آلشيرآتون آو موفنبك البدع ..؟

[آلزينْ مُلكيْ]

صيــآح آلوورد

بنــــآت آنآ توني مآلجــه ورحت مطآعم وآآيـد بس خآآطري آرووح فنـدق الشيراتوون آو موفنبيك البدع
فـ آللي مجربتـه تنصحي بشنوو
وشلون طريقته بوفيه مفتوح ولالا ..؟

والمطاعم تكون قعدتها هآديـه ورومآنسيه ..؟

وآللي عندها مطعم حلو من مطآعم الفنادق
تقول بس مآ يكون آكل لبنــآنـــي

ومشكورين مقدمــآ ,,،

 

[أم الغاااالية]

الشيرتوان حلوووووو


وموفنبيك ماجربته

 

[<< أزيان >>]

الشيراتون اذا قصدج مطعم الحمرا او الطربوش موحلوين

انا اذا قصدج الفوربوينت اللي تابع للشيراتون مطعمهم حلو

وفندق مارينا وااايد حلو

اذا تحبين الاكل الياباني الهوليدي ان اللي جبال شوبيز في مطعم ياباني اكله حلو وقعدته عجييييييييييبه ورومنسيه

وفي كباين كبيره بي مفتوحه تحسين نفسج جنج ملكه بس هذي لازم حجز

موفمبيك البدع ماجربته جربت اللي بالمنطقه الحره وماعجبني

 

[ReeM ^ Style]

موفنبينك البدع البوفيه مالهم روعه خيال شي موطبيعي انصحج فيه بس ماادري اذا في مجال تتغدين فيه او لا لان احنا كنا حاجزين فيه والاكل كان من ظمن سعر الغرفه

وبالعافيه مقدما

 

[SORAYA]

اممم اول شي الف مبروك الملجة حبيبتي ، ان شالله اتهنين مع سعيد الحظ،،

وبالنسبة للسؤالج عل وجه التحديد،
أعتقد موفنبيك اختيار أحسن بوايد، لان الشيراتون فيه الحمرا>> بوفية ومكانه اصغير محكر، واكله حليو بس موفنبيك احلى
والطربوش >>لبناني انتي ما تبينه وانا ماجربته
واكو بعد كوفي اسمه المقهى الانجليزي قعدته وااااو حدها كلاسيك وماكو يهالو و المصخرة اللي انشوفها بالكوفي شوبات، اذا لكم خاطر بقعدة حق سوالف وتشربون شي خفيف

أما موفنبيك// انا بصراحة رحت للي بالمنطقة الحرة، البدع مادري عنه
بس اأكلهم دايم حلو والبوفيه اختيارات الاكل فيه والاطباق اعجبتني، وقعدتهم بعد رومانسية اتطل على حوض سباحة وحديقة مالت الفندق لانها أرضية ، بس روحي له غدا احلى تدخل الشمس وتنور المكان وهم هادي مافي وايد عجقة هههه بس اكيد البدع نفس المستوى


بالهوليدي ان
فيه بخارى>> أحلى مطعم هندي ذقته بالكويت وقعدته فوق حيل منظرها حلو بس الطاولات متقاربه يعني مو ذاك الزود من ناحية الخصوصية وماعتقد فيه كباين ما شفت//
واكو مطعم صيني هم بعد احلى مطعم صيني رحت له بحياااتي كلها ههههههه وحيل واسع المطعم شرح وبرح وتستانسين على الجو الكل لابس صيني وميكبهم صيني اللي يشتغلون غير انه ديكوراته حلوه>> وتعاملهم حلو حيل ابوي كان موديني بعيد ميلادي لان احب الصيني وغنوا لي وجذي

مطاعم الهوليدي اكلهم لا يعلى عليه،حتى المطع اللبناني ابوي يمدحه


دبليو ماريوت//
بوفيه مطعم الفور سيزون حلو، اهو فوق وقعدته مو ذاك الزود اعجبتني، بس اكلهم حده حلو مرة رحت لهم برمضان كل الاكلات مضبوطة اميه بالاميه ماكو اكله ماتعجبج حتى الخسة تفتح النفس هههههه شفت الشيف اللي يسوي اكلات معينه فرنسي حده شكله نظييييف

