسهم عادي عندهم يعفسون الدنيا لان اساسا لغتم مو ثابتة وفي تجدد وتغير مستمر عكس لغة القران العربية عمرها مآ تتغير ومهما حطيتي وعفستي مآراح تنفسهم الجملة الا اذا ركبتيها صح

اللغة الانجليزية تحتاج ممارسة فقط لا غير تحتآج تدريب وليس كلمآت وحفظ...
مثال عندج انتي مضطرة كل يوم تطلبين من مطعم اهني انتي مضطرة تعرفين الكلمآت المتعلقة بالاكل والطلب وغيره

لكن مو مضطرة تعرفين الكلمآت المختصة بقياس الملابس او اختيار الالوان ..

يعني السالفة سهالات ان شاء الله
بس الشي يبيله ممارسة واذا تبين اللغة تصير اقوى واقوى احتكي بالاجانب مع ان بتمر عليج فترات تشوفين كﻵم مو مفهوم لان مثل مآ عندنا ام3لة وحكم حتى اهما

لكن انا ضد وبشدة ترك الهوية العربية الاصيلة من اجل الاجانب
اصلا ساعات افكر ليش مآ يسوون جامعة تدرس باللغة العربية !!!! وليش مآ يفتحون هالنوعية من الجامعآت خارج الدول العربية وينشرونهآ مثل ما انتشرت الامريكية والبريطآنية والاسترالية عندنا !
انا الي اسوي قبل ما اتعامل مع اي اجنبي اشوفه يعرف عربي او لا .. اذا يعرف على طول كلمته عربي واذا لا بضطر اكلمه بالانجليزي


اتمنى في المستقبل تزدهر اللغة العربية وترجع نفس اول

 

[صدع القلب]

الانجليزية إهية لغة العصر
بالذات الحين عقب ما انفتحنا على العالم

وأكيد ما ننسى لغتنا العربية ، والكويت مثل اليابان و فرنسا وغيرهم الحمدالله اللغة الانجليزية فيها مو اجبارية لتسيير شؤون الحياة يعني عادي الواحد يدرس بالجامعة ويتخرج وياخذ ماجستير ودكتوراه بجامعة الكويت وحتى الجامعات العربية ويرجع يشتغل بدون لا يتكلم ولا كلمة انجليزي وهذي حقيقة وناس شفتهم بعيني

بس هذا ما ينفي ان اللغة الانجليزية مهمة كبرستيج وعنصر مساعد في التعرف على تكنولوجيا العالم والسفر وضمان مستوى متميز بالحياة ...

أجادة اللغات ثروة

 

[شادن33]

يعني بنات صج من غير هاللغه راح انضيع في تعاملاتنا وماراح نخلص شي منها

بس والله حاريني هالاجانب خلونا غصب نرضخ للتكلم بلغتهم حتى صار شي غريب لما وحده ماتعرف ترطن عليهم يطالعونها بنص عين


شااااكره للكل فديتكم

ما قدرت ارد علي كل وحده وهذى مو من عادتي بس لضيق الوقت

 

[PuPa^^SWeeT]

الرسول صلى الله عليه وسلم

امر بتعلم لغة اليهود عند الحاجة


واحنا بزمن الحاجة

لازم انتعلم اللغة علشان نفهم اللي حولنا


لكن اللي تتعلم بس علشان اتفلسف و تلوي حنجها


هذي لا تعليق

 

[بنوتهq8]

اللغه الانجليزيه مهمه اكييييد و خصوصا بالايام هاذي وحلووو انج تعرفينها لكن مو لدرجة انج تفتخرين انج تعرفينها وتهضمين حق لغة القران الغه العربيه لا يكووون معرفتج بالغه الانجليزيه سبب في نسيانج الغه العربيه *

 

[عسوله زوغه]

خوش موووضوع يا قلبي


اللغه الانجليزيه حييييييييييييييييل مهمه لكل شخص سواء في المدارس او برا المدرسه
عشان يقدر يتعامل مع اللي جداه واكيد مرح ننسى لغتنا الاسااسيه وهي اللغه العربيه بس لازم لكل شخص يكون عنده كذا لغه
عشان يقدر يتكلم

ويسلموووو