آللي رآحت آلخبر ترد علي بليييز ؟؟

[فتون7]

آلسلآم عليكم


شخبآركم كويتيآت آنشآلله آوكي


بصرآحه مآدري وين آحط هآلموضوع بس آنشآلله آلآقي آلآجآبه عندكم آلآ وهو آني نآويه آسآفر آلخبر بس موعآرفه عنهآ شي آبيكم تقولون لي شنو آحلى آلآمآكن فيهآ وآلمطآعم آلحلوه وغير جذي آي آلآسوآق آللي يروحون لهآ آلنآس وآلفنآدق وسمعت عنهآ آن في عندهم منتجع للسبآحه مسكر بس حق شخصين محد يشوفكم يآريت آللي تعرف آسمه تقولي وربي ودي آروح لهآ ويآريت تقولون بآلتفآصيل عن آلخبر وآكون شآكرتلكم من قلب ؟؟​

 

[الكشخة]

غريب مكان موضوعج
حطيه بقسم السفر احسن
عموما الخبر مافيها غير مول الراشد و مول الظهران

 

[*غلاااي*]

حبيتي تبين النصيحه لاتروحين لها
لان رافعين السعر مادري على شنو كل اللي عندهم مجمعين
والحلو الظهران بس الاسعار خياليه وين قاعدين وحتى الشقق الفندقيه
سعر ليلتها سعر ليله بفندق خمس نجوووم وين قاعدين وززززززززحمه حده
والمنتجع انا سمعت عنه بس مافيه داخل حمام السباحه اللي فيها حمام سباحه خاص
بالرياض بس مايصير تنامين فيها لازم تطلعين الساعه 2 الفجرر

 

[Snow angel]

لو تروحين الرياض احسن يا الغاليه

لان ما حبيت الشرقيه والنصيب جابني لها الى يومك هذا وانا ما اتقضى الا من الرياض تعودت عليها

 

[النهج الاسمى]

بالعكس حلوه حيل الشرقيه

انا دايم اروحلها وما أمل منها

الخبر احلى سوق فيها الراشد وشارع سويكت

ومطعم بحري السنبوك حلو

روحي الدمام بس ما اعرف الشاليهات

والسوق عندهم الواحه والمارينا والشاطئ مول وهم بعد عندج ابن خلدون واذكر نسكن بفندق مقابل ابن خلدون اسمه


مملكة سبأ حيل حلو بس نسيت بجم


وكل سوق فيه ألعاب وعندم شاليهات يمدحونها وعندج منتزه الهاف مول رهيييييييييييييييييييب




لاتتحسفين بروحة الخبر والله تستانسين متأكده

 

[عطورات شرقيه]

يوه يوه يوه يووه كل هالكلام عن الخبر ؟..
والله اني رحت اتأكد من العنوان ... ليه كل هالتحامل عليها ... الخبر ماهيب حلوه !!!
اجل وش الديار الحلوه ؟؟
الحين الخبر مصنفينها ثاني اجمل مدينه خليجيه وكل هالكلام تكتبونه عن الخبر ..
شوفي ياطويلة العمر ...
الخبر فيها مجمع الراشد ... ومجمع الظهران مول هذا يبي له يومين من كبره وعندك فؤاد سنتر والجمعه سنتر وعندك شارع السويكت طوييييييييييل ومليان شغلات عبايات وملافع اشياء غريبه عجيبه وكل محل احلى من الثاني والشارع فيه منه تفرعات كثيييييييير ...واذا تبون اقمشه وخامات عندنا الخبر مول مجمع كبير كله محلات اقمشه ارقى المحلات فاتحه فيه فروع لها صالح الرماح يجيب اقمشه ماركات اقمشة ملابس الماركات اللي تصير بالعروض يعني يعطيك القماش ومودسل الفستان اللي معروض بعرض الازياء ومخيط نفس القماش والعيسائي والجعدبي والبازار ووووو
ومحلات السهره اللي في البندريه بالخبر .. وعندك الكورنيش فيه محل اسمه باكو
ومجمع فينيسيا مول هذا فيه مثل شغلات الكويت يعني محلات محليه وطنيه او من تركيا وسوريا ومصر ولبنان فيه شغلات حلوه وملابس سهره