واكو عندهم مطعم ياباني نسيت اسمه جنه ماكي او مادري شنوو اكو مثله بالمارينا كريسنت
هم ابوي عزمني بعيد ميلادي ، حلو اكله بس حيل غالي لان كل طبق فيه نتفة اكل لازم تطلبين وايد عشان تشبعين هههههه عاد هذي انا//مادري عنج


الراية//
ترا بوفيه الراية وايد وايد حلو وشرح والمكان رومانسي وهادي وايد احسه يصلح لمعاريس حبيت القعدة فيه موووت اكثر من الاكل
رحت له اذكر بمناسبة تخرجي من الثانوية العامة/ الاكل عيبه الوحيد شوي الاطباق اجنبية اكثرها مو مألوفه بالنسبة لي يعني مو كل شي كنت اشوفه بالبوفيه كنت اعرفه بس ابوي كان يختار لي ويقولي مثلا هذا اخذيه وحطي عليه من هالصوص أو حطي عليه هالجبن ويطلع واو
اتعرفين هالاكلات ما اتييب راسي، بس والله انصحج فيه كعروس يعني حده ذرب//

واكو مكان بعد وايد حلو حق معاريس،، مطعم سفينه البوم الهاشمي اللي براديسون ساس، جو المطعم عجيب تاكلين داخل السفينه وتقدرون تتمشون فوق السفينه بعد أو قبل العشا واااااااايد وناسة رحنا بعيد ميلاد اختي وصورناها تقدرون اتصورون للذكرى ومحد له شغل فيكم
واكله اغلبه ستيكات وربيان بس صراحة راقي و ماكو احلى منه بالكويت ك ستيك وبعد غالي وايد حسابنا طلع تقريبا 75 واحنا 4 بس
على فكرة ابوي يقول مطاعم راديسون الاغلى بين الفنادق بلكويت والعهدة على الراوي
وفي مطعم صيني اسمه الطاووس براديسون شكله روووووووووعة كشخة بس ماطبيته//

كراون بلازا//
عندج اللي حبيته المطعم الايراني اكلهم وايد لذيذ ومرة كان في معاريس بس شكلهم عيم ههههه
الباجي زحمة وكله عوايل ويهال // اللي اقصدهم النوخذه و مطعم البوفية والباجي ماجربتهم

 

[:: Diva ::]

عندج من احلى المطاعم الرومانسيه بالقعده و الفيو و الديكور
مطعم بلو الفنت

بهيلتون المنقف
تقدرين حتى تاخذين كابينه بس حجزي قبلها

واااااااااااي عشا ملجتي كان هناك
كابينه و ورد و شموع واااااااااااااي ذكرتيني باحلى ليله

 

[SORAYA]

الله ديفااا شوقتيني على هالمطعم
يارب اروح له مع سعييييد الحظ اذا شرف ههههههه

 

[كويتيه ذربه]

مطعم اليتسمو اللي يم الشيراتون ببرج النصار دور 32 حده عجيب تشوفين الكويت بس قبلي دقي وطلبي يسون لج جو
انا الصراحه عجبني بس اشوي غالي انا رحت له بعيد زواجي ويابولي كيكه طلع حسابنا 45

حاطين صوره وكل شي عنه موجود هني بالمنتدى

 

[آلزينْ مُلكيْ]

الموضوع مغبر لووووووول
يوم رحت وخلصت رديتو
عالعمووووم
يسلموووووووو بنااااااااات
وانشالله اجرب المطاعم اللي قلتو عنهاا

و حبيت اقوووووولكم
رحت الشيراتون مطعم الحمرآ واستانسناااا
وكآن الجو هاادي و يووونس
والبوفييه كآآن حلووو ..،

 

[ملكة الهدوؤوؤوء]

الله يوفقج

 

[المتفائله دائماً]

الله بوفقكم

 

[Twafeej]

انا انصحج بالشيراتون وخاصه مطعم الحمرا
اكلهم وايد حلوو بصراحه