آمهآآآآآآآت ,,, طمنوني مين ولدها/بنتها مرضت بنفس هالحالة اسملة على عيالكم ,,,

[أأأحبه]

السلام امهات
كيف حالكم وشخبار العيال ان شاء الله كلكم تمام .!


بنات بليييز ردوآ على بجوآب يطمني
أمس كنت اشتغل في شقتي وارتبها على 12 الظهر رحت اجلس ولدي {{ سبع شهور }}
علشان ينام بدددري بالليل ومايطفشني ,,
لقيته مستفرغ ومطلع كل الى ببطنه ومطلعه وهو نايم والكمية كبيرة خفت عليه جلسته وسبحته
ولقيته ششوي دايخ ,,,
ومو على بعضه الموهيم رحت بشربة حليب بعد فتره بسيطة ونفس الشي الى شربه رجعه
الموهيم خليته متسطح على السرير وقام يكرم السامع وتبرز والى سواه سايل لدرجة انه ماي
دقيت على زوجي ووديناه الطبيب
قال نزلة معوية وعطاني دواء لترجيع ,, ودواء بلغم << لأنه كان عنده بلغم خفيف وكحه
وقالي اخفف الحليب له واعطية بكميات اقل من الى يشربها

رجعنا اللبيت ومااقدر اعطية شي كل ماشرب يطلع الى شربة ويبكي انه جوعان كسسر خاطري
وعلى هالحال لمن نام ,,, المغرب حسيته صحصح شويات عن العصرية والظهر
بس لساته يستفرغ ,,, بسسس على اخر اليل بدآ شششوي يتقبل الكمية القليلة
والى اعطية انا {{ زبادي مخفف بالماي --- وعصير تفاح -- وخففت له بيبي فود فواكة وخليته كانه عصير -- واعطيته شوي من ماي الرز المسلوق يقولون انه زين }} ,,
والحمد لله الى الان 10 ونص الصباح ماطلع شي من بطنه ,, وهو نايم الحين
آلى ابغى اعرفه اني سالة اكثر من صيدلي لأني كنت ادووور مغذي شراب لحالته بس قالوا مقطوع
واسالهم عن حالة ولدي ويقولون كثري سوايل والطبيب ماقالت لازم يتنوم
بس ماقالوا انو لازم يتنوم عند المستشفى !


انا الى ابي اسالكم وخصوصا الى مرت بنفس الحالة

هل لازم يظظظل بالمستشفى ! مع ان الدكتور والصيدلانين ماقالوا لي هالشي !
والى جربت هالشي وظلت تعتني فيه بالبيت هل اعتنائك جاب نتيجة ولا اظطريتي تودينه !
ووش سويتي علشان الاستفراغ يخف والاسهال يرجع طبيبعي !

يمكن تشوفون اسالتي عبيطة شوووي ,,, بس لأني بكرية وماعندي احد بمنطقتنا قريب اساله
ومتوهقه بعمري فايا ليت تفيدوني واكون شاكرة لكم






سسسوري على الكلام الكثير تحملووني :d

 

[شنو فيه !]

الله يطمن قلبج يارب شوفي حبيبتي دام الطفل يتحسن ماعليه خوف انشالله توقف الاستفراغ و بدأ يتقبل الأكل شوي شوي خلاص ماعليه خوف دام ماصار له اكثر من يوم اسهال وترجيع كثري سوائل وشربيه سفن اب عشان لايصير فيه جفاف والله يشافيه انشالله *

 

[.حــنــان.]

مثل ما قالج الدكتور دزله معويه و ان شالله يخف

 

[هيبة الطاووس]

النزلات المعويه دايم تصيب اليهال من البرد
ودام خف الترجيع الحمد لله دفي عدل وقت النوم

 

[3rosa]

انا صار لولدي مرتين مره تقريبا من عمر ابنك نوموه بالملاحظه لمن خلص المغذي وقتها كلن يوعان بس يبجي عطتني السستر شراب مغذي شربته وما كنت اعطيه حليب بس على المغذي يومين وتحسن حالته ومره لمن كان عمره سنه ونص صارت وياه ترجيع مو سنع الي يخوف كل خمس دقايق خف وديته الطبيب خاص نوموه جم ساعه بالملاحظه مع فحوصات قال نزله معويه همن شراب مغذي كان عندي من فتره اول مو منتهي وايديد عطيته على كلام الطبيب وجم دوا والحمد الله تحسن


دام ولدج تحسن الحمد الله واضبي واذا ما راضي يشرب حليب شربيه سفن اشوي خفيف و يمنعه من الجفاف مثل ما قالت لج اختي

اجر وعافيه ما يشوف شر


ا

 

[لقيت حبي]

سلامته هذا شئ طبيعي يصيب الاطفال ايام وتخف لانه فايروس ياخذ دورته ويروح بس عطيه ماي لا يصيبه جفاف وسلامته

 

[أأأحبه]

شنو فيه !
حنان
هيبة الطاووس
3arosa
لقيت حبي


تسلمولي ,,, عنوناتي انتم ,,
الحمد لله ولدي في تحس وانا جالسه اعطيه بكميات قليله السوايل
رجعت لطبيب وعطاني تحميله تغنيني عن المغذي
ومرررررة مررررة مشكورات على ردودكم واهتمامكم
الله لايحرمني منكم ^^

 

[3rosa]

حبيبتي العفو .. واهم شي تطمنتي عليه .. الله يخليلج ياه

 

[HaAaDoOol]

نفس حالة ولدي بالضبط وكنت اوديه الطبيب والطبيب يقول عادي بس نزله معويه واعطيه ادويه ويرجعه ورديت للطبيب ووالطبيب قال نفس الكلام وعاد انا قلت بسكت وبشوف بس الحين الحمدالله تعافى وتشافى

بس انتي لا تخافين​

 

[أشبـاهـ المطـر]

تطمني ما علي شر بيقعد يومين فيه خمول وينام
ضروري تغيرين ممياته ....
​