واذا تبين محلات اطفال فيه فؤاد سنتر قسم توي تاون محل العاب وفيه بالظهران مول محل كبيييير اسمه سباركيز مره حلو وعندهم عروض تجنن
هذا بالنسبه للخبر
الدمام عندهم شارع الحب مره كبير ومتفرع وفيه شغلات حلوووه لبس بيت وعبايات وذهب واقمشه
وقريب منه سوق الجمله كل العطور والمكياج والاكسسوارات والامشاط والتوك والبكلات وشناط المكياج وتجهيز المشاغل مثل محل نزيه معروف عندنا ...تلقينها بأسعار خيااااااااااال
وعندهم مجمع بن خلدون وفيه قسم للعب الاطفال وعندهم مارينا مول يشبه فينسيا مول لانه لنفس المالك عندهم شغلات حلوه
وفيه الشاطيء مول حلو مره
وفيه مجمع حياة بلازا بوسط الدمام ...عندنا مكتبات حلوه وضخمه مثل جرير والعبيكان
انتي بس حددي مطلوبك وش تبين من الشرقيه وانا ادلك بالتفصيل الممل
حياك الله اختي وبأي وقت ... ولاتسمعين كلام العذال _03BA: ... الخبر مافيه منها :68_asmilies-com:

انا الحين والله كاتبه على عجله بس ان شاء الله ااذا عرفت وش تبين جيت وكتبت على روااااااااااااق

 

[أحلى الجياكر]

الخبر حلوة تهبل ....روحى و أستانسى حبيبتى ..و الغلاء بكل ديرة ترا ..الدنيا شابة ضو

مثل ما قالوا البنات ما قصروا ..ما شاء الله ..كفوا ووفوا

 

[كلارنس]

انا رايحة الخبر كذا مرة
حلوة ونظيفة وهادية
وأهلها طيبين
وكلام عطور شرقية
كافي ووافي
ولايطوفج الظهران مول:tek::tek:

 

[doOody]

ماقصروا الخواات ... انا غرامي الراشد

اذا رحتي الخبر تقدرين تمرين البحرين .. البحرين مافيها شي غير السيف والعالي يعني روحي الصبح ورجعي بالليل .. بس عبره الجسر

 

[زنوبيا]

حبيبتي اذا تسألين عن الشاليهات

في شاليه بالدمام اسمه النادي البحري

احنا بصراحه ليلحين ما رحناله بس سمعنا عنه وشفنا صور له بالنت

وكل شاليه فيه مسبح خاص

http://www.sfari.com/forums/sfari10/travel26931/

وهذي صور الشاليه وان شاءالله اكون أفدتج

واحنا الصراحه ناويين ان شاءالله نروح لها الاسبوع الجاي

وسعر الشاليه 800 ريال

واذا تبين رقمهم للاستفسار

هذا رقمهم

0096638372222

 

[@ الحلوة @]

الخبر صج صغيرة بس حلوووووووووة لانها عاللللللللللللللللللللللللللللللللللبحر ( حبى وغرامى)

 

[أخت مشعل]

روووحي اقسم الله الخبر والدماام والجبيل رووووووووووووووووووووووووووووووووووعه


الراااشد يومين ارووح لها ارربع ساعات ومايمديني افرها كلها هههههههههههههههه

وفيه الظهراان وشارع السوويكت واسوواق ثانيه رهيبه ورووحي كورنيش الدمااام رووووووووووووووووووووووووووووعه


والله يهنيك ياااااارب

 

[أم منصـ 85 ـور]

وااااااااااي يالخبر غرامي والدمام أحب أشتري عبي منهم وناويه اروح ان شاء الله قريبا

 

[عطورات شرقيه]

ياحبي لك يااخت مشعل ,,,
انا اعشق الجبيل .........
فيها مناظر ترد الروح بس سوق للأسف مابعد فتح فيها محلات كثير
بس كورنيشها وبحرها خراااااااااافي
شيء شيء

 

[ام فارس]

ما قصرو البنات الله يعطيهم العافيه


حياك الله وتنورين الشرقيه

 

[زوزو كمنوزو]

حبيبتي انا توني جايه من الخبر والله روعه شويه عليها احنا رحنا حق الراشد والظهران وفنيسيا ومرينا مول وجمعه وفؤادبس ماعجبني حيل ورحت السويكت يونس والمطاعم رحنا السنبوك وبيت التنور والمطاعم الي على الكورنيش وسكنا في ابراج الكورنيش وسلامتج وسفراتي القديمه سكنا في مرسال و ملفا شقق فندقية بس روعة ؟

 

[زوزو كمنوزو]

وبعد نسيت حجزنا في منتجع الهوليدي أن كان روعه اليلة 1600 ريال اخذنا اربع ايام ؟اسفه علي الطواله :tomato2:

 

[hard candy]

اوكي جا دوري انا سعوديه ومن اهل الخبر
بس ودي ازيد على كلام البنات اذا تبين مطعم حلو روحي لسنبوك الجديد على البحر وحوله مجمع مطاعم
واذا تلبسين عباه لا يفوتك محل سيدتي الجميله في الراشد خيااااااااااااال
واذا عندك سؤال انا حاضره